الاعضاء الVIP
Al-Fattany Beauty Channel Vip حقق

$0.82

هذا الإسبوع
Ahmed Adel Vip Founder المستخدم أخفى الأرباح
محمود محمد Vip المستخدم أخفى الأرباح
Mohamed Mamdouh Vip حقق

$0.30

هذا الإسبوع
أكثر الأعضاء تحقيق للأرباح هذا الاسبوع
Mostafa Mohamed حقق

$21.05

هذا الإسبوع
Fox المستخدم أخفى الأرباح
ahmed hawary حقق

$7.25

هذا الإسبوع
Ahmed Adel Vip Founder المستخدم أخفى الأرباح
Youssef Shaaban المستخدم أخفى الأرباح
Hager Awaad حقق

$4.50

هذا الإسبوع
Ahmed حقق

$3.85

هذا الإسبوع
Mohamed Ahmed Sayed حقق

$2.94

هذا الإسبوع
osama hashem حقق

$2.76

هذا الإسبوع
Habibo311 حقق

$2.55

هذا الإسبوع
الحرب والجن والغموض الفصل الثاني من الجزء الثاني

الحرب والجن والغموض الفصل الثاني من الجزء الثاني

الحرب والجن والغموض الفصل الثاني من الجزء الثاني

اهلا و سهلا بكم في الحرب و الجن و الغموض الفصل الثاني من الجزء الثاني.

وقفنا لما كنا بنعمل استجواب لبهجت و فجأة
حارس ف اللاسلكي : يا مها فيه شخص موجود ع البوابة عايز يقابل مازن و كل القيادات اللي موجودين هنا.
خرجت انا و فرعون رحنا للبوابة و لاقيت اخر شخص ممكن اتوقعه و هو الشخص اللي كان ب يبعتلي فيديوهات ع اللاب و لابس قناع اسود ( الكلام دا موجود ف الجزء الاول بس انتوا شكلكوا نسيتوا بس انا ك كاتب مش بكتب حاجة من فراغ)
الشخص : اهلا ازايك يا مازن.
انا : دا على اساس اننا أصحاب ههه، انت مين و بتعمل ايه هنا و بعدين انت بقالك فترة مش بتبعت فيدوهات ع اللاب ليه زهقت مني صح.
فرعون : مين دا يا مازن.
انا : الرايق دا كان بيبعت فيديوهات ع اللاب بتاعتي كل فتره و كان ب يهددني ف الفيديوهات دي.
الشخص : دا حصل فعلا و علشان كدا انا جيت ليك بنفس القناع اللي كنت بظهر فيه ف الفيديوهات فكك بقي من حوار الفيديوهات و ركز معايا.
انا قاطعته : بص يا برنس يا ريت تتكلم بكل صراحة و بلاش لف و دوران انت هنا علشان بهجت صح.
الشخص : ايوه انا جاي اخد جثة بهجت.
انا : اولا بهجت مش ميت علشان تاخد جثته.
الشخص بيقاطعني : مش ميت طب ازاي لان المفروض اي حد من جماعة زيوس مكلف ب مهمة بيبقى معاه حباية ياخدها و يموت علشان مفيش تسريب للمعلومات يحصل.
فرعون : بهجت فعلا اخد الحباية لما بدأت الرغاوي اللي عملها السم تخنقه انا مسكت لسانه علشان يعرف يتنفس هو فعلا كان قريب جدا للموت بس لما الدكاتره شافوه عملوا اللازم علشان يعيش. و بعدين من كلامك كدا انت مش من جماعة زيوس ف انت مين بقا.
الشخص : مقدرش اقول اي حاجة الا لما اقابل كل القيادات اللي هنا.
انا : حلو اوي تعالي ورانا.
مشيت انا و فرعون و الشخص دا كان ماشي ورانا لحد م وصلنا ل مبنى القيادة و طلعنا لغرفة الاجتماعات.
انا : كل القيادات قدامك اهو إنجز بقى و قول انت مين.
الشخص : انا مش حد.
انا : دا اللي هو ازاي يعني.
الشخص : انا قصدي اني نكره و لا حاجة.
ابويا : طب لما نحب نناديك نقولك ايه.
الشخص : حورس.
فرعون : معلش ثانية واحدة حورس زي اللي موجود ف الحضارة المصرية.
الشخص : ايوه بس طبعا انا مش الإله حورس اللي كان بعبده الفراعنه.
اللواء سامح : اكيد طبعا لان الكلام دا كان من ٧ الاف سنه.
حورس : مع ان ٧ آلاف سنة دول ميجوش ربع عمري بس مش مشكلة المهم لما تحبوا تكلموني نادوني ب حورس.
طبعا احنا هنا كلنا واقفين بنبص لبعض و مش فاهمين اي حاجة.
انا : ثواني ازاي يعني ٧ آلاف سنه ميجوش نص عمرك.
حورس : انا قلت ميجوش ربع عمري مش نص عمري.
انا : يعني انت عايش من ٧ آلاف سنه مثلا و لا انت جاي تهظر و لا شارب حاجة و لا ايه ظروفك بالضبط بص احنا عايزين نفهم كل كلمة بتقولها.
فرعون : شكلك انت اللي شارب يا مازن لان مستحيل اي بشري يعيش العمر دا كله.
حورس و هو بيبتسم : انا عمري اكبر من كدا بكتير و بلاش اقول لحسن تخافوا.
مها : بقولكم ايه يا جماعة م تيجوا نطلب اي دكتور نفسي للشخص دا و نخلص.
حورس : هههه مش بقولكم متركزوش ف حكاية عمري دي.
انا : طب المفروض ان كل م الواحد يكبر ف السن بيضعف لكن انت اهو بكامل صحتك بص بقى من الاخر كدا انت لو مقولتش دلوقتي انت مين و ازاي عرفت توصل للمكان هنا احنا هنزعلك جامد.
حورس وهو ب يستهزأ : مش هتقدروا تعملوا حاجة.
اللواء عثمان : اهدوا شوية يا جماعة، بص يا حورس خش ف المفيد على طول.
اللواء عثمان و هو بيقول كدا شاور ل فرعون ب إشارة معينه قام فرعون ضارب حورس ب البوكس و لكن حورس صد ضربة فرعون رحت ماسك المسدس و ضربت طلقة جت ف نص دماغ حورس و لكن حصل كل حاجة غريبة ممكن تتخيلها ف حياتك وهي ان اطلقة دخلت ف نص دماغ حورس و بعدها طلعت من بقه تقريبا زي م يكون بيمضغها ساعتها الكل وقف على حيله و كله ضرب نار عليه لدرجة ان كل الأسلحة اللي معانا الخزنه بتاعتها فضيت و لاقينا حورس ماسك كل الطلقات ف ايده و متأثرش حتى بخدش و دا اللي خلانا كلنا واقفين مذهولين و مرعوبين ف نفس الوقت.
حورس : ممكن بقى تهدوا شوية و انا هفهمكم كل حاجة بدل م شكلكم عامل زي العصافير كدا.
انا : اي ده ازاي كل الطلق دا مأثرش فيك.
فرعون : اهدي يا مازن و ركز لأنك تقريبا دلوقتي الوحيد اللي ف الأوضة مش فاهم الكائن دا يبقى ايه.
ابويا بحزن : ممكن تسكتوا شوية يا جماعة علشان انا اعصابي سابت خالص.
انا : فرعون قصدك ايه بكلامك دا.
ابويا : مازن ممكن تطلع برا و ترجع القصر انت و مصلحي و عمر و علاء.
انا : عمر و علاء و مصلحي مش معانا هنا اصلا هما موجودين عند بهجت و بعدين انت ليه عايزني امشي من هنا هو ايه اللي بيحصل بالضبط.
حورس : مازن قدامك حاجة من اتنين يأما تمشي من هنا دلوقتي و تكمل حياتك عادي يأما حسام ابوك يشرحلك كل حاجة لما تبقوا لوحدكم لان اللي هيقولوا مينفعش اي حد هنا يسمعه غيرك.
انا : حلو الكلام دا بس ايه الحاجة اللي ابويا مخبيها و مينفعش يقولها دي.
حورس : ممكن اديك لمحة دلوقتي لو حابب بس لحد دلوقتي لسه قدامك تمشي و تكمل حياتك عادي.
انا : مش همشي من هنا غير لما اعرف فيه ايه.
حورس : كدا تمام بعد اذنكم يا جماعة كله يخرج ما عدا مازن و حسام الخديوي و فرعون.
اللواء عثمان : ليه احنا برضو عايزين نفهم ايه اللي بيحصل.
حورس : بص يا عثمان كدا كدا هتعرفوا كلكم انا جيت هنا ليه بس دلوقتي اللي مازن عايز يعرفه ملوش علاقة بالموضوع اللي جابني هنا فهمت يا عثمان.
اللواء عثمان : خلاص اتفضلوا دلوقتي يا جماعة لحد م الموضوع يخلص و بعد كدا هندخل تاني علشان نعرف حورس موجود هنا ليه.
اللواء عثمان و باقي الموجودين طلعوا من الأوضة و مبقاش غيري انا و حسام ابويا و فرعون.
انا : اطلع يا فرعون مستني ايه.
ابويا : مينفعش يطلع.
حورس : اصبر يا مازن علشان تفهم كل حاجة.
انا : طب انا عندي سؤال.
حورس : اسأل يا مازن.
انا : اولا انت مين و ازاي بتقول عمرك اكتر من ٧ آلاف سنه و كمان لما ضربنا عليك نار ازاي متأثرش بالرصاص.
حورس : بص يا مازن انا اسمي حورس ابن الملك شمهروش ملك المملكة العليا ف عالم الجن.
انا : اااااااه كدا بقى زي م مها قالت انت محتاج دكتور نفسي.
ابويا : يا مازن كل اللي قاله حورس صح.
فرعون : صح يا مازن لان انا اعرف حورس من زمن كبير جدا.
انا : ازاي يعني مش فاهم يعني هو بيقول انه من الجن و انت بتقول انك تعرفه من زمن كبير و دا معناه انك انت كمان من الجن.
فرعون : مش بالضبط، انا هجين، امي من البشر و ابويا من الجن.
انا : حلو الكلام دا بس ايه علاقة كل دا ب حياتي انا.
حورس : لأنك تبقى زي فرعون بالضبط بس.
انا بضحك جامد : ازاي بس و انا ابويا يبقى حسام و امي تبقى يارا و الاتنين من البشر عادي.
ابويا : لا كلامك مش كله صح لاني مش بخلف يا مازن.
انا : ازاي يعني اومال انت خلفتني ازاي.
حورس: حسام مش بيخلف فعلا.
انا : طب ازاي انا موجود لما هو مبيخلفش.
حسام : افهم يا مازن انا مينفعش اخلف.
فرعون : مسألتش نفسك يا مازن ازاي قدرت تخلص تدريب غيرك ممكن يقضي كام سنة علشان بس يخلص مرحلة من التدريب دا.
انا : كلامك صح انا كنت بسأل نفسي ازاي قدرت اعمل كل دا ف الوقت القصير دا.
حورس : هو مين اللي علمك الهاكينج يا مازن.
انا : اتعلمته لوحدي كنت بقرأ كتب و اطبق اللي اتعلمته.
حورس : طب مسألتش نفسك ازاي قدرت تخلص كل دا ف كام يوم لان مستحيل اي بشري يعمل كدا فهمت و لا لسه.
انا : طب لما حسام مش ابويا مين ابويا الحقيقي او الجن اللي يبقى ابويا.
حورس : ابوك يبقى ابويا يا مازن.
انا : يعني انا ابقى ابن الملك شمهروش يا فرعون.
فرعون : ايوه.
انا : يعني كدا انا ابقى اخوك الصغير يا حورس.
حورس : ايوه و اسمك الحقيقي يبقى ايزيس.
انا : لا ايزيس دا اسم الجماعة اللي اسستها علشان نحارب جماعة زيوس.
حورس : انا عارف حوار الجماعة بس انت اسمك الحقيقي ايزيس انا كنت موجود لما انت اتولدت و ابويا هو اللي قال عليك الاسم دا.
انا : طب امي تعرف الكلام دا كله و لا زي حالاتي كدا.
حسام : يا مازن ركز و اسمع كلامي للآخر.

فلاش باك على لسان حسام الخديوي.

حسام : دلوقتي هنعمل ايه يا يارا انا عايز اخلف عيل افرح بيه و يشيل اسمي و يملي عليا حياتي انا و انتي.
يارا : بص هو فيه موضوع بفكر فيه من فتره كدا و ممكن يبقى هو الحل.
حسام : حل ايه بس م احنا لفينا على كل الدكاتره و كله بقول ان مفيش حل غير بتدخل جراحي و كمان مش مضمون زي م فهمت من الدكاتره.
يارا : الحل الوحيد اللي بقالي فتره بفكر فيه هو اننا نروح ل شيخ لان ممكن يكون معمول لينا عمل أو حاجة زي كدا.
حسام ب غضب : يارا انا دايما بقول انك عاقلة بلاش تنزلي من نظري.
يارا : افهم يا حبيبي كل الحكاية اننا هنروح ل شيخ يمكن يكون في حاجة مش مضبوطة.
حسام : بصي يا يارا طالما انتي بتقولي كدا يبقى انتي حاسة ان فيه حاجة ف يا ريت تتكلمي ب صراحة.
ساعتها يارا طلعت حاجة ملفوفة لفة معينة و شكلها غريب
حسام : ايه دا يا يارا.
يارا : معرفش بس دا وحده زميلتي من ايام الجامعة جابتهولي لما كنا بنفرش الفيلا ( بيتنا) و قالتلي ان دا بيمنع الشر.
حسام خد الحاجه دى من يارا و قعد يحاول يفتحه لحد م لقى ورقة مكتوب عليها كلام مش مفهوم. و الكلام مكتوب بشكل غريب و فيه أشكال مرسومة زي المربع و المثلث و مكتوب جواها كلام غريب و لما حسام شاف كدا اتفزع و قال دا تقريبا مش بيمنع الشر دا عمل معمول لينا.
يارا : م علشان كدا بقول ليك لازم نروح ل شيخ علشان نعرف راسنا من رجلينا و نفهم ايه دا.
حسام : بصي انا هصور الورقة دي و هدور على ساحر من على الدارك ويب يمكن يقول ليا ايه دا.
حسام صور الورقة فعلا و قعد يدور و بيسأل ع الدارك ويب لحد م لقى ساحر ف بعتله الصور بتاعة الورقة و فعلا الساحر قال دا عمل معمول ليك لان اسمك موجود ف الورقة و اللي عمل حاجة زي دي ساحر قوي جدا بحكم اللي مكتوب ف الورقة.
حسام : الساحر بيقول ان دا عمل معمول ليا و كمان دا ساحر قوي اللي عمل العمل دا.
يارا : طب م تسئله على حل للموضوع دا.
حسام : م دا اللي بفكر فيه هكلمه يشوف حل للحوار دا.
حسام كلم الساحر ع الدراك ويب و الساحر قال ان فيه حد بيراقبهم و هو دا اللي جعل الساحر القوي يعمل العمل و هو أن مفيش حد يخلف من يارا و مينفعش نلغي تأثير العمل دا.
ف حسام سأل الساحر اللي ع الدارك ويب و قاله طب دلوقتي انا عايز اخلف و مش عارف ايه الحل. ف الساحر قاله يتجوز وحدة تانية، حسام رد و قال مينفعش لانه مش متخيل نفسه مع وحدة غير يارا لانه بيحبها جدا، ساعتها الساحر قاله ان فيه حل مضمون و كمان هيبقى الطفل قوي جدا و ذكي جدا.
حسام قال للساحر ايه هو الحل دا. الساحر قال انا ممكن احضر جن و يخليها تحامل منوو بعد كدا اصرف الجن دا.
حسام قال للساحر مستحيل الكلام دا.
الساحر : يا حسام متقلقش هو هيتحضر وهينصرف بس و الطفل اللي هيتولد هيبقى هجين من البشر و الجن و هيبقي قوي جدا دا انه هيبقى عبقري.
حسام راح ل يارا و قالها اللي الساحر قاله.
يارا : بص يا حسام انا و انت متجوزين بقالنا كام سنة و لحد دلوقتي مش عارفين نخلف ف انا موافقة ع الحل دا بس الجني دا ينصرف مش يفضل فى حياتنا.
حسام كلم الساحر
حسام. : انا موافق ع الحل دا بس هتعمل ازاي و انت مش البلد اللي انا عايش فيها اصلا.
الساحر : متقلقش انا اصلا عايش ف المغرب كمان يومين و هبقي عندك.
عدي يومين و الساحر وصل مصر و راح ع العنوان بتاع حسام و استقبله حسام و يارا و فعلا الساحر حضر الجني و عمل كام تعزيمة و طلسم و عدي يوم ف التاني لحد م حصل حاجة.
يارا : يا حسام امبارح و احنا نايمين حسيت ان فيه حد هنا مش عارفه ازاى او اى ده.
حسام : كدا يبقى العلامة بتاعت الساحر بوجود الجن لانى مكنتش فى البيت امبارح.
الساحر : كدا كله تمام أنا هرجع بلدي و انت يا حسام تحول المبلغ اللي اتفقنا عليه على حسابي.

عودة من الفلاش باك.

حسام : الساحر مشي و انا حولتله فلوسه ع البنك و امك حملت فيك و بعد تسع شهور انت اتولدت.
انا : طب كدا بقى عرفتم ازاي ان ابويا يبقى الملك شمهروش.
حسام : لان بعد مهو مشى فكرنا ان كدا الموضوع خلص و امك هتبقى حامل و خلاص بس لما جيت اقرب منها ف يوم الجن دا ازاني بشكل كبير و قعدت ف العناية كام يوم بسبب اللي هو عمله فيا، بعدها كلمت الساحر و هو قال انه ميعرفش حاجة عن الموضوع دا ف خليته يدور ف الحوار دا و بعدها رد عليا و قال ان الجن اللى حضره يبقى الملك شمهروش.
انا : طب ايه اللي خلاك تصدق كلام الساحر.
حورس : يا مازن انا لما لقيت ابويا بيختفي كل يوم من القصر دورت لحد م شفته فعلا و كمان انا و ابوك كنا موجودين يوم ولادتك.
انا : طب ايه اللي خلاك تعرفني كل دا دلوقتي.
حورس : دا هتعرفه لما اتكلم مع كل القيادات و بعدين ابوك عايز يشوفك.
انا : طب م كان يجي معاك.
حورس ب غضب : يجي فين يا مازن دا ملك من ملوك الجن دا 
لو جه هنا حضوره بس يدمر المكان.
انا : طب م انت موجود اهو و المكان سليم.
فرعون : حورس يبقى أمير مش ملك و كمان عمره حوالي عشرين ألف سنة يعني لسه صغير.
حورس : بص يا مازن احنا ك جن عكس البشر احنا كل م بنكبر قوتنا بتزيد.
انا : على كدا بقى عمر ابويا يبقى قد ايه.
فرعون : الملك شمهروش عمره حوالي ٤٠٠ الف سنة يا مازن و كمان دا أقوى واحد ف ملوك الجن و عنده قدرات مش عند معظم ملوك الجن.
انا : هو انت شوفته قبل كدا يا فرعون.
فرعون : طبعا شوفته لانه يبقى عمي.
انا : حلوتك يا رايق و انت عمرك كام سنة بقى علي كدا.
فرعون : الفين سنة.
انا: طب دلوقتي بقي انا عايز اعرف انا ايه بالضبط علشان انا حاسس ان انا مش انا.
حورس : م بلاش دلوقتي احسن خليها ف وقت تاني.
انا : هو ايه اللي ف وقت تاني.
حورس : انت لسه محتاج تعرف قدراتك ايه و قوتك ايه بالضبط و كمان انت لسه محستش ب شعور الجن لسه بدري عليك اصبر شوية.
انا : يعني اصبر قد ايه كدا.
حورس : يعني حوالي ٣٠٠ سنة بس.
انا : ايييه هما ٣٠٠ جنيه يا حورس. بص يا حورس هما كام يوم بس و تيجي تدربني.
حورس : خلاص خلاص يحرق ابو معرفتك يا زفت شبه بابا بالضبط انت واخد طبعه الحامي.
فرعون : بص يا مازن يا ابن عمي لازم تفهم انك علشان تنشط طبيعتك ك جن هتاخد وقت كبير جدا انا قعدت ٥٠٠ سنة لحد م قدرت اتعود علي طبيعتي ك جن.
حورس : بص يا مازن انت من ساعة م اتولدت لحد دلوقتي انت عايش بالجزء بتاع الطبيعة البشرية بس انت عندك جزء تاني و هو طبيعة الجن و دا هيبقي صعب بما انك هجين عكس الجن من أب جن و ام جن فهمت.
انا : تمام.
حسام : يا مازن متزعلش مني يا غالي انا حاولت على قد م اقدر اني اربيك زي ابني.
انا : انا مش زعلان و لا حاجة بس كان نفسي تصارحني بكل دا.
حورس : دلوقتي روح يا فرعون للكل القادة اللي هنا علشان يدخلوا و اعرفكم انا جيت هنا ليه.
بعد عشر دقايق كل القياديين اجتمعوا تاني ف الغرفة و بدأ حورس يتكلم.
حورس : بصوا يا جماعة من الاول كدا انا حورس ابن الملك شمهروش ملك المملكة العليا من ممالك الجن و دا تفسير ليه الرصاص مأثرش فيا.
اللواء عثمان : انا فعلا شكيت ف كدا بس انت عايز ايه.
حورس : دلوقتي انا عندي سؤال و هو انتم تعرفوا ايه عن جماعة زيوس.
مها : دي جماعة من الهاكرز بيحكموا الدارك ويب و كل الهكرز على مستوى العالم.
حورس : احب اقولكم ان كل اللي تعرفوه عن الجماعة دي غلط.
اللواء عثمان : ازاي مش فاهم قصدك يا ريت توضح.
حورس : كلامكم غلط لان جماعة زيوس بتخدم مملكة من ممالك الجن و هي مملكة الجن السفلي و دول بيحاولوا يسيطروا على عالم البشر عن طريق جماعة زيوس.
اللواء سامح : طب و ايه اللي يخلينا نصدقك.
حورس : ركز يا سامح مش جماعة زيوس برضو بتحاول تسيطر على المناصب المهمة ف الدول العظمي و كمان مملكة الجن السفلى عارفين ان عالم البشر معتمد ع التكنولوجيا بشكل كبير و دا سبب ان جماعة زيوس بيحاولوا يسيطروا على كل الهكرز الموجود ف العالم.
اللواء عثمان : طب لما مملكة الجن السفلي عارفين ان احنا معتمدين ع التكنولوجيا ليه مش بيحاولوا يسيطروا على المهندسين و الدكاترة و اي حد مساهم ف تطوير التكنولوجيا.
حورس : هما بيحاولوا يسيطروا ع الهكرز لأنهم عارفين ان دول هما النخبة و هما اذكي من المهندسين و الدكاترة فهمت.
انا : بس دا مش حقيقي لان فيه ناس كتير اذكي من هكرز كتير.
حورس : انا فاهم كل دا بس مملكة الجن السفلي معتقدين كدا و بيخططوا على اساس كدا.
اللواء عثمان : و المطلوب مننا ايه.
حورس : اننا هنتعاون معاكم علشان نقف قصادهم و ندمر خططهم الوسخة دي و دا لان المجلس الأعلى ل ممالك الجن طلب كدا و امر بكدا.
اللواء سامح : طب لما المجلس الأعلى بتاعكم طلب كدا ليه مملكة الجن السفلي مش بتلتزم بالاوامر.
حورس : لأنهم عبارة عن شياطين تسعي للخراب دا غير انهم مش من الممالك اللي تحت تحكم المجلس.
انا : و مين متولي قيادة المجلس دا.
حورس : ابونا يا مازن الملك شمهروش و دا بسبب انه أقوى ملوك الجن و كمان ملك المملكة العليا.
اول م كل اللي ف الغرفة سمعوا حورس انصدموا كلهم ما عدا حسام و فرعون.
اللواء عثمان : انت بتقول ايه يا حورس ازاي ابوك يبقى ابو مازن.
فرعون : م دا اللي حورس اتكلم فيه معانا يا فندم لما كنتوا برا الغرفة.
حورس : دلوقتي انا لازم امشي بس متقلقوش هرجع بعد كام يوم.
و فجأة اختفى حورس من قدامنا كلنا. و بعد شوية الصمت كان صاحب الموقف ف الغرفة لحد م مها اتكلمت.
مها : ايه الكلام اللي بيقولوا حورس دا يا مازن.
فرعون : مها مليكيش دعوة بحوار مازن ممكن نركز بقى ف المصيبة اللي حلت علينا فجأة دي.
اللواء عثمان : دي مش مصيبة دي كارثة ع الكوكب كله لازم سيادة الرئيس ياخد خبر بالموضوع دا علشان الدنيا تمشي صح.
عمار : عندك حق يا فندم دي حرب كاملة و هتستمر ل سنين طويلة.
فرعون : هههه سنين ايه يا عمار دي هتستمر ل قرون من الزمن لحد م طرف من الاتنين يكسب الحرب و ساعتها هيكون خسر اكتر م كسب.
حسام : يا مازن احنا لازم نجند اكبر عدد ممكن من الهكرز علشان نقدر نستعد للحرب دي كويس.
اللواء عثمان : م علشان كدا انا لازم اروح ل سيادة الرئيس علشان هطلب منه يجند شوية من خريجين كلية حسابات و احنا هنعلمهم الهاكينج و كدا يبقى عندنا عدد كويس نقدر نبدأ بيه الحرب دي لحد م نجند عدد اكبر و هكذا.
النقيب على : حيث كدا احضر عربيات الحراسة يا فندم.
اللواء عثمان : روح حضر عربيات الحراسة و حضر نفسك لان ممكن يكون معمول لينا كمين ف الطريق.
النقيب على : تمام يا فندم.
اللواء عثمان : كله يروح يشوف شغله.
الكل : تمام يا فندم.
خرجنا كلنا من غرفة الاجتماعات و انا رحت ع القصر طلعت دخلت اوضتي و ل اول مرة ف حياتي احس ب صداع ف دماغي بالوجع دا كله قعدت افكر و بكلم نفسي.
انا : ايييه للي انا فيه كل م احس ان الموضوع بقى صعب و حياتي بقت صعبة تظهر حاجة تقلبها اكتر مهي مقلوبة.
نفسي : ليه كل دا.
أنا : لان دلوقتي انا عندي أهل و كمان من الجن معرفش عنهم حاجة و لا هما يعرفوا عني حاجة.
نفسي : يا عم متقلقش هتقابلهم و هتتعرف عليهم و احتمال تعرفلك كام واحدة من الجن كمان دا انا سمعت ان هما لوز اللوز.
انا : هو انت كل تفكيرك ف البنات والزفت، فوق شوية بقا دا فيه ممكن دول تتمسح بسببها لو الحرب دي خرجت عن السيطرة ممكن تقلب حرب نووية بين دول البشر و ممكن تقلب حرب عظمى ف ممالك الجن يعني كدا ميت و كدا ميت و ف الاخر انا كان مالي و مال الكلام دا كله ما انا كنت حته عيل لا راح و لا جه ودا كله بسبب حسام الخديوي لاني كنت بحارب علشان اخد تاره لاني كنت مفكره ابويا اللي مات و ف الاخر يطلع عايش و كمان ابويا يبقى ملك من ملوك الجن حرق ابو الى جاب الكاتب اللي مبهدلنا معاه ف كل حته.
نفسي : كاتب مين دا.
انا : دا كاتب غلبان كحيان بيحاول يعمل حاجه.
نفسي : يا شيخ اتلهي قوم شوف اللي وراك دا انت طلع عندك اخ و كمان ف منصب أمير يعني ابو الروقان.
فوقت من اللي كنت فيه على صوت حسام.
حسام : مازن مازن يا مازن.
انا : نعم فيه ايه.
حسام : قوم كلم فرعون مستنيك تحت ف الدور التالت تحت الارض.
انا : تمام هقوم اهو.
خرجت من اوضتي و الشقة نزلت تحت ركبت الاسانسير للدور التالت لاقيت فرعون واقف مع حورس قربت منهم و سلمت عليهم.
انا : ايه يا حورس مش انت قولت انك هترجع بس بعد كام يوم.
حورس : انا مش مشيت اصلا انا كنت مستنيك مع فرعون لاني عايز اشوف انت وصلت ل ايه ف التدريبات اللي ادهالك فرعون.
انا : ممكن اسألك ف حاجة.
حورس : اسأل يا مازن.
انا : لما انا ابقى من الجن ليه لما انضرب عليا رصاص انا اتصبت و نزل مني ددمم.
حورس : لأنك لحد دلوقتي بستخدم طبيعتك ك بشري اما لو استخدمت طبيعتك ك جن الرصاص منكش هيأثر فيك بخدش حتى.
فرعون : امسك مسدسك يا مازن و اضرب عليا.
مسكت المسدس بتاعي و ضرب نار و فضيت الخزنة كلها على فرعون بس محلصش فيه اي حاجة.و كل الرصاص وقع ع الارض.
فرعون : شوفت بقى متأثرتش بالرصاص اهو.
حورس : بص يا مازن لما يجي الوقت هتيجي معايا نروح ل ابونا و هو بنفسه هيعلمك ازاي تستخدم طبيعتك ك جن.
انا : بس فيه حاجة.
حورس : ايه هيا،.
انا : و انا بضرب بالمسدس حسيت ان فرعون اتغير و بقى فيه كيان غيره موجود و دا برضو نفس الاحساس اللي حسيته لما ضربت عليك الرصاصة لما كنا ف غرفة الاجتماعات.
لما خلصت كلامي حسيت ان حورس اتفاجئ بكلامي. و فرعون ساعتها ابتسم.
فرعون مبتسم : ابن ابوك بصحيح.
انا : مش فاهم قصدك يا فرعون.
حورس : حاول يا مازن توصف شعورك اللي انت حسيت بيه.
انا : كل اللي انا حسيته ان فيه صهد و حرارة عالية جدا ظهرت فجأة و استمرت لحد م خلصت ضرب بالمسدس و بعد كدا اختفت خالص.
فرعون : مش قولتلك يا حورس بيتعلم بسرعة.
حورس : اه صحيح يا مازن فرعون قال ليا انك خاطب واحدة اسمها مي.
انا : اه كلامك صح و ناوي اتجوزها لاني بحبها جدا جدا.
حورس : مفيش الكلام دا و بعدين احنا ك ولاد الملك مينفعش نتجوز اي واحده كدا و السلام دا غير أن ابوك مش هيوافق.
انا : و هو ابونا يعرف ايه عني علشان يتدخل ف حاجة زي دي.
فرعون : هب هب حاسب يا مازن دا مهما كان ملك.
انا : يعني لو مش ملك كنت هتسكت يا فرعون.
فرعون : يا مازن افهم معنى أن واحد من الجن يبقى ملك دا معناه انه قوي جدا يا مازن دا انا شوفتها بعيني لما ابوك دمر جيش من مملكة الجن السفلي لوحده و بضربة واحدة.
انا : انت بتتكلم جد.
حورس : حصلت فعلا يا مازن ف بلاش تعاند يا ايزيس و اسمع الكلام و بعدين ابونا كان مرقبك لحظة ب لحظة من ساعة م اتولدت لحد دلوقتي.
انا : ازاي بقى.
حورس : كان فيه واحد من صحابك اللي كنت بتسهر معاهم بيراقبك بأوامر من ابونا و دلوقتي اللي بيراقبك هو فرعون و حتى ابونا كان بشوفك من وقت للتاني.
انا : طالما انت عارف عن اصحابي اللي كنت بسهر معاهم يبقى انت فعلا اخويا هههه.
انا : هو انت متجوز يا حورس.
حورس : ايوه متجوز من أميرة من مملكة الجن الشمالي و مخلف منها ٣ ولاد لما نروح عالم الجن هعرفك عليهم كلهم و هعرفك على امي.
فرعون : اوعي تنسى دلوقتي اني ابن عمك.
انا : يا عم اتنيل.
حورس : حيث كدا بقى استنى لما ابقى ارجع و ساعتها هتيجي معايا ل عالم الجن.
حورس اختفي و اتبقي انا و فرعون بس. ف قعدنا نتكلم و نهزر و بعد كدا قعدنا نتدرب.

عند حورس و الملك شمهروش.
ظهر حورس ف القصر بتاعهم اللي مقيم فيه كل العائلة الملكية. و ظهر قدام ابوه و كان موجود معاه الحاشية كلها من وزراء و مستشارين و علماء و غيرهم من رجال القصر.
الملك شمهروش : اتأخرت ليه يا امير حورس.
حورس : كما امر مولاي الملك قد أخبرت كل القيادات بكل م أردت أن تبلغهم به و قد وافقوا على التعاون معنا.
الملك شمهروش امر كل الموجودين بالانصراف ماعدا حورس.
الملك شمهروش : شوفت اخوك مازن و لا لسه.
حورس : شفته يا بابا و متقلقش صحته زي الفل و كمان انا قولتله ان بعد كام يوم هروح اجيبه علشان يشوف و يتعرف على باقي العيلة.
الملك شمهروش ب غضب و ساعتها المملكة كلها حست ب زلزال كبير : لا اوعي تجيبه دلوقتي لانه لسه ضعيف لازم الأول تخليه يستخدم طبيعته ك جن و يتعود عليها علشان يبان قوي قدام كل رجال القصر من الصغير لل الكبير فهمت.
حورس : فهمت يا بابا متقلقش، خلاص لما مازن يقدر يستخدم قدراته ك جن و يتعود عليها هجيبه هنا تمام و لا ايه.
الملك شمهروش : كدا تمام روح شوف باقي المهام بتاعتك.
حورس : قبل م امشي فيه حاجة انا مستغرب منها.
الملك شمهروش : ايه انطق و إنجز.
حورس : اولا مازن او ايزيس وارث منك كل شخصيتك و طبعك.
الملك شمهروش : كمل يا حورس.
حورس : ثانيا لما حاول يقتلني بالاسلحة البشرية بس لما متأثرتش لاقيته بيقول انه حس ب ان فيه حاجة اتغيرت فيا و حس ب صهد و حرارة شديدة.
الملك شمهروش : انت بتتكلم جد و لا ايه.
حورس : دا اللي حصل يا بابا هو فيه ايه انا مش فاهم حاجة.
الملك شمهروش : بص يا حورس مش فرعون يبقى هجين زي مازن.
حورس : ايوة ليه بتسأل.
الملك شمهروش : طب فرعون اخز قد ايه علشان يحس بالكيان.
حورس : حوالي ٣٠٠ سنة يا بابا.
الملك شمهروش : طب هو فرعون هجين بسبة قد ايه.
حورس : فرعون يملك ٤٠ ف المية من طبيعته ك طبيعة جن.
الملك شمهروش : مش فرعون برضو هو اسرع هجين قدر يحس بالكيان و خد ٣٠٠ سنه.
حورس : ايوه.
الملك شمهروش : هو قوة فرعون بالنسبة لقوتك ايه.
حورس : يعني ف التدريب مرة اكسبه و مرة يكسبني و كدا يعني ممكن نقول اني أقوى منه بحاجة بسيطة.
الملك شمهروش : طب تقول ايه بقى ف واحد قدر يحس بالكيان بعد كام دقيقة من مقابلتك ليه.
حورس : يبقى الشخص دا هيبقى قوي لأقصى درجة لما يستخدم طبيعته ك جن. بس دا كويس لأن مازن اخويا و انا بخاف عليه و هو اكيد لما يعرفنا اكتر هيخاف علينا و هيحبنا.

عندي ف الوحدة العسكرية.

خلصت تدريب مع فرعون و خدت بعضي و طلعت اوضتي اخدت غيار من الدولاب و دخلت الحمام استحميت و لبست و رحت على الصالة و كانت أمي و اختي قاعدين و معاهم حسام و بيتكلموا. دخلت سلمت عليهم و قعدت معاهم.
انا : لما انتي مخلفاني من ملك الجن مقلتيش ليه يا يارا.
يارا : ايه دا انت عرفت الكلام دا منين.
حسام : يا يارا النهاردة جه مرسال من الملك شمهروش و قال ل مازن على كل حاجة.
ميار : ليه م قولتيش ل مازن الكلام دا يا يارا.
يارا : اقوله ايه، انا لو كنت قلتله الكلام دا كان قتلني.
انا : و بعدين انتوا ازاي توافقه تعملوا حاجة زي دي سحر و جن و تقريبا كدا لسه فيه حاجات انتوا مخبينها و لكن من دلوقتي لو عرفت انكم خبيتوا عليا حاجة تاني هتزعلوا مني جامد اهو بسببكم انا عندي أهل معرفش عنهم حاجة دا غير اخويا الي متجوز و مخلف و معرفش حتى اسم مراته و لا حتى ولاده.
ميار : بس دول من الجن يا مازن انت ناوي تتعرف عليهم و لا ايه.
انا : انت بتقولي دول من الجن و انا هجين و منهم و برضو منكم يعني انا لازم اعرفهم واحد واحد و لا ايه يا حسام بيه.
حسام : خلاص يا مازن م كلنا بنغلط و بعدين احنا كان نفسنا يبقى معانا عيل نفرح بيه و فرحنا بيك يا مازن انت عارف احنا بنحبك قد ايه.
انا : يا ريتكم م حبتوني يا عم انا بسببك دخلت حرب و ف الاخر تطلع عايش و كمان مش ابويا الحقيقي دخلت نفسي ف حوارات و مواضيع قلبت حياتي كلها و دا كله بسبب واحد كنت مفكره ابويا و كمان ميت و كنت عايز اخد تاره و اجيب حقه، دلوقتي بقي الحوار اكبر بكتير من الاول دي طلعت حرب ملهاش نهاية.
حسام : يا مازن خلاص ممكن تقفل ع الموضوع دا.
سيبتهم و خرجت من القصر و قعدت امشي ف الوحدة و اشوف الحراس لو محتاجين حاجة بس مها كانت مراعياهم و مش ناقصهم حاجة. رحت ل بهجت اشوف الاستجواب وصل ل فين. وصلت و لاقيت فرعون بسيتجوب بهجت و مصلحي و علاء و عمر معاه.
انا : ايه يا جماعة وصلتوا ل ايه.
فرعون : ممكن يا مازن نطلع نقف برا انا و انت.
انا : ليه فيه حاجة.
مصلحي : اسمع كلامه يا مازن لان الموضوع كبير.
طلعت انا و فرعون برا
انا : إنجز و قول فيه ايه.
فرعون : تقدر تقولي مي خطيبتك فين دلوقتي.
انا : ف روسيا بتشتري شوية حاجات علشان الفرح و الجواز و كدا.
فرعون : طب انت كنت تعرف انها مسافره.
انا : لا مكنتش اعرف ابوها اللي قال ليا انها ف روسيا.
فرعون : كدا كلام بهجت صح.
انا : ايه هو اللي صح.
فرعون : بهجت و انا بستجوبه بيقول ان مي شغالة مع جماعة زيوس و كمان تبقى عضو رئيسي ف الجماعة.
انا : ايه هو فيه ايه هي ايه المصايب اللي نازلة على دماغي دي كل شوية ب مصيبة شكل.
فرعون : اهدي يا مازن علشان نعرف نفكر.
أنا : مفيش هدوء و لا زفت انا داخل ل. بهجت افهم منه.
دخلت الأوضة ل بهجت و عنيا بتطلع شرار و فرعون داخل ورايا و اول م وصلت ل بهجت رزعته كف خلاه يفوق.
انا : انطق يا زفت انت مين هما أعضاء الجماعة النجسة دي.
بهجت : هما خمسة واحد اسمه فيكتور و التاني زوكوف و التالت مايكل و الرابع يبقى العميد بتاع الكلية اللي انت فيها و الخامس تبقى الكلبه و اللي انت بتحبها خطيبتك مي.
انا : يا جماعة هو بيقول كل حاجة ليه دا محاولش حتى يسكت.
فرعون : لانه واخد حقنه فيه محلول يخليه يتكلم و يرد علي اي سؤال و كمان احنا معانا جهاز كشف الكدب يعني لو بيكدب هنعرف.
انا : انطق يا بن الكلب انت مقر الجماعة فين ف روسيا.
بهجت : معرفش.
انا : طب تعرف ايه غير اللي قولته.
بهجت هو دا كل انا اعرفه عنهم.
انا : يا فرعون عندك مانع الواد دا يموت.
فرعون : براحتك خالص اعمل اللي انت عايزه.
انا مسكت خنجر و رحت دابح بهجت و الدم طلع من رقبته و انا سيباه و رحت اغسل ايدي و الدم بدأ يترتش ف كل مكان. بعد م غسلت ايدي من الدم رحت ل فرعون لاني هطلب منه خدمة.
انا : يا فرعون انا عايز اتأكد من كلام بهجت دلوقتي حالا.
فرعون : ازاي يعني مش فاهم.
انا : حاول تستخدم قدرات الجن اللي عندك علشان تعرف مي فين و بتعمل ايه.
فرعون : لا مش هعرف اعمل كدا هنا.
انا : ي فرعون لو هتروح المريخ انا عايز اعرف دلوقتي مي فين ف روسيا.
فرعون : كدا تمام أنا هطلب من رجالتي ف عالم الجن يدوره عليها.
فرعون قام سابني و مشي و فجأة اختفى من قدامي.

عند فرعون و اللي معاه.

فرعون : اسمع انا عايز اعرف البنت البشرية دي فين ف روسيا قدامك دقيقة وحدة بس تكون عرفت هيا فين و بتعمل ايه.
الماثور ( و دا من اقوي الجن ف المملكة العليا و بيخدم فرعون)
الماثور : تحت امر مولاي الأمير.
الماثور فجأة اختفى من قدام فرعون و ظهر ف روسيا و بدأ يدور على مي و بعد دقيقة ظهر تاني قدام فرعون.
فرعون : قول التقرير.
الماثور : مولاي الأمير، مي موجود فعلا ف روسيا و هي دلوقتي بتركب الطيارة علشان ترجع مصر و كانت بتشتغل مع جماعة بشرية مسمية نفسها جماعة زيوس و هي من الأعضاء المهمين جدا ف الجماعة دي و كان فيه حاجة غريبة يا مولاي.
فرعون : انطق.
الماثور : و انا بدور علي مي لاقيت كام جني من المملكة السفلية بس مقدرتش اعرف هما بيعملوا ايه هناك مع الجماعة دي.
فرعون : كدا تمام امشي انت دلوقتي و روح شوف التكليف بتاعك.
اختفى الماثور و فرعون كمان اختفى و ظهر قدامي.
انا : ايه يا فرعون وصلت ل ايه.
فرعون زعلان و باصص ف الارض و حزين : الخادم اللي معايا راح فعلا ل روسيا و اكتشف ان مي من الأعضاء المهمين جدا ف جماعة زيوس و كمان عرف ان كان فيه جن من المملكة السفلية هناك بس مقدرش يعرف هما كانوا بيعملوا ايه.
انا : ازاي مقدرش يعرف.
فرعون : افهم يا مازن كل جن ليه قدرات و الخادم اللي معايا يبقى من الجن المحارب و قدرته هي انه يلاقي اي شخص احنا بندور عليه و بنبحث عنه.
انا :...........
فجأة لسه هرد على فرعون لاقيت نفسي مش عارف اتكلم و اعصابي سابت و قعدت ع الارض و مش عارف اتنفس كويس.و فرعون لما لاقاني كدا اتفزع.
فرعون متوتر : فيه ايه يا مازن مالك طب حاسس ب ايه يا ابن عمي.
فجأة المكان كله بقى يتهز زي م يكون فيه زلزال و شوية انا فقدت الوعي.
فرعون شال جسمي و راح القصر طلع الشقة و كان حسام و ميار و يارا قاعدين ف الصالة. و خبط ع الباب.
حسام : مين الي بيخبط.
فرعون من ورا الباب: انا فرعون افتح بسرعة.
حسام : قومي يا ميار انتي و يارا ادخلوا البسوا حاجة على دماغكم عقبال م افتح ل فرعون.
يارا و ميار كل واحدة دخلت اوضتها تلبس علشان فرعون و حسام راح فتح الباب. و لما شاف فرعون و هو شايلني و انا فاقد الوعي اتوتر و قال.
حسام : ايه دا يا فرعون هو ايه اللي حصل، انطق مازن جراله ايه.
فرعون : انت لسه هتتكلم نحط مازن ف اوضته الأول و افهمك كل حاجة.
حسام : تعالي ورايا بسرعة.
حسام راح ع الأوضة و وراه فرعون و هو شايلني و دخلوا الأوضة و فرعون حطني ع السرير و بدأ يعمل ليا تنفس صناعي لحد م رجعت اتنفس تاني و حسام كان واقف مفزوع و خايف و بعد شوية ميا و يارا دخلوا الأوضة و اتخضوا لما لاقوني فاقد الوعي. يارا اول م شافتني بدأت تعيط هي و ميار.
يارا و هي بتعيط : مازن قوم يا مازن هو ايه اللي حصل يا فرعون.
فرعون : اهدوا يا جماعة مفيش حاجة، كل الحكاية ان مازن فقد الوعي بعد م سمع خبر مش كويس.
ميار : خبر ايه اللي يخلي مازن يتعب اوي كدا.
فرعون : طب ممكن نطلع من الأوضة علشان مازن يستريح و هقولكم على كل حاجة.
حسام : طب يلا نقعد ف الصالة.
طلعوا من الأوضة بتاعتي و راحوا قعدوا ف الصالة مع بعض.
حسام : قول بقى يا فرعون فيه ايه.
فرعون : انا و مازن عرفنا ان خطيبته مي شغالة مع جماعة زيوس و كمان مي مهمة جدا للجماعة دي.
كل اللي قاعدين نزل عليهم صدمة و اندهاش كبير جدا.
ميار : ي نهار اسود دي مصيبة فعلا دا مازن ممكن يموت فيها لانه بيحبها جدا.
حسام : طب مازن هيبقى كويس و لا ايه اللي هيحصل بالضبط.
فرعون : مازن لما عرف كدا دبح بهجت و احتمال ياخد وقت كبير.
يارا : انا كنت مفكره ان فيه حاجة وقعت عليه بسبب الزلزال اللي حصل من شوية.
فرعون : سبب الزلزال دا يبقى مازن نفسه.
حسام : ازاي الكلام دا.
فرعون : ركز شوية يا حسام، مازن حصل معاه تسريب للقوة بتاعته ك جن و دا سبب الزلزال اللي حصل.
حسام : مش المفروض انه هياخد كام قرن او كام سنة علشان يعمل حاجة زي دي م حورس قال الكلام دا.
فرعون : كلام حورس صح بس كمية الصدمات النفسية اللي اتعرضلها مازن ف الفترة الأخيرة ساهمت بشكل كبير ف اللي حصل دا.
ميار : يا فرعون مازن هيبقى كويس و لا ايه اللي هيحصل.
فرعون : مقدرش اقول حاجة من غير م ابقى متأكد، انا لازم اروح ل حورس اخوه دلوقتي علشان اقدر افهم ايه اللي بيحصل.
حسام : طب مستني ايه فرعون روح ل حورس بسرعة علشان نقدر نفهم ايه للي بيحصل و نقدر نعرف مازن فيه ايه.
فرعون : طب انا همشي دلوقتي.
فرعون قام و خرج من الشقة و فجأة اختفى.

عند حورس ف عالم الجن ف المملكة العليا.

حورس : فيه ايه يا ماثور. كنت فين من كام دقيقة.
الماثور : مولاي الأمير، كنت ف مهمة ل مولاي الأمير فرعون.
حورس :تمام دلوقتي بقي انا عايز تاخد كام واحد من الخدم اللي معاك و تروح تراقب مملكة الجن السفلي و اوعي حد يحس بحاجة او هما يحسوا انهم متراقبين.
الماثور : تحت امرك يا مولاي.
اختفى الماثور من قدام حورس اخويا. و لكن ف الوقت دا ظهر فرعون و كان خايف جدا و متوتر. يتبع

التعليقات (1)
El_5dewy

2023-03-17 03:06:00

والله سيزر لو يعرف انت مين لينيكك
الرجاء تسجيل الدخول لتتمكن من التعليق
مقال بواسطة

مسابقة شهر رمضان 2024 منصة اموالي

  • المركز الاول سيربح

    30$+عضوية Vip لمدة شهر

  • المركز الثاني سيربح

    20$+عضوية Vip لمدة شهر

  • المركز الثالث سيربح

    10$+عضوية pro لمدة شهر

ستنتهي المسابقة خلال : أسبوع من الآن

الأشخاص الذين حصلوا على أكبر عدد من النقاط في المنافسة حتي الان

كريمة

عدد النقاط : 2041 نقطة

Al-Fattany Beauty Channel

عدد النقاط : 1290 نقطة

Mostafa Mohamed

عدد النقاط : 1089 نقطة

Mohamed Mamdouh

عدد النقاط : 948 نقطة

Faith

عدد النقاط : 917 نقطة

مقالات مشابة
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.