المدرس والطالبه...♡
طبعا دلوقتي مستغربين من الوصف صح
يعني اي حد يحب حبيبي ؟ اي الهزار ده ؟
هقولكم انا حكايتي بدأت لما بدأت اولى ثانوي و اتنقلت مدرسه جديده معناس جديده ومدرسين جديده
الاول احب اعرفكم بنفسي انا حبيبه عندي ١٧ سنه مستواها الدراسي كويس اوي يعني انا شاطره
بالنسبه لملامحي وشكلي وجسمي ف انا جميله وشكلي يلفت النظر يعني فيا حاجه تشدك ليا غير اسلوبي لأن اسلوبي لوحدو ممكن يشدك
مش هتعرف انا شخصيه غامضه ولا جريئه ولا اي ولا اي
بأختصار انا مش مفهومه و دي حاجه جاذبه الكل ليا .
"كان أول يوم مدرسه وكان جوايا مشاعر كتير متناقضه ،كنت فرحانه علشان مرحله جديده و برضو كنت زعلانه لأن صحابي مش معايا ف نفس المدرسه ومكنتش مستعده اكون صداقات تاني من الاول
كان يوم غريب مكنتش لاقيه حد شبهي كانو متجمعين كلهم مع بعض بيضحكوا ويهزرو ويقولو كلام انا مش فهماه كلام غريب كدا زي الشفره بينهم
حاولت اتخطي اليوم من غير ما اعيط
روحت البيت اخيرا وانا متلغبطه عاوزة امشي من المدرسه و عاوزة حاجه انا مش عارفه هيا اي
الايام بقت بتعدي ورا بعض وانا لسه ف المدرسه بس الي مهون عليا اني بروح الدروس مع صحابي بعد المدرسه
عدت الايام بسرعه لحد م جات الامتحانات و بقيت احضر المراجعات مع المدرسين والمواد الي مكنتش بحضر فيها دروس كنت بحضر مراجعتها مع اي مدرس اشوف اسمو ف جدول السنتر
وجات صحبتي قالتلي:
ها ياحبيبه هتحضري الأحياء مع انهي مدرس مستر محمد ولا مستر أمجد
مش عارفه بصراحه ياسمية انتي اي رأيك انا معرفش حد فيهم
انا رأيي اننا نحضر مع مستر محمد كلهم بيقولو عليه كويس تعالى نجربو
خلاص ماشي اقابلك بكره في حصتو بقى ياحبيبتي
وبعدين روحت البيت ذاكرت شويه و كلت و صليت فروضي ونمت
تاني يوم صحيت لبست اي حاجه قدامي مهتمتش بشكلي اوي لأي كنت تعبانه ومرهقه من الامتحانات و بعدين روحت السنتر و قابلت صحبتي ودخلنا القاعه مستنيين المستر ييجي
كان فيه طلاب كتير جدا و ده يدل علي ان المستر ده شاطر ف شرحو و دي حاجه طمنتني خصوصا اني مفتحتش الماده من اول الترم ومكنتش اعرف عنها حاجه
شويه ولقينا شاب دخل علينا كان شكلو يدي في العشرينات كدا انا افتكرتو مساعد المستر مجاش ف بالي انو ممكن يكون هو المستر!؟
لقيتو وقف قدامنا و بدأ يرحب بينا واتكلم معانا شويه وبعدين بدأ يشرح
لحظه؟! هو ده المستر؟؟ يعني انا صاحيه الساعه ١٠ الصبح ونازله من بيتي وانا تعبانه علشان اجي الاقي المستر اكبر مني ب ٥ سنين بس؟؟؟
مش مشكله مركزتش كتير وطيرت الكلام من دماغي وبدأت اركز في الحصه والشرح وحاولت افهم واعرف كل حاجه جات ازاى و اي الي حصل وكنت بسأل كتير لدرجه لفتت انتباهو ليا
بعديها الحصه خلصت والماستر طلب مننا نتصور كلنا ، مكنش عندي مانع غير أن شكلي كان تعبان بص صحبتي أصرت عليا قالت دي اخر حصه عاوزين ذكري نفتكرها بعدين ونفتكر قد اي كنا تعبانين ف اليوم ده
بصراحه اقتنعت و وافقت واتصورنا الصوره و مساعد المستر اخد ارقامنا علشان جروب الدفعه
بعدين ودعت صحبتي و رجعت بيتي وكالعاده نمت ريحت شويه و صحيت بليل اذاكر وكان مهون عليا ان دي اخر ماده خلاص والترم الاول يخلص
فضلت اذاكر لحد تاني يوم الامتحان و بصراحه كان فيه شويه اسأله مش فهماها ومش عارفه احل
وانا بطبيعتي بحب افهم كل حاجه بذاكرها ، وبعدين افتكرت الجروب ورقم المستر قولت هسألو فيها اي م انا محتاجه افهم و ده المستر بتاعي
مسكت تلفوني و بعتلو علي الواتس السؤال و هو رد علطول ومقصرش و قعد يشرحلي وبعدين حصل حاجه غريبه
قالي انا كنت لسه في سيرتك دلوقتي
في سيرتي ازاى كنت بتقول اي يعني
واستنيت الرد بكل فضول ولكن مردش ، استنيت تاني و مردش
بعدين كبرت دماغي قولت لازم اركز في المذاكره علشان الامتحان كمان كام ساعه
نزلت امتحاني وكان كويس وعدت علي خير الحمدلله
روحت البيت وانا مبسوطه جدا ، اخيرا هرتاح اخيرا هنام براحتي ومش هقوم بدري للدروس
كانت اجازة عشر ايام بس و يبدأ الترم التاني ، مش مشكله عشر ايام احسن من مفيش
حصل معايا مواقف كتير بيني وبين المستر ف الاجازة و بدأنا نتكلم مع بعض كتير ويتصل بيا و ارد ونسهر سوا
كأننا مرتبطين بالظبط
وعدت الايام والاجازة خلصت ورجعت للمدرسه و الدروس تاني
بقى عندي صحاب في المدرسه هما مش شبهي بس مش مشكله اي حاجه وخلاص
و رجعت للدروس مع صحابي القديمه والمدرسين بتوعي وقررت اني لازم احضر احياء لأني نويت ادخل علمي ولازم اركز علي مواد علمي
و روحت اول حصه ف الترم الجديد مع مستر محمد وكان مركز معايا جدا حتي صحبتى لاحظت ده هيا و اخوها
معلومه اخوها معانا من ابتدائي و ده توأمها و زي اخويا
المهم كنا في الحصه ف انا مسكت التلفون علشان اشوف الساعه كام لكن المستر استغل الفرصه دي و جيه اخد مني تلفوني قالي مفيش تلفون ف الحصه و ضحك ومشي
كملنا الحصه و جيه وقت اني امشي روحت علشان اخد تلفوني فضل يرخم و يهزر معايا ساعتها اخو صحبتي اضايق علشان كان عاوز يمشي و اختو كانت مستنياني ف راح قال للمستر هات التلفون علشان نمشي
المستر قال انت مالك هو تلفونك وانا معرفش
لا مش تلفوني بس احنا عاوزين نمشي
خلاص امشي انت واقف لي
انا حاولت انقذ الموقف ف قولت لوسمحت يامستر اديني تلفوني علشان امشي
اداني تلفوني و هو متعصب وعينو بتطلع نار
وبعدين روحت البيت لقيتو باعتلي زعلان منك جدا
قولتلو لى ، قالي خمس دقايق وكلميني فون متتأخريش
عدت الخمس دقايق واتصلت عليه
الو
الو ياحبيبه
مالك زعلان لي ممكن افهم
انتي مشوفتيش الي حصل النهارده
اي الي حصل
والله يعني انتي مش شايفه ان سيف اخو صحبتك متدخل فيكي
لا مش متدخل فيا هو بس كان عاوز يمشي
طب م يمشي هو واقف معاكي لي و لي يمشي معاكي اصلا هو مالو بيكي
كان مستنيني علشان اختو
لا ياحبيبه ده مش مبرر ، انا لو شوفتو بيتكلم معاكي او واقف معاكي تاني انا ههينو انتي فاهمه
حاضى
وخلصت المكالمه علي كدا و قفلت و قعدت اضحك ازاى هو غيران من عيل؟!
كان جوايا شعور حلو اوي كنت فرحانه جدت
عدت الايام واحنا بنتكلم وبعدين حصلت حاجات غريبه
محمد بدأ يبعد عني واحده واحده بدأ يتغير معايا ده مش محمد الي كنت بكلمو
وبعدين اكتشفت حاجه دمرتني
محمد بتاع بنات؟
يعني يكلم اي بنت حلوه كام يوم وبعدين يسيبها و يشوف واحده تانيه حلوه ويخرج معاها
المشكله ان البنات دول من طلابو مش من حته تانيه
حاولت اتقبل الصدمه واعدي الموضوع واشيلو من دماغي و اركز في دراستي و دروسي
كنت كل م ازعل افتكر كل الكلام الي اتقال عليه قدامي و قد اي هو إنسان وحش ومش كويس علشان اريح قلبي و قررت اني مش هتكلم معاه ابدا حتى في الحصه مش هتكلم ومش هسأل زي عادتي
لكن كل م يدخل يبعتلي مش عارفه ازاى كنت برد عليه عادي كنت بحسو بيكلمني بجد مش زي اي بنت من الي كلمهم
بس بعدين قررت افوق نفسي واستوعب ان ده مش شخص ينفع ليا
ده كدب عليا و لعب عليا و كان بيتسلي
ده الي كنت بحاول اقنع نفسي بيه
و في يوم جبت اخري و قررت اقولو علي الي انا حاسه بيه
محمد
نعم ياقلبي
انا اتشرفت جدا بيك ونصيحه مني خلي بالك من شغلك ومتتعاملش مع الطلاب بتلقائيه قدام حد
اي ده؟! انتي هتبعدي عني
وبعتلي كدا وانا مردتش و عملت بلوك وعدت فتره صغيره وبعدين قولت ده المستر بتاعي مش من حقي اعمل بلوك مهما حصل وفكيت البلوك
وبعدين لقيتو بعتلي علي طول
: مبقتيش بتردي ولا بتسألي
مسحت الواتس ومركزه ف مذاكرتي علشان الامتحانات وحصلت معايا كام مشكله
حصل اي
ماما عرفت اني كنت بكلمك و زعقتلي
طب وفيها اي ما انا لسه قايل لمامتك اني عاوزك خطيبتي رسمي
قولتلها اي
زي ما بقولك كدا انا اختارتك انتي تكوني زوجه ليا والفتره الي فاتت كانت اختبارات ليكي وانتي نجحتي
وفعلا كلم مامتي واخويا واتقدملي رسمي وعدت الايام عادي واحنا بنتكلم
وبعدين جيه كلمني قالي انا عاوزك ف موضوع
خير موضوع اي
انا كنت مستلف فلوس من وليه امر ل طالبه عندي و الست دي بتهددني اني اتجوز بنتها او هتحبسني
قولتلو وانت هتعمل اي قالي هتصل بيكي وهنعمل تمثيليه كأننا سبنا بعض انا وافقت و كملت معاه وعملنا التمثيل
بس بعديها بفتره الست دي مصدقتش و هو قالها انا بحب حبيبه و مش هاخد بنتك
راحت بلغت عنو
وانا دلوقتي بكلم الست دي و بقنعها بكل الطرق ان هو بيحب بنتها هيا ومش بيحبني و بقنع بنتها تحبو زي الاول
علشان امها تسحب البلاغ و هو ميتأذيش
بس للاسف مشاعري انا الي اتأذت…..♡
الجزء الأول تم بحمد الله
