قصص رعب حقيقية و جديدة
قصص رعب حقيقية و جديدة
قصص رعب حقيقية و جديدة على لسان اصحابها لا يفوتكم قصص مرعبة
قصة التاكسي قصة حقيقية
كل يوم بطلع اشتغل بالتاكسي …
بليل من الساعه 12 لحد الساعه 6 الصبح …
بعد كده اروح الشغل الثاني امن في شركة …
و بخلص شغل واروح انام كام ساعه …
عشان اطلع اشتغل بالتاكسي …
كل يوم علي كده الوضع في البلد سئ والحاجه غليه …
وانا عايز اوسع علي بيتي وجيب كل حاجه لعيالي …
وما خلي نفسهم في حاجه وعمل فلوس اشلها علي جنب لوقت عوزه …
مهم في يوم طلعت بالتاكسي زي ما بعمل كل يوم …
بس اليوم دا كانت الشوارع فاضيه وضلمه غير اي يوم عادي …
مفيش شغل خالص لحد ما زهقت من اللف …
و روحت عند اقرب واحد بيعمل شاي للسائقين علي الطريق …
وجبت منه كوباية شاي ورجعت للتاكسي وتحركت تاني …
يمكن الاقي حد يركب معايا لفيت كتير بردو مفيش حد …
سعتها كنت عند مقابر معروفه في الاسكندرية …
معلش مش هقدر اقول اسمها …
المهم شفت ست وقفه في الشارع تحت عمود نور …
قلت اكيد الست دي هتركب معايا …
ومشيت في طريقي لحد ما وصلت عند الست دي …
وفعلا لقيتها بتشاور ليا وقفت وسألتها رايحه فين …
فتحت الباب وركبت علي طول …
وقالت وديني زيزينيا عند المكان الفلاني …
استغربت من طريقتها بس انا ما صدقت …
الاقي حد يركب معايا مشيت من غير متكلم ولا كلمه …
وانا ماشي في طريقي عيني جت علي المرايا …
الست كانت قعده ومش بتعمل اي حركه ثبته في مكانها …
بصيت قدامي وكملت طريقي …
لحد ما وصلت عند العنوان اللي قالت عليه …
وقفت وست قالت انا هنزل اجيب لك الفلوس من فوق …
اتكلم وقلت تجيبي الفلوس من فوق فين …
انتي مش معاكي فلوس امال بتوقفيني ليه …
قلت ثواني هطلع اجيب لك الفلوس ونزل علي طول …
قلت انتي ساكنه في الدور الكام عشان انا عايز امشي …
قالت انا هطلع الدور الثالث ونزل بسرعه مش تقلق …
قلت طب ياريت مش تتأخري عشان حضرتك اول طلب اعمله …
انزلت الست من التاكسي ودخلت العماره …
وانا كنت مراقبها بعيني لحد ما دخلت من الباب …
قعدت شويه ولمه تأخرت نزلت من التاكسي …
ووقفت قصاد باب العماره لمه الست غابت اووي …
وعدت ساعه وانا واقف ومفيش حد بينزل من فوق …
قفلت التاكسي وطلعت العماره لحد ما وصلت الدور الثالث …
وخبط علي الباب لحظات وفتح الباب راجل كبير في السن …
وقال خير مين حضرتك وعايز اي …
قلت انا سائق التاكسي اللي وصلت ست اللي طلعت من شويه …
قال ست مين يابني اللي بتتكلم عليها …
قلت الست اللي طلعت هنا قالت لي انها هتطلع تجيب فلوس من الدور الثالث …
قال الراجل يابني انا عايش لوحدي ومافيش حد هنا …
حضرتك اكيد غلطان في العماره …
وكان لسه هيقفل الباب زقيت الباب وزعقت في الراجل …
وقلت انتو نصابين وعايزين تكلو الفلوس عليا ولا اي …
الراجل قال فلوس اي اللي هنصب عليك فيها …
انا بقول لك انا عايش لوحدي ومفيش غيري في البيت …
هوا فعلا الباب خبط من ساعه او كتر …
وفتحت مكنش في حد علي الباب خالص …
قلت ازاي ياعم الحج الكلام اللي انت بتقوله ده …
الراجل فتح الباب وقال ادخل شوف بنفسك لو مش مصدقني …
فعلا دخلت ابص في الشقه …
لكن اول ما دخلت شفت صوره متعلقه للست اللي ركبت معايا …
قلت هي دي الست اللي كانت ركبه معايا …
بص لي الراجل الكبير وضحك …
وقال دي اللي كانت ركبه معاك ازاي …
يابني دي ماتت من حوالي عشر سنين …
قلت ازاي انا بقولك كانت ركبه معايا ووصلتها لحد هنا …
الراجل قال البيت قدامك دور براحتك يمكن …
فعلا لفيت في البيت قلت يمكن مخبيها وبيعمل فيلم عليا …
بس مفيش حد خالص في البيت زي ما الراجل قال …
قالت طب هي مين دي يحج وماتت ازاي …
قال دي بنتي وماتت محروقه من عشر سنين زي ما قلت لك …
بصيت للراجل بذهول والخوف ضرب في جسمي …
طلعت اجري من البيت ونزلت جري فتحت التاكسي وركبت …
مشيت وانا مش مصدق ازاي ده حصل …
يعني انا كان راكب معايا عفريته ووصلتها لحد بيتها …
من سعتها وانا بطلت اشتغل بليل بالتاكسي تاني …
بقيت بخلص شغل في الشركه وطلع اشتغل ساعتين بالتاكسي …
بعد كده اروح وبارك الله فيما رزق …
☞ النهاية ☜
اتمنى القصة تكون عجبت حضراتكم
القصة حقيقية جدا على لسان صاحبها
