الحرب والجن والغموض الفصل الرابع من الجزء الثانى

الفصل الرابع من الجزء الثاني

اهلا و مرحبا بكم ف الحرب و الجن و الغموض الجزء الثاني الفصل الرابع.

جيرال : المفروض تكون حذر ف التعامل مع شخص زي دا لكن انت زي م قال فرعون، انت حرفيا مش متوقع.
حورس : و كمان بتتكلم معاه بدون تكليف.
الملك شمهروش : دي اول مرة اشوف جدي غايبان بيتكلم بالشكل دا و كمان بقي ليه صاحب.
انا : مش عارف انتوا مكبرين الموضوع ليه.
فجأة ظهر قدامنا شخص غريب جدا و اول مرة اشوف شخص زي دا ف المملكة العليا لانه مش شبه اي حد من الجن اللي شوفتهم ف المملكة العليا و دا لانه طالع من دماغه قرنين و جسمه واخد شكل الصخور اللي حواليها بركان حاجة كدا غريبة و مكنش عنده جناحات ظاهرة ولا حتى مختفية ( اي جن من المملكة العليا عنده أجنحة ممكن يظهرها او يخفيها براحته و دا لأن الجن من كل مملكة مختلفين عن بعض ف الهيئة و كمان ف الشكل و القدرات بس أقوى مملكة هي المملكة العليا و دا لان الجن اللي فيها من نسل الملك غايبان). و بعد م ظهر الشخص دا الملك شمهروش اتكلم.
الملك شمهروش : انت مين و بتعمل ايه هنا.
الشخص :.......
و فجأة ظهر شخص تاني جنبه و دا بقى كان شكله ابن كلب زيه، شكله زي شكل الشخص اللي ظهر ف الاول بس انا حسيت انه قوي جدا و كمان كان عنده اساور حوالين جسمه زي اي ملك من ملوك عالم الجن و كان لابس تاج و التاج دا من النار. ابويا اول م شافه استغرب.
الملك شمهروش باستغراب : اهلا بملك المملكة السفلية الملك داجير.
الملك داجير : ايه مستغرب ليه يا شمهروش.
حورس : اتكلم كويس انت قدام الملك شمهروش.
فرعون : ازاي تتكلم مع ملك المملكة العليا بدون تكليف شكلك اتجننت يا داجير.
الملك داجير : هههههه هو انتوا متعرفوش اني جاي اقتلكم و لا ايه.
الأمير جيرال : احنا كنا عارفين من جواسيسنا اللي ف المملكة السفلية بس اشمعني هتنفذ دلوقتي.
الملك داجير : لاني عايز اقضي على نسلك انت و اخوك شمهروش كله من غير م اسيب حد.
و فجأة ظهر ٨ جنود من المملكة السفلية و الملك داجير بدأ يهاجم هو و اللي معاه و الملكة هند هي و زوجة حورس و ولاده بعدوا عننا و اختفوا و فرعون بدأ يهاجم مع ابوه جيرال و انا وقفت اتفرج، الملك داجير بيضرب الملك شمهروش، الملك شمهروش صد الضربة و راح ضارب الملك داجير ف بطنه و بعدها الملك شمهروش عمل إشارات ف الهواء و ساعتها اتكون إعصار كبير جدا و الإعصار دا بدأ يهاجم الملك داجير و فعلا الملك داجير دخل جوا الإعصار و اترفع ل فوق و فجأة الملك شمهروش شاور ف الهواء راح الإعصار بكل قوته بدأ يجرح الملك داجير لدرجة انه تقريبا اتصاب ف كل حته و لكن بعد م الإعصار خلص كل جروح الملك داجير اختفت تماما ولا كأنه حصله اي حاجة و فرعون و حورس و جيرال بيهاجموا الجنود اللي كانوا موجودين مع الملك داجير و واحد من الجنود دول ضرب حورس ب كورة من النار و حورس اترمي جامد ف الهواء و اتهبد جامد و بعدها قام و راح عامل كورة كبيرة جدا من النار لأنها اصلا من قدراته و بدأ يوجهها بسرعة ناحية الجندي دا و لما النار خبطت فيه اتبخر تماما و فرعون كان بيصد اي ضربة تجيله من الجنود لحد م جيرال عمل رمح كبير جدا من السحاب و رماه و الرمح بدأ يخترق أجسام كل الجنود الموجودين لحد م قتل كل الجنود، و بعدها حصل حاجة غريبة و هي أن فرعون و حورس و جيرال وقفوا زي ما انا وقفت و بدؤا يتفرجوا على قتال الملك شمهروش و الملك داجير و انا استغربت جدا و رحت ليهم.
انا : ايه واقفين كدا ليه مش المفروض تساعدوا ابويا.
جيرال : مستحيل.
حورس بغضب : يا زفت، لما يبقى فيه معركة ما بين ملك و التاني مينفعش حد يتدخل والا هيموت فورا، فهمت.
و احنا بنتكلم كان الملك داجير بيحاول بضرب الملك شمهروش بأي طريقة بس الملك شمهروش فجأة بعد عن الملك داجير و رفع ايده الاتنين و نزلها و فجأة حصل نزلت صاعقة من البرق ع الملك داجير و الملك داجير اتصاب جامد بسبب قوة الضربة دي و بعد شوية الملك داجير عمل سيف كبير من النار و بدأ يهاجم بيه ع الملك شمهروش و الملك شمهروش بدأ بتكلم و هو بيتجنب و بيصد الهجمات.
الملك شمهروش : هو انت مفكر انك قوي لدرجة انك ممكن تقتلني يا اهبل.
الملك داجير بغضب : طالما قولت عليا اهبل استحمل بقى.
و بعدها الملك داجير عمل اكتر من الف سيف من النار و السيوف دي كانت طايرة ف الهواء من غير ما حد يكون ماسك منهم اي سيف و كل السيوف بتهاجم الملك شمهروش و لكن الملك شمهروش كان بيصدهم ب ايده عادي زي م يكونوا ولا حاجة و لما الملك داجير شاف كدا اختفى تماما من المملكة العليا و بعد كدا كلنا رحنا للملك شمهروش.
انا : طبعا اللي حصل دا معناه ان الحرب بدأت بين المملكة العليا و المملكة السفلية.
الملك شمهروش : طبعا، بس ازاي يا مازن تشوف عمك و ابن عمك و اخوك  ف معركة و تقف تتفرج عليهم كدا مش المفروض برضو انك تساعدهم.
حورس : بالعكس يا بابا.
انا : اصبر يا حورس، كل الحكاية اني حسيت بقوة كل جندي دول و مكنش فيه داعي اني أتدخل ف القتال دا.
فرعون : يا عمي هو انت ليه مقتلتش الملك داجير.
الملك شمهروش : مكنش ينفع اقتله دلوقتي، لازم الأول اطلب اجتماع المجلس الأعلى علشان أعلن فيه الحرب على المملكة السفلية و بعد كدا لو قتلت الملك داجير محدش هيتكلم.
انا : طب م كنت تقتله دلوقتي و بعد كدا تطلب اجتماع المجلس الاعلي لعالم الجن و ف المجلس تعلن الحرب و بعد كدا تخليهم يكتشفوا انك قتلته بس ف الحرب مش ف القصر هنا.
الملك شمهروش : مش هينفع لان اي حد من النسل القديم هيلاحظ اختفاء قوة الملك داجير و ساعتها هيعرف انه اتقتل و انا ساعتها هروح ف داهية.
انا : طبعا الملك داجير عارف الكلام دا، ايه بقى اللى يخليه يحاول يقتلك طالما هو لسه مش أعلن الحرب ع المملكة العليا.
جيرال : مازن انت قصدك تقول ايه بالضبط.
انا : كل الحكاية ان الملك داجير كان بيختبر قوتنا مش اكتر علشان يشوف هل هيقدر يكسب الحرب ولا لا.
حورس : مازن، انت لازم فورا تروح تتدرب مع الملك غايبان علشان قوتك تزيد اكتر لأننا محتاجينك ف الحرب دي.
انا : محتاجين ليا ليه، على حسب اللي شوفته من شوية انكم أقوى بكتير من جنود المملكة السفلية.
جيرال : كلامك غلط يا مازن، المملكة السفلية فيها أمراء و قادة جيش اقوياء جدا و ممكن الحرب دي تاخد فترة طويلة و لنا الحرب تطول ساعتها بنحتاج الأفراد اللي عندهم قوة كبيرة، فهمت يا غشيم.
بعد شوية و احنا بنتكلم ظهرت الملكة هند زوجة الملك شمهروش و ظهرت زوجة حورس و معاها ولاده. و بعد شوية لما خلصنا كلام، مشيت مع حورس علشان اشوف الجناح بتاعي اللي هيبقى مكان اقامتي ف القصر و كان مكان روعة و عجبني جدا كان زى القاعة العامة كدا من سقف و كان فيه سرير من السحاب مريح جدا اول م فردت جسمي عليه حسيت ب راحة كبيرة جدا ( طبعا ك جن مش بنام خالص و لكن السرير موجود) و انا فارد جسمي ع السرير لاقيت كام جنية ( أنثى الجن) دخلوا الجناح و انا استغربت جدا بس مش بينت ليهم اني مستغرب. و كانوا كلهم ملكات جمال مفيش واحدة فيهم فيها غلطة. بعد شوية لما وقفوا قدامي لاقيت أجمل واحدة فيهم بتتكلم و كان اسمها ميوار.
ميوار: مولاي الأمير انا و البنات تحت امرك.
انا : تحت أمري ازاي يعني.
ميوار : انا بتكلم عن اى متطلبات يا مولاي.
انا : يعني انت بتعرضي نفسك عليا عادي كدا.
ميوار : اه عادي و دا شئ طبيعي هنا ف عالم الجن.
انا : طب تمام ممكن بقى تطلعى بره انتى واللى معاكى دول.
ميوار : تحت امر مولاي الأمير.
بعد م هي خلصت كلامها كنت انا اختفيت و بعد كدا ظهرت قدام ابويا الملك شمهروش.
انا : يا بابا كنت عايز اسئلك ف حاجة.
الملك شمهروش : يا ابني اسأل هو انت محتاج إذن.
انا : مين البنات او الجنيات اللي دخلوا الجناح بتاعي دول.
الملك شمهروش ابتسم : دول اولاد أمراء و مستشارين من اللي موجودين ف القصر.
انا : طب هما ليه بيعرضوا نفسهم عليا و بيتكلموا وكأن ده عادى.
الملك شمهروش : يا ابني دا شئ عادي هنا ف عالم الجن و كمان انا اللي باعتهم ليك لاني عارف انك ممكن تحب وهنا زي ما امك قالت.
انا : هي قالتلك ايه بالضبط.
الملك شمهروش : بص يا مازن انا عارف انك حبيت وحده من الإنس واتجوزتها أو اللي بتعتبرها مراتك.
انا : خلاص اقفل الموضوع.
انا : ثانية واحدة بس يعني اى كل حاجه متاحه هنا لا طبعا ده مش هينفع ولا هقبل بيه.
الملك شمهروش : قلتلك ان هنا غير عالم البشر وده مستحيل يتغير.
انا : تمام بس انا هغير كل ده.
الملك شمهروش : معتقدش هتقدر تعمل كده 
انا : كدا تمام، بس مين هي ميوار.
الملك شمهروش : دي تبقي بنت اكبر المستشارين ف المملكة و كمان بيني و بينك انا نفسي تتجوزها.
انا : لا مش هتجوزها لاني ناوي اتجوز بنت ملك مش مستشار.
الملك شمهروش : براحتك بس دلوقتي روح ارتاح بقى لان الفترة الجاية احنا داخلين على وقت صعب يا مازن لان الحرب هنا ف عالم الجن مختلفة عن الحرب اللي انت عارفها ف عالم البشر و لازم تخلي الملك غايبان يعرفك كل حاجة عن الحروب.
انا : تمام يا بابا انا هختفي بقى.
بعد م خلصت كلامي اختفيت و ظهرت ف الجناح بتاعي و لاقيت ميوار و اللي معاها منتظريني.
ميوار : اتأخرت ليه يا مولاي.
انا قربت منها و مسكتها من شعرها.
انا: قولت اطلعى بره انتى واللى معاكى.
ميوار : ااااااااه انا اسفه يا مولاي.
هنا هى واللى معاها اتخضوا وخافوا جدا من شكلى وغضبي.
بعد شوية قومت رحت ل حورس و فرعون و اعدت ادور عليهم لحد م لاقيتهم و كانوا قاعدين مع عمي جيرال. و كان صوتهم عالي.
انا : ايه يا جماعة متعصبين ليه.
فرعون : احضرنا يا مازن.
جيرال : كويس انك جيت علشان تشوف اخوك ماله و توقفه عن جنانه دا.
انا : ايه اللي حصل يا حورس.
حورس :...........
انا : حورس م ترد يا عم في ايه.
فرعون : بص يا مازن، حورس عايز يهجم ع الملك داجير ف القصر بتاعه ف المملكة السفلية.
انا : ههههه يا حورس انت بتقول ايه.
حورس : زي م سمعت كدا لازم نهاجم الملك داجير.
انا : طب بعيد عن أن احنا نهاجمه متنساش انه أقوى مننا كلنا كدا انا و انت و فرعون و حتى عمي جيرال محدش فينا أقوى منه.
حورس : انا عارف الكلام دا بس متنساش انك قريب جدا من قوته و ممكن تقدر تغلبه.
انا : يا عم منا فاهم بس برضو هتعمل كدا من غير اي أوامر من بابا.
جيرال : شوفت بقى اخوك الصغير طلع بيفهم اكتر من دا غير انها مش هتبقى معركة بين ملك و ملك و ممكن الجنود كلهم يدخلوا المعركة و نخسر و احتمال كبير نموت.
انا : حتى قائد الجيش بيقول ان كل حاجة ضدنا، ف لازم تصبر شوية ل حد م الحرب تبدأ و ساعتها انا اللي هقتل الملك داجير.
حورس : خلاص اللي تشوفوه بس لما الحرب تبدأ محدش يحاول يوقفني.
انا : متقلقش الحالة الوحيدة اللي هقف فيها ضدك هي الحالة اللي ممكن توديك ف داهية و بعدين انت مش مواظب ع التدريب ليه، لازم نتدرب اكتر و قوتنا تزيد علشان الحرب.
جيرال : عندك حق يا مازن احنا لازم كلنا نتدرب. يا فرعون، يا حورس خدوا بعضكم و روحوا اتدربوا يلا و انت يا مازن خليك معايا عايزك ف حاجة.
حورس و فرعون اختفوا و راحوا يتدربوا و انا كملت قعدتي مع عمي جيرال.
انا : كويس انهم مشيوا علشان انا عايزك ف كام سؤال كدا.
جيرال : يا ابني اسأل ع طول.
انا : هو الجيش بتاع المملكة بتاعتنا المملكة العليا بيكون من ايه و هل هو جيش قوي.
جيرال : بص يا مازن، الجيش بتاعنا عدده حوالي ٥٠ مليون جندي.
انا اول م سمعت الرقم اتخضيت جامد و جسمي اترعش قوي لان معلش برضو هو فيه جيش بالعدد دا و لو الجيش دا فعلا بالعدد دا يبقى يقدر يعمل ايه م هو ف عالم البشر اكبر جيش عدده حوالي ٢ مليون بالميت.
جيرال : ايه انت خوفت كدا ليه.
انا : لا مفيش بس مكنتش متوقع ان الجيش بالرقم دا.
جيرال بيضحك : ههههه يا مازن، دا اول جيش عندنا ف المملكة من أصل ١٠ جيوش.
انا : ايييييه ياعم ليه دا كله هو عدد سكان المملكة كام.
جيرال : يعني.. حوالي ٢٠٠ مليار جني و جنية.
انا : ايه يا عمي الجنان دا.
جيرال : بص يا مازن، اي جيش ف اي مملكة عدده قريب للعدد بتاعنا بس احنا عندنا اكبر الجيوش و كمان الجيوش كلها قوية جدا.
انا : هو اي جيش عندكم ف عالم الجن بيكون من ايه.
جيرال : اي مملكة بتقسم جيشها الكلى ل عدد من الجيوش و كل جيش ليه قوته و العدد بتاع الجنود فيه مختلف عن كل جيش و التاني و كل جيش بيقوده واحد من الأمراء اللي موجودين ف المملكة دي.
انا : طبعا الجيش كله ذكور.
جيرال : لا طبعا كل جيوش عالم الجن فيها جني و برضو فيها جنيات.
انا : تمام، بالمناسبة يا عمي هو مين أقوى واحد ف الجيش بتاعنا.
جيرال : أقوى واحد ف الجيش الكلى لأي مملكة بيبقى قائد الجيش و تحت منه فيه جنود و أمراء اقوياء برضو و برضو فيه أميرات اقوياء و محاربات اقوياء يعني عندك بنت المستشار الخاص للملك شمهروش اللي اسمها ميوار.
انا : اوعي تقول انها من المحاربات.
جيرال : مش بس كدا دي كمان أقوى محاربة موجودة ف الجيش الكلى للمملكة اللي عدده حوالي مليار جني و جنية.
انا : ميتين ام العدد المستحيل دا، طب مين بقى أقوى الجنود.
جيرال : أقوى الجنود هو الماثور و دا جندي قوي و دخل اكتر من عشر حروب قبل كدا.
انا : و طبعا كل الأمراء اللي تحتك ف قيادة الجيوش اقوياء.
جيرال : مش بالضبط، فيه منهم القوي و فيه منهم الذكي و طبعا بيقودوا الجيوش على حسب قدراتهم الحربية. و أقوى الأمراء ف الجيش هما حورس و فرعون و اذكي الأمراء هعرفك عليهم بعدين.
انا : كدا تمام، بس المملكة السفلية عندهم عدد جيوش قد ايه.
جيرال : حوالي ٦ جيوش بس قوتهم كويسة و قريبة لينا و الجيش الكلى للمملكة عدده حوالي ٧٠٠ مليون هما كانوا مليار و نص بس اخويا الملك شمهروش قتل كله بضربة واحدة ماعدا ٧٠٠ مليون دول.
انا : شكلهم قوي فعلا. بس ازاي بابا قدر يقتل كل دا بضربة واحدة.
جيرال : ابوك قوي جدا يا مازن، بس مش بيحب يستخدم قوته كتير.
انا : على كدا بقى جيش المملكة السفلية مش قوي.
جيرال : طبعا هم اقوياء بس فيه ممالك تانية أقوى منهم و فيه ممالك بتنافسنا ف القوة كمان، بس لحد دلوقتي احنا أقوى جيش ف عالم الجن.
انا : صحيح يا عمي هو المجلس الأعلى هيبقي امتى.
جيرال : هينعقد كمان شهر، بس متنساش ان فيه دوري بطولة القوة هيبدأ كمان اسبوع.
انا : و ايه هو الدوري دا.
جيرال : الدوري دا بينقسم ل كذا دوري، منهم دوري ل الأمراء و منهم دوري للمحاربين و منهم دوري للمحاربات و منهم دوري للأميرات.
انا : هو مفيش دوري للملوك.
جيرال : لا طبعا فيه دوري للملوك بس دا الدوري الكبير ل عالم الجن و بيشارك فيه كل الملوك اللي موجودين ف عالم الجن حتى الملوك اللي من النسل القديم.
انا : دي حاجة عظمه اوى.
جيرال : يا مازن ركز شوية، الدوريات دي مش دوريات كورة زي م موجود ف عالم البشر ، دي دوريات قتال و ممكن اي حد يموت فيها عادي و كلنا عايزينك تشارك ف دوري الأمراء، ايه رأيك.
انا : هو مش المفروض ان دي حاجة إجبارية.
جيرال : لا طبعا، اي حد بيختار يشارك او لا.
انا : هو المفروض اعمل ايه علشان اسجل.
جيرال : بكره لازم تروح ل المستشار الخاص للملك و تخليه يسجل اسمك.
بعد كدا قعدنا نضحك و نهزر و بعد كدا اختفيت و ظهرت قدام الملك شمهروش و كان معاه الملكة هند.
انا : يا بابا انا هروح ل عالم البشر.
اول م قولت كدا حسيت ابويا زعل شوية لما عرف اني عايز اروح ل عالم البشر.
الملك شمهروش بحزن : ليه يا ابني تعمل كدا دا انا م صدقت انك بقيت جنبي و معانا ف عالم الجن.
انا : متقلقش يا بابا انا بس هروح اشوف الدنيا ماشية ازاي و اعرف اخر حاجة حصلت ف الحرب اللي بين جماعتي و جماعة زيوس و بعد كدا هرجع تاني و كمان انا قررت أشارك ف بطولة القوة.
الملك شمهروش : بجد هترجع و كمان هتشارك ف البطولة.
انا: طبعا، نفسي اشوفك فرحان بيا و اشرفك.
الملك شمهروش : طب ابقي طمني علي امك.
الملكة هند : عيب كدا يا حبيبي دي برضو مراتك و لازم تروح تزورها.
انا : صحيح يا بابا م تيجي معايا و بالمرة تشوفها و تقعد معاها شوية.
الملك شمهروش : خلاص زي م تحب يا ابني.
الملكة هند : ايه يا مازن، انا سمعت انك بهدلت البنت ميوار.
انا : ازاي يعني مش فاهم.
الملكة هند : هي جت قعدت معايا بعد اللي انت معاها و بتقول فيك شعر.
الملك شمهروش بيضحك : من شابه اباه ف ما ظلم.
انا : خلاص بقى لاني بتخنق اتكلم ف الموضوع ده.
طبعا عزيزي القارئ انت عارف اني لا بتكسف و لا نيله بس مكنتش عايز اتكلم معاهم دلوقتي ف الموضوع ده.
بعد شوية اختفيت انا و ابويا الملك شمهروش و ظهرنا ف قارة القطب الجنوبي و اتحولنا ل الهيئة البشرية و اختفينا و ظهرنا عندنا ف الجنينة الموجودة ف الوحدة العسكرية و بعد كدا اتحركت انا و بابا ع القصر و طلعنا ل الشقة بتاعة امي و خبطت ع الباب.
جوا الشقة.
كانت أمي قاعدة مع مي و ميار اختي.
امي : مين ع الباب.
انا من ورا الباب : انا مازن يا ماما و معايا مفاجأة ليكي.
اختي قامت فتحت الباب و دخلت انا و ابويا و اول م ماما شافته جريت سلمت عليه و حضنته جامد اوي و بعد كدا خدت بالها ان مي و ميار موجودين ف بعدت عنه.
انا قولت ل بابا : اتفضل انت واقف ليه.
ميار : اهلا و سهلا مين دا يا مازن.
انا قربت منها جامد : دا يبقى ابويا.
ميار اندهشت جامد.
انا : مش وقت اندهاش دلوقتي تخدي مي و تروحوا الشقة التانية.
بعد شوية ميار خدت مي و راحوا الشقة التانية.
انا : اهو يا ماما بابا جه معايا علشان عايز يشوفك.
يارا (امي) : اخبارك ايه يا حبيبي اخر مرة انت كنت هنا مشبعتش منك.
الملك شمهروش : معلش بقى انتي عارفة ان عندي حاجات كتير شغلاني عنك.
انا : بص يا بابا دلوقتي احنا هنروح ل الواد عثمان علشان عايز اعرفك عليه.
ماما : متبقاش عامل زي الطور كدا سيبه معايا شوية و روح اقعد مع مراتك و اختك.
انا : براحتك.
خدت بعضي و رحت الشقة التانية فتحت الباب و دخلت و لاقيت مي و ميار قاعدين ف الصالة.
انا : عاملة ايه يا حبيبتي.
مي : طبعا ن انت بقالك يومين مختفي.
انا : يعني بسألك و عايز اطمن عليكي تقومي تقولي كدا.
ميار : معلش يا مازن مهو برضو لازم توفق بين شغلك و بين مراتك حبيبتك.
مي : صحيح يا مازن هو مين الراجل اللي اول م امك شافته جربت عليه و حضنته كدا.
انا بكدب على مي : دا يبقى خالي بقاله اكتر من ٣٠ سنه مسافر.
مي : ياااااه ٣٠ سنة.
انا : معلش يا ميار خليكي قاعدة هنا انتى ومى وانا هدخل انام شويا.
ميار بتضحك : ماشي (هى بتغيظ مى).
مي : ماشي ايه و زفت ايه انت عارف اني مشفتكش بقالى يومين هتروح تنام.
انا : تعالي بس ندخل الأوضة علشان عايزك ف موضوع مهم.
خدت مي و دخلنا الأوضة و قفلت الباب وفضلت اصالحها ومش عارف ايه وهى عامله نفسها زعلانه علشان اقولها انا كنت فين بس برضو مقولتلهاش.
مي : حرام عليك انا مش قادرة استحمل بعدك.
اول لما صالحتها (طبعا بتقولوا بيصالحها ليه هقول لازم مظهرلهاش انى عارف حاجه ولا اتغير ف التعامل) بعد كدا سيبتها و دخلت الحمام استحميت و رحت لاوضة تاني لبست هدومي و خرجت من الشقة و رحت ل شقة امي و هي كانت لسه قاعدة مع بابا خبطت ع الباب و هي فتحتلي و خدت بابا و رحت ل اللواء عثمان ف مبنى القيادة. و كان معاه حسام الخديوي و النقيب على و عمار و مها و اللواء سامح.
انا : اخبارك ايه يا سيادة اللواء. و اخباركم ايه يا جماعة.
النقيب على قام سلم عليا هو و عمار.
انا بشاور على ابويا : الملك شمهروش ملك المملكة العليا ف عالم الجن.
اول م خلصت كلامي لاقيت كل اللي قاعدين قاموا سلموا على بابا و بعد كدا قعدنا نتكلم شوية و هما بدؤا يشرحوا ل ابويا جماعة ايزيس هتعمل ايه علشان تدمر جماعة زيوس. و بعد كدا سيبتهم قاعدين مع ابويا و رحت ل مصلحي و الرجالة اشوف الدنيا معاهم عاملة ايه.
مصلحي : ايه يا عريس مش بشوفك يعني هي العروسة خدتك مننا و لا ايه.
عمر : طبعا يا عم مبقاش فاضي لحد بقى.
علاء : طبعا مش فاضي و الا كانت العروسة طلعت عينيه.
انا : انتوا هتحفلوا عليا ولا ايه م تتعدل يا عم منك ليه و بعدين م انتوا عارفين انا اتهببت اتجوزتها ليه.
مصلحي : ايه مازن، بنهزر معاك يا جدع.
انا : تمام بس دلوقتي النقيب على عامل معاكم ايه.
عمر : دا راجل جدع يا مازن و كمان هو دلوقتي اللي بيخطط و احنا ننفذ و شغالين كلنا معاه زي الفل و الدنيا تمام.
انا : طب كويس، اهم حاجة انكم تبقوا كويسين مع بعض علشان تقدروا تقفوا ف ضهر بعض.
مصلحي : و انت يا مازن مش هتبقى معانا ولا ايه.
انا : يا عم متقلقش انا معاكم دايما بس فيه كذا حاجة هعملها الفترة الجاية هتخلى أعضاء جماعة زيوس يشدوا ف شعرهم.
عمر : طب م تفهمنا علشان نعرف الدنيا ماشية ازاي.
علاء : يا جماعة سيبوه براحته علشان يقدر يعمل اللي هو عايزه.
انا : كلامك زي الفل يا علاء، دلوقتي بقي اسيبكم انا.
سيبتهم و مشيت رحت ل بابا عند اللواء عثمان و بعد كدا خدته و خرجنا من مبنى القيادة.
انا : بص يا بابا انا هرجع كمان يومين.
الملك شمهروش : تمام يا حبيبي، انا هخلي المستشار الخاص يسجل اسمك ف البطولة.
انا : كدا تمام بس عندي طلب صغير.
الملك شمهروش : قول يا ابني ع طول.
انا : ممكن تخلي فرعون و حورس يجوا هنا عندي.
الملك شمهروش : خلاص ماشي.
اختفى الملك شمهروش من قدامي و راح للقصر. و انا بدأت اتحرك ناحية القصر اللي ف الوحدة العسكرية.

ف نفس الوقت ف شقتي، مي بعد ما انا خلصت ونزلت هى خرجت و قعدت مع اختي ميار.
مي : ينفع اللي حصل دا.
ميار : طبعا ينفع مش جوزك يا هبله.
مي : يا ميار هو ليه مش محسسني انه بيحبني دا انا حاسه انه بيتصنع الحب ليا حتى وهو بيصالحني.
ميار : هههه كدا يبقى بيحبك يا عبيطة و دا لان الراجل مش بيقدر دايما يعبر عن حبه ل حبيبته.
مي : اما اشوف اخرتها مع اخوكي دا.

ف الوقت دا كنت انا فتحت باب الشقة و دخلت و هما قاعدين.
انا : اعملوا حسابكم اننا هنطلع نتفسح كمان شوية.
ميار : بجد يا مازن.
مي : يعني اقوم اجهز نفسي يا حبيبي.
انا : يلا منك ليها جهزوا نفسكم بسرعة.
سيبتهم و خرجت من الشقة و مي دخلت الأوضة علشان تجهز نفسها و ميار جت ورايا و دخلنا شقة امي و قولتلها تجهز نفسها هي كمان و دخلت اوضتي قعدت شوية لحد م ظهر قدامي فرعون و حورس.
انا : اتأخرتم ليه.
حورس : خير فيه ايه.
انا : كل الحكاية اني عايزكم علشان نخرج شوية و نرفه عن نفسنا شوية لان الفترة الجاية مش هنلحق نتنفس اصلا.
فرعون : فعلا الواحد محتاج حاجة زي دي.
حورس: عندك حق يا مازن يا اخويا فترة الحرب دي ممكن تكون حوالي ٢٠٠٠ سنة.
انا : ٢٠٠٠ سنة ليه يا جدعان دا كله هو احنا هنحارب كوكب تاني ولا حاجة.
حورس : ٢٠٠٠ سنة دول اقل وقت للحرب يا مازن يعني عندك مثلا اكبر حرب ف تاريخ الجن قعدت حوالي ٢ مليون سنة.
انا : طب ايه بقى اللى يمنع ان الحرب دي تقعد الوقت دا كله يعني زي م قولت مثلا مليون سنة.
فرعون : الحرب دي مش هتتخد اكتر من ٢٠٠٠ سنة لأننا أقوى بكتير من المملكة السفلية.
انا : اومال الحرب اللي قعدت ٢ مليون سنة دي كانت بين مين و مين.
حورس : دي كانت بين النسل القديم كله هما ف الوقت دا كانوا لسه شباب و معندهمش حكمة او حتى صبر و بدأت الحرب و لسه خلصانه من حوالي ١٠ مليون سنة يعني الحرب دي بدأت من ٨ مليون سنة ايام م كانت الديناصورات لسه موجودة ف عالم البشر.
انا : طب يلا نقوم نخرج استنوني ف الجنينة و انا هجيب الجماعة و هنخرج شوية.
بعد شوية كانت أمي و ميار و مي خلصوا و خدتهم و معانا فرعون و حورس و خرجنا نستفح و رحنا كذا مطعم و اكلنا كام وجبة كويسة و رحنا الإستاد اتفرجنا ع ماتش كورة و كان حورس فاهم ف الكورة كويس ازاي معرفش بس لما سألته عرفت انه كان بيدخل عالم البشر مخصوص علشان الكورة ههههه و بعد م الماتش خلص روحنا قعدنا ف كافيه و شربنا عصاير و اكلنا آيس كريم و بعدها خرجنا من المطعم قعدنا نتمشي شوية ونتكلم و نهزر و بعد م اليوم خلص روحنا و كانت الساعة ١٠ بليل، فرعون و حورس راحوا ل عالم الجن و اختي و امي راحوا ل شقة امي و مي راحت ل شقتنا و انا رحت ل اللواء عثمان ف مبنى القيادة. و كان قاعد لوحده
اللواء عثمان : تعالي يا مازن عايزك ف موضوع.
انا دخلت و قعدت معاه.
‌انا : اتفضل اتكلم يا سيادة اللواء.
اللواء عثمان : انت دولقتي متجوز مي اهو، ناوي بقى تعمل ايه الفترة الجاية.
انا : قبل م اتكلم لازم تعرف ان هيبقى فيه حرب بين المملكة العليا و المملكة السفلية ف عالم الجن.
اللواء عثمان متفاجئ : ليه ايه اللي حصل.
حكيت ل اللواء عثمان عن الملك داجير ملك المملكة السفلية و اللي عمله ف القصر عندنا ف المملكة العليا.
اللواء عثمان يبتسم : الظاهر كدا ان الملك داجير دا لما عرف ان احنا فاشخين جماعة زيوس قال ياخدها من قاصرها و الحرب تقوم.
انا : بس دي مش حاجة كويسة لان الحرب دي حورس قال إنها ممكن تستمر لاكتر من ٢٠٠٠ سنة.
اللواء عثمان مستغرب: ٢٠٠٠ سنة، هما المملكتين اقوياء للدرجادي.
انا : طبعا و كمان انا مش هبقي موجود و دا لاني داخل الحرب دي وش و كدا مش هعرف اعمل اي حاجة مع مي.
اللواء عثمان : خلاص يبقى لازم تعرفها انك عارف انها شغالة مع جماعة زيوس و تطلقها.
انا : كنت فعلا بفكر ف دا.
ف نفس الوقت عند مي ف الشقة.
مي دخلت و راحت الأوضة غيرت هدومها و فتحت اللاب بتاعها و كلمت أعضاء جماعة زيوس.
مي : اخباركم ايه يا جماعة.
العميد : انتي اللي اخبارك ايه يا عروسة هههه.
زوكوف : الظاهر كدا انك مبسوطة.
فيكتور : طبعا م الجواز حلو.
مي : اسكتوا دا الواد مازن طلع وحش اوي ف التعامل معاه صعب اوي.
مايكل : مش وقته يا مي اهم حاجة عرفتي توصلي لأي معلومة ممكن تفيدنا.
مي : يا عم اصبر شوية انا مبقاليش هنا كام يوم على بعض اصبر شوية.
العميد : يا جماعة نص ساعة كدا و ارجع ليكم.
العميد قفل المكالمة.
عند العميد ف بيته ظهر قدامه الملك داجير.
العميد : اهلا بالملك داجير.
الملك داجير : انت شايف ان دا وقت ترحيب يا غبي، ازاي تخلي جماعة ايزيس تعمل فيكم كل دا.
العميد : يا بابا، اديك شايف اني بعمل كل اللي اقدر عليه علشان نقدر نسيطر على عالم البشر.
الملك داجير : بص يا ابني، انت كنت قولت ان مي اتجوزت مازن و هتقدر تجيب منه معلومات صح.
العميد : صح يا بابا و هي دلوقتي ف الوحدة العسكرية اللي موجود فيها كل أعضاء جماعة ايزيس.
الملك داجير : انا عايزك دولقتي تتصل ب مي و تخليها تسيب مازن و الوحدة العسكرية و تختفي خالص.
العميد : ليه يا بابا دا احنا خلاص هنقدر ندخل جوا جماعة ايزيس و ندمرها.
الملك داجير : لو خايف على مي لازم تنفذ اللي انا قولته.
العميد : هنفذ كل حاجة بس افهم السبب.
الملك داجير : لان مازن يبقى ابن الملك شمهروش و عارف ان مي شغالة معاكم ف الجماعة و ممكن يقتلها او يقنعها تشتغل مع جماعة ايزيس و ياخد منها كل المعلومات عن جماعة زيوس فهمت يا غبي.
العميد : يا نهار اسود دا فعلا لازم اخليها تسيب المكان.
بعد شوية اختفى الملك داجير و العميد رجع للمكالمة اللي ما بين أعضاء جماعة زيوس.
ف المكالمة.
مي : احنا النهاردة خرجنا اتفسحنا و كان يوم جميل جدا.
زوكوف : طب كويس كدا يبقى مازن ميعرفش حاجة و بعد فترة هتعرفي تاخدي منه معلومات عن جماعة ايزيس.
العميد دخل ف المكالمة : يا مي، لازم تهربي فورا من الوحدة العسكرية.
مايكل : ازاي بس دا لما صدقنا يبقى لينا جسوس ف جماعة ايزيس.
العميد : فيه معلومة جاتلي دلوقتي ان مازن عارف ان مي شغالة معانا.
فيكتور : كدا احنا لازم نعمل تمويه علشان مي تقدر تهرب.
العميد : يا مي قولي ل مازن انك هتروحي بيت ابوكي تطمني عليه و اهربي دلوقتي بدل م تموتي.
مي قفلت المكالمة على طول و بدأت تلبس لبس خروج علشان تروح بيت ابوها.
ف الوقت دا كنت انا خلصت مع اللواء عثمان و طالع الشقة علشان اتكلم معاها و اعرفها اني عارف كل حاجة. فتحت باب الشقة و دخلت لاقيت مي لابسة لبس خروج.
انا : ايه يا مي رايحة فين.
مي متوترة : مفيش، خالد اخويا اتصل بيا و بيقول ان بابا تعبان شوية ف انا هروح اتطمن عليه.
انا فاهم هي عايزة تمشي ليه بس قولت كويس لازم اخرج معاها علشان اتكلم معاها براحتي بدل م صوتنا يبقى عالي هنا ف الشقة و ممكن حد يسمع اللي انا عايز اقوله.
انا : طب يلا بسرعة علشان نروح و بالمرة اشوف لو هو محتاج اي دواء او يروح اي مستشفى ابقى معاكم مينفعش اسيبك ف موقف زي دا.
مي : خليك انت علشان شغلك يا حبيبي و انا هاخد حراسة معايا يعملوا اللازم و بعدين م خالد اخويا هيبقى معايا متقلقش.
انا : برضو لازم ابقى معاكي مش ابوكي برضو يبقى ف مقام ابويا و بعدين لما انا ابقى موجود خالد هيقدر يتصرف من غير ضغط لانه هيبقى عارف اني هساعدكم فهمتي.
مي بعد شوية : خلاص تعالي معايا.
خدت مي و رحنا الجراش ركبنا العربية و طلعنا من بوابة الوحدة العسكرية و اتحركت ف طريق غير طريق بيت ابوها و بعد شوية مي لاحظت كدا.
مي : يا مازن دا مش الطريق الصح.
انا وقفت بالعربية : مي انا عارف ان ابوكي كويس و مفيش اي حاجة تقلق عندكم ف البيت و عارف انك شغالة مع جماعة زيوس.
مي اول م سمعت كلامي خافت جدا و مش عارفة تجمع كلمتين تقولهم و بقت متوترة اوي.
انا : خايفة ليه يا مي متقلقيش.
مي بتلجلج : طططط طبعا بتقولي متقلقيش لأنك هتقتلني دلوقتي.
انا : لا طبعا عمري م هعمل حاجة زي دي.
مي : و ايه اللي يمنعك تعمل كدا م خلاص انت عرفت اني شغالة مع جماعة زيوس.
انا : كلامك غلط يا مي، انا عارف من قبل م اتجوزك بس برضو اتجوزتك لاني بحبك و بعدين انا لو عايز اعمل فيكي حاجة كنت عملتها و احنا ف الوحدة العسكرية.
مي : يعني ايه مش فاهمة قصدك، و بعدين انت هتعمل ايه دلوقتي.
انا : اكيد مش هعمل حاجة فيكي بس لو عايزة تكملي معايا لازم تسيبي جماعة زيوس و تقولي كل المعلومات اللي تعرفيها عنهم و لو مش عايزة تكملي معايا براحتك بس زي م اخدتك من بيت ابوكي هرجعك ليه و يبقى كل اللي بيننا انتهى و كدا يبقى انتي بقيتي من اعدائي يا مي.
مي : يعني انت مش ناوي تقتلني بجد.
انا : بصي يا مي انا عمري م اعمل كدا ف الانسانة الوحيدة اللي حبيتها بس دلوقتي هوصلك ل بيت ابوكي يا ريت تفكري كويس قبل م تردي عليا و ياريت تفتكري اني بحبك و نفسي فعلا اكمل معاكي بس زي م قولتلك انتي اللي هتختاري و برضو لو كملتي شغل مع جماعة زيوس عمري م هفكر اضرك بس طبعا انا هدمر الجماعة دي.
بعد م خلصت كلامي رجعنا الوحدة العسكرية و حضرت شنطتها بنفسي و وصلتها ل بيت ابوها و طول الطريق كان وشها ف الارض و ملهاش عين تتكلم معايا. بعد م وصلتها سيبتها و هي دخلت الفيلا بتاعة ابوها و انا خدت بعضي و رجعت الوحدة العسكرية و حسيت اني عايز انام دخلت اوضتي نمت و دا لاني بالهيئة البشرية و محتاج انام زي اي بشري و بعد كدا صحيت دخلت الحمام استحميت و لبست لبس خروج و رحت ل اللواء عثمان قولتله انا عملت ايه مع مي.
اللواء عثمان : تصدق يا مازن انك طلعت جامد اوى.
انا : اشمعني.
اللواء عثمان : كدا انت خليت مى بين نارين يأما تعيش مع الإنسان اللي بيحبها و احتمال تكون هي بتحبه برضو يأما تشتغل مع جماعة كل همها انها تسيطر ع العالم و بس و لو عرفوا انك سبتها و انت عارف انها شغالة معاهم احتمال كبير يحاولوا يقتلوها.
انا : و طبعا دلوقتي لازم نخلي العقيد احمد ينفد الهجوم ع القلعة ف سيبيريا و كدا هيشكوا انها بقت معانا احنا و هيحاولوا يقتلوها و طبعا احنا لازم ننقذها و كدا مي هتتأكد اني فعلا بحبها و هترضي تشتغل معانا و ناخد منها كل المعلومات اللي تخص جماعة زيوس.
اللواء عثمان : كدا بقى روح هات اللاب علشان نكلم العقيد احمد ينفذ الهجوم و نقدر نوقع م بين أعضاء جماعة زيوس و كمان انا هحط حراسة على مي بس من بعيد ل بعيد و اول م يحاولوا يقتلوها احنا ننقذها و الباقي بقى زي م قولت يا برنس.
انا : احسن حاجة فيك انك فاهمني يا سيادة اللواء.
خرجت من مبنى القيادة و رحت القصر طلعت الشقة جيبت اللاب بتاعي و رجعت ل اللواء عثمان و اتصلت ب العقيد احمد.

عند مي ف بيت ابوها.
ابوها: ايه يا بنتي جيبتي شنطتك معاكي ليه.
خالد : اوعي تكوني عملتي مشاكل مع مازن.
مي : لا طبعا بس هو مسافر و انا كلمته اني هقعد معاكم لحد م يخلص شغله و يرجع من السفر.
ابوها : طمنتيني يا بنتي، خلي بالك من مازن لانه بيحبك جدا.
بعد شوية مي طلعت اوضتها و فتحت اللاب علشان تكلم أعضاء الجماعة.
مي : انا هربت من مازن بالعافية.
العميد : ليه ايه اللي حصل.
مي : مازن قال ليا انه عارف اني انا شغالة معاكم بس سابني براحتي لانه بيحبني.
زوكوف : علي قد م هو ذكي طلع عبيط.
مايكل : اصبر بس لما نشوف الخطوة الجاية و ساعتها هنعرف اذا كان غبي ولا ذكي و بيلعب بينا.
ف نفس الوقت كنت انا و اللواء عثمان كلمنا العقيد احمد و اللواء عثمان قاله ينفذ الهجوم و كمان ياخد كل الأجهزة اللي موجودة ف القلعة علشان ناخد منها بيانات عن جماعة زيوس.

عند العقيد احمد ف سيبيريا ف روسيا.
ف مكان حوالين القلعة ف غابات سيبيريا اللي كلها تلج اصلا.
العقيد احمد واقف قدام كل الجنود اللي هينفذوا الهجوم معاه.
العقيد احمد : يا رجالة دلوقتي بقي معانا أوامر ننفذ الهجوم اللي احنا مخططين ليه، كل واحد يعمل زي م موجود ف الخطة و أهم حاجة الاجهزة علشان نقدر نجمع منها معلومات ابدؤا الهجوم.
كل واحد من الجنود بدأ ياخد موقعه و الجنود بدؤا يقربوا براحة من القلعة لحد م وصلوا للبوابة و حطوا متفجرات ع البوابة و بعد كدا بعدوا عنها بسرعة و بعد كام ثانية البوابة انفجرت جامد و كل الجنود اللي ف القلعة اتخضوا و إنذار الطوارئ اشتغل و بعد كدا العقيد احمد و الجنود اللي معاه دخلوا من البوابة و خدوا ساتر كويس و بدأوا يضربوا نار علي اي جندي موجود ف القلعة و كمان كان فيه جنود من الناحية التانية ل القلعة بيطلعوا من السور لحد م طلعوا فعلا و بدأوا يستخدموا بندقيات القنص علشان يوقعوا اي جندي ممكن يبقى عقبة ف طريق المجموعة بتاعة العقيد احمد و بعد اكتر من ساعتين قدرت مجموعة العقيد احمد تدخل لمكان الاجهزة و تاخد كل الهاردات اللي موجودة ف المكان و بعد كدا كل الجنود اللي نفذوا الهجوم طلعوا من القلعة و كانت فرقة القناصة بتوسع ليهم الطريق لحد م قدروا كلهم يبعدوا عن المكان و ساعتها فرقة القناصة سابت المكان و هربوا من القلعة و الهجوم كان ناجح ل أقصى درجة. و العقيد احمد و اللي معاه ركبوا طيارة ل مصر.
عندي ف الوحدة العسكرية.
كنت لسه قاعد مع اللواء عثمان.
انا : زمان العقيد احمد نفذ الهجوم و دلوقتي ف الطريق لينا.
اللواء عثمان : طبعا يا مازن احنا خططنا للهجوم دا من فترة كويسة و الجنود اتدربوا كويس علشان يقدروا ينفذوا الهجوم دا بنجاح.
بعد كدا قومت سيبت اللواء عثمان و اتحركت علشان اروح اكل مع امي.
عند امي و ميار ف الشقة.
امي كانت بتعمل الاكل ف المطبخ و ميار كانت قاعدة بتتفرج ع TV و بعد شوية ميار سمعت صوت خبط جامد جاي من المطبخ،
ميار : ايه اللي حصل يا ماما انتي كويسة.
ميار ملقتش حد بيرد عليها ف قلقت و قامت خدت بعضها و راحت ع المطبخ
لما ميار وصلت للمطبخ اتسمرت مكانها من الخضة و من اللي شافته لأنها لفت امي يارا مرمية ع الأرض و فاقدة للوعي. و انا ف الوقت دا كنت وصلت الشقة و لاقيت صوت صويت جاي من المطبخ ف رحت بسرعة ل المطبخ.
انا : بتصوتي ليه يا ميار.
اول م خلصت كلامي و شوفت امي مرمية ع الارض اتخضيت بس مسكت نفسي و طلعت اللاسلكي.
انا ف اللاسلكي : يا سيادة اللواء ابعتلي وحدة طبية حالا انا موجود ف الشقة ف القصر.
اللواء عثمان ف اللاسلكي : القسم الطبي، القسم الطبي ابعت وحدة طبية فورا للشقة ف القصر. هو ايه اللي حصل يا مازن.
انا ف اللاسلكي: دخلت المطبخ لاقيت امي واقعة ع الارض.
اللواء عثمان ف اللاسلكي : طب اهدي شوية انا جايلك حالا.
بعد خمس دقايق لاقيت اللواء عثمان وصل و معاه الوحدة الطبية و كنت قبلها شيلت امي و دخلتها الأوضة و ميار كانت جنبها و الوحدة الطبية بدؤا يعملوا معاها الاسعافات الأولية لحد م امي فاقت و بعد كدا اخدوا عينة ددمم منها علشان يعملوا تحاليل و يشوفوا اللازم و انا كنت قاعد مع اللواء عثمان ف الصالة. اول م الدكتوره خرجت من اوضة امي.
انا : امي مالها يا دكتورة.
الدكتورة : متقلقش هي كويسة دلوقتي يا مازن بيه بس لازم ترتاح و مكمان انا اخدت منها عينة ددمم علشان اعمل تحاليل و نشوف اللازم.
اللواء عثمان : كدا كويس ادخل انت يا مازن و انا هروح مع الدكتورة المعمل استنى نتيجة التحاليل و لما النتيجة تطلع هكلمك ف اللاسلكي.
طلع اللواء عثمان من الشقة و معاه الوحدة الطبية و انا دخلت الأوضة اتطمن على امي.
انا : ايه اللي حصل يا ماما علشان يحصل كدا.
امي : معرفش يا مازن انا كنت كويسة و كنت بعمل الاكل ف المطبخ و بعد كدا حسيت اني مش قادرة أقف خالص جيت اخرج من المطبخ لاقيت نفسي وقعت ع الارض و محستش ب حاجة بعد كدا غير دلوقتي لما فوقت.
ميار : طب انتي حسيتي بحاجة زي دي قبل كدا.
يارا امي : يعني حسيت قبل كدا بس كان كل فترة احس اني مش قادرة أقف بس كنت بلحق نفسي لكن المرة دي مقدرتش.
انا : خلاص بقى انت دلوقتي ترتاحي لحد م تطلع نتيجة التحاليل و نتطمن.
طلعت من الأوضة و ميار كانت جنب امي علشان لو احتاجت حاجة تعملهلها و قعدت ف الصالة مش على بعضي و دا بسبب ان امي فعلا شكلها تعبانة جدا و وشها باين عليه كدا و بعد ساعة لاقيت اللواء عثمان بيكلمني ف اللاسلكي.
اللواء عثمان ف اللاسلكي : يا مازن تعالي مبنى القيادة حالا.
انا ف اللاسلكي : تمام يا سيادة اللواء.
خدت بعضي و رحت ل اللواء عثمان و كان موجود معاه حسام الخديوي و اللواء سامح. اول م دخلت ليهم لاقيت حسام بيعيط جامد و اعصابه سايبه.
انا : فيه ايه يا جماعة هو حسام بيعيط ليه.
اللواء عثمان بحزن : اقعد بس يا مازن علشان تفهم.
انا : صحيح يا سيادة اللواء نتيجة التحاليل طلعت و لا لسه.
اللواء سامح : طلعت يا مازن بس.
انا قلقان : بس ايه.
اللواء عثمان : امك عندها السرطان يا مازن.
سمعت الخبر دا من هنا و جسمي ساب من بعضه على طول و حسيت ان روحي بتطلع مني و قعدت ع الارض على طول.
اللواء سامح قرب مني و حاول يقومني و بعد شوية قدرت اقوم معاه بس بالعافية.
اللواء عثمان : امسك نفسك شوية يا مازن مينفعش تضعف ف الفترة دي.
انا سبتهم و خدت بعضي و طلعت الشقة و دخلت اوضتي و قعدت زعلان طول اليوم و حاسس اني مش قادر اساعد امي بأي حاجة و فضلت ع الوضع دا لحد تاني يوم.
عند الملك شمهروش ف عالم الجن ف المملكة العليا.
الملك كان قاعد مع حورس و فرعون و جيرال و الملكة هند.
الملك شمهروش : يا ابني هو اخوك اتأخر ليه مش كان المفروض يجي النهاردة.
حورس : معرفش يا بابا، انا هروح لحد الوحدة العسكرية اشوف ماله.
اختفى حورس من قدام الملك شمهروش و اللي معاه و بعد شوية ظهر الملك غايبان قدامهم و هما قاموا من قعدتهم و ركعوا و الملك غايبان شاور ليهم يقفوا عادي و هما نفذوا اوامره.
الملك غايبان : اخباركم ايه يا جماعة.
كل اللي موجودين : كويسين يا جدي.
الملك غايبان : اومال مازن فين.
الملك شمهروش : مازن في عالم البشر و المفروض يجي بعد شوية، خير يا جدي عايزه ليه هو مازن غلط ف حاجة ولا ايه.
الملك غايبان : لا متقلقش مازن مغلطش و حتى لو غلط اوعي حد يكلمه سمعتوا.
الكل : تحت امرك يا جدي.
الملك غايبان : انا عرفت ان مازن هيشارك ف بطولة القوة ف كنت عايزه يتدرب كويس و كنت هاخده يتدرب معايا علشان يقدر يكسب البطولة دي.
فرعون : متقلقش يا جدي حضرتك عارف ان مازن قوي و هيقدر يكسب البطولة دي.
عندي انا ف الوحدة العسكرية.
كنت قاعد ف اوضتي و زعلان جدا بسبب ان امي ممكن تموت ف اي لحظة و انا مش عارف اساعدها و فجأة ظهر قدامي حورس و شافني و انا بعيط. ف قرب مني براحة.
حورس : مازن، انت بتعيط ليه.
انا مش برد عليه خالص و هو بدأ يخاف عليا جامد و بعد شوية اختفى و ظهر قدام الملك غايبان و الملك شمهروش.
عند الملك شمهروش.
ظهر حورس قدامه و هو متوتر جدا و قلقان.
الملك شمهروش : مجبتش مازن معاك ليه يا حورس.
حورس قعد ساكت مش بيرد و خايف اصلا يتكلم.
الملك غايبان : على فكرة يا حورس عيب لما يبقى ابوك يكلمك و انت متردش عليه.
حورس :يا جدي انا رحت ل مازن و دخلت اوضته لاقيته قاعد بيعيط و لما سألته فيه ايه مردش عليا.
الملك غايبان : مازن بيعيط، و دي تيجي ازاي هو حد زعله منكم ولا ايه يا شمهروش.
الملك شمهروش : ابداَََ يا جدي من ساعة م حضرتك قولت محدش يزعله و مفيش حد قربله حتى.
الملك غايبان : طب قوم تعالي معايا انت و فرعون.
فرعون : هنروح فين يا جدي.
الملك غايبان : طبعا هنروح ل مازن يلا بسرعة.
حورس : طب اوا جاي معاكم.
الملك غايبان : لما انت تيجي و كمان ابوك يجي مين بقى يدير ام المملكة دي ف غياب الملك و الأمير.
حورس : فهمتك يا جدي تحت امرك، انا هبقي موجود مكان ابويا لحد م ترجعوا و يكون مازن بخير.
الملك غايبان : يا هند علمي ابنك لانه ممكن يبقى ف يوم من الايام ملك ولا تحبي أعلمه انا.
الملكة هند بخوف : خلاص يا جدي هعلمه انا متقلقش خالص.
الملك غايبان : و انت بتعمل ايه هنا يا جيرال، مش المفروض انك تروح تبص و تطمن على مستوى قوة الجيش بما انك قائد الزفت الجيش قوم اتهبب شوف وراك ايه.
جيرال ساعتها خاف قوي و اختفى على طول و الملك غايبان و الملك شمهروش و فرعون اختفوا و ظهروا عندي.
عندي انا ف الأوضة ف الوحدة
كنت قاعد لسه زي ما انا كنت قاعد لما حورس كان موجود و فجأة ظهروا قدامي هما التلاتة.
الملك شمهروش : مازن، هو ايه اللي بيحصل بالضبط و بتعيط ليه.
انا : مراتك عندها السرطان يا بابا.
الملك شمهروش : و ايه بقى السرطان دا.
فرعون : دا مرض ف عالم البشر بس للأسف ملوش علاج لحد دلوقتي.
لما فرعون قال كدا، الملك شمهروش اتخض جامد و ظهر عليه حزن كبير اوي.
الملك شمهروش : يا فرعون روح جمع كل المسؤولين عن الصحة عندنا ف القصر و هاتهم هنا فورا.
فرعون : حاضر يا عمي.
اختفى فرعون و راح القصر ف العالم الجن جمع كل الأطباء اللي موجودين ف القصر و خدهم و اختفوا كلهم و ظهروا ف الصالة ف الشقة و فرعون خلاهم ينتظروا و دخل ليا الأوضة.
فرعون : تمام يا عمي كلهم موجودين برا ف الصالة.
الملك شمهروش : يا مازن امك لابسه لبس كويس لاني مش عايز حد يشوفها بلبس مكشوف.
انا : متقلقش هي نايمة ع السرير و البطانية عليها.
الملك غايبان : مستني ايه يا شمهروش روح شوف مراتك و سيبني هنا مع مازن.
الملك شمهروش : تمام يا جدي.
بابا خد بعضه و خرج من الأوضة بتاعتي و راح اوضة امي و معاه كام واحد من اللي جابهم فرعون و انا لسه قاعد مع غايبان.
انا : كويس انهم انشغلوا عننا
الملك غايبان : م انا وزعتهم لما حسيت انك عايز تقول حاجة.
انا : بص يا غايبان امي دلوقتي مريضة و ممكن تموت و حتى لو اتعالجت و بقت كويسة برضو هتموت لأنها من البشر.
الملك غايبان: و طبعا انت عايز تخليها من الجن.
انا : عليك نور، بس مش هي لوحدها، انا قصدي هي و اختي.
الملك غايبان : متقلقش كل اللي هيحصل اننا هندمر الكيان البشري جواها و ف نفس الوقت نحط قوة الجن او كيان الجن.
انا : طب هي هتحس بحاجة لما نعمل كل دا.
الملك غايبان : لا متقلقش هو هيبقى زي وجع العمليات الجراحية عندكم.
انا : بس برضو دا وجع مش سهل.
الملك غايبان : ياض افهم، لازم علشان تحقق اي حاجة لازم تتدفع الثمن الاول.
انا : طب هنعمل كدا امتى.
الملك غايبان : فاكر المنطقة اللي كنتم ب تتدربوا فيها انت و حورس و فرعون ف القطب.
انا : ايوه فاكرها.
الملك غايبان : كويس، تاخد امك و اختك و تروح بيهم هناك و انا هختفي دلوقتي انا و ابوك و نروح هناك نستناك لحد م تجيبهم و نبدأ نعمل العملية.
انا : خلاص تمام يا جدي.
خرجت انا و الملك غايبان من اوضتي و انا رحت اوضة امي و كان الملك شمهروش واقف بيراقب الأطباء اللي بتكشف على امي و كان شكله زعلان جدا و انا قربت منه و فهمته كل حاجة لاقيته فرح شوية و الملك شمهروش طلع برا و اختفى هو و الملك غايبان و انا بعد شوية صحيت امي من النوم و رحت اوضة اختي صحيتها من النوم و خدتها معايا ل اوضة امي.
انا : بصي يا ماما الدكاترة بيقولوا انك تعبانه جدا و.
امي بتقاطعني : مازن انا سمعت اني عندي سرطان الكلام دا صح.
ميار : اكيد لا طبعا يا ماما.
انا بحزن : الكلام دا صح.
امي بدأت تدمع : يعني كدا مفيش علاج ليا و هموت قريب.
انا : لا فيه حل و هتعيشي زي الجن كمان.
امي : ازاي دا.
انا :بصي ابويا و جدي موجودين ف القطب و احنا هنروح ليهم و بعد كدا هما هيخلوكي من الجن.
ميار : بقى كدا، انتوا هتسيبوني و هتعيشوا ف عالم الجن.
انا : م انا هاخدك معانا يا هبلة هو انا اقدر استغني عن الوحيدة اللي دايما فاهماني.
امي : طب يلا مستني ايه.
انا : البسوا بس لبس تقيل لأننا هنبقى ف منطقة تلج.
بعد شوية كانوا لبسوا لبس تقيل و انا مسكت ايد امي و ايد ميار و اختفينا و ظهرت ف القطب قدام الملك غايبان و الملك شمهروش.
انا : يلا يا جدي نعمل اللازم دلوقتي.
الملك غايبان : بص يا شمهروش، دلوقتي انت هتحط ايدك على ظهر مراتك و تدمر اي كيان بشري جواها و انا ف نفس الوقت هحط ايدي على رأسها علشان أحول الكيان اللي انت دمرته ل جن فهمت.
الملك شمهروش : تمام يا جدي، يا يارا تعالي هنا يلا علشان نعمل اللي انتي سمعتيه.
امي قربت منهم و ابويا الملك شمهروش راح حاطط ايده على ظهر يارا امي و بدأ يدمر الكيان البشري اللي جواها و هي بدأت تتوجع شوية و الوجع بدأ يزيد لان صوتها بدأ يعلي و بعد شوية الملك غايبان حط ايده على رأسها و بدأ يحولها ل جن و بعد اكتر من ساعة من الوجع عند امي يارا، الاتنين شالوا ايدهم من عليها.
رحت انا قربت منها و حضنتها و بعد كدا بوست ايدها و كنت فرحان جدا و دا لاني حسيت بقوتها ك جنية. و بعد كدا عملوا اللي عملوه مع ميار و برضو اتحولت ل جنية و انا كنت فرحان ليهم جدا.
انا: دلوقتي انتوا حاسين ان عندكم طاقة كبيرة.
امي : ايوه انا حاسة كدا. فعلا.
ميار : انا حاسة اني هنفجر.
انا : حلو حاولوا بقى توزعه الطاقة دي حوالين جسمكم.
الملك غايبان : الطاقة اصلا متوزعة حوالين جسمهم يا مازن و دا لان هما دلوقتي من الجن بس شكلهم بشري لأنهم كانوا من البشر و علشان كدا ملهمش تحول زينا.
انا : طب هما يقدروا يكبروا نفسهم و كدا و لا برضو مش هينفع.
الملك شمهروش : يا مازن، هما دلوقتي من الجن يعني عندهم كل قدرات الجن بس مش معندهمش تحول فهمت.
انا : طب و هنقول ايه للي موجودين ف عالم الجن.
الملك غايبان : انت نسيت ان الجن ممكن يتشكلوا بشكل البشر و دي هتبقى حجتهم هناك و حتى لو عرفوا انهم كانوا بشر محدش هيعمل حاجة لان لو حد فتح بقه انا هقتله.
انا : معلش يا جدي تاعبينك معانا.
الملك غايبان : يا غبي انا مش قولتلك تناديني ب غايبان.
الملك شمهروش : اسمع كلام جدك يا مازن.
انا : حاضر يا بابا، اه بالمناسبة يا ماما دا يبقى الملك غايبان، جدي.
امي : اهلا و سهلا يا.......
الملك غايبان : ايه يا بنتي نسيتي اسمي و لا ايه.
امي : لا بس بدأت احس احساس غريب.
الملك شمهروش : ايه هو بقى.
امي : حاسة بصهد جامد من ناحية الملك غايبان.
اول م امي خلصت كلامها، الكلام نزل علينا زي الصاعقة و دا لأنها يعني حست بقوة الملك غايبان اللي انا و الملك شمهروش مش بنحس بيها غير لما نستخدم قوتنا كلها.
انا : بصي يا ماما انتي و ميار، انتوا تبعدوا عننا و حالوا تستخدموا كل الطاقة اللي موجودة ف جسمكم و تغيروا حجمكم.
امي و ميار بعدوا عننا شوية و قعدوا يحاولوا يعملوا كدا لحد نجحوا و رحت انا و الملك غايبان و الملك شمهروش متحولين و كبرنا جسمنا، و طبعا كان أقوى واحد فينا هو الملك غايبان و بعده الملك شمهروش لان راسه كانت عند بداية صدر الملك غايبان و انا كنت عند فم المعدة كدا يعني فرق القوة بيني و بين ابويا قليل جدا و ببص على ميار كانت عند ركبة الملك غايبان و كان شكلها عسل خالص و كيوت عندها جناحات و اتفاجئت جامد لما شوفت امي اللي كانت راسها عند كتف الملك غايبان و دا معناه انها قوية جدا جدا و عدنها جناحات كبار و اكبر من اللي عندي. بس لسه مش عارفة ازاي تستخدم قوتها.
بعد شوية رجعنا ل الأحجام العادية تاني.
انا : من دلوقتي انتي و ميار هتعيشوا ف عالم الجن.
امي : بجد.
الملك شمهروش : طبعا، انتي دلوقتي مراتي التانية و الملكة التانية ل المملكة العليا.
ميار : طب انا منصبي ايه مهو مازن أمير و امي ملكة.
الملك غايبان : انتي هتبقي أميرة.
انا : بس انتوا الاتنين لازم تتعلموا ازاي تتحكموا ف القوة دي.
بعد شوية اختفينا كلنا و ظهرنا على حدود المملكة العليا ف عالم الجن و خدنا اذن من قائد الحرس اللي موجود ع الحدود و بعد كدا قعدنا نطير فوق المملكة و امي و ميار كانوا مذهولين من اللي شايفينوا و السحاب اللي حوالينا ف كل حته لحد دلوقتي بقول ع المشهد دا انه حاجة جامدة جدا و بعد د كدا و صلنا للقصر الملكي و دخلوا معانا و امي و ميار ف حالة ذهول تام و مش عارفين يتكلموا كلمتين على بعض و بعد فترة وصلنا للقاعة الرئيسية و قعدنا مع بعض و كانت أمي و ميار فرحانين جدا و بعد كدا جت الملكة هند هي و مرات حورس سلموا على امي و اختي. و بعد كدا جيرال جه و معاه حورس و فرعون و ميوار معاهم و قعدنا نهزر و نضحك لحد م لاقيت الملك غايبان.
الملك غايبان : خلاص بقى احنا مش ضحكنا و هزرنا كل واحد يقوم يشوف اللي وراه و انتي يا هند قومي خدي يارا و ميار و دربيهم كويس لحد م يقدروا يتعلموا لوحدهم و انت يا جيرال يا زفت يا جيرال قوم انت و ابنك فرعون و ابن اخوك حورس اتهببوا روحوا التدريب البطولة بعد كام يوم يا زفت منك ليه.
الملك غايبان كان بيتكلم و هو بيخبط كف ف كف زي ما يكون شايف ان الحال مايل و مش عجبه. و بعد كدا كمل.
الملك غايبان : و انت يا شملول يا مازن و ابوك شمهروش تعالوا معايا للقصر بتاعي علشان تتدربوا معايا يكمن يطمر فيكم.
انا : تحت امرك يا جدي.
الملك شمهروش : تحت امرك يا جدي.
بعد م خلصنا كلام اختفيت انا و الملك شمهروش و الملك غايبان و ظهرنا ف القاعة العامة ف القصر بتاع الملك غايبان و كانت فخم اكتر من القصر الملكي بتاع ابويا شمهروش و لما بصيت قدامي لاقيت واحدة جنية حسيتها حاجة كدا من الخيال لأنها كانت أجمل كائن اشوفه ف حياتي و تقريبا دا رأي اي حد ف عالم الجن و كانت أم الجن زوجة الملك غايبان و تقريبا ف نفس قوته الجبارة اللي الكل بيخاف منها و كان اسمها الملكة نالمورا.
الملكة نالمورا : اهلا يا شمهروش و مين اللي معاك دا.
الملك شمهروش : دا ابني اسمه ايزيس و اسمه الشهير مازن.
الملكة نالمورا : مازن مش دا اسم من عالم البشر.
انا : ايوه دا اسم من عالم البشر لاني انا عشت فيه.
الملكة نالمورا : ليه هو انت عمرك قد ايه، اكيد أصغر من حورس ب كام سنة بس.
الملك شمهروش : لا مازن أصغر بكتير من حورس، أصغر منه بحوالي ١٩٩٨٠ سنة، مازن عنده عشرين سنة و ماشي ف الواحد و العشرين.
الملكة نالمورا : ياااااه، عنده عشرين سنة بس و عنده القوة دي كلها و كمان أقوى من حورس و قريب جدا من قوتك يا شمهروش.
الملك غايبان : يا حبيبتي مش وقت اسئله لأن مازن و ابوه هيدخلوا غرفة الفراغ او غرفة الزمن. تعالوا معايا يلا.
مشيت انا و الملك شمهروش و الملك غايبان لحد م وصلنا ل غرفة الزمن دي و بعد كدا الملك غايبان حط ايده على باب الغرفة و الغرفة اتفتحت و اول م دخلناها كانت عبارة عن غرفة زي محاكاة ل كوكب الأرض تحس انك دخلت عالم تاني. و بعد كدا باب الغرفة اتقفل لوحده.
انا : يا غايبان هو احنا فين بالضبط لاني حاسس اننا ف كوكب تاني.
الملك غايبان : بصوا يا جماعة دي غرفة الزمن او غرفة الفراغ و دي انا اللي صنعتها و الوقت فيها مختلف عن الوقت بتاع كوكب الأرض و فعلا هتحس انك ف كوكب تاني و دا لان مساحتها زي مساحتها زي مساحة كوكب الأرض بالضبط و كمان لو حصل تدمير ف اي حته فيها، كل حاجة بترجع زي م كانت لما نطلع منها.
الملك شمهروش : ازاي بقى الوقت فيها مختلف عن الوقت العادي بتاعنا.
الملك غايبان : لان الوقت هنا تقريبا ثابت غير الوقت العادي بتاعنا او الوقت اللي بيمر ف كوكب الأرض الحقيقي. يعني لو قعدنا هنا مثلا كام سنة و خرجنا منها هيكون عدي كام دقيقة بس ف العالم بتاعنا فهمتوا.
انا : ايه العظمة دي يا غايبان، دا انت فاجر يا جدع. على كدا بقى الواحد يقعد هنا يتدرب لمدة كام سنة و يكون معداش كام دقيقة و كدا يبقى قوته زادت اوى ف وقت قصير جدا بالنسبة للعالم بتاعنا.
الملك غايبان : دا اللي عايزك تعمله يا مازن.
الملك شمهروش : طب اشمعني المرادي يعني قولت على موضوع الغرفة دا.
الملك غايبان : الغرفة دي عمرها من عمري بالضبط و محدش يعرف عنها حاجة غير مراتي الملكة نالمورا و محدش دخلها غيري انا و هي و بعد كدا انت و ابنك يا شمهروش و دا لان مازن عندي ليه معاملة خاصة علشان انا و هو صحاب.
انا : طب هندأ تدريب امتى.
الملك غايبان : دلوقتي يا حبيبي، انت و ابوك هتتدربوا مع بعض.
انا : يا خسارة كان نفسي اتدرب معاك انت يا غايبان.
الملك غايبان : يا مازن لو ضربتك ضربة واحدة هتتمسح و تختفي يا ابني، اصبر لحد م تكون قريب من قوتي علشان تعرف تتدرب معايا.
بعد كدا بدأت انا و الملك شمهروش نتدرب مع بعض، وقفنا قصاد بعض و بعد كدا كل واحد فينا استخدم قوته كلها و أجسامنا كلها كبرت و بدأت أقرب منه و أحاول اضربه بس هو كان بيصد كل ضربة مني قومت بعدت عنه و رحت عامل كرات نار كبيرة جدا و رمتهم عليه و هو قدر يصد عدد كبير منهم لحد م كرة خبطته ف رجله، ف ركع ع الارض قربت منه على طول و جيت اضربه ف بطنه لاقيته مسك رجلي و قام طار و رفعني فوق و قعد يدور حوالين نفسه وطبعا انا بدور معاه لانه مسكني من رجلي و قام رازعني ف الارض و انا حسيت بوجع جامد و بعد سابني مرمى ع الارض قومت على طول و عملت رمح كبير من رمح كبير جدا من الأرض او الصخور و بدأت احاول اضربه بيه لحد م خبطته ف صدره جامد راح اترمي كام كيلو ل ورا و وقع ع الارض لما لاقيته وقع ع الارض اتحكمت ف الارض تحته و كتفت جسمه كله، و رحت عملت إعصار من الرياح و مسكته ف ايدي و قربت من شمهروش علشان اضربه لاقيته صغر جسمه و اختفى و بعد ظهر ورايا و كان كبر جسمه و عمل برق كبير و ضربني ف ظهري بس انا صديته بالاعصار اللي كان ف ايدي لاني خليت الإعصار يكبر لحد م دخلت انا جواه و الإعصار اختفى هو و البرق بعد م خبطوا ف بعض و عملوا انفجار كبير بعض الانفجار ببص مش لاقيت الملك شمهروش رجعت بصيت فوقي لاقيته نازل ب سيف من النار عليا رحت مطلع السيف بتاعي
رحت مطلع السيف بتاعي ( ارجعوا للوصف بتاعي لما اتحولت ل جن) و صديت الضربة بس هو كان مكمل و السيفين كانوا متلاحمين جامد و بيطلعوا شرار جامد، رحت عملت كورة من النار و كانت أكبر كورة قدرت اعملها بكل قوتي و كانت قد بلد كاملة و رحت خبطها فيه لاقيته اتوجع جامد و اترمي ع الارض لسه هقرب منه و اضربه بالسيف حست ان السماء كلها بتتغير و نزل منها برق و رعد قوي جدا جدا قدرت اصده بالسيف بتاعي و لكن السيف بتاعي اتكسر و بقى زي التراب و البرق كمل و خبطي لاقيت نفسي اتهبدت ف الارض جنب الملك شمهروش و انا جنبه على الأرض لاقيته ضربني كام ضربة ف وشي و بطني و كنت بتوجع جامد و لكن انا ضربته برضو كام ضربة ف بطنه لحد م هو بعد عني و عمل سيف كبير قوي من السحاب و راح ضاربني بيه بس انا كنت عملت درع كبير جدا من الأرض و صديت الضربة دي و اختفيت و ظهرت ورا الملك شمهروش و رحت ضربته ف ظهره ب إعصار كبير من الرياح و الإعصار دا قعد يجرحه ف ضهره لحد م الإعصار اختفى و لسه هنكمل رزع ف بعض لاقينا الملك غايبان ظهر وسطنا.
الملك غايبان : ايه الهبل اللي انتوا بتعملو دا، لو دي كل قوتكم يبقى بلاش اعرفكم اصلا.
الملك شمهروش : معلش يا جدي احنا برضو لسه صغيرين علشان نبقى زيك كدا.
الملك غايبان : خلاص كملوا تدريب بس عايز اشوف قتال أقوى من كدا بكتير و الا هزعل جامد.
انا : يا جدي انا حاسس ان فيه حاجة جوايا متغيرة بس مش عارف ايه هيا.
الملك غايبان : بص يا مازن مش هينفع كل مرة احنا اللي نقولك تعمل ايه لازم تعرف بنفسك بعد كدا. اتهببوا يلا.
اختفى الملك غايبان من قدامنا.
أنا : يا بابا يلا نستخدم كل قوتنا.
الملك شمهروش : م هو دا اللي هيحصل بس استحمل انت بقى.
فجأة لاقيت الملك شمهروش بيعمل برق كبير جدا ف كل حته ف السماء و البرق بقى يهاجمني و كل شوية اتجنبه و اروح ل منطقة تانية بس برضو السماء كلها بقت عبارة عن برق، تخيل كدا سماء كوكب الأرض ينزل منها برق ف كل حته ف الكوكب لدرجة اني انضربت بالبرق اكتر من ١٠٠ مرة و بعد كدا حسيت ان الملك شمهروش مش قادر يحافظ على كل دا و مش قادر يستحمل و دا لان قدرته ليها حدود من حيث القوة و الوقت اللي تقدر تستمر فيه القدرة دي و لاقيت السماء رجعت طبيعية تاني، رحت انا جمعت كل قوتي و عملت إعصار كبير قوي و وجهته ناحية الملك شمهروش اللي حاول يصده بس معرفش و اتصاب جامد زي م انا اتصابت من البرق اللي عمله و كان عندي حروق كتير ف كل حته ف جسمي و الملك شمهروش كان عنده جروح مفتوحة ف كل حته ف جسمه و بعد كدا قربت منه جامد و ضربته ف دراعاته و بطنه بس هو كان أقوى من بحاجة بسيطة و ضربني ف بطني بالركبة و بعد الضربة دي وقعت ع الارض و حسيت اني خلاص مش قادر اكمل و لكن ف نفس الوقت لقيت الملك شمهروش نازل فيا ضرب و قعدت يضرب فيا كتير جدا لحد م حسيت ان جسمي بيتغير و فيه حاجة غريبة بتحصل فيه و فجأة لاقيت الملك شمهروش بعد عني و انا طرت ف الهواء و جسمي بيتركب حواليه درع بيلمع زي درع المحارب كدا و كان شكله جميل جدا و لاقيت فيه سيف ظهر ف جنبي الشمال و كان شكله روعة.
الملك شمهروش : دلوقتي انت بقيت أقوى مني يا مازن حاول بقى تهاجم كدا.
انا ساعتها بصيت لاقيت جبل كبير موجود ع الارض رحت شاورت ب ايدي الجبل بدأ يتحرك و خليته على شكل سهم كبير جدا و رحت موجهه ناحية الملك شمهروش اللي كان بيحاول يصد السهم دا بدرع كبير من النار بس انا كنت أقوى منه و السهم اخترق الدرع و ضرب الملك شمهروش جامد و بعد الضربة دي حسيت ان الملك شمهروش بيتوجع جامد و تقريبا مش قادر يكمل بس لاقيته بيقرب مني و بيحاول يضربني بسرعة بس بسبب ان قوتي زادت كانت ضرباته بطيئة جدا بالنسبالي و معرفش حتى يلمسني لحد م رحت ضاربه ف دماغه جامد و رفعته و هبدته على الأرض لاقيته فقد الوعي. و ببص حواليا لاقيت الأرض كلها حفر منها الكبير و الصغير و لاقيت الملك غايبان ظهر قدامي و بيتكلم.
الملك غايبان : متقلقش يا مازن ابوك شوية و هيقوم.
انا : انا مكنش قصدي اعمل فيه كدا.
الملك غايبان : عارف انت بس اتغاشمت شوية لان قوتك بقت اكبر من قوة الملك شمهروش دا.
انا : طبعا دا حتى انا بقيت أضخم و دلوقتي انا واصل لحد صدرك دي امي بالضبط.
الملك غايبان : طبعا انت بقيت أقوى و لكن اي ضخامة و طول جسم اي جني ف عالم الجن حتى انا ليه حدود و حدود اي حن هي الطول و الضخامة اللي انا فيهم دلوقتي و دا لان جسمي مبقاش يتضخم او حتى يبقى أطول من كدا.
انا : طب ليه بقى قوتك بالشكل دا.
الملك غايبان : لان لما توصل و يبقى جسمك زي جسمي كدا دا معناه انك بقيت قوي بدنيا لاقوي الحدود و لكن لسه فيه القدرات اللي معاك دلوقتي و اللي هتقدر تكتسبها بعدين.
بعد شوية لاقينا الملك شمهروش قام و فاق.
انا : انت كويس يا بابا.
الملك شمهروش : انت حرفيا كنت هتموتني.
انا : معلش مكنش قصدي.
الملك شمهروش : طبعا م انت بقيت أقوى مني و تقريبا قوتك بقت قد قوتي حوالي ٣ مرات.
انا : ياااااه هو انا قوتي زادت قوي كدا.
الملك غايبان : انتوا بقالكم بالضبط ٢٠ سنة هنا.
انا : لا كدا كتير و اللي بيقرؤا القصة هيشتموني يا رايق.
الملك شمهروش : قصة ايه يا مازن دي.
انا : لا متاخدش ف بالك.
الملك غايبان : طب يلا نطلع دلوقتي.
انا : على كدا بقى هيكون عدي كام دقيقة ف الوقت العادي بتاعنا.
الملك غايبان : لا مش كتير دا حتى ممكن يستغربوا ايه السرعة دي. ههههه.
طلعنا من غرفة الزمن او غرفة الفراغ و بعد كدا رحنا للملكة نالمورا.
الملكة نالمورا : ها، عملتوا ايه، ثانية واحدة كدا، دا مازن قوته زادت قوي.
الملك شمهروش : مازن بقى أقوى مني شخصيا. يا جدتي.
الملكة نالمورا : يا شيخ اتوكس م انت اللي من بعد م بقيت ملك سيبت التدريب فترة كبيرة.
الملك غايبان : شوفت بقى، مش انا لوحدي اللي كنت صح اهو.
الملك شمهروش : يعني اعمل ايه م هو انا بدير المملكة برضو.
الملك غايبان : يا شمهروش المملكة مش هتختفي يعني لمجرد انك ادربت يومين، فهمت و بعدين ايه لازمة كل الأمراء و المستشارين اللي عندك دول.
انا : كلامك صح يا جدي بس سيبوه براحته و هو عارف هيعمل ايه.
الملك غايبان : بص يا مازن من دلوقتي لو حبيت تتدرب تعالي هنا و ادخل غرفة الزمن اتدرب براحتك بس اوعي تنسى نفسك و انت جوا لان هيكون عدي وقت كبير هنا.
انا : بس مش المفروض ان انت الوحيد اللي تقدر تفتح الغرفة دي يا غايبان.
الملكة نالمورا بغضب : مازن اتكلم مع جدك كويس.
الملك غايبان : يا حبيبتي مازن يناديني براحته و اوعي تزعليه بقى.
انا : انا مش قصدي حاجة يا جدتي بس انا و جدي صحاب و هو قال اني اناديه براحتي.
الملكة نالمورا : بجد، يعني اول مرة تعمل حاجة زي دي يا حبيبي.
الملك غايبان : دلوقتي يا مازن انت تقدر تفتح الغرفة، متقلقش.
انا : خلاص اللي تشوفه يا جدي.
الملك غايبان : انت يا زفت يا شمهروش مش عندك ام مملكة لازم تديرها، مستني ايه م تتهبب تمشي تشوف اللي وراك يا منحنح.
الملك شمهروش متوتر : حاضر يا جدي اللي تؤمر بيه، يلا يا مازن نمشي بدل م نروح ف داهية.
الملك غايبان : لا سيب مازن هنا عايزه ف كلمتين.
الملك شمهروش : تمام يا جدي.
الملك شمهروش اختفى و ظهر ف القصر عنده و لاقيت الملك غايبان مسكني من قفايا.
الملك غايبان : اسمع ياض انت من هنا و رايح مفيش يوم يعدي من غير ما تيجي تتدرب ف غرفة الزمن و لو عرفت ان فيه يوم عدي من غير متتدرب مش هيحصلك كويس، سمعت ولا اسمعك.
انا خايف : تمام يا جدي متقلقش.
الملك غايبان : خلاص امشي بقى.
خدت بعضي و مشيت من القصر بتاع الملك غايبان و ظهرت ف القصر بتاع الملك شمهروش.
ف القصر بتاع الملك غايبان بعد م انا م مشيت قعد يتكلم مع مراته.
الملكة نالمورا : بس انت مهتم قوي ب مازن كدا ليه.
الملك غايبان : لانه مش بيخاف و كمان ذكي جدا بالنسبة ل سنه الصغير و كمان قوي جدا و جسمه مميز لانه قوته بتزيد كتير رغم انه مش بيتدرب كتير و بعدين انا هو صحاب و لحد دلوقتي معرفش بقينا صحاب ازاي.
الملكة نالمورا : بس دا لسه قدامه كتير علشان يبقى قوي بجد مش لعب العيال اللي بيحصل دا.
الملك غايبان : ما انا عارف الكلام دا كله بس هو هيقدر يعمل كدا ف وقت قصير جدا و دي حاجة كويسة ليه لاني عايزه يبقى قوي و يشرفني.
الملكة نالمورا : هو مازن لسه ميعرفش انه ابنك.
الملك غايبان : لا لسه ميعرفش بس طبعا شمهروش هيقوله ف الوقت المناسب.
الملكة نالمورا : على فكره شمهروش طلع فعلا جدع جدا لانه بينفذ كل اللي انت عايزه لحد دلوقتي.
الملك غايبان : لو ام مازن عرفت اني انا ابو مازن مش شمهروش احتمال تقتل نفسها. و كمان شمهروش فعلا طلع جدع زي م قولتي و دا لانه كان بيظهر ليها بالشكل اللي انا ظهرلتها بيه اول مرة لما  شافتني و بقيت حامل ف مازن و كان لما يحس انها نفسها تقابلنى كان بيجي هنا يقولي و انا كنت بروح لها.
الملكة نالمورا : يعني شمهروش فعلا جدع وساعدك كتير.
الملك غايبان :فعلاً و علشان كدا شمهروش هو الوحيد ف احفادي اللي بتعامل معاه كويس،. بس انا خايف على يارا ام مازن لو عرفت دا كله ممكن يحصل اللي انا خايف منه. انا بخاف عليها جدا يا نالمورا و انتي عارفة اني هي البشرية الوحيدة اللي حبيتها.
الملكة نالمورا : الحل الوحيد ان مازن يعرف الأول و بعد كدا هو هيقدر يتعامل معاها و يقولها ع الحقيقة.
الملك غايبان : بقولك ايه م تيجي ادربك دلوقتي.

ف قصر الملك شمهروش.
الملك شمهروش ظهر و بعد شوية انا ظهرت و كان راح قعد مع المستشار الخاص بيه. و انا ظهرت قدامهم.
المستشار الخاص : اهلا بالأمير مازن.
الملك شمهروش متوتر : ايه يا مازن هو جدي كان عايزك ف ايه.
انا : متقلقش مفيش حاجة و بعدين انت متوتر ليه كدا يا بابا.
الملك شمهروش بيلجلج ف الكلام : لا مفيش حاجة انا بس كنت قلقان لانه زي م انت م شايف بيتغير ف المعاملة ف ثانية.
انا : لا مفيش حاجة كله تمام، اومال فين امي و ميار.
الملك شمهروش : دلوقتي هما ف الساحة الرئيسية للتدريب مع الملكة هند.
انا : طب انا هروح ليهم اشوف هما عملوا ايه.
اختفيت من قدام الملك شمهروش و كنت حاسس انه مخبي عليا حاجة بس قولت الايام هتوضح كل حاجة و بعد كدا ظهرت ف ساحة التدريب. يتبع