جزء مكمل لنص مسرحية جعيدي في حقوق
فتح
( يدخل الدكتور الي المسرح )
الدكتور / صباح الخير وكل سنة وانتو طيبين ... طبعا انتو عارفين المادة الدراسية اللي انا بدرسها واحب اعرفكم حاجة انا مش ها قول
علي اسمي ها تعرفوا من زميلاكم اللي في السنين اللي فاتت .... في حياتي بكيت مرتين يوم ما امي الله يرحمها ماتت والمرة
التانية يوم ما اديت لطالب عندي في سنة من السنين تقدير جيد ... اه لو اشوفه
( يصعد احد الجالسين في المسرح ويعطي الدكتور سؤال علي انه احد الطلبة )
الدكتور / واحد غبي بعت سؤال في الورقة دي وبقول ..... يا دكتور الكتاب بتاعك كل عناوين ومش عارفين المادة المحددة للدراسية
بالرغم من انه غبي جدا .... ها جاوب عليه .... يابني الكتاب اللي معاك ده مش عشان تذاكره ... لا الأسلوب الأمثل انك تأخذ
العناوين وتروح مكتبة الاطلاع ولما يجي سؤال تجاوب عن طريق جمع جميع اراء الدكاترة اللي انت اطلعت علي كتبهم أنا ضد
التحديد واذا كانت إدارة الجامعة حددت المادة الدراسية اللي انا بدارسها فانا ضد هذه المادة وضد تحديد المواد للدكاترة زملائي
انا اخدت الليسانس وانا عندي 16 سنة ... الدبلومة الاولي 17 سنة .... الدبلومة التانية 18 سنة الدكتوراه وانا عندي 20 سنة
وكنت اصغر دكتور وضربت الرقم القياسي علي مستوي الشرق الأوسط ... وبحب العب الشطرنج وبحب المكرونة الباشا ميلي
( يلحظ احد الطلبة يلعب في كتف زميلته )
وعندي بنتي بالدنيا كلها يا حيوان .... ايوة صحيح ارجو تنفيذ هذا الامر حالاً ... وهو فصل البنيين عن البنات ... الصفوف اللي علي
الأيمن ها تكون للبنات ... وده اللي ها خلي سنتهم هنا ... والصفوف اللي علي الشمال للبنيين ودول اللي ها خلي سنتهم طين
وارجو اننا تحافظ علي هذا التقليد في كلية الحقوف ... اتفضلوا .... اتفضلوا
( يجري الدكتور فجاءة من علي خشبة المسرح ثم يتجه الي الجمهور حيث بآتي بأحد المشاهدين ويرجع به الي خشبة المسرح )
الدكتور / انت فين كارنيهك ....!.!.!.؟؟؟
سواق / ها
الدكتور / انت في سنة كام ....؟
سواق / انا عند المؤاخذة مش طالب
الدكتور / مش طالب ....؟؟؟!!!
سواق / انا عدم المؤاخذة سواق ميكروباص
الدكتور / ولما انت سواق ميكروباص ابة اللي جابك عنا المدرج تحضر عندي ......؟؟؟؟!!!!
سواق / اصلي عدم المؤاخذة البنت اللي ماشي ... قصدي خطيبتي هنا وانا بوصلها كل يوم الجامعة
الدكتور / ايوة ... وبعدين ....!!!!!!
سواق / قالت لي اجي احضر معاها النها رده يعني
الدكتور / الله .... الله ... الله .... انت فاكرها سينما ( في انفعال شديد ) الامن ... الامن ... فين خطيبتك دي ....؟؟؟
( يدخل الامن في سرعة ويمسك بالسائق )
سواق / جري اية يا أستاذ اللي فين خطيبتك دي .... فين خطيبتك بعد الحصة هاديك تمنها ... واخليك تديها درس كمان خصوصي
الدكتور / خرجوا الحيوان ده بره ... وخليكم متحفظين عليه .... فين خطيبته ( تكون قد صعدت الي المسرح ) خدوها معاكم ... انا
مش ها رفدك من جامعة القاهرة انا ها رفدك من جميع جامعات العالم .
البنت / ( وهي تبكي ) انا اسفة ... انا اسفة جدا يا دكتور ... والله ... والله يا عمو ( وهي تخرج مع السائق مع الامن )
