قصص شخصيات الانمي المحبوبة
معاناه شخصيات الانمي…
عالم الأنمي مليان بالشخصيات اللي بيحبها الأوتاكو، بنفرح لما بتفرح ونزعل لحزنها ووقوعها،
لكن فيه شخصيات معينة لمست قلوبنا بسبب كمية المعاناة اللي مرّوا بيها، ومع ككل دده للسة صامدة و واقفة على رجليها و مكملة.
تعالوا نتكلم عن 5 شخصيات وقد إيه عانوا في حياتهم كتير اوي.
1. ناروتو أوزوماكي – Naruto 🍲
من أكتر الشخصيات المحبوبة في عالم الأنمي.
اتولد ناروتو يتيم الاب و الام، وكان منبوذ جداً من أهل قريته بسبب ثعلب الكيوبي (كوراما) اللي ابوه مينيتو ختمه جواه.
عاش طفولته وحيد ومرفوض من كل شخص في القرية، لكنه مستسلمش وكان بيحاول يثبت نفسه للكل.
ومع ذلك، فضل محافظ على ابتسامته وأمله إنه يبقى الهوكاجي.
قوة ناروتو مش بس في قتاله، لكن في قلبه اللي ما استسلمش للظلام و القسوة اللي كانت منتشر في حياته.
2. نيزوكو كامادو – Demon Slayer 🌸
نيزوكو مثال للتضحية والصبر. بعد ما فقدت عيلتها بالكامل بسبب الشياطين الي كانت منتشرة في العالم بتاعهم، وتحولها لشيطانة،
ورغم كده، قدرت تحافظ على إنسانيتها وحبها و حمايتها لأخوها تانجيرو.
نيزوكو رغم تحولها لشيطانة مأزتش حد
نيزوكو واجهت صعوبات كتير، وكان سبب حب الناس ليها إنها كانت لطيفة حتى بعد ما اتحولت لشيطانة، زائد إنها كانت بتحمي أخوها تانجيرو ممن اي حاجة و أي خطر
3. ليفاي أكرمان – Attack on Titan ⚔️
ليفاي عاش طفولة صعبة جدًا بعد ما شاف أمه وهي بتلتقط أنفاسها الأخيرة قدامه،
وعاش في أخطر مكان في عالمهم الي كان مليان عمالقة برا السور، فقد أعز أصدقائه.
لكنه رغم ده، كان دايمًا واقف صامد وبيقاتل العمالقة بكل شجاعة وحقد علشان صحابه الي ماتوا بسببهم.
قوته الباردة وإصراره إنه يقضي على العمالقة خلت منه شخصية أسطورية، لكن كان وراه حزن شديد.
4. إيرين ييغر – Attack on Titan ⚔️
من شخصية بريئة بتحلم بالحرية الكاملة، لإيقونة معقدة مليانة ألم ومعاناة ورغبة في الانتقام.
إيرين فقد أبوه وشاف أمه بتتاكل من أحد العمالقة قصاد عينه،
وحتى أصدقائه الماتوا قصاد عينه والي فقدهم، وكل خطوة في رحلته كانت مليانة تضحية وخسارة من كل النواحي.
خد قرارات صعبة جدًا، لدرجة إنه أباد 80٪ من البشرية، وكل ده علشان عشقه و بحثه عن الحرية،
والجدل حواليه زاد تعاطف الناس معاه.
5. كانيكي كين – Tokyo Ghoul 👁
كانيكي مثال على المعاناة الجسدية والنفسية. من طالب جامعي بيعيش حياة عادية لشخص غريب نصفه إنسان ونصفه التاني غول.
عاش صراع داخلي رهيب ومأساوي بمعنى الكلمة،
وتعرض للتعذيب والخيانة من أقرب الناس ليه،
لكنه حاول يحافظ على طيبته.
💬 الخلاصة:
الشخصيات دي بتفكرنا إن الألم بيخلق أبطال، وإن المعاناة مش دايمًا نهاية… ساعات بتكون بداية لقصة قوية وعظيمة.
تحبوا أعمل جزء تاني من السلسلة ونتكلم عن شخصيات أكتر؟ 😍
