ازاى تعرفى إذا كان خطيبك بيحبك ولا لا

مبدئيا  كدة انا اتعلمت كتير فى حياتى ومن خلال تجربتي وخبرتى فى الحياه هحاول اساعد بنات كتير لسه طالعه للدنيا واتمنا من كل قلبي أن الكلام دة ناس كتير استفاد منه 

اول هام و هو ليه اعرف اصلا إذا كان بيحبنى ولا لا لان ببساطه شديدة لما تعرفى قد اى هو بيحبك هتعرفى كمان قد اى انتو هتعيشو حياه مريحه …..

لان ببساطه كل ما كان الراجل بيحب كل ما كان بيعمل المستحيل عشان اللى بيحبو بمعنى تانى أن للى بيحب حد بيضحى من أجله وسواء بقا كان تعب أو مال أو اى شئ تانى المهم أنه يكون فعلا بيضحى ومش كلام وخلاص 

الراجل لما بيحب مابيشوفش غير واحدة بس وهى اللى بيحبها وبس عشان وقتها هو مش بيعرف يشوف غيرها يعنى مثلا لو هو حرفيا بيحبك وجيتى قولتلى انا تعبانه ومحتاجلك جنبي هيسيب اى حاجه معاه وهيجى جنبك ويحاول يعملك اى حاجه انتى بتحبيها ببساطه اكتر لما تحسي منه ب امان وخوف عليكى طول الوقت وحنيته بتحسي ب اهتمام بتحسي بالثقه بتحسي أن لو ف مرة حد جرحك أو ضايقك لو حته بكلمه هتلاقى اللى يقف ويدافع عنك وتحسب أنه ممكن ياكل اى حد يحاول بس يقربلك الحب هو اكتفاء كامل من الشخص للى قدامك اللى هو بمعنى تانى أن لو انتو الاتنين بس ف دنيا عمركو ماهتزهقو من بعض 

وحب الراجل للست مش بيبان الا ف الحاجات دى للاسف زى الخوف والحنيه والطيبه والقلب الابيض والاهتمام والثقه والاحترام المتبادل دايما وطول الوقت التفاهم الكامل حته وقت الاختلاف بتكونوا عارفين انكو ف الاخر هتوصلو لحل مش هنتخانق وخلاص وكل واحد يعمل للى عايزو لا لا لا واى راجل ف دنيا مابيحبش العند تكسبي راجل من كلمه حاضر ف حدود الأدب اكيد وتاخدى عنيه بكلمه حلوة وشويه حنيه 

لو لقيتى نفسك ف علاقه فيها انانيه فيها عدم ثقه فيها وجع فيها عياط فيها عدم احترام نصحيه متكمليش لان وقتها انتى هتكونى وقت وهيروح لحالو لذلك نصحيه متكمليش لان انتى اللى هتكونى خسارنه ف الاخر هو مش هيخسر حاجه لان من البدايه اصلا الموضوع معاه مكنش حياه كان تسليه مش اكتر عززرى نفسك انتى مش قليله انتى تستاهلى كل حاجه حلوه فى الدنيا ومافيش حاجه اسمها اصل انا شكلى وحش اصل انا جسمى وحش اصل انا عندى وعندى وعندى هقولك للى بيحب بيحب شخصيه مش بيحب كيان أو جسم أو شكل لأن كل دة بيروح وبيفضل ف الاخر الروح بس للى عايشين بيها واللى بيحب كمان بيحب عيوبك قبل مميزاتك ومحدش فينا خالى من العيوب بس الفكرة مين للى يقدر يستحملها ويحبها ورغم كل حاجه مايشوفهاش عيب يشوفها ميزة بأن ببساطه الحب مشاركه بين اتنين بيتقسموا الحياه مع بعض كل واحد فيهم مسنود على التانى ومحدش فيهم يقدر يبعد لو لقيتى نفسك ف علاقه بتخسرى فيها كل حاجه صحتك وشكلك وحياتك وشغلك ابعدى ابعدى عشان انتى لو كملت هتبقي اسوء من كدة بكتير ومحدش بيتعلم ببلاش بس المهم اننا نتعلم ونقوم تانى ونواجه كل حاجه خليكى قويه واثقه فى نفسك ومافيش حاجه تكسرك دورى على كيانك وحياتك وشريك يعلى منك ويقويكى ويكون سند وضهر ليكى ويعلى منك ميقللش ابدا وكل حاجه بالخناق اللى الجواز بالتفاق وطلما مش متفهمين ابعدى واشترى نفسك وحياتك بدل ما تكملى ومتلقيش حاجه منها ابدا 

اتمنا يكون كلامى أفادكم وتكونو استفادته منه وانى اكون حاولت اساعد حته لو بكلمه