الاعضاء الVIP
Al-Fattany Beauty Channel Vip حقق

$0.82

هذا الإسبوع
Ahmed Adel Vip Founder المستخدم أخفى الأرباح
محمود محمد Vip المستخدم أخفى الأرباح
Mohamed Mamdouh Vip حقق

$0.30

هذا الإسبوع
أكثر الأعضاء تحقيق للأرباح هذا الاسبوع
Mostafa Mohamed حقق

$21.05

هذا الإسبوع
Fox المستخدم أخفى الأرباح
ahmed hawary حقق

$7.25

هذا الإسبوع
Ahmed Adel Vip Founder المستخدم أخفى الأرباح
Youssef Shaaban المستخدم أخفى الأرباح
Hager Awaad حقق

$4.50

هذا الإسبوع
Ahmed حقق

$3.85

هذا الإسبوع
Mohamed Ahmed Sayed حقق

$2.94

هذا الإسبوع
osama hashem حقق

$2.76

هذا الإسبوع
Habibo311 حقق

$2.55

هذا الإسبوع
بيت العجايب الجزء الأول

بيت العجايب الجزء الأول


العائلة هي الكيان الذي يضم جميع أفراد الأسرة هي الأمان والدفء والروح الطيبة العائلة هي التي تظلل على أفرادها كالشجرة التي تظلل على من يقف تحتها وتحميه من مخاطر الحياة

◾ كالعادة كل نهاية أسبوع تتجمع العائلة بجميع أفرادها لتناول وجبة الغذاء في الطابق الأول الخاص بالحاج مهدي… حيث العطلة للجميع.
🔹 استيقظت فريال مبكرا وهبطت لشقة والدها لتبدأ التحضيرات حتى تستيقظ بقية النساء ويلحقن بها…
🔹 دخلت على والدها غرفته ذات الطبع الكلاسيكي،، وجدته يشاهد نشرة الأخبار الصباحية… فاقتربت منه وقبلت يديه :صباح الخير يابابا…

المهدي:صباح الخير يافريال يابنتي… نزلتي بدري ليه… ماكنتي استنيتي اختك وبقية الحريم على اما ينزلوا يساعدوكي…

فريال : انا كده كده صاحية يا بابا سيبهم يصحوا براحتهم وانا هجهز الفطار نفطر سوا وبعدين اجهز للغدا على قد ماأقدر…

المهدي: ربنا يعينك يابنتي… بس عامل عليكي… سنك مبقاش يسمح لك بالبهدلة… المفروض تريحي نفسك شوية…

ابتسمت فريال :أينعم يابابا أنا كبرت… بس الحمد لله صحتي كويسة ومش تعبانة…

المهدي : ربنا يزيدك من فضله يابنتي… ويعطيك الصحة… بس قوليلي فرج فين؟؟

فريال :نزل من الفجر راح يزور أخوه ويقعد معاه يومين على إما يطمن عليه…

المهدي : ربنا يعينه يابنتي… أنا حزين على حال أخوه اللي المرض اتمكن منه ده….

شردت فريال ثم نهضت لتدخل المطبخ وتبدأ يومها….

◾في حديقة المنزل بينما يتناول المهدى وفريال وجبة الإفطار يهبط معاذ ووائل يرتديان حلة رياضية ويحمل كل منهم حقيبة صغيرة على ظهره….
🔹 معاذ:صباح الخير ياجدو… صباح الخير ياماما فريال.
🔹 وائل : صباح الخير عليكم….
🔹 المهدى :صباح الخير ياولاد.
🔹 فريال :صباح الخير ياحبايبي… رايحين النادي بدري كده؟؟
🔹 معاذ: كل الحكاية اني عايز اجري شوية عشان اعرف اجوع والتهم الأكل اللي هتعمليه كله… وخدي بالك اني مش هتنازل النهارده عن المكرونة البشاميل.
🔹 ابتسمت فريال :من عنيا ياحبيبي… بس كُل أنت.
🔹 وائل :كل همك على بطنك وبس… ياللا يارخم هنتأخر.
🔹 فريال:طب تعالوا افطروا معانا الأول.
🔹 وائل : اما نرجع ياماما فريال… سلام.
🔹 المهدى :في رعاية الله وحفظه ياحبايبي.

لاحظت فريال تعكر مزاج أبيها وشروده وضعف شهيته… اقتربت منه ومسحت على كتفه… مالك يابابا فيه حاجة مضايقاك؟
🔹 المهدى :حزين يابنتي على وجدي أخوكي… صحته مش عجباني كده وكمان نفسيته في الأرض.
🔹 فريال : ليه حاجة تاني حصلت؟؟
🔹 المهدى :أيوة وسيلة بنته رفضت العريس اللي متقدم لها ووجدي أخوكي متدمر بسببها.
🔹 فريال : طب ليه بس يابابا… وسيلة ناضجة وعاقلة وأكيد لو كان مناسب كانت وافقت… يبقى وجدي يزعل نفسه ليه ويقهر نفسه.
🔹 المهدي :يابنتي دي بقي عندها ٣٠ سنة… هتفضل ترفض كده لحد إمتى؟؟؟
🔹 فريال: لحد مايجيلها المناسب… دا جواز يابابا… يعني بيت بيتأسس وأسرة بتتبني… لو مفيش تفاهم وتوافق بين الاتنين يبقى احنا كده بنخرب وبندمر الشخصين دول.
🔹 المهدى :أنتي عارفة يافريال أن صحة أخوكي على قده وهو متعلق أد إيه بوسيلة ونفسه يفرح بها.
🔹 فريال :يسلم هو بس أمره لله ويصبر وهو هيفرح بها أكبر فرحة في الدنيا.
🔹 المهدى :يارب يابنتي…
🔹 فريال :متشلش انت هم ياحبيبي عشان صحتك وأنا هتكلم معاه بس اما تسمح الظروف ونكون لوحدنا.

◾في شقة أحمد..
🔹 أحمد : أنا نازل الصلاة ياأحلام… اصحي بقى وأنزلي على أما آجي.
🔹 أحلام بضجر :أنا مش نازلة ياأحمد وقولتك للمرة العاشرة مش مُلزمة كل يوم راحة ليا أصحى بدري وأنزل اتصنم طول اليوم تحت.
أحمد : طب ماتعتبريه يوم ترفيهي وتنزلي تقعدي مع العيلة وتغيري جو.
🔹 أحلام : أنا راحتي في اني اقعد في شقتي وارتاح…
🔹 أحمد : اشمعنا أنتي اللي كل جمعه تعملي كده… ما منال ووداد بينزلوا ويضحكوا ومزاجهم حلو… رغم ان انتي بنت عمي يعني المفروض تكوني الأقرب لبابا واخواتي.
🔹 أحلام بعصبية: يوووه يا أحمد مش هنخلص من الاسطوانة دي… وكمان قولتلك ألف مرة متقارنيش بحد فيهم أنا مش زي حد… وكمان عشان اخلص ونفض النقاش ده حاضر… هلبس وأنزل أهوه…

◾ خرج جميع الرجال من المسجد القريب من المنزل بعد أن أدى الجميع صلاة الجمعة…. تركهم وائل واتجه ناحية بائع الذرة المشوية..
🔹 أدهم : إيه ياوائل رايح فين كده؟
🔹 وائل :اسبقوا أنتوا هجيب درة مشوي
🔹 معاذ : أكيد الذرة ده لوسيلة… هي اللي عاشقة الدرة المشوي.
🔹 ابتسم وائل وهو يلف الذرة في ورقة بيضاء :أيوة لوسيلة…

ثم مضى الجميع عائدين للمنزل… اقترب معاذ من وائل وقال: مزاج حبيبي مش هو ليه النهاردة؟
🔹 وائل : مفيش حاجه يامعاذ والله بس زعلان على تفكير بابا واستعجاله في موضوع ان وسيلة تتجوز ده… وسيلة كمان بقيت حاسس انها مضغوطة من اصرار بابا وزنه عليها…
🔹 معاذ: عمي وجدي غلطان ياوائل… وسيلة انسانة راقية وناضجة وتستحق اللي بيحبها فعلا ويقدرها… إنما كده ممكن توافق على أي حد والسلام.
🔹 وائل :للأسف بابا مش مقتنع بكده… كل تفكيره أنها بتكبر وقطر الجواز هيفوتها.
🔹 معاذ :إيه الكلام ده… وسيلة لسه في عز شبابها… ونصيبها اللي يستحقها وتستحقه جايلها قريب

◾ في شقة المهدى الجميع يحضر الغذاء بكل نشاط… فريال ومنال مسئولتان عن الطبخ ووداد وجميلة يحضران السلطات و المقبلات،،، أما وسيلة وميان وجيهان يحضرن السفرة الكبيرة ليجتمع عليها الجميع،،، أما آثار لم تنزل بعد مع أمها،،، وجوري تجلس علي هاتفها المحمول تقلب صفحات الفيس بوك…

◾ في المطبخ…
🔹 فريال:سيبي اللي في ايدك ياجميلة وتعالي اقفى مكاني اما اعطي لبابا علاج قبل الغداء.
🔹 جميلة : حاضر يا ابلة جاية أهوه… (اقتربت منها وأمسكت الوعاء بدلا منها وقالت) مش لو كانت ست الدكتورة وبنتها نزلت كانت خفت علينا… بس تقولي إيه بقى على مناخيرها اللي في السما.
🔹 فريال : ملكيش دعوة ياجميلة… خليكي في حالك… عيب عليكي دا بنت عمك قبل ماتكون مرات أخوكي
🔹 جميلة : هو أنا قولت حاجة… هي اللي شايفه نفسها علينا… وبنتها كمان طالعة لأمها ومحدش عارف يكلمها.
🔹 فريال : ياجميلة بطلي بقا بنتها دي بنت أخوكي… وخدي بالك من اللي ف ايدك.

◾ في الصالة…
🔹 وسيلة : خدي ياميان حطي الطبق ده ناحيتك.
🔹 جيهان وهي ترتب الأطباق : كده تمام ياوسيلة؟؟
🔹 وسيلة: تمام ياجي جي ياقمر أنتي.
🔹 جيهان :قلبي ياكبير.
🔹 رن هاتف ميان فابتسمت.. بعد إذنكم هرد على التليفون وارجعلكم.
🔹 وسيلة وهي تغمز لها :أيوة ياعم ماشية معاك.
🔹 ابتسم ميان لها ثم فتحت الخط وابتعدت وهي تقول: أيوة يامهند.

◾ دخل الرجال جميعهم الواحد تلو الآخر وبينما اقترب وائل من وسيلة بالذرة… خطفه منه معاذ وجرى نحوها…
🔹 وائل : بتعمل ايه ياض هات الذرة.
🔹 التفتت وسيلة :إيه ياشباب بتزعقوا ليه؟؟!!
🔹 اقترب منها معاذ ومد يده : أحلى درة لست البنات.
🔹 فرحت وسيلة وتهللت أساريرها :درة… متحرمش منك يامعاذ.
🔹 معاذ:لو تعرفي أنا وقفت أد إيه في عز الحر عشان أجيبلك الدرة ده.
🔹 وائل بعصبية :ده كداب والله أنا اللي جيبهولك ياويسا.
🔹 وسيلة بابتسامة هادئة :مفيش فرق ياوائل… أنتوا اللي الإتنين واحد.
🔹 وائل :بس لازم تعرفي أنه كداب.
🔹 معاذ وقد غمز لبقية الشباب: طب حتى أسألي الشباب شاهدين… صح ياشباب.
🔹 تكلم مروان بحزم :احنا مش هنخلص من التفاهات دي ونتغدي… أنا مش فاضي.
🔹 انتبهت له وسيلة وقالت بهدوء وهي تضع الذرة في أحد الأرفف الموجودة بجوار السفرة : ليه يادكتور مروان… مش أنت النهاردة إجازة… مستعجل على إيه؟؟
🔹 مروان :وأنتي حضرتك تعرفي جدولي أو مشغولياتي عشان اما هوضح لك هتفهمي يعني؟؟
🔹 شعرت وسيلة بالحرج من رده الجاف،، فحاولت ألا تظهر ذلك :الله يعينك يامروان… لو سمحتي ياجيهان تعالي نجيب الأطباق.
🔹 معاذ لمروان:ما بالراحة ياعم مروان مش كده… أحرجت وسيلة.
🔹 وائل :وسيلة عقلها كبير محصلش حاجة يا معاذ.

◾تجلس على أريكة في جانب من الصالة الكبيرة تلهو بهاتفها.. اقترب منها وهي مولياه ظهرها.. أنتي مش آنسة زيهم… تبقى تسيبي الزفت اللي ف ايدك ده وتقومي تساعديهم بدل ماانتي بتلعبي زي الأطفال.
🔹 شهقت بفزعة والتفتت له :أمجد!!!...إيه ياأخي في حد يخض حد كده؟؟!!
🔹 أمجد :أيوة… أنا.
🔹 جوري: طب ملكش دعوة بيا… أنا استأذنت وسيلة وهي قالت أنها مش محتاجاني ف حاجة.
🔹 أمجد :عشان تعرفي أنك ملكيش لزمة…. وتركها وذهب وهي تلوي شفتيها من الغيظ.

◾اجتمع الجميع على السفرة التي يرأسها المهدى… استمتع الجميع بالطعام والحوارات ماعدا القليل منهم الذين جلسوا متذمرين… وهناك أيضاً أعين هائمة يشع منها مزيج من الحب والقهر…
🔹 نكزه في ساقه… فانتبه :فيه إيه ياوائل؟؟
🔹 وائل : اتحكم في نظراتك شوية ياأدهم… معتش ينفع كده.
🔹 أدهم :ماهو أنا مش عارف النهاردة… إيه الحظ ده… قعدت مكان آثار أدامي وأنا مش عارف أنزل عيني من عليها.
🔹 وائل :اتعود بقى ياأدهم وانساها… خلاص مبقاش ينفع.
🔹أدهم :مكنتش عارف ياوائل أنها هتطير من إيدي بالسرعة دي… اللي حصل كان خارج حساباتي.
🔹 وائل :عمر الحب ماكان فيه حسابات ياأدهم… أنت غلطت اما كتمت الحب ده لحد أما ميان ضاعت من ايدك… فحاول تنساها واعتبرها أختك وشوف حياتك.
🔹 أدهم :مش عارف ياوائل.. بس صدقني هحاول.

◾ على الجانب الآخر تتهامس منال مع فريال وهي تنظر لمن تتمناها عروس لابنها.. هاااا يافيفي مش ناوية تفاتحي مروان في الموضوع إياه.
🔹 فريال : حاضر يامنال هفاتحه… بس المشكلة لو مروان وافق في آثار نفسها… ماأظنش أنها توافق.
🔹 منال:ليه إن شاء الله… هو مروان يترفض… ماشاءالله عليه… دكتور قد الدنيا وشاب زي القمر ألف من تتمناه… أنا بس اللي قولت يبقى زيتنا في دقيقنا بدل مانجيب من بره.
🔹 فريال :الجواز قسمة ونصيب واللي له نصيب في حاجة هيشوفها.

◾ انتهى الجميع وتناولوا المشروبات التي أعدتها وداد لهم… وأخذت وسيلة مشروبها المثلج وخرجت إلى الحديقة تجري إتصالا هاتفياً يخص عملها.
🔹…. خلاص ياأستاذ مخلص لسه عدد قليل من الصفحات هنتهي من الترجمة وهجيبهم لحضرتك على طول.
-... متشكرة جدا ده من ذوق حضرتك…. في رعاية الله...مع ألف سلامة.
-... التفتت فتفاجأت بمعاذ خلفها :معاذ!!!
🔹 معاذ متعلثماً : أأأنا آسف… بس كنت عايز اتكلم معاكي في حاجه ضروري.
🔹 وسيلة بإبتسامة:اتفضل يامعاذ… فيه إيه ياعم… إيه الأدب ده مش واخدة منك على كده.
🔹 معاذ بهدوء:عندك حق… أنا نفسي مش واخد من نفسي على كده.
🔹 وسيلة بقلق :تعال اقعد يامعاذ… مالك بجد قلقتني.
🔹 جلس معاذ مقابلا لها على الكرسي التي تجلس عليه :عايزة أقولك ياوسيلة أنك حنينة أوي وجدعة أوي…
🔹 وسيلة :وأنت أول مرة تعرف… دا انت اقرب حد ليا ياميزو… صديق طفولة… وزميل دراسة… مبنساش ذكريات الثانوي وأنا بعيط كل يوم وأنا خارجة من الامتحان… وأنت تطلع تهون عليا وتقولي اني هقفل في المواد وتصبرني.
🔹 معاذ بابتسامة: وأنتي اللي تعيطي كل يوم وفي النهاية جبتي أكتر مني… كأنهم بيعطوكي درجات على العياط.
🔹 ضحكت وسيلة بشدة… نظر لها معاذ وسرح في ابتسامتها التي تشع حيوية.
🔹 وسيلة :مقولتليش كنت عايز إيه؟؟
🔹 معاذ: عايز اتجوزك ياوسيلة….

التعليقات (0)
الرجاء تسجيل الدخول لتتمكن من التعليق
مقال بواسطة

مسابقة شهر رمضان 2024 منصة اموالي

  • المركز الاول سيربح

    30$+عضوية Vip لمدة شهر

  • المركز الثاني سيربح

    20$+عضوية Vip لمدة شهر

  • المركز الثالث سيربح

    10$+عضوية pro لمدة شهر

ستنتهي المسابقة خلال : أسبوع من الآن

الأشخاص الذين حصلوا على أكبر عدد من النقاط في المنافسة حتي الان

كريمة

عدد النقاط : 2041 نقطة

Al-Fattany Beauty Channel

عدد النقاط : 1290 نقطة

Mostafa Mohamed

عدد النقاط : 1089 نقطة

Mohamed Mamdouh

عدد النقاط : 948 نقطة

Faith

عدد النقاط : 917 نقطة

مقالات مشابة
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.