بيت الساقية
انا اسمي احمد وعندي اخ اسمه اسلام وعايشين انا وهو مع امي ووالدي متوفي وياريت تدعوله بالرحمة انا شخص فضولي جدا وفي مرة باب البيت خبط علينا روحت انا عشان افتح الباب لقيت راجل كدة تبع الحكومة بييجي عشان الاراضي الي محدش بيستخدمها اه صح نسيت اقولكوا اني عايش ف قرية في الريف .
بعد ما فتحت للراجل قال ان الارض بتاعتنا في رجل اعمال عايز يشتريها وان القرار جاي ان الاراضي كلها تتباع عشان يبنوها .
هنا حسيت بصدمة من الراجل قالوا بس مبينتش فدخلت قولت لامي واسلام ودخلنا جوة قعدنا ندور في كل البيت ما عدا اوضة واحدة بس لحد دلوقتي مدخلنهاش وهي اوضة ابويا
فبصيت لامي انا واسلام اخويا قولنالها انتي معاكي مفتاح الباب راحت قعدت على الكنبة وقعدت تعيط عشان قلبنا عليها المواجع فراحت دخلت على اوضتها بعد كدة طلعت ومعاها المفتاح وفتحت باب الاوضة الي كان ريحتها تراب وعفرة وريحة وحشة اوي دخلنا وكل واحد خد جنب يدور فيه انا روحت ادور في المكتب بتاع والدي وفتحت الدرج ولقيت دفتره الي كان بيكتب عليه كل حاجة تخصه مرضتش افتح الدفتر عشان كنت ماسك دموعي بالعافية وفتحت الدرج التاني ولقيت زي ملف كدة مكتوب عليه (عقد ايجار )
وريت الملف ده لامي واخويا الي لقيت على وشهم صدمة خلت الرعب يدب في قلبي ولقيت اخويا بيتهته وبيقول : (سسسيب الملف ده يا احمد )قولتله ليه يعني العقد لقيناه خلاص قال لا فمن غير ما افكر روحت فاتح الملف ده واتصدمت لقيت جواه بيقول عقد بيع منزل الساقية مفهمتش الكلام راح اخويا جه ونتش الملف من ايدي وقالي خلاص انا لقيت العقد اطلع برة فعشان اخويا الكبير فمقدرتش اعمل حاجة فخرجت والليل حل والتفكير مش راضي يفارف دماغي
فنمت اليوم ده وصحيت قولت مفيش حد هيعرفني حوار البيت ده غير واحد بس (جدي غفران )رحت ركبت المواصلات ووصلت القرية الي ساكن فيها جدي (ملوي ) روحت وكنت عارف الطريق بتاع البيت وانا رايح لقيت واحد من ولاد عمي سلمت عليه واستغرب وجودي في القرية في الوقت ده ساعتها كانت الساعة ١٢ بليل فرحت عند جدي غفران سلمت عليه وقعدت معاه قالي انا عارف كويس انت جاي ليه اتخضيت ساعتها قولتلوا انت جاي عشان تعرف حوار بيت الساقية ساعتها قلبي كان هيقع في رجلي قالي متخفش امك كلمتني عشان عارفة انك هتيجي هنا عشان تتأكد من الموضوع قالي يبني البيت ده محدش قربله واصل من ساعت ما اهلك سابوه ومفهوش حاجة من الي بتفكر فيه قولتله ماشي يا جدي وقعدت معاه شوية وسبته ومشيت واول ما خرجت لقيت حاجة في دماغي بتقزلي روحت البيت ده فرجعت سألت جدي فين البيت ده اصلا قالي ده في اخر القرية وانا مكنتش اعرف اخر القرية منين اصلا فخرجت ولقيت كلب اسود بيبصلي ومش راضي يتحرك فضل ٥دقايق على الوضع ده فمشي وفضولي سيطر عليا روحت ماشي وراه مدرتش بنفسي غير وانا واقف قدام بيت كبير اوي وساقية جنبيه والكلب اختفى
