مواقف وطرائف فى الاسرة المصرية

٠٠٠ مكالمه وارده

بينما الاب في الحمام رن تليفونه ركض الابن ومسك التليفون وينادى ابوه ٠٠٠بابا بابا الملكة وردة تتصل عليك ٠٠٠٠

كانت الام بتصلى وسمعت الولد فأخذت تسرع في الصلاة وسلمت خلال ثواني ٠٠

أما الأب فخرج مسرعا من الحمام وسقط على قدميه ثم امسك التليفون

وقال لابنه : منين اخترعت ملكه ورده يا حمار !! مكتوب مكالمة واردة !!!

ثم عاد الى الحمام وهو يعرج على قدميه والام رجعت تعيد صلاتها وتستغفر ربنا !!!  دي نتيجة التعليم عن بعد ٠

٠٠٠٠٠ أمسكوا رفعت

كان هناك رجل في البلد يتعشى هو  وعياله وفجأة دخل عليهم العجل  ٠٠٠

فقال الاب لابنه الكبير : قوم يا رفعت بسرعه اربط العجل لأحسن ينطحنا كلنا

قام رفعت وهو مستعجل خبط اللمبة برأسه فكسرها وحول البيت لظلمه ولسه بيتحرك حط رجله على صينيه الاكل

فقلب الاكل على الأرض فنط علشان ما يدوس على الاكل فجاءت رجله اليمين على حجر ابوه ورجله الشمال في وجه

وبعدين اتكعبل فوقع على اخوه فكسر ذراعه ٠٠٠٠فصرخ الأب لباقي أولاده وقال : سيبوا العجل وامسكوا رفعت  سيبوا العجل وامسكوا رفعت .

الشاهد ٠٠٠٠ أنك سوف تلاقى كثير في الزمن ده زي رفعت تصرفاته اغبى من العجل .

٠٠٠.خبير مفرقعات

 أختي كانت تغسل الحمام بكلور خام ومركز فخرجت من الحمام تكح جامد وعينيها مدمعه ٠٠٠

ماما بتسالها : مالك يا بنتي ؟! قالت لها : الكلور مركز دا بيخنق وبجيب اختناق حاد

أمي قالت : يا نهار اسود بنتي حبيبتي طب اتنفسى لقيت ابويا داخل علينا من باب الشارع وفى يده سيجارة

ويقول الكلور ده بيستخدموه في الأسلحة الكيماوية ويموتوا بيه الناس ٠٠٠

أمي قالت يا نهار اسود قال لها : اه والله زي ما بقولك كدا ٠

راحت أختى قالت ها تولى لبن وافتحوا الشباك ٠

طبعا انا لم استحمل هذا الكلام ده كله

 فقلت لهم : يا جماعه في فرق بين ريحة الكلور الفارغة وبين ضغط الغاز اللي بيعبوه فى القنابل 

لقيت ابويا يقول لي : انت جايب كام في كيمياء الثانوية العامة ؟

قلت له : ٣٣ من٦٠ 

قال لي : طب انزل هات لبن ٠

 ٠٠٠انا عايز  احمد

انا عندي اخويا الصغير منكش بيعرف ينام ويقعد يغلب في أمي جامد وأمي دائما تقول له نام لأحسن الكلب يجئ ويعضك 

وكانت تتفق معايا انى ابقى في غرفتي واقعد اهوهو عشان اخوفه وينام

 المهم جئت في يوم كنت تعبان ونسيت ونمت وأمي عوزها ينام وهو مش راضي

راح قال لها : مش ها انام الا لما احمد يهوهو ٠

٠٠٠٠٠٠ فكاهة ام مصريه

مرة بسئل  امي : عامله اكل ايه على الغدا النهار ده ؟

قالت لي : ملوخية  ٠٠٠ قلت لها : دي بيتة من امبارح!!

قالت لي : وماله يا اخويا هي بيته عند حد غريب ٠

٠٠٠٠ الأب الحنين

بحب أذاكر على السرير وانا نائم على ظهري فأبويا دخل علي وقال لي : ها تفضل نائم كده على ضهرك ذي الحوامل ؟

انا الكلمة ضايقتني دخل بعدها  بفترة وقال لي : انت زعلت من الكلمة دي ؟ قلت له : اه

قال لي : الزعل وحش على اللي في بطنك ٠

٠٠٠٠ تربيه أمها

 أخذت عائلتي في رحلة في احدى المزارع فأخذت ابنتي لكى تتفرج على الحيوانات الموجودة في المزرعة فوقفنا عند قفص الدجاج

وكان فيه ديك ودجاجتين  فقلت لابنتي لاختبرها: شوفي يا ابنتي  هذا ألديك معه زوجتان من الدجاج ويبدو عليه السعادة

أما أنا فما عندي زوجه الا امك ؟ ما رأيك ان احضر زوجة ثانية لكي اصبح سعيدا مثل هذا الديك ؟

فردت ابنتي على الفور : يا ابى ٠٠٠٠انت انسان واما ألديك فهو حيوان  ٠٠٠٠ اذا اردت ان تصبح حيوانا فتزوج ثانيه ٠

٠٠٠٠ انت عايش ليه ؟

كنت راكب مع ابويا العربية وكان مشغل الراديو على محطة القرآن الكريم سألني : سورة آية دي ؟

قلت له : لا اعرف بعدها اخذ يعطيني محاضرة في الدين وبعدها بكام دقيقة غير الإذاعة فجاءت اغنيه وسألني تعرف الأغنية دي ؟

قلت في نفسي واضحه انه عامل لي اختبار قلت له : لا اعرفها

قال لي : يعنى انت لا دين ولا دنيا طب عايش ليه ؟