مواقف طريفة ٠٠٠٠ كيف تعرّفوا على زوجاتهم ؟؟
…. كنت راكب ميكروباص وجت شله بنات قعدت في الكنبة الى ورا ومعاهم سندويتشات وكنزات و حاجات سأقعه
وسمعت صوت الكانز أيه بتتفتح ولقيت واحده منهم بتخبط على كتفي وبتقول لي : أتفضل قلت لها : شكرا وربنا يخليكى لسه وآكل !
قالت لي : يا أستاذ أتفضل الأجرة هو انتم عاوزين اللي يا كلكوا في البيت وفى الشارع كمان خدت منها الأجرة وأتجوزتها علشان بحب النوع الاسترونج الحلوف ده ٠
…… سألت صديقي كيف تعرفت على زوجتك ؟ أجاب عن طريق كلب ؟!! رد صديقه مندهشا عن طريق كلب !!! قال له : عندما
كنت ذات عصر يوم ربيعي وقبل ١٥ سنه أتنزه مع كلبى الشيفرد حينما تقدمت إلى فتاه جميله
وأخذت تداعب الكلب وتبدي اعجابها به حتى انها عرضت على ان تشتريه ومهما كانت السعر ولكنني اعتذرت لها بانني متعلق به جدا ولا يمكنني الاستغناء عنه
وفى الاخر تبادلنا أرقام هواتفنا فكانت دائمة الاتصال بي لتطمئن على كلبى وفى آخر المطاف عرضت على وسط دهشتي أن نتشارك الكلب بان اتزوجها
وهذا ما تم فعلا وقد انجبنا طفلين قبل أن يموت الكلب !!! وبعد موت الكلب وما كابدناه من وجع الفراق وحزن الفقد
قلت لها : لك مطلق الحرية أن تنفصلي عنى بعد ما اندثر الرابط الأساسي والرئيسي بيننا لكنها يا صديقي
فاجأتني بقولها : لا من المستحيل ان افترق عنك فانت من ريحة المرحوم ؟!
فرن لبيع العيش
…. امى وابويا تعرفوا على بعض في فرن لبيع العيش امى كانت رايحه تجيب عيش من الفرن فكانت واقفه مش عارفه تجيب عيش علشان الفرن زحمه ف ابويا شافها
فأعجبته فقال لها : ممكن تديني القفص أجيب لك عيش امى قالت له مش عايزه اتعبك ابويا قال لها لا تعب ولا حاجه
ابويا دخل في الزحمة وجاب العيش وهو خارج لقى واحد يعاكسها فأبويا قال لها : تعرفيه ؟؟ قالت له : لا ولا عمرى شفته
قال لها : طيب خدى العيش وامشى انتى ٠٠٠ فأبويا مسك في الراجل وضربوا بعض طلع الراجل في الاخر ضابط شرطه فحبس ابويا أسبوع
وبعد ما ابويا خرج من الحبس لقى أمى واقفة في طابور العيش ومش عارفه تجيب عيش راحت قالت له : ممكن تجيب لي عيش
قال لها: اقسم بالله ما ها جيب لميتين أهلك حاجه تأنى المرة اللي فاتت اتحبست أسبوع المرة دي هأخد مؤبد بس
ومن ساعتها ابويا بقى يشوفها في فرن العيش يجيب لها عيش ويعمل مشاكل ويضرب بسببها لحد ما امى حبته وهو حبها وراح أتقدم لها واتجوزها ٠
حريق في القرية
…… أبويا اتعرف على أمي فى القرية فكان هناك حريقه في بيت بالقرية النار مولعه فيه والبلد كلها طلعت تطفى بمياه لغاية ما تيجى عربية المطافئ
وبابا كان واقف يأخذ الجردل الميه وماما وجهها ذي الإنجليزية بيحمر بسرعه وعامله تقول له : خد منى
وهو ملهى في إطفاء الحريق ولما انتبه لها قعد يبص عليها وسأب البيت يولع
لحد دلوقتى كل ما يسمعوا ان فيه حريقه بابا يجي يطلع علشان يطفى الحريقة
تقول له ماما : لا مش ها اسيبك تخرج علشان تروح تجيب لي واحده تانية ٠
٠٠٠احدهم يحكى ويقول أنا ذاهب أتقدم لواحده ٠٠٠ دخلت بيت تأنى بالغلط
وقعدت وشربت الشاي كل ده و الكهرباء كانت قاطعة وقعدنا على ضوء الشموع وشربنا عصير
وكنت مبسوط جدا ومرتاح جدا جدا المهم بعد ما خرجت من عندهم فتحت تليفوني علشان اتصل على الناس اللي دلوني على العروسة علشان يشوفوا الجو هناك آية ؟؟
لسه بقول الو ٠٠٠٠٠ لقيتهم عاملين يشتموني ويقولون لي انت عيل ومش قد كلامك وان الناس منتظر ينك و بقالهم ٣ ساعات انت لماذا لم تذهب ؟؟!!!
انا انحسرت !!! وقلت لهم والله انا لسه جاي من هناك حتى الكهرباء كانت مقطوعه ٠٠٠٠ لكن انا قلت لهم أنى راضي باختيار ربنا وانى منتظر رد من البيت اللى انا دخلته والحمد الله
احنا دلوقتى متجوزين ومبسوطين وعقبالكم جميعا ٠
….. حصلت معي لما كنت مقدم في وظيفة اوفيس بوي فدخلت مكتب مدير الشركة بالغلط وكنت مفكره سوري الطريق للحمام أو فيها حمام خاص
التقيت برجل له شنب كده وجالس بكل بساطة بقول له حضرتك الحمام منين قام مشاور لي علي حمامه الخاص ومنكش فيه سكرتيرة
وبعد ما خرجت بقول له هو التقديم للوظيفة مش هنا ؟
قال لي : لا المكتب الي بعدي في نفس اللحظة جاءت السكرتيرة قال لها خديه لمدام أمل تعمل معها مقابله
دخلنا قالت لها : إيهاب بيه باعت لك الأستاذ عملت المقابلة وما شاء الله حاليا تجوزت بنت إيهاب بيه بيصرف عليا وفخور جدا
ادعو لي بالخلف الصالح نفسي أورث الشركة
