professional members
Ahmed Adel Vip Founder user hide earnings
اسلام ابراهيم Vip user hide earnings
Mohamed Elyamany Vip user hide earnings
the most profitable subscribers this week
Ahmed Adel Vip Founder user hide earnings
Wessam user hide earnings
رمزي الجرنه user hide earnings
MUSTAFA Hatam achieve

$1.99

this week
Mohamed Elyamany Vip user hide earnings
mohamed ben user hide earnings
Azezasayed user hide earnings
mohamed achieve

$1.24

this week
Ahmed achieve

$1.10

this week
ezzat gad achieve

$0.87

this week
لعنه ليموسيفيا ج٤

لعنه ليموسيفيا ج٤

مفتاح الحياه  للعالم الاخر
#الجزء #الرابع من سلسه لعنه ليموسيفيا

وانا واقفه في الشارع فجأه ظهر شهاب قدامي وقالي تعالي هوصلك مش هتعرفي تروحي من هنا وركبت معاه ووصلني البيت من غير ماانطق معاه كلمه دخلت البيت كان زي وقت خروجي من الشركه بالظبط ماما ملحظتش اي حاجه قالتي انتي جيتي ياحببتي طب غيري وتعالي اتغدى يلا قولتها لا ياماما انا تعبانه كان في شغل كتير عندي مليش نفس قالتلي طب ياحببتي انا راحه عند بابا لما تصحى اتغدى انتي واخواتك قولتها حاضر ودخلت اوضتي واترميت على السرير مش قادره ولا مستوعبه اللي وصلتله طب اعمل ايه اكلم مين يساعدني مش عارفه اتصرف  ورحت في النوم ساعتها حلمت حلم غريب  حلمت ان شهاب جاي عليا وفي ايده جمره نار وعاوز يكويني بيها وانا عماله اصرخ ومش قادره اتحرك من مكان وفعلا لمست ايدي وظهر واحد تاني فجأه وبعد شهاب عني وحماني منه الشخص دا كان محمد اللي معايا ف الشركه  فوقت بسرعه من النوم مخضوضه وايدي وجعاني جدا كأن فعلا حاجه حرقتني ببص على كف ايدي  لقيت فعلا في مكان محروق وانا عماله اعيط من شده الوجع وفضل يهدا شويه بشويه لحد ما ظهر على أيدي وشم غريب مش فاهمه شكله ولا ايه دا ولقيت نفسي بمسك الموبايل عشان ارن على محمد وقبل ماارن عليه لقيت رساله عالموبايل من نفس الرقم الغريب بيقولي فيها قولتك متحضريش الاجتماع اديكي قضيتي على حياتك وحياه اللي حواليكي  قفلت الرساله ورنيت على محمد علي طول رد عليا       قولته: ازيك يااستاذ محمد انا ساره اللي مع حضرتك في الشركه                                                                    محمد: اهلا ياانسه ساره خير اتفضلي                                 انا:ممكن اشوفك ضروري عاوزاك في موضوع مهم                   محمد:قالي حاضر مفيش مشكله  تحبي نتقابل فين قولته اي مكان بعيد عن الشركه
قالي على مكان كافيتريا بعيده عن الشركه واداني عنوانها ونزلت على طول ليها ولما وصلت لقيته منتظرني هناك قالي مالك في ايه وشك اصفر ليه كدا والدك كويس قولته الحمدلله قالي طب في ايه حكتله على كل حاجه من يوم ماقابلت شهاب في الميكروباص لحد دلوقت وهوا بيسمع ومش مستغرب تعابير وشه غريبه بعد ماخلصت كلامي  مكنتش متوقعه رده لقيته بيقولي انا عارف كل اللي حصل معاكي وحاولت كتير أحذرك بس مفيش فايده محاوطنا من كل ناحيه طبعا دلوقت عاوزينك تجوزي شهاب وتخلفي عشان ياخدوا الطفل ويفتحوا البئر ودا اللي كانو عاوزين يوصلوله قولته انت بتقول ايه بير ايه وايه الكلام دا انت عارف منين الكلام دا وبتكلم زيهم ليه كدا ليه
قالي اهدي يساره الموضوع اكبر مما تتخيلي هفهمك كل حاجه بس لازم تهدي عشان نعرف نتصرف انا من زمان وانا بحارب لوحدي بس خلاص انتي ظهرتي انتي الشوكه اللي هتكسر ظهرهم  بس اوعي يحصل اللي هما عاوزينه مهما حصل خليكي قويه قولته لا محصلش حاجه قالي كويس لقيت دموعي بتنزل لوحدها قولته ايه اللي كويس مفيش حاجه كويسه خالص ايه اللي انا فيه دا انا عاوزه افهم انا تعبت

قالي طب تعالي معايا يساره قولته على فين قالي تعالي بس متقلقيش يساره ومتخفيش مني انا معاكي مش ضددك وروحت معاه وطول الطريق مش قادره اكلم وفي نفس الوقت عاوزه اعرف ايه اللي بيحصل فضلنا كدا لحد ماوصلنا لمكان غريب  ومهجور ولقيت مبنى قديم جدا زي مكتبه مهجوره قالي تعالي متخفيش يساره  دخلت معاه لقيت راجل باين عليه انه كبير في السن لما شاف محمد لقيته يعرفه قاله تعال يامحمد ادخل بس لما شافني معاه قاله خير في ايه مين دي                                                                       رد محمد قاله دي ساره   قاله ياااه هيا دي بقي ساره تعالي يابنت ابراهيم ادخلي قولته انت تعرفني قالي اعرفك دوختينا ياشيخه بس ماشاء الله عليكي بنت إبراهيم كبرت وبقت عروسه جميله كدا قولته انت تعرف بابا قالي طبعا  اعرف ابوكي كويس واعرفك دا انتي مفتاح الحياه ليهم قولته انت كمان هتتكلم بالالغاذ مين هما ياريت تريحوني وافهم بقى محمد قالي اهدي يساره مدام جيتي هنا هتفهمي كل حاجه دلوقت  رد الراجل وقالي لازم تهدي عشان تعرفي تصرفي ولازم تبقى قويه والا هتضيعي كل اللي بتحبيهم محمد كان بيقولي اخبارك اول بأول وحاولنا كتير نحذرك بس كان صعب جدا مكنش سايبلك اي فرصه ومحمد مكنش عارف يكلمك خالص وموضوع الرقم الغريب دا اخترعناه بحيث تفهمي او نحذرك بس منفعش قولته انت يامحمد انت الرقم الغريب قالي مكنش ف ايدي حاجه اعملها اكتر من كدا كنت عاوز احميكي باي طريقه من غير مايعرفوا  ان انا
قولته طب اش معنا انا ووو ولسه هكمل قالي خلينا نجاوب على سؤال سؤال الاول اش معنا انتي دون عن البنات كلهم  عشان انتي بنت إبراهيم بابا طب ماله بابا بالناس دول قالي دول مش ناس يساره دول مش بشر وباباكي مع الأسف هوا السبب من زمااان خالص يساره باباكي كان مغرم بكتب الجن وبيعرف يتعامل معاهم ويحضرهم وفي يوم حضر جنيه وفضل يحضرها على طول واتعلق بيها وهيا كمان حبته وطبعا الحب بالنسبالهم جريمه بيتحاسبوا عليها والجنيه دي كانت بنت ملك من ملوك الجان ولما عرفوا خيروها بين الحكم عليها وبين ابوكي وبرده اختارت ابوكي  ولما عرفت انها خلاص هتتنتهي ومش هتشوف ابوكي تاني سرقت من ابوها حاجه زي مابيقولو عليها عندهم كدا مفتاح الحياه ليهم وكنتي انتي ساعتها لسه مولوده وابوكي كان فرحان بيكي جدا ومن كتر حبها لابوكي حطت الحاجه دي في جسمك انتي مش هتخرج منه ابدا غير بولاده اول مولود ليكي بس يكون عن طريقهم هما وعشان كدا طول السنين دي مستنينك تكبري عشان توصيلهم للي عاوزينه بس اوعي يساره يحصل كدا
الطفل دا لو جه عن طريقهم هتتفتح ليهم أبواب القوه هيدمروا الارض هتبقى الاولويه ليهم مش للبشر أوعى  مهما حصل لو حساب حياتك يحصل كدا واحنا معاكي مش هنسيبك متخفيش ومدام محمد معاكي متخفيش منهم بصيت لمحمد ودموعي مغرقه وشي قالي اهدي يساره مش هسيبك ليهم ابدا مهما حصل ولاهينفذوا اللي عاوزينه  قولته طب والحل قالي بصي يساره انا هروح لإبراهيم المستشفى احاول افوقه قولته بابا هما اللي عاملين فيه كدا هوا قالي قالي عارف وهحاول وان شاء الله خير متقلقيش واداني ورقه مطبقه وسلسله قالي مهما حصل دول اوعي تسبيهم
وبدأنا فعلا نتحرك لان خلاص مفيش وقت ورحنا لبابا المستشفى ووقفنا جمب بابا ساعتها الراجل قالي ساره جمدي قلبك واعي تخافي مهما حصل احنا معاكي قولته حاضر ساعتها كنت حاسه اني استقويت بيهم فعلا  وقف محمد جمب بابا من ناحيه وانا جمبه والراجل الناحيه التاني وفضل يقرأ على بابا في سره وبدأ بابا يتحرك عالسرير زي اللي بيتنفض كنت خايفه عليه جدا وساعتها ظهر شهاب على باب الغرفه اتخضيت جدا كان شكله مرعب وعينه حمرا كنت هصوت الراجل قالي متخفيش ومتبصيش عليه مش هيقدر يجي جمبك انا هنا وراح قايله ابعد عنها ياملعون راح باعد خطوه لورا وقالي ليه يساره بتعملي كدا انا مأذتكيش قولته ماانت ملحقتش قالي ولاكنت هقدر أذيكي ياساره انا حبيتك رد الراجل ساعتها وقالي متصدقهوش دا ملعون وبيلعب بدماغك اوعي يأثر عليكي
قالي لا يساره مش بضحك عليكي انا فعلا بحبك بصيلي يساره قولته لو بتحبني فعلا ساعدني قالي اساعدك في ايه اساعدك تدمريني يعني سيبك منهم وتعالي معايا يساره هحققلك كل اللي بتحلمي بيه مش هتحتاجي اي حاجه ولا اي حد صدقيني صرخت في وشه وقولته وانا مش عاوزه منك حاجه ابعد عني ساعتها زي اللي اتحول لشكل مخيف بشع مقدرتش ابص عليه ولقيته بيقولي انتي اللي هتضطريني اوريكي الوش التاني مش بمذاجك غصب عنك هتسمعي كلامي لان  مقدامكيش حل تاني وانتي اللي عاوزه كدا وراح باصص على بابا راح السرير اترفع بيه لفوق صرخت بابا محمد قالي اهدي مش هيحصل حاجه وساب الراجل يقرأ على بابا وراح هوا لشهاب قاله ارجع احسنلك عن اللي بتعمله دا  رد شهاب قاله ولا هتقدر تعمل حاجه والهبل اللي بتعمله دا مش هيهزني
محمد قاله انا معايا ربنا احسن من اي حد شهاب رد قاله أخرس قاله بقولك معايا ربنا وبدأ يقرأ آيات معينه من القرآن وبعدها شهاب اختفى ونزل السرير ببابا وبعدها بدأ بابا يفوق ونادي عليا ساعتها دموعي نزلت لوحدها وفضلت اعيط بصوت عالي جدا واترميت في حضن بابا وقولتله محتجالك قوي يابابا قوم لو سمحت وهوا مش قادر يتكلم اصلا ولما شاف محمد والراجل ابتسم ابتسامه خفيفه جدا وقالي سامحيني يساره سامحيني يابنتي كل اللي انتي فيه دا بسببي
قرب منه الراجل وقاله  إبراهيم مش وقته الكلام دا اسمعني مفيش وقت اظن انت عارف هما عاوزين يعملوا ايه كويس انت لازم تقولنا نوصل للبئر ازاي انا عارف الطريق بس في حاجه معاك انا عاوزها بصله بابا وهز دماغه وخلع من ايده خاتم كان عمره ماخلعه من ايده ابدا في ظهر الخاتم حجز ازرق قاله دا اللي هيدلك في الطريق  وقالي خدي يساره ولبسني الخاتم وبعدها ادي لبابا نفس الورقه والسلسله اللي معايا َقاله عشان محدش منهم يإذيك تاني واظن انت عارف هتتعامل معاهم ازاي قاله مش مهم انا المهم ساره خلوا بالكم عليها محمد قاله متقلقش ومشينا قولته هنروح فين الراجل قالي احنا هنبدأ مشوارنا بس لازم نعدي على بيتكوا الاول نطمن ع والدتك واخواتك وبعد كدا نمشي وفعلا روحنا البيت واول مادخلت  لقيت ماما واخواتي عالارض ومش بيتحركوا صرخت وجريت عليهم ماما حصل ايه ياماما ردي عليا قالي الراجل متخفيش هما هتلاقيهم وصلوا قبلنا وسندنا ماما ونقلنا اخواتي كلهم جمب بعض عالسرير وفضل يقرأ عليهم لحد مافاقوا واداهم نفس الورقه والسلسله اللي معايا وقالهم متتنقلوش من جمب بعض ومتخفوش هتبقوا كويسين بصتلي ماما قولتها متخفيش ياماما ان شاء الله كل  حاجه هتبقى كويسه وبابا كويس اطمني والله ومشينا وفضلنا ماشين بعربيه محمد لحد ماوصلنا لمكان زي صحرا مفيش بشر ولا في اي حياه فيه ونزلنا وفضلنا ماشين وبعد شويه قالي الراجل افردي اديك من هنا هيبدأ الخاتم يوجهنا للطريق الصحيح
وفعلا الخاتم بدأ ينور وفي نفس الوقت الوشم اللي على أيدي بقى زي جمره النار مكنتش مستحمله وفضلت اصرخ طلع الراجل ميه  من شنطه معاه وحط على أيدي بعدها شهاب ظهر تاني.....

انتظروا الجزء الخامس والاخير
                                                      بقلم:آيه يوسف

comments (0)
please login to be able to comment
similar articles
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.