Dante and virgil in hell
أزيكم ياشباب
يارب تكونوا بخير دايما😍
يلا بينا نعرف قصة دانتي وفيرجل واللي شافوه في الباب الثامن من الجحيم خلال رحلتهم الطويلة
Dante and Virgil in Hell
في البداية دانتي الغيري👈 من الناس اللي زرعت وأعطت للأدباء ورجال الدين صورة مرعبة عن الحال في الجحيم.
والموضوع دا عمل ضجة واضطراب ولخبطة في مفاهيم القرون الوسطي والتعاليم السائدة في الوقت دا
👈لإن كان العقاب الألهي علي الخطايا كان شئ غامض وغير مفهوم الي أن ظهر دانتي اليغري
وأصبحت الناس شايفة الصورة اللي بيمثلها الجحيم من خلال الكوميديا الالهية
كلنا عارفين إن دانتي أختار فيرجل يكون مرشده ورفيقه في ممرات الجحيم والظلال
هتسالني وتقولي أشمعنا فيرجل بالذات ؟؟
ببساطة لأن فيرجل كان بيمثل صوت الحكمة والعقل ل دانتي طوال خط الرحلة ودا بيتضح لدانتي طول الوقت
في حين إن مع تقدم الرحلة لاحظ دانتي ان فيرجل بتتغير معاملته له
ودا اعتمادًا على الموقف السائد او المكان
- يعني في كثير من الأحيان Virgil يحمي Dante
بشكل او بأخر ..
- في بعض الأحيان يوبخ دانتي لان دانتي كان متعاطف مع الملعونين والشياطين
بإختصار🤗👈 كانت مهمة فيرجل أنه يقوي قلبه ( دانتي يعني ) ضد أبشع الظلال في الجحيم ونجح في دا نجاح💯
وأظهر لدانتي أنه قدر أزاي يتسلق علي ساق لوسيفر علشان يشوف نجوم المطهر ..
نرجع لقصة اللوحة اللي معانا
👇
وهما في طريقهم وصلوا لحد الباب الثامن من ابواب الجحيم
دخلوا بالفعل خلاص واذ يتفاجئوا بمنظر غريب جدا
شافوا ان فيه قتال شرس بين رجلين
والمدهش انه مش بينتهي دا قتال أبدي حتي بعد الموت بيرجعوا تاني يعيدوا الخناقة الغريبة دي
والمشهد شكل ما انتوا شايفين في اللوحة واحد فيهم بيعض بعنف على رقبة التاني وهو راكب ظهره بوحشية وافتراس
👈المعركة دي من الواضح إنها بين اتنين ملعونين
او روحين معلونين محكوم عليهم بالقتال الأبدي في الدائرة الجهنمية الثامنة
اللي هي مخصصة للناس اللي بتغش وتزور في حياتها
طب ايه قصتهم ؟؟ وليه هما بياكلوا بعض بطريقة وحشية أبدية؟؟
القصة وما فيها ياصديقي ....
واحد أسمه جيان شيشي رجل طماع ويعمل بالتجارة وفي يوم من الايام قرر أنه يغتصب حق رجل ميت..
زور اسمه وغير شكله فترة من الزمن علشان يبان ان هو نفس الرجل اللي مات ورجع بعد رحلة موت ( كما رواها )
واللي مات دا مجرد شخص تاني وكانت اشاعة عليه
وبكدا قدر أنه ياخد الميراث بتاعه من اهله اللي صدقوه وصدقوا لعبته..
والتاني كان خيميائي أسمه كبتشيو استخدم الكيميا بطريقة غير شرعية وكان مصيره الجحيم .
🔥اللوحة بالمناسبة اسمها dante and virgil in hell
عبارة عن لوحة زيتية على قماش رسمها ويليام أدولف بوجويرو سنة 1850.
وهي معروضة حاليًا في متحف دورسيه في باريس🔥
وبس كدا دمتم بخير دائما
.........
