اسطورة ايثوس و تيثونس

كيفكم يا شباب يارب تكونوا اليوم بخير

جاي وجايب لكم قصة خفيفة لكن مضمونها ثقيل حبتين 

يلا نبدأ قصة Eos and Tithonus أو لو هنكتبها بالعربي
إيوس وتيثونس 
البعض مننا ممكن يشوف أسم تيثونس مش غريب عليه ودا لأن فعلا هو  الاسطوري إبن Laomedon ملك وحامي حماة طروادة troy زمان وراحت عليه لأن فيما بعد دمر نفسه ومملكته

ماعلينا كل حديثنا هيكون عن الإبن مش الأب اللي كان بيمتاز بمهارة وقوة كبيرة وعنده وسامة وطلة حلوة كدا 
هذا الفتي وقع في غرام فتاة تدعي أيوس وكانوا بيتقابلوا دايما في مكان بعيد عن المعبد زي ما تقول سفح جبل مثلا ومغطي بالأعشاب
ومكان اللقاء دا استمر سنين طويلة كانت العلاقة فيهم زي ما بنقول كدا متكاملة 
الا أن   أكتشف تيثونس  إن أيوس لا تكبر في السن أبدا  يعني مرت سنين طويلة وهي شكل ماهي بنفس الشباب والقوة والحلاوة والطعامة😂😂
ومن هنا أخبرت حبيبها بسر خطير لأنها حست أنه بيشك فيها والوضع بقا مريب 
يا تري أيه هو السر والقرار اللي أخدته وكان حمل ثقيل عليها 
👈 قالت له بإنها الهة النور أيوس وأنها بتحبه حبا شديدا وماتقدرش تتخلي عنه ولو تقدر تتخلي عنه كانت سابته من زمان
الموضوع تقبله الرجل وتمام التمام  لكن المشكلة كلها مش في الكلام ولا في الموضوع والاسرار 
الموضوع أكبر من كدا بكتير .....
أيوس مشكلتها صعبة حبتين الا وهي الفناء البشري أزاي هتستحمل فراقه بعد ما يموت وأزاي هتعيش بعده بس قررت تفكر ببطئ وعلي مهلها الا ان حانت اللحظة اللي هي خايفة منها 
لما شافت حبيبها بيتقدم في السن ادامها بعد سنوات طويلة ماكنتش عارفة تعمل إيه وورد في ذهنا خطة جهنمية تنقذ بيها حبيبها من التقدم في العمر ؟؟
خدت بعضها وراحت لكبير الألهة زيوس وقالت  له بصراحة كدا بحب فلان إبن فلان وبطلب منك أنك تمنحه الحياة الأبدية  ويقدر أن يعيش معايا للأبد

بالفعل  زيوس حقق رغبتها لدرجة انهم كالهة شكل بعض هي أستغربت  ( غريبة يعني بدون أي مشاكل أكيد الموضوع فيه حاجة 😂😂 ) 
وأصبح  تيثينوس خالد  بالفعل وعاش مع أيوس في سعادة ( طبعا انت بتقرأ وبتقولي أومال فين المعضلة في الموضوع وأنا نفسي كنت بقرأ بقول برضه نفس  السؤال الدنيا حلوة أهي وسعيدة )
عايز أقولك إن لحد هنا كانت الدنيا حلوة والابتسامة كانت علي وشي متربعة 
ياتري إيه اللي حصل ؟؟ 
أيوس لاحظت إن حبيبها بعد سنوات طويلة بيظهر عليه علامات شبه شيخوخة مثلا تجاعيد وبثور في اليد كما إن صحته تدهورت ببطئ شديد لدرجة أن كان يغيب عن الوعي ويخرف وأصبحت عظامه ضعيفة لا تتحمل أي شي لكنه في نفس الوقت بصحة جيدة مفيش علامات موت أو أنه هيموت 
من هنا قلبها وقع في رجلها وتملكها ألم شديد وأفتكرت إن زيوس خانها وضحك عليها
........

لو فاكرين طلب أيوس من زيوس  وبصيت عليه تاني هتلاقوا أنها طلبت منه أنه يمنح حبيبها وزوجها الحياة الأبدية وليس الشباب الأبدي ( وهناك فرق شاسع عزيزي القارئ ...ودي كانت المعضلة الكبيرة والقشة اللي قسمت ظهر البعير وقسمت ظهر أيوس  
بمعني إن تيثونس إنسان مش إله فلازم جسمه يضعف حتى لو هيعيش للأبد
إيوس طبعا  مابقتش عارفة تعمل إيه وهي شايفة حبيبها وهو بيتحول أدامها لشخص تاني خالص عظام بتنكمش لاقصي درجة وروح تأبي أن تخرج ليرتاح 
وفي نفس الوقت مش قادرة تتخيل نفسها أنها هتفضل عايشة وهي شايفاه بيعاني الي الأبد 
لدرجة أن لما شعره وقع وجلده تساقط وأعصابه تلفت كان كل أمانيه أنه يموت  
راحت أيوس جري علي زيوس وبدأت تترجاه أنه يمنحه الموت الملائم له
لكن زيوس مش بيبدل المطالب أبدا اللي أنطلبت منه وكتب أنه تيثنوس يظل حي للأبد لكن جسدة هيضعف للأبد كذلك بدون ما الروح تفارقه

ومن هنا أنتهت قصة اليوم لكن اللي عايز أقول نقطتين مهمين وهما 
👈 السعادة في الفناء مش في الخلود ولا الحياة الأبدية  
كمان طبيعة الأنسان في أمتلاكه للخلود دا عمره ما هيتحقق ودا واضح في كل القصص اللي بنقرأها 
الحلقة الجاية هنعرف اكتر عن سر الخلود مع عرافة كوماي 
نلقاكم علي خير دوما
...........................
بالمناسبة الصورة اللي في البوست هي طبعا
Tithonus and Eos by Francesco de Mura 
ومتنساش تتابع كل اللي بكتبه 
..............................................