التاريخ المحرم 2
في البداية نتفق علي نفس النقاط اللي قولتها في البوست الأولاني علشان أنت ترتاح وكاتب البوست يرتاح
اللي بإختصار دا رأي الكاتب اللي يحترم وعايز تصدقه ماشي مش عايز يبقي نحترم كلامه وموقفه وبحثه حتي لو في النهاية هتشوفه هبد وتخيلات وقولت أنه في الحقيقة فكر خارج الصندوق حتي لو هتشوفه خيال فانت أستمتعت بالمحتوي ولو هتصدقه يبقي لازم تبحث وراه وتدور علي كل كلمة قالها لأن شخصيا مش مقتنع 100% بكلامه ....يلا نبدأ ونستكمل سوا أحداث التاريخ المحرم
الكاتب بيكمل في أثبات كلامه ووجهات نظره وبيقول في سنه 1939 كان فيه طيارين بيلفوا كام لفه في السما كدا وبعدين شافوا حاجه غريبه جدا
ألا وهي عدد كبير من نماذج هندسيه صخريه لطيور وبشر علي مساحه كبيره لدرجه ان محدش يقدر يشوفها أو يستنتج معالمها كويس الا بواسطه الطياره أو حاجة بتحلق عموما
الرسومات اللي شافوها دي تنتشر علي مساحه 30 ميل مربع ولحد الان مازالت غامضه ... ليه الرسم بقا علي الأرض كان فايدته ايه ؟؟
والأهم كيف تمكن انسان من رسم اشكال ضخمه يمكن مشاهدتها من علي ارتفاع 1000قدم في الجو الا لو كان بيحلق في الجو ؟
الأغرب في الرسومات دي ان فيها رسمه علي شكل عنكبوت عنده رجل واحده طويله كدا وممدوده وفي راس رجل العنكبوت فيه بقعه ارض صغيره الرسمه بالطريقه دي كانت كبيره جدا ومليانة تفاصيل
المشكله مش في الرسمه خالص اي حد يقدر يرسمها
المشكله في العنكبوت نفسه اللي مافيش منه غير نوع واحد بس بالمواصفات دي يعيش في اعماق كهوف الامازون
وتعال اقولك قصه العنكبوت الغريب دا بعد ماتجهز كوباية الشاي الجميلة
العلماء زي مافهمت كدا من الكلام والقصة انهم عرفوا إن العنكبوت دا بالذات طريقته المختلفه في التزاوج والطريقة دي هي استعمال رجله الممدوده بالشكل اللي وصفته
وطريقه العنكبوت في التناسل لا تري الا بواسطه المجهر لأنه حجمه صغير جدا ( أنا دورت علي النت ما لقتش الحقيقة لو حد يعرف يفيدنا في نوع العنكبوت ومعلومات عنه أكون شاكر له )
والسؤال هنا كيف استطاع فنان كبير بيرسم بالطريقه دي وبالحجم دا طريقه حاجه مش يتتشاف الا تحت المجهر ؟؟
وبيجاوب الكاتب علي نفسه بإنهم ورثوا معرفه وعلم يقارب اللي احنا عايشين فيه الايام دي وبما ان فيه مجهر يعني فيه عدسات
ودا أثار فضولي ودورت علي النت عن صناعة العدسات
ولقيت إن الإنسان منذ القديم استخدم البلور لتكبير حجم الأشياء، وبناء على ما ذكره الفيلسوف الروماني سينيكا (Seneca) بيقول أنه استعان بعض الفلاسفة والأباطرة الرومان منذ القرن الأول بعد الميلاد بأنواع بدائية من العدسات المكبرة لجعل الحروف أكبر أثناء القراءة، ولعل أبرزهم الإمبراطور نيرون (Nero) والذي قيل إنه اعتمد على قطعة رقيقة من الزمرد
تمر السنوات سريعا لحد سنة 1590 لحد ما نوصل لصانع النظارات الهولندي زاكرياس يانسن (Zaccharias Janssen) بمساعدة والده هانس (Hans) على صناعة ما يمكن أن يصنّف كأول مجهر وبعده العبقري الفيزيائي والفلكي الإيطالي غاليليو غاليلي (Galileo Galilei) اللي درس علم البصريات ومن خلالها صنع أول مجهر له.
بيستكمل الكاتب وبيقول في سنه 300قبل الميلاد في بلاد الفراعنة مصر كان فيه مصغرات زجاجيه وهي الاكثر ادهاشا وانجازا في صناعه الزجاج
غير ان فيه نسخه من الالياذه مكتوبه علي جلد الحيوانات وهي صغيره جدا بحيث يمكن لفها علي بكره صغيره وملفوفه داخل جوزه
من الآخر بيقولنا الكاتب والمؤلف أن كانوا متطورين جدا وأستخدموا المجهر قبل غاليليو غاليلي (Galileo Galilei) ومن رأيي الكلام دا مش سليم
........................................................................
أهرامات غير أهرامات الجيزة
الكابتن دون هنري ودا بحار في بيرو علي ما أظن ومستكشف
ركب غواصه مع الطاقم بتاعه لكشف اسرار المحيط ..
ظهر ادامه فجأه كدا جبل كبير مش هنقول جبل هنقول هرم كبير جدا علي عمق 300قدم تحت سطح الماء وكمان سجل الجهاز ارتفاع الهرم دا تخيل كام ؟؟
ارتفاعه .....420قدم يعني اد ناطحه سحاب ممكن نفس حجم اهرامات الجيزه اللي مثلا الهرم الأكبر متسجل علي أنه 455 قدم
في نفس الوقت دا وكاله ناسا في غابات الامازون سجل القمر الصناعي 12 هرم
الكاتب المعروف شارلز بيرلتز اللي بيكتب خيال علمي لو بحثت هتلاقي عنه معلومات كافية
والدكتور مانسون فالنتين المسؤول عن المحتف العلمي كانوا قاعدين سوا كدا ودخل احد الباحثين وكان من المعروف عن مانسون فالنتين كان عصبي حبتين وبيقابل الناس كدا بطريقة تخضك
ــ عايز ايه أنجز ؟؟
ــ الباحث قاله اطالب ببعثه علميه كبيره لدراسه هذه الاهرامات المكتشفه من قبل وكاله ناسا في الأمازون
طبعا انت حد يجيلك يقولك انا عايز فلوس ملايين وباحثين وطقم غواصات عشان اساطير ..وكلام من دا يعني ..
هتقوله روح العب بعيد ..لكن مانسون فالنتين كان مختلف شويه واللي شجعه شارلز
وبالفعل بعد فترة
بعثه من فريق ممتاز 15 عالم اثار وفريق باحثين وغواصين علي كفاءه عاليه وبالفعل تمت الرحله للتعمق والبحث في اصل هذه الاهرامات والرسومات الموجوده
الاكتشافات كانت مذهله والنتائج اللي طلعت برضه اي نعم هما اتاخروا شويه بس وصلت النتائج لوكاله ناسا ( أبنيه دقيقه البناء وضخمه الحجم والتي تبدو بناء يستحيل اصلا بناءه بمثل هذه الدقه يعني بحوزه البناءين تقنيات غير معروفه .. أثار عظيمه واجهت ظروف صعبه مرووا علي 4000عام وطبعا قصة بناء الهرم الأكبر مش مستحيلة وقتها ممكن تلاقوا ناس بتقول أستخدموا الجن لكن الكلام دا غلط
في نهاية البوست شايف أن الابنية والحاجات دي طبيعية جدا ومش لدرجة الذهول اللي بيوصلها الكاتب لنا وبيحاول بشتي الطرق يثبت نظريته
دمتم بخير دائما
