professional members
Mohamed Mamdouh Vip achieve

$0.28

this week
Al-Fattany Beauty Channel Vip achieve

$0.73

this week
Ahmed Adel Vip Founder user hide earnings
محمود محمد Vip user hide earnings
the most profitable subscribers this week
Mostafa Mohamed achieve

$21.05

this week
Fox user hide earnings
ahmed hawary achieve

$7.25

this week
Ahmed Adel Vip Founder user hide earnings
Youssef Shaaban user hide earnings
Hager Awaad achieve

$4.50

this week
Ahmed achieve

$3.85

this week
Mohamed Ahmed Sayed achieve

$2.94

this week
osama hashem achieve

$2.76

this week
nasr el din achieve

$2.64

this week
قصة اتلانتا والثلاث تفاحات

قصة اتلانتا والثلاث تفاحات


الجميلة  أتلانتا و الثلاث تفاحات 
إيه القصة وإيه الحكاية ؟؟ 
كل اللي مطلوب منك أن تجهز كوباية شاي  وتقعد وأنا هحكيلك الحكاية من طقطق لسلام عليكم 😂
في منطقة تقع بجنوب اليونان ولدت فتاة جميلة بمدينة  أركاديا ولسوء حظها وتعاستها أن لها أب أهبل ومتخلف ولما عرف أنها أتولدت أتعصب وزعق في القصر وعمل مشكلة ليه بقا ؟؟
الملك مابيحب خلفة البنات (  دماغه كدا )
يقوم يعمل إيه ؟؟
جاب  البنت في لفة كدا وهو متضايق أوي وبيتنطط زي الأهبل  وراح راماها في الغابة وسابها في وسط الغابة  ورجع المملكة بتاعته عادي جدا بسيطة خالص  ولا أتهزت له شعرة واحدة 
نرجع للرضيعة الوحيدة وهي بتبكي وتصرخ وملهاش ذنب في حاجة
و في ظل بكاء لا ينقطع سمعتها الدببة اللي بتسكن في المنطقة وطبعا لحم طازج وفرش وليلة فل للحيوانات 
الحقيقة محصلش كدا خالص من الحيوانات ولا حد قطعها ولا حيوان قرب منها وأفترسها 
اللي حصل كان أنساني أكتر من إنسانية والدها الملك... الدببة أخدت الطفلة معاها في الكوخ الجبلي و بدأت ترضعها لبن مثل أطفالها ( مش عارف ليه أفتكرت قصة طرازان 😂 ) 
ومع الوقت بدأ الطفل الصغير يكبر وملامحه تتغير
الطفلة أتعلمت الوثب والجري والصيد وأصبحت قوية جدا وفي نفس الوقت جمالها كان ملحوظ وملفت  للعين لدرجة أن قنطور من القناطير حب يغتصبها ( طبعا القناطير دي وظيفتها في الحياة تهجم علي الأناث فقط يا تقتلها يا تغتصبها وكانوا بيخافوا من هرقل فقط الله يرحمه 😂 )
من المدهش أنها  بقوتها العادية قتلتهم وهي بتزمجر علي أسنانها كأنها هتفترسهم بالظبط  واصبحت معروفة في المكان بالجميلة الشرسةلقوتها وبراعتها وجمالها طبعا   
وفي وقت من الأوقات قررت تسيب الغابة وتتنقل وتشوف الدنيا والعالم الخارجي فحزمت أغراضها وودعت أهلها اللي هما الدببة يعني 
ومن  هنا  أتنقلت  من مدينة للتانية وفي طريقها  بدأت تصارع الأبطال والوحوش وتنجز المهمات الصعبة مقابل الشهرة والمال وبقت معروفة في كل البلاد  لدرجة إن اللي سمع بيها كان الملك والدها نفسه  وعرفها عالطول وقرر أنه يعترف بيها ويضمن حقها في العرش 
كلنا عارفين أنها عاشت حياة وحيدة بدون أي بني ادم معاها ولما عرف أنها بقت مهشورة قرر أنه يعترف بيها ( عفن أصلي لا مؤاخذة  ) 
وعلشان يضمنها أوي في جيبه و مملكته قرر أنه يزوجها لأبن ملك صديقه ( شوفت الهباب اللي بيعمله ) 
طبعا أتلانتا رفضت بشدة لأن من الأول كانت عاملة عقد مع أرتيميس الهة الصيد وأن عمرها في حياتها ماهتتزوج وأنها أختارت مصيرها من الأول 
وعلشان تخرج من المأزق دا لجأت الي الحيلة والدهاء .. إيه اللي عملته اتلانتا ؟؟
هتسابق أي شخص راغب في الزواج منها ولو قدر يسبقها هتتجوزه لكن لو هي اللي سبقت هتموته .. الكلام سليم ومفيهوش أي لف ودوران دا كان كلامها اللي فيه تحدي كبير لأي حد علي وجه الأرض والحقيقة تحدي مستفز أجبر والدها علي الموافقة طبعا 
بالفعل يا أولاد مفيش متسابق قدر يسبقها واللي كانت بتسبقه بتقتله عالطول 
لحد ما جه واحد أسمه  هيبومينيس لكنه قبل ما يدخل السباق عمل حركة حلوة
إيه هي الحركة ؟؟ 
دخل أقرب معبد  للألهة وهو معبد  لأفروديت اللي احنا عارفينها بالهة الجمال والحب وتضرع لها لحد ما أستجابت لطلباته
وأعطته 3 تفاحات لونهم ذهبي أو من الذهب الخالص  وقالت له كل ما تحس أنها هتتقدم عليك أرمي تفاحة علي الأرض 
رد عليها  بإستغراب : دا كل الموضوع ... بس كدا ؟؟
قالت له بكبرياء    : طبعا وتخلص السباق وتيجي تاني 
 المهم الراجل وافق علي كلامها  وبينه وبين نفسه متردد بمعني إن  تفاح إيه اللي هيخليني أكسب في سباق كبير شكل دا 
وهو يعني لو خسرت هشوفها فين ..في كل الأحوال هموت 
وبدأ السباق ما بين أتلانتا و هيبومينيس والطبيعي أنها تسبقه بسهولة جدا لكن الحيلة أن لما تقدمت عليه رمي تفاحة أدامها فتوقفت تلتقط التفاحة ولما تلاقيها ذهبية أو من الذهب تحطها في جيبها وتكمل سباق وهكذا مع التفاحة التانية والتالتة مما أعطي فرصة لهيبومينيس أن يفوز بالسباق 
وأتالانتا ماقدرتش تعترض ووافقت على الزواج من هيبومينيس اللي كان راجل طيب في حقها وابن حلال وزي الفل وبكدا أنتهت قصة اليوم 
عندي تعقيب صغير وأنا بقرأ القصة وهو يعتبر سؤال ؟؟
ليه تفاح ؟؟ أشمعنا ثمرة التفاح ليه مش مانجو ليه مش عنب ليه مش موز ؟؟
التفاحة متأصلة في دماغنا من صغرنا  وأول حاجة جت في بالي هي فاكهة الخطيئة بسبب قصة آدم وحواء الشهيرة مفيش تفسير غير كدا لو فيه تفسير سيبه في كومنت ( حتي في قصة هرقل التفاح برضه لو فاكرين )
ودا بيوصلنا لنتيجة أن التفاح بيمثل الرغبة اللي بتدفع فضولنا وأحيانا الرغبة بتعمينا عن الطريق ودا مش ذنب أتلانتا ولا ذنب زوجها 
ونلقاكم في بوست جديد ..سلام

الصورة اللي في البوست
The Race between Hippomenes and Atalanta by Noël Hallé (1762-1765)
 

comments (0)
please login to be able to comment
article by

مسابقة شهر رمضان 2024 منصة اموالي

  • first place will win

    30$+عضوية Vip لمدة شهر

  • second place will win

    20$+عضوية Vip لمدة شهر

  • third place will win

    10$+عضوية pro لمدة شهر

competition ends : 1 week from now

The 5 people with the most points in the competition

كريمة

number of points : 2207 point

Al-Fattany Beauty Channel

number of points : 1355 point

Mostafa Mohamed

number of points : 1089 point

sama

number of points : 1041 point

Faith

number of points : 1010 point

similar articles
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.