فصة عزيزة قصة من التراث
كان ياما كان وما يحلي الكلام الا بذكر النبي عليه الصلاة و السلام
يحكي ان كان هناك فتاة تعيش مع ابوها بعد وفاة امها
وقد تزوج ابوها بامراة لها ابنة تدعي هنيه
وكان الزوج دائم السفر و كانت هذه الزوجة تكره عزيزة لانها اجمل و اشطرها من ابنتها
وكانت تريد التخلص منها
وفي يوم من الايام ارادت زوجة الاب التخلص من عزيز فقالت لها
اذهبي عند امنا الغول و هاتي المنخل
عزيزة كانت محبوبة و لديها اصدقاء وفي طريقها لامنا الغولة قابلت اصحابها في الطريق
اصحابها: صباح الخير يا عزيزة
عزيزة::صباح الخير يا اصحابي
اصحابها:رايحة فين يا عزيزة؟
عزيزة:رايحة لامنا الغول
اصحابها:خدي شوية سمسم يا عزيزة
عزيزة:شكرا يا اصحابي
وراحت عزيزة لامنا الغولة وخبطت علي الباب
امنا الغولة:مين علي الباب
عزيزة:انا عزيزة
امنا الغولة:عايزا ايه يا عزيزة
عزيزة:عايزا المنخول
امنا الغولة:ادخلي يا عزيزة
عزيزة دخلت من الباب وامنا الغولة قالتلها تعالي فليني وكلي قملي
عزيزة تفلي و تفتش في شعر امنا الغولة و تطلع القملة وترميها وتمسك السمسميةتطقطقها وتقولها قملك حلو يا امنا الغول
امنا الغولة اتبسطت من عزيزة و قالتلها يا عزيزة انزلي البير هاتي المنخول و نزلت عزيزة البير وامنا الغولة تقول للبير
يا بير يا بير املأها حرير كتير يا بير يا بير املأها دهب كتير يا بير يا بير ملأها جواهر كتير
وخرجت عزيزة من البير لابسة حرير و دهب كتير و جواهر كتير
وذهبت الي البيت و زوجة ابوها سألتها ايه اللي حصل؟
قالتلها عزيزة من عند امنا الغولة
وقالت لبنتها هنية روحي رجعي المنخول لامنا الغولة
وراحت هنية ترجع المنخول لامنا الغولة
وقابلت اصحابها في الطريق
اصحابها:صباح الخير يا هنية
هنية:ماشي
اصحابها:رايحة فين يا هنية:انتوا مالكم
ومشيت و سيبتهم
وخبطت علي امنا الغولة
امنا الغولة:مين علي الباب
هنية:انا هنية
امنا الغولة:عايزا ايه يا هنية
هنية:جاية ارجع المنخول
امنا الغولة:ادخلي يا هنية
هنية دخلت من الباب وامنا الغولة قالتلها تعالي فليني وكلي قملي
هنية تفلي و تفتش في شعر امنا الغولة و تطلع القملة وتاكلها وتطقطقها وتقولها قملك وحش يا امنا الغول
امنا الغولة زعلت اوي من هنية و قالتلها يا هنية انزلي البير رجعي المنخول و نزلت هنية البير وامنا الغولة تقول للبير
يا بير يا بير املأها صراصير كتير يا بير يا بير املأها خنافس كتير يا بير يا بير ملأها قمل كتير
ورجعت هنية لامها فيها صراصير وخنافس وقمل ومامتها تضربها بشبشب علشان تموت الحشرات
وفي يوم علشان زوجة الاب تتخلص من عزيزة قالتها روحي املئ القلة من البحر الكبير
لانه طريق صعب وفي مخاطر كتير
وراحت عزيزة تملئ القلة من البحر الكبير وهي راجعة في الطريق
قابلها الورد الابيض قالها:اسقيني يا بنت عمي
قالتله حاضر يا ابن عمي
قالها ربنا يجعل بياضي كله في جسمك
عزيزة بقت بيضا جدا
وهي ماشية قابلها الورد الاحمر قالها:اسقيني يا بنت عمي
قالتله حاضر يا ابن عمي
قالها ربنا يجعل حماري كله في شفايفك وخدودك
خدود عزيزة وشفايفها بقوا لونهم احمررررررر
وهي ماشية قابلها الورد الاصفر قالها:اسقيني يا بنت عمي
قالتله:حاضر يا ابن عمي
قالها ربنا يجعل صفاري كله في شعرك
وشعر عزيزة بقي لونه اصفر
وعزيزة اصبحت رائعة الجمال
وقابلها النخل وقالها:اسقيني يا بنت عمي
قالتله حاضر يا ابن عمي
قالها ربنا يجعل طولي كله في شعرك
شعرها بقي اصفر و طووووووووووووويل
ورجعت عزيز البيت وسالتها زوجة ابوها ايه اللي حصل ؟
قالتلها الورد في الطريق للبحر الكبير
قالت لبنتها هنية روحي املئ القلة من البحر الكبير
وراحت هنية وملت القلة وهي راجعة
قابلها الورد الابيض قالها:اسقيني يا بنت عمي
قالتله وانا مالي
قالها ربنا يجعل بياضي كله في شعرك
هنية بقي شعرها ابيض
وهي ماشية قابلها الورد الاحمر قالها:اسقيني يا بنت عمي
قالتله وانا مالي
قالها ربنا يجعل حماري كله في عينيكي
عنيين هنية بقوا لونهم احمررررررر
وهي ماشية قابلها الورد الاصفر قالها:اسقيني يا بنت عمي
قالتله:وانا مالي
قالها ربنا يجعل صفاري كله في وشك
وش هنية بقي لونه اصفر
وهنية بقيت وحشة جدا
وقابلها النخل وقالها:اسقيني يا بنت عمي
قالتله وانا مالي
قالها ربنا يجعل طولي كله في رجلكي
رجلها بقي طووووووووووووويلة
ورجعت هنية البيت
وراحت في يوم هنية وعزيزة للسوق علشان يشتري حاجات البيت
والامير شاف عزيزة في السوق واعجب بها وحبها
وراح خطب عزيزة ويوم الفرح بدلت زوجة ابوها عزيزة بهنية وراحت بها للقصر
ولما اكتشف الامير غضب وخد زوجة ابو عزيزة للسجن وعاشت عزيزة مع الامير و عاشوا في سعادة وهنا
وتوتة توتة خلصت الحدوتة
