الاعضاء الVIP
Ahmed Adel Vip Founder المستخدم أخفى الأرباح
Al-Fattany Beauty Channel Vip حقق

$0.75

هذا الإسبوع
محمود محمد Vip المستخدم أخفى الأرباح
Mohamed Mamdouh Vip حقق

$0.29

هذا الإسبوع
أكثر الأعضاء تحقيق للأرباح هذا الاسبوع
Mostafa Mohamed حقق

$21.05

هذا الإسبوع
Fox المستخدم أخفى الأرباح
ahmed hawary حقق

$7.25

هذا الإسبوع
Ahmed Adel Vip Founder المستخدم أخفى الأرباح
Youssef Shaaban المستخدم أخفى الأرباح
Hager Awaad حقق

$4.50

هذا الإسبوع
Ahmed حقق

$3.85

هذا الإسبوع
nasr el din حقق

$2.98

هذا الإسبوع
Mohamed Ahmed Sayed حقق

$2.94

هذا الإسبوع
osama hashem حقق

$2.76

هذا الإسبوع
الانجليز و افلامهم الانجليزية

الانجليز و افلامهم الانجليزية

حقيقي..

كامل احترامي وتقديري لكل اللي بيحب الأفلام الهندية.! أنا لي واحد صاحبي دخلني فيلم هندي الساعة 11 بالليل ..كان اسمه the thugs of hindustan لاميتاب باتشان و خلص الساعة 3,صباحا..!ناهيك أنه كان تقليد كبير اوى لفيلم pirates of the Caribbean .. أنا مقدرتش ارفضله طلب في الحقيقة.. لكني لاحظت انه بقي هوس عند ناس كتير .. اكيد لهم اسبابهم المحترمة جدا .. طبعا مكنتش اعرف ان السينما الكورية حتغزو من سنة .. أنا مفكرتش اني اتفرج على الكوري .. علشان مظلمش حد .. حتى فيلم parasite لسه متفرجتش عليه ..

يمكن عشان انا طول عمري بتفرج على الأمريكي .. و سينماتنا كانت السبب .. يعني حتى الفرنساوي نادر اوى أما كان يجيبوا فيلم فرنسي .. يمكن كان التلفزيون زمان بيجيبوا في برنامج بانوراما فرنسية ..ده لوكان حد فاكر ..!

بس في ظل ما بتفرج على افلام أمريكية .. دايما بيطلع لي كده في النص ..فيلم بريطاني ..في الأول كنت باقول إن ده انجليزي و ده انجليزي .. يعني ايه اللي يفرق..لحد ما أنا اخدت بالي .. أن معظم الأفلام اللي بحبها.. هي افلام بريطانية في الأصل .. أو على الأقل بريطانية من إنتاج هوليوود حتى ..

اكيد فيه سبب مقنع يخلليني اقعد أتفرج على الأفلام دي ..فكان لازم احط لنفسي أسباب الإقبال على الأفلام البريطانية ..و اتفضل بعد اذنكم أشارككم فيها ..

1-أنا من خلال المتابعة ..حسيت ان الإنجليز في أعمالهم عندهم اعتزاز شخصي بتراثهم الثقافي..

يعني لو قلنا مثلا ..أعمال شكسبير.. و تشارلز ديكينز.. جين اوستن .. آرثر كونان دويل..أجاثا كريستي.. روايات زي Romeo and Juliet ..king Lear.. pride& prejudice.. oliver twist.. the great expectations أعمال أدبية انجليزية حولها الإنجليز لأفلام.. و اللي انا فاكره ان القناة الثانية قرب الامتحانات كانت بتجيب الأفلام دي عشان اللي بيذاكرم .. ممكن أنا مكنتش منهم ..بس انا كنت حابب اتفرج ..

2-و زي ما هم معتزين بثقافتهم .. هما برضه بالتبعية بيحبوا التاريخ بتاعهم كتير .. طبعا العصور الوسطى هي الأساس طبعا .. من أيام الملكة فيكتوريا .. يعني كيت بلانشيت ..مرورا بقى بكاميلوت و الملك آرثر و المائدة المستديرة.. طبعا مينفعش نعدي من غير روبين هود .. الاسطورة و الحقيقة ..

و ده طبعا بالإضافة لتاريخهم المعاصر .. مارجريت تاتشر .. و الأميرة ديانا .. اتعمل عليها افلام كتير .. مع the Queen

و من خلال التاريخ ده .. بتظهر حكايات و أساطير لا تخلو أبدا من الاثارة في كواليس و دهاليز الحكم..و ده بقى ينقلني السبب الثالث..

3- لأن كل ده كوم .. و افلامهم عن الحرب كوم تاني!..طبعا اكيد الأمريكان لهم قصص كتير عن الحرب .. لكن مش زي الإنجليز..يعني كانوا في وسط أحداث الحرب العالمية الأولى.. طبعا فيلم 1917 و اللي شاف الفيلم ده .. اكيد ليهم افلام ثانية عن الحرب .. لكن تعالى نشوف الحرب العالمية الثانية .. و كمية الأفلام المميزة عنها ..يعني ده كله بسبب اللي حصلهم في الحرب دي.. هتلر كان بيصبح و بيمسي عليهم كل يوم .. طبعا .. في الحرب دي بالذات ..حكاياتهم ما بتنتهيش .. من قول الملك ألبرت المتلعثم في king's speech .. الآن تيورنج و فك رموز انيجما في imitation game.. ونستون تشيرشل في the darkest hour.. بالتأكيد فيلم Dunkirk .. طبعا أفلامهم المشتركة مع الأمريكان نفسهم متننسيش .. زي فيلم نافارون و الهروب الكبير .. و جسر على نهر كواي .. معلومات تاريخية.. و أسرار لا يخجلوا من أنهم يكشفوها..

خللي بالك ان كل ده بيقدموه من غير اي بروباجندا عكس إي فيلم أمريكي بيتكلم عن الحرب..

4-لما نيجي نخرج من عباءة التاريخ و السياسة.. و نروح لافلامهم العاطفية و الاجتماعية..حتى الخفيفة.. حنلاقي. كلاسيكيات.. يعني مين يقدر ينسى the sound of music.. mary poppins .. بتاع. جولي اندرووز .. افلام جيمس بوند.. بتعتبر من كلاسيكيات الاكشن لحد دلوقتي.. Austin powers .. اكشن على خفيف.. بالتأكيد افلام مستر بين .. الكوميديا علي أصولها..تعالى على افلام هيو جرانت العاطفية.. اكيد فيلم four weddings and a funeral.. الفيلم الجميل ..love actually..Bridget Jones diaries.. the pink panther.. و الممثل الرائع بيتر سيلرز..

طبعا مينفعش ما اذكرش سلسلة افلام هاري بوتر .. اللي متعتنا كلنا .. و طبعا لو اعتبرنا اللي جاي ده فيلم بريطاني في الأساس ..هو أقوى الأفلام في تاريخ السينما العالمية ..

The Lord of the rings..!

5- مش بس الأفلام دي حلوة .. لكن .. و ده اكتشاف اكتشفتوه مؤخرا.. أن ليهم افلام إنسانية كثير جدا .. أنتجتها ..الBBC .. الأفلام اللي خارج بريطانيا .. لكنها من إنتاج الإنجليز .. ده غير الأفلام الوثائقية اللي بيعملوها .. وده غير الروائية..

في الحقيقة.. أنا ذهني مش حاضر إلا لفيلمين..

West is west

طباخ باكستاني عايش في لندن ..بيقرر أنه يرجع قريته عشان يزور اهله و مراته الاولانية من 30سنة

Toast

وده من أجمل الأفلام اللي شوفتها عن قصة حقيقية عن حياة طباخ شهير في مطعم سافوي من أول ما كان صغير ..

6-و نيجي لآخر الأسباب و لنا اللي شايفها أهمها هي اللهجة الإنجليزية..! نطقهم المميز للحروف و مخارجها ..اكيد فيه ناس كتير بيرتاحوا اللهجة الأمريكية لأنها سهلة .. و بتدرس الآن في بعض المعاهد.. لكن بتفضل اللغة الأم عند أهل انجلترا.. و بيبقي كويس جدا للي عايز يتعلم صح أنه يسمعهم أو يروح لل British council

و أخيرا..

أرجو اني اكون عرفت اشرح اسبابي الخاصة .. طبعا مجددا كامل احترامي للجميع .. يمكن لو اقدرت اشوف فيلم هندي اغير رأيي..و أحب الأفلام دي..

و طبعا كلامي ينطبق برضه على الأفلام الكورية..!

 

 

 

 

 

 

 

 

 

التعليقات (0)
الرجاء تسجيل الدخول لتتمكن من التعليق
مقال بواسطة

مسابقة شهر رمضان 2024 منصة اموالي

  • المركز الاول سيربح

    30$+عضوية Vip لمدة شهر

  • المركز الثاني سيربح

    20$+عضوية Vip لمدة شهر

  • المركز الثالث سيربح

    10$+عضوية pro لمدة شهر

ستنتهي المسابقة خلال : أسبوع من الآن

الأشخاص الذين حصلوا على أكبر عدد من النقاط في المنافسة حتي الان

كريمة

عدد النقاط : 2209 نقطة

Al-Fattany Beauty Channel

عدد النقاط : 1358 نقطة

Mostafa Mohamed

عدد النقاط : 1089 نقطة

sama

عدد النقاط : 1049 نقطة

Faith

عدد النقاط : 1010 نقطة

مقالات مشابة
...إخلاء مسئولية: جميع المقالات والأخبار المنشورة في الموقع مسئول عنها محرريها فقط، وإدارة الموقع رغم سعيها للتأكد من دقة كل المعلومات المنشورة، فهي لا تتحمل أي مسئولية أدبية أو قانونية عما يتم نشره.