اعمال لن تراها : 2- مسلسل ( محمد على )

فى البداية كده ..

لازم اشرح العنوان ..!

هى ببساطة مش اعمال..هى مشاريع كانت على الورق ..و لكنها لم تنفذ ..او انها بدأت فى اولى خطوات التنفيذ و مكتملتش ..او انها خلصت فعلا ..و متعرضيتش ..

مش دى بس القضية ..لكن المشكل هنا ان مشاريع (الاعمال) دى كانت مصاحبة بكمية بروبجندا غير طبيعية ..و لكن للاسف الشديد زى ما اى حاجة بتفشل انها بتكمل  او انها تتعرض ...مش بس لاسباب مالية و اقتصادية ..و لكن بتتعدد هنا الاسباب زى ما احنا حنشوف دلوقتى ..

و احنا – الحمد لله – عندنا من الاعمال الدرامية و السينمائية الكثير جدا الحقيقة فى تاريخنا متنفذيتش ..و اللى اتنفذ منها متعرضش ..

و احنا هنا مجرد حنستعرض الاعمال دى فى قائمة كالعادة ..و حنشوف مع بعض هل كل الاسباب خاصة بالفلوس بس و لآ كان فيه اسباب ثانية ..

فى الجزء الاول اتكلمنا عن فيلم اخناتون و ايه هى الاسباب اللى خلته ما يتنفذش

 

 

 

 

2-و اذا كان حلم شادى عبد السلام على الورق و فى انتظار من يتشجع فى تنفيذه ..فالحلم اللى جاى شبيه جدا ليه ..و ان اختلفت اسماء الحالمين ..لكن هل عندهم لسه نفس الحلم ده و لآ تخلوا عنه؟..هنا انا بتكلم عن الفنان الكبير يحيي الفخرانى و زوجته المؤلفة د.لميس جابر ..و حلم فيلم او مسلسل محمد على ..بانى مصر الحديثة و صاحب نهضة كبيرة لا يزال التاريخ بيحكى عنه لحد النهاردة ..بعد نجاح مسلسل الملك فاروق سنة 2007..و مع ظهور شركة انتاج كبيرة زى جوود نيووز و اصحابها آل اديب ..

 

و ابتدت بوادر الحلم فى التحويل للحقيقة ..حتى اننا شوفناه بوسترات عن مصر الخديوية ايذانا بالمشروع ..الا ان الخلاف ظهر للاسف .. لنفس الاسباب السابقة ..فيتوقف سنين ..لحد ما يحصل نجاح آخر ..لكن المرة دى من د.يحيى نفسه فى مسلسل " شيخ العرب همام " سنة 2010 و المرة دى شركة الجابرى و قناة الحياة  تبقى فى الصورة ..

 

و لاول مرة نشوف بوستر بيتعرض على قناة الحياة ..بروفايل اعلانى للفخرانى و هو فى شخصية محمد على ..اللبس و الطربوش و الدقن البيضاء الطويلة و تحتيه بالبنط العريض ( رمضان 2011) ..لكن زى ما هو واضح من التاريخ كده ..الدنيا ممشيتش طبعا بسبب الثورة ..فيتأجل المشروع لاجل غير مسمى بالتأكيد ..

 

لكن اذا كان الوضع مؤسف من عشر سنين ، فالطريق دلوقتى ممهد للعمل ده ..بدليل ظهور مسلسل كبير جدا زى " سرايا عابدين " بجزئيه من حوالى 5 او 6 سنين ..و مع وجود شركة او كيان انتاجى فى مصر مبيبطلش مسلسلات ..

 

هل ده كافى ؟..