انتقام الامراه الملعونه

انتقام الامراه الملعونه

اسمى إسلام عندى ٢٣ سنة محامى وعندى أخت صغيرة ليلى عمرها ٤سنين

حالتنا المادية كويسة جدا والدى عنده محلات لبيع الأقمشة كل حاجة كانت كويسة لحد ما والدى توفى وعرفت أنه خسر كل فلوسه حتى البيت اللى احنا قاعدين فيه خسره قلت لولدتى هنعمل ايه قالت والدك كان عنده شقة فى منطقة .....

هنقعد هناك .

وفعلا بدأنا نجهز الشنط ورحنا الشقة كانت فى منطقة مهجورة نوعا ما والعمارة شكلها قديم .طلعنا الشقة ماما وأختي فى أوضة وانا فى أوضة . أكلنا وماما وأختى ناموا وانا دخلت الأوضة وقعدت أفكر هعمل ايه وإنى دلوقتى المسئول عن ماما وأختى وانا كنت سرحان سمعت صوت بينادى عليا قمت وكنت فاكر انى أختى اللى بتنادى بس لقتها نايمة قلت يمكن بيتهيألى.

نمت ونزلت الشغل تانى يوم ورجعت البيت بالليل وقعدت مع وماما وسألتها انا اول مرة اعرف أننا عندنا الشقة دى هو بابا اشترها امتى ماما قالت من زمان والحمد لله انها موجودة كان زمانه فى الشارع دلوقتى .

بالليل الساعة ١ سمعت حد بينادى عليا .....إسلام..... إسلام...

أنا قمت وطلعت من الأوضة لقيت الصوت جاى من الأوضة اللى جنبى حاولت افتحها بس الباب مش عايز يتفتح قلت بكرا اشوف الموضوع دا ......

........وعدا أسبوع دون أحداث تذكر ........

لحد يوم الأحد كانت الساعة ٢ بعد نص الليل كنت نايم وحلمت ب ست شكلها مخيف وقالت ليا هقتلها زى ما قتلته انا مفهمتش حاجة وصحيت من النوم مفزوع ...

الموضوع اتكرار كتير وبقيت اشوف الست فى كوابيس واعصابى تعبت وماما لحظت التغير عليا قولتلها أنى تعبان شويه من الشغل ودخلت أوضتى استريح لقيت ليلى جات قعدت العب معها ونتكلم وقالت حاجة غريبة قالت انا مبسوطة انى على بيلعب معايا قولتلها على مين قالت قاعد فى الأوضة اللى جنبنا هو ومامته انا ضحكت وقولت كلام عيال.....

تانى يوم وانا نايم شوفت الست وكانت واقفة فى ركن فى الأوضة وبتبص ليا وفجأة قربت عليا ومسكت رقبتى صحيت من النوم مفزوع وماسك رقبتى وباخد نفسى بصعوبة وببص على الباب لقيت خيال حد بيقرب من الأوضة انا نزلت تحت البطانية وخليت مكان صغير ابص منه على الباب لقيت الخيال بيقرب كان خيال واحدة ست وفتحت الباب ببطء كانت لابسه عباية كلها دم انا مكنتش شايف وشها انا كنت شايف رجلها بس ولقته قفلت الباب ودخلت وتحركت من جنب السرير أنا كنت خايف اتحرك من مكانى وأقوم اشوفها......

فجأة لقيت اللى مسك رجلى انا قمت مفزوع من مكانى ومكنش فيه حد فى الأوضة ولقيت حركة تحت السرير أنا كنت خايف اشوف فيه ايه بس استجمعت شجاعتى وبصيت ملقتش حاجة وانا برفع رأسى ...

ايه دا انا فين دى مش أوضتى لقيت ست قاعدة على السرير وبتلاعب ابنها وكانت بتقوله على انا انصدمت دا على اللى كانت ليلى بتكلم عليه والولد طلع يجرى برا الأوضة ولقيت الست دى طلعت تجرى وراه والباب خبط الست فتحت لقيت والدى داخل وسلم على الست اسمها منى وقاعدوا يتكلموا اللى فهمته إنى بابا بيساعد الست وابنها الصغير بعد ما جوزها مات والشقة دى بابا اشترها وقعدت فيها .

بابا مشى واتبدل المشهد شوفت بابا ومعاه راجل وبيقول هنفذ انهارده بابا قاله تمام وفجأة شفت ابشع مشهد مش ممكن اى حد يتخيله شوفت بابا ومعاه على والرجل اللى كان بيتكلم مع بابا ..الرجل دبح على انا انصدمت ازاى بابا يشارك فى الجريمة دى ؟؟؟وليه كل دا ؟؟؟ واتبدل المشهد فى الشقة والست بتعيط وبابا بيتكلم معاه وبيقولها هتاخدى الفلوس اللى انتى عايزها الست كانت ماشية بابا مسك حاجة حديد وضربها على دماغها الست ماتت ...

بابا شالها ودفنها فى الأوضة.........

دى شقة اللى احنا قاعدين فيها وفجاءة لقيت حد جاى من ورايا كانت هى منى قالتلى شوفت قتلنى انا وابنى قولتله ليه بابا يعمل كل دا قالت عشان الفلوس قولتلها بابا معاه فلوس كتير يعمل كدا ليه قالت خد ابنى قدمه قربان لدجال وقتله عشان يكون غنى ولما عرفت وكنت عايزه ابلغ قتلنى .....

أنا قتلته ولازم اقتلها قولتلها مين دى .....قالت مامتك قولتله ماما عملت ايه اكيد متعرفش حاجة ........

فجأة لقيت نفسى فى أوضتى رجعت تانى انا كنت مصدوم من اللى شوفتها مستحيل اللى حصل دا ......

تانى يوم الصبح اتكلمت مع ماما وقولتله على اللى شوفته الغريبة أنها مكنتش مصدومة من اللى حصل والكارثة أنها عرفت انى بابا عمل كدا قولتله ازاى وسكتى قالتلى وانا كنت اعمل ايه قولتله .........وعرفتى أمته؟؟؟

قالتلى بعد الحادثة ابوك كان متغير علطول بيشوف كوابيس وخايف وعرفت الموضوع انا سكت عشانك انت واختك ونسيت وهو مع الوقت نسى لحد ما مات كان قبلها بكذا يوم بيقول أنها هتقتله وفعلا قتلته قولتلها دى عايزة تقتلك انتى كمان ماما قالت انا غلطت لما سكت ودا جزائى قولتله اكيد فى حل قالتلى قوم ادخل أوضتك وسبنى لوحدى وفعلا دخلت الأوضة مكنتش مصدق اللى بيحصل ازاى كدا بابا مستحيل يكون عنده قلب ...

وفجأة سمعت صوت ليلى بتصرخ طلعت من الأوضة جرى لقيت ماما واقفة على سور البلكونة قولتله انتى بتعملى ايه يا ماما قالتلى خلى بالك من ليلى أختك ودا يا إسلام عدل ربنا لازم اموت ماما انتحرت ......

أنا حضنت أختى وقررت أشوف شقة تانية وفعلا أخدت أختى ومشيت عدا سنين وعمرى ما نسيت اللى حصل .......