ضابط في حياتي - حلقة ٨
محمد بفزع : في اييييه ؟!!!!
شهد : آسر لسة مجاش و قافل موبيلوا و مش عارفين نوصلوا
محمد بأندهاش : تقومي تعيطي كدا ؟!!! انتي رعبتيني !!
ما انا كمان بكلموا موبايلوا مقفول ، بس مقلقتش ! عادي انتي عارفة آسر ساعات بيغطس كدا و يقفل موبايلوا بيحب يقعد مع نفسوا
شهد : انت مش فاهم حاجة
محمد : طب ما تفهميني
شهد : آسر اتخانق مع ماما الصبح و ضربتوا بالقلم و من ساعتها مرجعش البيت و موبايلوا مقفول و ماما مموتة نفسها عياط علية و بتقولي خايقة يكون ابني جرالوا حاجة
محمد : ضربتوا !!!!!!!!!!! طب اهدي اهدي انا هتصرف ، و خلي طنط تهدي بس احسن تتعب ولا يجرالها حاجة بعد الشر .. انا نازل ادور علية و هبقي اكلمك
اغلق معها و اسرع بتبديل ملابسه
ظل يفكر اين ممكن ان يجدة الآن .. يحدث نفسة
( هتكون فين بس يا آسر ، بيحب يقعد علي النيل ، بس هلاقية ازاي دلوقتي .. لا اكيد ف مكان تاني .. فين فييين ، اه ازاااي مجاش ف بالي المكان دا ؟!!!! )
قاد سيارتة نحو هذا المكان
______________________________________
فلاش باك..
بعد ان ترك المنزل .. كانت حالتة لا يرثي لها ، ظل يسير بالسيارة بغير هدي و هو يشعر بالضيق و الاختناق .. الي ان فكر في ان يذهب الي اكثر مكان يحبه و يرتاح فيه ، انه منزلهم القديم ..
قاد سيارتة الي هناك ، ترجل من السيارة و صعد البناية
مفتاح الشقة دائما معه
فتح الشقة ، وجدها مليئة بالاتربة و الغبار نظرا لانها مقفلة منذ وقت كبير
الاثاث كلة مغطي
ظل يتفتل في الشقة ، ثم ازال الغطاء من فوق الاريكة .. و جلس عليها ظل يفكر و يفكر و يفكر الي ان شعر ان رأسه كاد ان ينفجر من شدة الصداع
و تذكر تلك اللحظة التي ذهب فيها الي الكافية و بالفعل وجد هبه هنا و كانت الصاعقة انها تجلس مع شريف صديقه!!! لم يفهم الامر في البداية ، اقترب منهم ببطئ و حذر .. و سمع هذا الحوار
هبه : يا شريف هنرجع نتكلم ف الموضوع دا تاني ، يا حبيبي ما انا فهمتك 100 مرة قد ايه هو ضغط عليا ف موضوع الخطوبة دا و كان لازم اوافق .. الا كل اللي عملناة كان هيتهد
شريف بضيق : بس انا مش قادر استحمل كدا يا هبه و لا قادر اشوف دبلتوا ف ايدك
هبه بابتسامة : بس كدا
و قامت بخلع الدبلة ووضعها علي الطاولة و امسكت يدة ..
هبه : شريف يا حبيبي انت لازم تكون واثق فيا ، انا بحبك انت و بس .. و انت عارف انا مخطوبة ل آسر ليه ، كل دا عشانا يا حبيبي الفلوس اللي باخدها منه مش كلها بديهالك ؟، عشان نحوشها و نقدر نتجوز بيها ؟؟؟ صدقني اول ما نكون مبلغ كويس تقدر تتقدملي بية و نفتح بيت انا هسيب آسر فورا
شريف بابتسامة : يا رب يا حبيبتي اليوم دا يقرب بقاا .. انا خلاص مش قادر علي بعدك عني
هبه : ان شاء الله يا حبيبي قرب اووي .. آسر الايام دي بقا بيديني فلوس كتير حتي من غير ما اطلب ..
كان يستمع الي هذا الحوار و الالم يعتصر قلبة و شعر ان الارض تميد به ، كاد ان يفقد وعية من الصدمة لكنة تماسك و اقترب منهم كثيرا حتي صار يقف امامهم مباشرة
هبه بفزع : آسر !!!!!!
شريف : آآآسر !!!
آسر : ايوووة آسر ،
آسر المتقرطس !!!!!!
نظر الي هبه ..
بقا انتي بتستغليني و تاخدي مني فلوس عشان تتجوزوا بيها ؟!!!!
ثم نظر الي شريف ..
بقا كل دا يطلع منك انت ؟!!!!!! انت يا صاحبي ؟!!!!!!
ثم قال بضحكة ساخرة : لا و انا بهبلي كنت باجي احكيلك عنها
شريف : آسر اناااا.....
آسر بغضب جم : انت تخرس خاااااالص .. بقا انتوا ال 2 تعملوا فيا كدا ؟!!!!
ثم نظر بآلم الي الدبلة الموضوعة علي الطاولة ..
آسر : يااااااه بقا انا دبلتي تتقلع بسهولة اوووي كدا ؟!!!
هبه : ..............
شريف و هو ينظر حوله : آسر ارجوك اهدي شوية و خلينا نتكلم .. الناس كلها بتبص علينا
آسر : انا هفرجهم كلهم عليك دلوقتي !!!
لم يستطع تمالك نفسة و انهال عليه ضربا
العاملين بالكافية و الزبائن تدخلوا و ابعدوا آسر عن شريف .. لقد كاد ان يقتله حقا !!
هبه و هي تصرخ : سيبوووووا يا مجنووووون
بعد ان ابتعد عن شريف
نظر لها بغضب و كره و اشمئزاز
انتي رخيصة اووي !!! انا فعلاا مجنون عشان عرفت واحده حقيره زيك !!!!!!! انتي حتي الكلام خسارة فيكي .. خلع دبلتة و القاها في وجهها
ترك الكافية و انصرف .......
و من يومها تبدل حاله
من آسر الحنون الي آسر القاسي
من آسر المحب ، الهادئ اي آسر العصبي طوال الوقت و الشكاك في كل من حولة
شعر بالدموع و هي تخرج من مقلتية و تهبط الي خدة
يشعر بالغضب و الكره و الضعف كلما تذكر خيانه هبه و الابشع خيانة صديقه له !!!
افاق من شرودة و ذكرياتة الاليمة علي صوت طرق الباب
تعجب كثيرا ! لا احد يعلم انه هنا !! مسح وجهه و فتح الباب .. وجده محمد
آسر بدهشة : محمد !!! عرفت ازاي اني هنا ؟!!
محمد : توقعت انك هنا .. امك و اختك قالبين عليك الدنيا .. حرام عليك اللي انت عملتوا فيهم داااا
و اخرج هاتفه و هاتف شهد طمأنها علي آسر
محمد : ممكن افهم بقا فيك ايه ؟؟؟ و عينك مالها حمرا دم كدا ليه ؟!!!
آسر : .......... ..
محمد : افتكرت موضوع هبه برضه ؟؟؟
آسر بصوت كله آلم : آه ه ه تعبااااااان اووي يا محمد مش قااادر انسي .. و محدش حاسس بياااا
محمد : لا لااازم تنسي .. هبه و شريف دول اقل بكتير اوووي من انك تعمل ف نفسك كدا بسببهم ، انا عارف انك كنت بتحبها و عارف انوا كان صاحبك و عاارف ان صدمتك كانت كبيرة اوووي .. بس الموضوع دا فات علية كتيير و لازم تنسي و تعيش حياتك بقاا
يلا روح اغسل وشك كدا و روق و روح البيت .. مامتك قلقانة عليك اووي
نظر له آسر و صمت
محمد : شهد حكتلي علي اللي حصل ، اعذرها يا آسر امك و خايفة عليك
يلا اغسل وشك عشان ننزل انت اقوي من كدا بكتييير اووي
اوصل محمد آسر الي منزلة
فتح بالمفتاح ..
جرت شهد نحوة باكية : كدا يا آسر تخضنا عليك كداااا حرام عليك كنا هنموت من القلق .. دا احنا بقينا الفجر
احتضنها و قبل رأسها : متخافيش انا كويس
وجد امه امامة و الدموع علي وجهها
ترك شهد و اسرع اليها ، قبل يدها .. احتضنتة بشدة
الام ببكاء : سامحني يا ابني والله ما كان قصدي
آسر : انتي اللي سامحيني يا امي
شهد محاوله اضافة المرح : طب ما تخدوني ف حضنكوا انا كمان .. انا بنت البطة السودا يعني ؟!! ثم بضحك ، خلاص بقا كفاية جو الدرما داا
الام : خلاص يا حبيبي انا مش هضغط عليك مش عاوز تشوف العروسة بلاش .. انا اهم حاجة عندي اشوفك مبسوط و مرتاح
______________________________________
تم تحديد موعد خطبة حسام و ميار
يوم الخطبة ..
الوو
ايوة يا بنتي انتي فين ؟!!
شهد : خلاص انا 5 دقائق و اكون قدامك
....
سلمي : اتأخرتي اووي
شهد : معلش والله الدنيا زحمة جداا
سلمي : مجبتيش محمد معاكي ليه ؟؟
شهد : مسافر هو و آسر .. عندهم شغل
سلمي : مممممممم
شهد : بس سيبك انتي .. ايه بقا القمر داا ؟!!
سلمي : احم: شكلي حلو ؟؟؟
شهد : تحفففففة .. الفستان حلو عليكي اوووي
فقد كانت سلمي ترتدي فستان في غاية الجمال و الرقة
سلمي : طب بلاش بكش بقا و يلا ندخل
دخلوا الي القاعة و باركت شهد لحسام و ميار
صوت يقول : سلمي ..
سلمي : استاذ مازن ازيك ؟؟ ، اعرفك شهد صاحبتي و مازن يا شهد ابن خال ميار
شهد : اه اهلا وسهلا
مازن : اهلا بيكي ..و بلاش استاذ دي احنا بقينا اهل .. زي ما بقولك سلمي قوليلي مازن
سلمي : خلاص اووك
مازن : شكلك زي القمر يا سلمي
سلمي بخجل و دهشة : ميرسي
مازن : لا بجد مش بجاملك شكلك حلووو اووي
شهد في اذن سلمي : دا مالوا دا ؟!!
سلمي : مش عارفة !! اسكتي بقا لا ياخد باله
ظل مازن يتحدث مع سلمي و شهد و كان حديثة و تركيزة الاكثر مع سلمي ..
اما عند حسام و ميار ..
فقد كانوا في غاية السعادة و لا يشعورا بما حولهم من فرط سعادتهم .. ف هو لا يري غيرها و هي لا تري غيره
______________________________________
شهد شهد
نعم يا آسر
ممكن تعمليلي نسكافية ؟
شهد : اووك
ذهبت الي المطبخ لتعد له النسكافية و تركت اللاب توب مفتوح
و عندما عادت
اتفضل و اعطتة النسكافية
آسر : كانت امتي و فين الصورة دي يا شهد ؟!!
شهد : دي كانت ف خطوبة اخو سلمي من اسبوعين كدا .. لما انت و محمد كنتوا مسافرين
نظر للصورة مرة اخري
ابتسم و لم يرد !
______________________________________
الووو
ايوة يا شوشو
شهد بضحك : ايه الروقان دا كله ؟؟؟
سلمي : عندي ليكي خبر ب مليون جنية
شهد : خيييير ؟؟؟؟؟؟
سلمي : مازن كلم حسام انه عاوز يتقدملي