ضابط في حياتي - حلقة ٩
شهد : مازن مييين ؟!!
سلمي ضاحكة : انتي فقدتي الذاكرة ولا ايه ؟!! مازن ابن خال ميار اللي شوفتيه ف الخطوبة
شهد : ايوة ايوة الواد السخيف اللي قعد يرغي معانا دا
سلمي : حرام عليكوا انتوا بتقولوا عليه كدا ليه ؟!!
شهد : هو في حد غيري قال علية كدا ؟؟؟
سلمي : اه حسام مش بيطيقوا
شهد : والله بيفهم !
مش عارفة بس انا حساه غتت اوي الصراحة
سلمي : طب بس بس انتوا بتكرهوني فيه كداا .. انا شيفاه عادي يعني !!
شهد : اهم حاجة رأيك انتي
سلمي : مش عارفة
شهد : مش عارفة ازاي يعني ؟!!
سلمي : مش عارفة يا شهد انا لا قبلاة و لا رفضاة .. يعني احنا لسة منعرفش بعض و لا نعرف حاجة عن بعض
شهد : مممممممم انا رأيي تطلبي انكوا تتقابلوا كذا مرة الاول و تتعرفوا علي بعض ، حسيتي انك ارتحتيلوا يجي يتقدم ، حسيتي لاء خلاص تبقي مورطيش نفسك ف خطوبة
سلمي : صح ، انا كنت ناوية اقول لحسام كدا فعلا
شهد : شوفي كدا و ابقي قوليلي الاخبار اول باول
______________________________________
الووو
ايوة يا حبيبتي
شهد : ...........
محمد : انتي لسه بتتكسفي لما بقولك حبيبتي !!! يا بنتي انتي بقيتي مراتي والله ، اجي اوريكي القسيمة !!
شهد : خلاص خلاااص ايه الرغي داااا انت بقيت رغاي اوي !!
قولي كنت متصل ليه بقااا
محمد : ممممممم عاوز اخرجك ، بس مش لوحدك
شهد : و هتخرج مين معايا بقا ان شاء الله ؟!!!
محمد : اخوكي
شهد بدهشة : آسر !!
محمد : و انتي عندك اخ غيره ؟!! اه آسر ، اعصابوا تعبانة كدا و مش مضبوط و انا عاوز اخرجوا من المود
شهد : يا رييت يا محمد بس انت عارف آسر مش هيوافق
محمد : ما انا مكلمك عشان كدا ، انتي افضلي زني علية و انا هكلموا كمان و ان شاء الله يوافق
شهد : اووك هحاول معاه كدا
آسر يا آسرر
ايوة يا شهد
شهد : سرحان ف ايه ؟؟؟
آسر : ابدا مفيش ، كنتي عاوزة ايه ؟؟
شهد : انا عاوزة اخرج و محمد مش راضي يخرجني
آسر : ليه ؟!
شهد : شارط عليا عشان نخرج انك تيجي معانا و غير كدا مش هنخرج
آسر : و دا من ايه دا ؟؟!!
شهد : هو كدا ، يلااا بقا قوم البس
آسر : مش عاوز اخرج يا شهد
شهد : يعني يرضيك محمد ميخرجنيش كدا و انا زهقانة ؟!!
آسر : لا انا هكلموا اخليه يخرجك
شهد : مش هيرضي
آسر : استني بس بكلمة اهوو
الووو
ايوة يا ابني انت مش راضي تخرج مراتك لية ؟!!
و انت مالك بيا من امتي كنت بخرج معاكوا يعني ؟!!
مش عاوز يا محمد
طييييب طييييب هقوم البس دا انت زنان زن
شهد بابتسامة : يلا قوم البس بقاا
آسر : يا سبحان الله ما جمع الا اما وفق !! مكنش حد هيستحمل زنك دا غيره : قايم اهوو
______________________________________
حسام
ايوة يا سلمي ، فكرتي ف موضوع مازن ؟؟
سلمي : اه ، بس انا كنت عايزة نتقابل برة كام مرة الاول نتعرف علي بعض قبل ما يجي يتقدم
حسام : طيب ماشي انا هكلموا اقولوا كدا ، دة رأيي بردة محدش فيكوا يعرف اي حاجة عن التاني
تتعرفوا علي بعض الاول و لو في نصيب يجي يتقدم ، مع اني مش بطيقوا الصراحة
سلمي : و شهد كمان بتقول كدا .. مش عارفة مع اني شيفاة عادي والله !!
حسام : خلاص اهم حاجة رأيك انتي
______________________________________
آسر : يا ابن الايه ، انت عرفت المكان دا منين ؟!!
محمد : ايه رأيك ؟؟
آسر : تحفة
محمد : و انتي يا برنسس ايه رايك ؟؟؟
شهد : حلوووو اوووي .. بحب اووي المطاعم اللي علي البحر دي و الجو يجنن ،بس الاحلي ان آسر معانا
محمد : اوباااا الحق يا عم دي بتحب فيك قدامي
آسر ضاحكا : اختي حبيبتي بقا
شهد : لا بجد انا مبسوطة اووي اني خارجة معاكوا انتوا الاتنين النهاردة
بعد قليل ..
آسر : انت جايبنا تجوعنا ولا اية يا عم ؟!! فين الاكل
محمد : و انا مالي انا مش عارف اتأخر لية ..
اهو جية اهوو
شهد : الاكل حلوو اووي
محمد : عشان تعرفوا بس
آسر : خلاص احنا لينا عندك عزومة من دي كل اسبوع
محمد : دا انت داخل علي طمع انت و اختك بقااا.. عموما انت تؤمر يا باشا .. وافق انت بس تخرج و انا اعزمك كل يوم كمان
بعد الانتهاء من تناول الطعام
محمد : صورني انا و شهد يا آسر
.... قاموا بالتقاط العديد من الصور لشهد و محمد و لمحمد بصحبة آسر و آسر بصحبة شهد
شهد بهمس : هو سرحان ف ايه ؟
محمد : مش عارف ، هو علي طول بقا سرحان كدا .. سبية براحتة الحمدلله انوا رضي يخرج اصلا
بعد قليل ..
محمد
ايوة يا آسر
آسر : تيجي نسافر اسكندرية ؟؟
نظرت شهد و محمد الي بعضهم بدهشة
آسر : ايه مالكوا ؟! انا مش بقول دلوقتي يعني ، الاجازة الجاية
نطلع و ناخذ معتز و ادم معانا ، ايه رأيك ؟؟؟
محمد بابتسامة : يااااه اخيراا ، ما انا دايما كنت بتحايل عليك مكنتش بترضي ، مواافق طبعا
آسر بابتسامة : خلاص الاجازة الجاية ان شاء الله نطلع
______________________________________
تم تحديد موعد لمقابلة مازن و سلمي في احد النوادي
حسام : انا و ميار هنقعد هنا عشان تتكلموا براحتكوا ، لما تخلصوا كلام اتصلي بيا
سلمي : اووك .. هروح انا بقا زمانوا جة
جلس حسام و ميار في احد الحدائق ف النادي
ميار : تفتكر هيتفقوا ؟؟
حسام : الله اعلم .. ادينا هنشوف
اما عند سلمي و مازن ..
مازن : ازيك يا سلمي ؟؟
سلمي : الحمدلله
مازن : انا تحت امرك يا ستي اسأليني ف اي حاجة انتي عوزاها و انا اجاوبك
سلمي : ليه انا ؟؟
مازن بدهشة : نعم ؟!
سلمي : ليه انا ليه اختارتني و عاوز ترتبط بيا انا ؟؟؟
مازن : مش عارف بالضبط لفتي نظري و اعجبت بيكي من اول ما شفتك ..الحب مش محتاج وقت عشان نحس بيه
سلمي بدهشة : حب ؟!!! انت لحقت تحبني كمان ؟!!
مازن بابتسامة : ايووة و مالك مستغربة كدا لية ؟؟
سلمي : يعني احنا يعتبر شفنا بعض مرتين بس و منعرفش اي حاجة عن بعض
مازن : و انا جيت النهاردة عشان نعرف كل حاجة عن بعض
سلمي : طب كلمني عن نفسك شوية
مازن : انا يا ستي اسمي مازن رافت ، عندي 25 سنه ، خريج
Computer science
مهندس كمبيوتر و عندي شركة اسستها انا و 2 صحابي بعد ما اتخرجنا علي طول
عندي اخين ولاد
مصطفي متجوز و عايش ف كندا و مهاب دكتور اطفال
هاا عاوزة تعرفي ايه تاني عني ؟؟
سلمي : ..........
مش عارفه
مازن : عموما انا عارف عنك كل حاجة انا محتاج اعرفها دلوقتي
لو جة ف بالك اي سؤال تاني اسأليني علي طول
و ظلوا قرابة الساعتين يتحدثون في امور عديدة
حسام : طيب تمام هنمشي احنا بقا دلوقتي يا مازن و انا هتصل بيك ابلغك الرد ان شاء الله
______________________________________
جالس في مكتبة يعبث بهاتفه
دخل علي موقع التواصل الاجتماعي Facebook
و هو نادرا ما يدخل عليه.. لا يعلم ما الذي دفعة الي ذلك !
دخل علي صفحة شهد
وجد سلمي قد قامت بأرسال العديد من الصور لها ،
صور يوم خطبة حسام و ميار و صور اخري عديدة في اماكن مختلفة
ضغط علي اسم سلمي
دخل الي صفحتها
لم يتمكن من رؤية محتواها نظرا لانة ليس من قائمة الاصدقاء عندها
زفر بضيق و عاد الي صفحة شهد مرة اخري
و ظل يشاهد كل الصور التي توجد بها سلمي ..
يتنقل من صورة الي الاخري
و ابتسامة كبيرة تقفز علي شفتيه لا يعلم ما سرها !!!!
لكن الاكيد شئ واحد فقط ..
إن قلب آسر دق بالحب مرة اخري !!
______________________________________
