ضابط في حياتي - حلقة ١٣
شهد بصدمة
هتيجي الخطوبة !!!
آسر بألم يحاول اخفاؤة : ايوة
شهد : انت غاوي تعذب نفسك !!
آسر : سلمي هي اللي عايزاني اروح يا شهد
شهد : اييييه ؟!!! انت شوفتها ؟!
آسر : لاء ، هي اتكلمت الصبح علي تليفون البيت سألت عليكي لما كان موبايلك مقفول و انا اللي قولتلها تتصل بيكي علي موبايل محمد ، ثم نظر اليها قائلا قالتلي انت طبعا جاي الخطوبة بليل قولتلها ان شاء الله
ضحك بسخرية قائلا : حبيبتي بتعزمني علي خطوبتها !!!
لملم شتات نفسة سريعا
يلا عشان منتأخرش
استوفقتة شهد
بلاش يا آسر انا خايفة تتعب
آسر بابتسامة حزينة : ما انا كدا كدا تعبان هتفرق ايه ؟!!!
______________________________________
داخل قاعة في احد الفنادق الفاخرة ، كانت خطبة سلمي و مازن
تأنقت سلمي في فستانها الفضي اللامع و كانت في ابهي صورها ، فاتنه الجمال حقا !!
وصلت شهد و معها آسر و محمد الذي تعجب كثيرا من اصرار آسر علي حضور في الخطبة !!
دلفوا الي القاعة
رآت سلمي شهد فأشارت لها ان تأتي اليها
شهد : انا هروح ل سلمي
آسر : و احنا جايين معاكي نسلم
نظر محمد اليه بدهشة و لم يعقب
اقتربوا من الكوشة التي تجلس بها سلمي بجانب مازن
شهد و هي تحتضن سلمي : الف مبروك يا سلمي
سلمي : كدا برضه كل دا تأخير
شهد : معلش والله الدنيا زحمة اوي
الف مبروك يا مازن
مازن بابتسامة : الله يبارك فيكي
محمد : الف مبروك يا سلمي
مبروك يا مازن
مازن : الله يبارك فيك
و آسر في عالم اخر !! فقط ناظرا الي سلمي سارحا بها !!
محمد بهمس في اذن آسر : آسرر آسر ركز !!
استفاق من شرودة و مد يدة كي يسلم علي سلمي
شعر بقشعريرة تسري في جسدة فور ملامستة ليدها
آسر بصوت ضعيف : مبروك يا سلمي
و مد يدة و سلم علي مازن و هو ناظرا اليه بحنق : الف مبروك يا مازن ، خالي بالك من سلمي ، نظر الي سلمي و اكمل سلمي غالية علينا اووي !
نظر اليه مازن بدهشة : اه ف عنيا محمد و هو يجذب آسر من يده
الف مبروك يا جماعة ، احنا هنروح نبارك بقا نبارك ل عمي و طنط
و بعد انصرافهم ..
محمد : ايه يا آسر اللي هببتة دا ؟!!
آسر: و انا عملت حاجة ؟!!
محمد : لا ابدااا كنت هتاكل مازن بعنيك بس و هتعصر ايده و انت بتسلم عليه !!
و ايه سلمي غاليه علينا دي ؟!!
قولتلك بلاش تيجي انت اللي مسمعتس كلامي و اصريت
شهد : خلاص يا محمد بقا
يلا نروح نسلم علي عمو و طنط
اما عند مازن و سلمي ..
مازن بضيق : مين داا ؟!!
سلمي : قصدك مين ؟؟؟
مازن : اللي سلم علينا اللي لابس بدلة رمادي ده
سلمي : اه دا آسر اخو شهد
مازن : و دا ماله عامل كدا ؟!!
سلمي : عامل ازاي يعني ؟!!
مازن : مشوفتيش كان بيبصلك ازاي !!
سلمي : عاادي يا مازن بيتهيألك بس
مازن : لا مش بيتهيألي
و ايه سلمي غاليه علينا دي كمان !!! يقصد ايه ؟!!
سلمي : يوووه يا مازن يعني انت عاوز ايييه دلوقتي يعني ؟!!
مازن بضيق : مش عاوز حاجة يا سلمي ..
ظلت انظار آسر معلقة ب سلمي طوال الوقت
الي ان حان وقت الرقصة السلو ..
حينها شعر آسر ببركان يثور بداخله !! ، اراد ان يأخذ سلمي من يدها و يركض بها الي مكان بعيييييد لا يوجد به احد سواهم .. اراد ان يخبئها من عيون الجميع ، ان يصرخ بهم ان يقول لهم انها لي انااا حبيبتي اناااا و لن تكون لغيري !!!!
لكن هيهات
كلها احلام تحولت الي كابوس !! احلام تحطمت علي ارض الواقع !!
شعر بالاختناق و هو يري يد مازن تحوط خصرها
لم يعد قادر علي التحمل اكثر من ذلك ..اخذ يفك رابطة عنقة بعصبية..
محمد بقلق : آسر انت كويس ؟!!
آسر بصوت متقطع : مش قادر يا محمد
محمد و هو ينهض و يقف بجوارة : مالك يا آسر ؟!!!
آسر : عاوز امشي مش قادر
محمد : يا ابني ما انا قولتلك من الاول بلااااش .. لا اله الا الله
زفر بضيق ثم ..
طب اصبر دقيقة بس هكلم شهد اقولها ان احنا.....و قبل ان يكمل جملتة ، وجد آسر قد اسرع الي الخارج
محمد : آسر يا آسررر
استني انا جاي معاااك
و ركض ورائه
..........
مازن هامسا في اذن سلمي : تعرفي انك حلوة اوي لنهاردة
سلمي بخجل : ميرسي
و بعد الرقصة
سلمي سلمي ..
هاا ايوه ، بتقول حاجة يا مازن ؟
مازن : مالك بتدوري علي ايه ؟!
مفيش اصلي لا لاقية شهد ولا آسر و لا حتي محمد
مازن بعصبية : آسر تاااني ؟!!!
سلمي : في اييه يا مازن انت كل شويه هتتعصب عليا ؟!!!
مازن : ما هو مش معقوله يعني طول الخطوبة و انتي موراكيش غير شهد و اخوها ، ما تركزي معايا شوية !!
زفرت بضيق و لم ترد عليه
...........
قبل قليل عند شهد ..
بعد ان خرجت من المرحاض
توجهت نحو الطاولة التي كان يجلس عليها آسر و محمد فلم تجدهم ! ظلت تبحث عنهم في كل مكان لم تجدهم
هاتفت محمد اكثر من مرة و لم يرد
بدأ القلق يتسرب الي قلبها
و بعد عدة محاولات
شهد بعصبية
ايوووة يا محمد انتوا فييين و كل دا مش بترد ليييه ؟!!!
محمد : مشينا يا شهد ، آسر مقدرش يتحمل
شهد بقلق : هو كويس ؟
محمد : اه كويس
شهد : بجد كويس يا محمد ؟؟؟
محمد بضيق : اكيد مضايق و تعبان يعني يا شهد !
انا معاة متقلقيش ، خليكي مع سلمي عشان متحسش ب حاجة و كلميني عشان اجي اخدك لما الخطوبة تخلص
.........
ميار : حسام مش ملاحظ حاجة غريبة ؟؟؟
حسام : الاتنين قالبين وشهم صح ؟؟؟
ميار : اه !!!
حسام : اخدت بالي ، مش عارف في ايه ؟! اكيد شدوا مع بعض .. هقوم اشوفهم
ميار : خدني معاك
حسام : ايه البوز اللي انتوا الجوز ضاربينوا دا بقاا ؟!!
شهد بضيق : مفيش حاجة يا حسام
ميار : لا بجد مالكوا !! افردوا وشكوا دا الناس هتاخد بالها
زفرت بضيق ثم ..
سلمي: مشوفتيش شهد ؟؟
نظر اليها مازن شزرا
سلمي : اييه يعني مسألش علي صاحبتي ؟!!
حسام : مالكوا !!! انا شهد لسة شايفها بتتكلم ف الموبايل برة القاعة
اهي دخلت اهي
شهد و هي تقترب منهم : معلش يا سلمي كان معايا فون
ميار بمرح : تعالي يا ستي شوفي صاحبتك عمالة تسأل عليكي و محدش فينا مالي عينها
ابتسمت شهد و لم تعقب
______________________________________
عند آسر و محمد ..
اصطحبه محمد الي مكان علي النيل فهو يعلم ان الجلوس امام النيل عشقه
ظل آسر واجما ، شاردا يبدو عليه انه غارق في افكارة
قطع محمد هذا الصمت قائلا
ليه صممت تروح يا آسر ؟؟
آسر : عشان اشوفها بعيني و اتأكد انها مبقتش ليا !!!
محمد بحزن علي حال صديقه: طب و بعديين يا صاحبي
آسر بعد تنهيدة طويلة : عادي خلاص اتعودت علي قلبي و هو موجوع يا محمد ..!
______________________________________
الوو
ايوة يا محمد
اه خلاص .. تعالي خدني
آسر فين ؟؟
الحمدلله انك وصلتوا البيت
ماشي متتأخرش
سلام
شهد : الف مبروك يا سلمي مع اني مش عارفة ايه البوز اللي انتي ضرباة دا ؟!
ثم تابعت بهمس : انتي مش مبسوطة ؟
سلمي : عادي ..مش عارفة !
مقولتليش صحيح آسر و محمد راحوا فين ؟؟
شهد : ها ! اه جالهم تليفون شغل ضروري و اضطروا يمشوا
اقبل مازن عليهم
سلمي انا استأذنت باباكي نتعشي برة مع بعض
سلمي بضيق : طيب
______________________________________
في السيارة ..
محمد : عملتي ايه ؟؟
شهد : عادي تمام .. بس انا حاسه ان في حاجة بين مازن و سلمي
محمد : ليه بتقولي كدا ؟!
شهد : مش عارفة طول الخطوبة ساكتين و مكشرين كدا و ف الاخر بسأل سلمي بيني و بينها مبسوطة قالتلي عادي مش عارفة و غيرت الموضوع !!
محمد : الله اعلم ب اللي بينهم
______________________________________
في احد المطاعم الفاخرة..
بعد تناول العشاء
مازن : بقولك يا سلمي كنت عاوزة اكلمك ف حاجة كدا او هو طلب يعني
سلمي : ايه يا مازن ؟؟
مازن : انا عاوزك تقطعي علاقتك ب شهد و اخوها خالص
سلمي بصدمة : ايييييييه ؟!!!!!