حبيبتى بفتكرها بقراءن الليل 1
فى يوم كنت بدور على شغل وبشوف اعلانات كتير جدا وبروح واعمل مقابله فى كذا مكان والاقى الشغل مش مناسب واقول ربنا شــــايل الاحـــسن
وفى يوم شوفت اعلان عن وظيفه فى مكان ما وكلمتهم وروحت اعمل مقابله اول لما دخلت ليقيت شاب و 4 بنات جايين برضه يعملوا مقابله شغل
المهم انتظرت معاهم فى الرسيبشن ولفت انتباهى بنت قاعده مع البنات ال جايين يتقدموا للوظيفه حسيت بحاجه غريبه من ناحيتها اي هى مش عارف
مع انى اول مره كنت اشوفها فيها المهم فضلت منتظر على مادخلت عملت مقابله وخلاص كلنا نزلنا شغل فى الشركه دى وبعد مانزلنا شغل فى الشركه
لقيت انها مش مناسبه خالص ماديا وغير ال اتفقوا معايا عليه المهم كنت اشتغلت حوالى 10 ايام وروحت فى يوم بلغتهم انى مش مناسب معايا الوظيفه
دى ومش هقدر اكلم وبالفعل خلصت كل حاجتى مع الشركه دى بس لاحظت فى اليوم دا ان البنت ال كنت حسيت بحاجه غريبه من ناحيتها مش موجوده
فى اليوم دا فسألت عنها السكرتاريه عادى يعنى انا كنت عرفت اسمها قالتى دى سابت الشغل امبارح قولتلها ربنا يوفقها المهم يشاء القدر بعت ماخلصت
لقيت بنت شغاله معانا بتقولى انتا هتمشى بجد قولتلها ايوه علشان مش شايفها مناسبه معايا قالتى انا كمان مش شيفاها مناسبه دا حتى ***** سابت الشغل
امبارح هى كمان (تقصد البنت ا ل بتكلم عليها) عملت انى مش مهتم وكان عندى فضول اعرف منها رقمها او كدا ومكنتش عارف حتى لو اخدت رقمها هعمل بيه
اي لقيتها بتقولى دى ليها مستحقاتها ومش عارفه هتاخدها امتى منهم قولتلها انا كدا عايز اسألها هى اتقالها اي علشان اكون عارف قالتى انا معايا رقمها واكونت
الفيس بتاعها قولتلها لا هكلمها على الفيس افضل علشان مش عايز اكون مضايقها ولا حاجه واعرف منها هما قالولها اي قالتى تمام وعرفتنى الاكونت بتاعها وفرحت
جدا كلمتها فى اليوم دا الساعه 12 بالليل واعتزرت ليها انى بكلمها بس قولتلها انا كنت عايز اعرف بس هما قالولك اي فى الشغل من ناحيه المستحقات وكدا لقيت ردها
محترم جدا واتكلمت معايا فى منتها الاحترام ومطولتش معاها وقفلت بقيت بعدها افتح مخصوص علشانها والاقيها فاتحه بس طبعا مينفعش اكلمها او هدخل اكلمها
اقولها اي لقيت فى يوم رساله منها بتسألنى عملت اي قولتلها انا كلمتهم واخر الشهر باذن الله هروح اخدى مستحقاتى قالتلى تمام هما قالولى كدا لما روحتن اخر مره برضه
انتهزت الفرضه وبدات افتح فى مواضيع معاها ومش عارف انا بقول اي بس فرحان وانا بكلمها والكلام كان بحدود جدا وفى منتهى التقدرير والاحترام يوم بعد يوم بعج يوم
وتفوت ايام واصبحنا اصدقاء قولتاها فى يوم انى بحبها وبكون مستريح جدا وانا بكلمها لقيتها سكتت وبتقولى انا بصراحه مش عارفه اقولك اي بعد اذنك انا هقفل دلوقتى
وقفلت فى الوثت دا حسيت انى بوظت الدنيا ومش هعرف اكلمها تانى واضايقت جدا مع العلم ان كل كلامنا دا كان شات ماسنجر فقط لانى مكنش معايا رقمها ومطلبتش
منها رقمها قبل كدا عدى حوالى 3 ايام وكلمتها تانى اعتزرت ليها عن كلامى وقولتها انا يمكن مليش اصحاب ووحيد علشان كدا لقيتك الشخص الوحيد القريب منى واعترفت
ليكى بالحاجه ال كنت حاسس بيها وبعدها قفلت عادى بعداها بيوم لقيتها بتتكلم معايا عادى جدا وبتسال تطمن عليا فرحت جدا وحسيت انها مش مضايه من كلامى وانها
فهمت كلامى انى مش قصدى اضايقها وبعد كدا ……………
باقى القصه هتكون فى الجزء التانى بإذن الله
