لرحله في عالم الخيال.(الحلقة 7)

ستقلع الان الطائره في سماء الخيال..الرجاء ربط الاحزمه والاستعداد لرحله في عالم الخيال..♡︎✨

﮼خيال ﮼كاتبه✨🤍(البارت 7)..

(في المطبخ )
ريهام جت جري عليهم : عرفتوا الحصل؟!
هاجر وسندس استغربوا لان ريهام مش بتوجهلهم كلام اساسا ديما ساكته
هاجر: خير يارب
ريهام: مسكوا زهره البنت الجديده ده مع كريم بيه بليل في اوضتها 
شهقت خلود وسندس وقالت خلود: ايه الانتِ بتقوليه ده زهره محترمه مستحيل تعمل كده
سندس : وبعدين عرفتي منين لسه فيكي العاده بتاعت التصنت ده
ريهام: لا ده انا سمعت بالصدفه ،وبعدين انا بتكلم في ايه وانتوا بتتكلموا في ايه ،انا قولت من الاول مكنتش مرتاحلها بتتمسكن لحد ما تتمكن وكريم بيه اخلاقه مش كده تماما انا متأكده ان هي الاستدرجتوا ده بت مش سهله ورخيصه
وقتها سمعوا صوت زعيق كريم : ايه البيحصل هنا!!….
كل الفي المطبخ اتخض من زعيق كريم وريهام اتوترت جدا وفضلت تفرك في اديها وقالت بتردد وخوف: م..مفيش حا..حاجه يا كريم بيه انا بس..
حاولت تبرر لنفسها ملقيتش حاجه تقولها فسكتت واستسلمت للهيحصل وكده كده مش فارق معاها اخرتها ايه يعني هيتخصم منها يومين او يتزعقلها زعقتين وخلاص هي مين زهره يعني عشان تتعاقب علشانها! .."غلبانه مش فاهمه حاجه نعذرها"

كريم وهو بيقرب منها بهدوء مخيف وقال كلامه وهو بيشدد علي كل كلمه: ايه..الانا..سمعته..ده
ريهام فضلت بصاله وساكته مش عارفه تدافع عن نفسها  ومش لاقيه اي حجه تهرب بيها 
كريم بصوت عالي مره واحده: انطقي!!
ريهام اتنفضت من مكانها وبصت لهاجر وسندس تستنجد بيهم ولكنهم كانوا واقفين في الزاويه وساكتين تمامًا مين يقدر اصلا يقف قدام كريم المليجي!

ريهام بتوتر: يا بيه انا والله مكنش قصدي اتصنت سمعت بالصدفه
كريم بصلها كأنها سحليه بخمس رجول الهو انتِ فاكره اني قصدي عشان اتصنتي! تؤ كلو الا زهره.!
قال كريم بصوت حاد: هتستهبلي يا روح امك
وقرب منها اكتر: قسمًا بالله لو ما كنتي ست كنت عرفتك مقامك  ،وكمل بتريقه: بس اصلي جينتل مان مقدرش اعملها… فهكتفي بطردك بس..

فتحت ريهام عنيها بصدمه مكنتش تتوقع عقابها يكون كده وقالت بسرعه: لا ونبي يا كريم بيه انا..
كريم بعصبيه : ولا كريم بيه ولا زفت تلمي حجاتك وتتكلي علي الله مش هسمح بواحده حقيره زيك تفضل هنا..واوعي..اوعي سيره زهره تيجي علي لسانك تاني ده اشرف منك ومن اشكالك 
وبص بحده لسندس وهاجر وقال: وانتوا مسمعش حد فيكوا يجيب سيره الموضوع ده ميطلعش برا القصر ابدا ولموا حجات ريهام ومشوها يلا ملهاش مكان هنا

ولسه كريم هيمشي لفلهم تاني وقال: ولو سمعت حد تاني بيجيب في سيره زهره حسابه معايا انا..زهره لا

ريهام حاولت تمسك ايدو وتترجاه انو ميطردهاش كريم مدهاش فرصه وطلع برا المطبخ وهو مش طايق دبان وشه مستحملش يسمع كلمه عليها وحاول يقنع نفسه ان سبب انفعاله الزياده ده حاجه طبيعيه ولأن الموضوع كان هو السبب اصلا فيه واي حد مكان زهره كان هيعمل كده بردو ..ده كلام عقله الدبلوماسي عشان يريحه ويمنعه من التكفير ..ليه محموق عليها اوي كده؟ ..بس طبعا قلبه له رأي تاني..♡︎

(في الجنينه)
معاذ وعنيه بطلع نار: انت ازاي تحضنها كده..وانت مين؟؟؟!
قام اياد وقف من مكانه واتقدم خطوات ناحيه معاذ وقبل ما منه تتكلم قاله: انت عبيط ياض ..انت المين ؟؟ ازاي الحراس دخلوك
وقبل ما ينادي الحراس وقفته منه: بس يا اياد انا القيلالهم اما معاذ يجي يدخلوه
اياد برفعه حاجب وهو بيوجه عينه ناحيه معاذ البيبصله بشر:امم..اه..معاذ..مين الاخ بقي؟
منه: ده اخو زهره و..وصديقي يعني
بصلو اياد من فوق لتحت باستحقار وقال: اها تشرفنا ، وكمل وهو بيبتسم باستهزاء: ابقي علمي صاحبك يا منه يكلم الكبار بطريقه احسن من كده

معاذ بنفس الابتسامه المستهزقه: سوري يا جدو …هوينا بقي عشان الشباب عايزين يتكلموا شخص في سنك الكبير محتاج يرتاح وياخد الدوا

اتحرك معاذ ناحيه المرجيحه وقعد وهو بيدلدل رجله باستفزاز: تعالي يا منوش 
وطبعا زي ما الكل عارف ان "الحب اعمي" ده حتي اتعمل مسلسل يعني ..فطبيعي منه تاخد صف اياد حتي لو هو الغلطان..

منه بضيق واضح: معاذ..لو سمحت تكلم اياد بطريقه افضل من كده ؟؟!
اياد بص لمعاذ بانتصار وقال لمنه: خلاص يا منوش متكبريش الموضوع اكيد مش هزعل منه يعني ده انا لو كنت متجوز كان زماني مخلف قده 
منه بلهفه: بجد!يعني انت مش زعلان
اياد بابتسامه لمنه:لا يا قمري هزعل من ايه.. يلا سلام انبسطي
ومشي اياد ومعاذ متنح الهو نعم!!!
راحت منه قعدت جمب معاذ وفضلوا ساكتين 
معاذ بضيق: مين ده
منه : ده صاحب كريم وزي اخونا بالظبط هو وزياد

معاذ:يا حلاوه يا ولاد هو في زياد كمان؟

منه: في ايه يا معاذ علفكره طريقتك معاه كانت سخيفه جدا
معاذ برفعه حاجه: انا الطريقتي كانت سخيفه؟ انتِ شايفه كده يعني 
منه بثبات علي موقفها: ايوه شايفه كده
قام معاذ وقال: تمام يا منه براحتك.. وعلفكره كان عندي دروس كذبت عليكي بس كنت عايز اجيلك بسرعه صوتك كان باين مخنوق فلغيت الدرس بس شكل في حد هون عليكي خلاص ..سلام
مشي معاذ بسرعه وهو مضايق جدا

منه: يووووه طينت الدنيا اعمل ايه بس ياربي 
قامت ضربت الارض برجليها وجريت ورا معاذ تلحقه بس كان مشي..

(خارج الروايه عند غزل)
جه النادل شال الاطباق ومشي
جمال: طب يلا يا بنات نرجع البيت الوقت اتأخر كملو هناك
رنا: ايوه صح ضهري وجعني من الكرسي ده 
غزل: تمام يلا بينا
روحوا واول ما شافتهم فريده حطت اديها في وسطها وقالت: كنتوا فين كل ده من غير ما اعرف
جمال بضيق: قعدتهم في الكافيه القريب منا هنا ده في حاجه يا فريده
فريده: لا يا خويا مفيش براحتكم
بصت فريده لدفتر غزل الفي ايديها بقرف فحطته غزل ورا ضهرها 
جمال اخد بالو فقال تجنبنًا للخناقه اليوميه المعروفه : يلا يا بنات ادخلوا كملوا وانا هعملكوا فشار واحصلكوا
حضنتوا ريم وباسته من خده: ايوه يا جو يا قمر انت
وجريوا البنات علي الاوضه وضحك جمال

كالعاده قعدوا علي السرير وربعوا مستنيين غزل تكمل
غزل: هو انا مش صعبانه عليكوا؟ بلاش ده ملكوش اهل يسألوا عليكوا حاسه خالتو بيعاكوا اوي يعني
ريم: بقالنا اكتر من ٩ شهور معيشين البيت في توتر بسبب ثانويه طبيعي ميسألوش عننا
رنا: اه ونبي يختي كأننا مقطوعين من شجره الا ما تتصلش بينا تطمن علينا 
ريم: المهم بقي كملي يلاااا
رنا: اهه متحمسه اوي واضح هيبقي فيه قصص حب كتير والواحد عنده جفاف عاطفي 
ضحكت غزل وقالت: متقلقيش يختي محدش فيهم هيتهنا علي حاجه.. احم نكمل..

(في الروايه)
خبط كريم علي اوضه نهال فقالت نهال لزهره بهمس: متنسيش بقي ها
زهره:تمام
نهال: ادخل
كريم: احم وصلتوا لايه؟
نهال بابتسامه: خلاص زهره مش هتمشي 
كريم بلهفه: بجد!
نهال: اها اقنعتها يلا يا زهره روحي شوفي الغدا كده اخباروا ايه
افتكر كريم من سيره المطبخ موضوع ريهام
كريم: صحيح يا ماما بالمناسبه انا طردت ريهام
نهال : ليه كده؟!!ده شغاله معانا قبل خلود وسندس يا ابني
كريم محبش يقول قدام زهره السبب عشان ميجرحهاش فقال : بعدين يا امي
نهال: لا يا كريم عايزه اعرف اشوف السبب مستاهل ولا لا
كريم: يعني انا هطردها وخلاص تلكيك يعني اكيد يستاهل 
نهال: طب ما تقول!
كريم بص لزهره ورجع بص لممتو تاني فزهره فهمت انو مش عايز يقول قدامها فقالت: احم طب انا رايحه اشوف الغدا يا نهال هانم
نهال بابتسامه: تمام يلا
عدت زهره من قدام كريم فقالها بهمس: عايزك عشان نتكلم متتأخريش
مردتش عليه زهره ومشيت

نهال : ها يا كريم خير طردتها ليه
حكالها كريم الحصل من ريهام فقالت نهال بصدمه: ريهام تقول كده!! غريبه طول عمرها ساكته وفي حالها ،واتنهدت وقالت: تمام يا كريم فعلا العملته صح انا بعد الغدا كمان هتأكد انها مشيت بنفسي
كريم : تمام يا ماما التشوفيه
وقال بتوتر: احم اخبار زهره ايه بقي
نهال: اخبارها ايه ازاي؟
كريم: يعني استشفيتي من كلامها ايه
نهال : منا قولتلك هتقعد خلاص مش فاهمه انت عايز ايه بردو
طبعا كريم هيبته متسمحلوش يبان مدلوق علي زهره ففضل يسكت احسن 
كريم: خلاص يا ماما ولا حاجه ..عن اذنك
وخرج كريم

بعد ما نهال سمعت صوت الباب حركت الكرسي بتاعها وراحت علي درج الكمود وطلعت منه صوره صغيره وحطتها مكان قلبها واتنهدت: يارب الفي بالي يحصل وحلمنا يتحقق انا وانتِ..

نزل كريم تحت لقي شكريه بتفتح الباب وكانت هيام اتأفأف بانزعاج وقال في نفسه: كانت نقصاكي اصلها
هيام بدلع: كييمو هاي
كريم: ازيك يا هيام
هيام وهي ماشيه بتناكه: fine
كريم: يلا علي المكتب نشوف شغلنا
هيام : تؤ مش هتشربني حاجه الاول
كريم بانزعاج: حاضر واحنا بنشتغل هبعت اجيبلك حاجه تشربيها اتفضلي قدامي
مشي كريم هو وهيام للمكتب
قفل الكريم الباب واتصل باياد : اياد هات زياد وتعالي هيام جت عايزين نخلص من ام القضيه ده
اياد باستفسار: ايه حصل جديد؟
كريم: ايوه
اياد : تمام انا روحت مشوار في السريع جي علي القصر اهو
كريم: تمام
وقفل كريم وشبك اديه ببعض وحطهم علي المكتب : ها تشربي ايه…

(عند المطبخ)
زهره: اه متزوديش ملح اوي يا خوخه
خلود: عنيا يا عسليه
سندس: احم زهره
زهره وهي بتقطع طماطم: ايوه يا سوسو
سندس: احم هو ايه الحصل امبارح
وقفت زهره عن تقطيع الطماطم وبلعت ريقها:ح..حصل ايه
سندس: اصل يعني ريهام..
قطعتها خلود : اصل ريهام اطردت وكده اكيد عرفتي فسندس بس بتسأل عن السبب
وبرقت خلود لسندس عشان تسكت
اتنفست زهره بارتياح: لا.. معرفش حاجه لسه عارفه ان هي هتطرد دلوقتي، وكملت ببراءه حقيقيه: كنت عايزه اكلم نهال هانم متطرداش انا سمعتها بتقول ان هي شغاله من زمان حرام اكيد محتاجه الفلوس ده 
ابتسمت خلود هي وسندس علي طيبه قلبها

دخل زياد المطبخ واتحمحم: زهره 
زهره ببسمه: ايوه يا زياد بيه
زياد: تعالي عاوزك
زهره: حاضر دقيقه وجايه
طلع زياد يستناها بره ،حطت زهره دبس الرمان علي السلطه وقلبتها ونشفت اديها
زهره: انا طالعه يا بنات خلاص فاضل بس الفراخ بتاعت نهال هانم 
خلود: ماشي يا قمر روحي لسه مش هنخلص دلوقتي معاكي وقت
طلعت زهره من المطبخ تشوف زياد واول ما طلعت قالت خلود لسندس: انتِ حماره يا بت انتِ؟ مشوفتيش كريم بيه عمل في ريهام ايه عايزه تطردي زيها احمدي ربك اني لحقتك
سندس: يوه يا خلود كنت عايزه اعرف فيه ايه يعني ا..اف..افردي ريهام بتقول الحقيقه وزهره فعلا مش كويسه
خلود: شكلك اتجننتي زيها ويا اذكي اخواتك لو كان كده مش كان كريم بيه طردها ؟ ايه مش فاكره علياء الحاولت تتقرب منه وطردها
سندس بتنهيده: صح معاكي حق 
خلود وهي بتقلب الشوربه: خلي نيتك حسنه بقي قرفتيني
سندس :حاضر يختي هي فعلا زهره شكلها بنت حلال متعملش كده

(عند زياد وزهره)
زياد وهو بيهرش في شعره : شكلك قررتي تقعدي
زهره: ايوه ..هو حضرتك كنت عايزني امشي
زياد بسرعه: لا لا مكنتش هسيبك تمشي ابدا
ابتسمت زهره وقالت: زياد بيه شكرا علي وقفتك جمبي بجد مكنتش اتوقع 
زياد: علي ايه بس انت تستاهلي كل خير واتمني تنسي الحصل 
زهره: صعب بس هحاول
زياد ببسمه: اي حاجه محتجاها انا موجود اطلبي متتكسفيش اعتبريني صديقك 
وكمل في باله: وقريب حبيبك يااارب
زهره وهي بتبادله الابتسامه: طبعا اكيد مش محتاج تقولي

كان فيه ورقه صغننه في شعر زهره فقرب منها زياد وشالهالها براحه وهو باصص في عنيها البيموت فيهم 
زياد بص للورقه باستغراب وهو في نفس القرب: اي دي؟
زهره اتوترت من قربه جدا ورجعت خطوه لورا : معرفش مخدتش بالي احم
زياد رجع ركز في عنيها تاني وهي اتكسفت اوي ووشها احمر
زياد بنبره حلوه: خلاص ايه الكسوف ده كلو بتحلوي اكتر
زهره اتكسفت جدا معرفتش تتصرف ازاي وفجأه لقت اياد جي عليهم بينادي زياد حمدت ربنا انو حد انقذها وقالت: احم طب عن اذنكوا بقي
زياد ببسمه: تفضلي يا قمر

مشيت زهره فقال زياد: انت يا اخي عيل فصيل وربنا 
اياد : ياض بطل الدلقه الانت فيها ده شكلك بيبقي زي العيال قدامها
زياد: بس بس انت متعرفش ايه البيحصل في قلبي جوه انا بشوفها
اياد بتريقه: طب يلا يا نحنوح قدامي هيام جوه بلاش نتأخر عليها
زياد: انا النحنوح بردو..معرفش عجباك في ايه شوال البطاطس ده(هيام) انت ذوقك طول عمره كده مبتحبش غير البنات السفله
اياد وهو بيزقوا: يا بارد امشي قدامي

(في مكتب كريم)
قاعدين الاربعه بيتناقشوا في القضيه ويعرفوا الاخبار الجديده من هيام
خطبت زهره ودخلت بصنيه العصير حطتها وقدمت لكل شخص عصيره وهي بتقدم عصير زياد اتكعبلت ووقعت العصير عليه والكوبايه اتكسرت

شهقت هيام: انتِ يا بنتي!! ايه الهمجيه ده
زهره: زياد بيه ا..انا اسفه اوي ..انا
زياد ببسمه قام ومسك اديها: بس بس براحه اهدي محصلش حاجه فداكي ..هطلع اغيرو عادي

كريم مركز علي ايدين زياد الماسكه ايد زهره وبيهز في رجله بعصبيه وحاول يهدي بس كان حاسس بنار بتحرقه من جوه من غير سبب!!

فقال بعصبيه : عجباك؟
زياد باستغراب: هي ايه؟!
كريم: اديها
زهره اتكسفت وسابت ايد زياد بسرعه وقالت: ط..طب انا رايحه اجيب مقشه الم الازاز
زياد باصص لكريم بتكشيره وقال: بلاش عشان متتعوريش قولي لحد من المطبخ يجي يلمهم
كريم بتريقه وهو بيعدل قعدته: يا حنين!..

هيام: اوف خلاص يا جماعه حصل خير مكبرين الموضوع اوي يلا يا شاطره روحي شوفي هتعملي ايه
خرج زياد من المكتب يغير القميص وزهره خرجت وراه فقال كريم بعصبيه: رايحه فين!!
زهره: ه..هجيب مقشه الم الازاز
كريم : اه تمام تفضلي

طلعت زهره وكريم لعن غبائو كان عايز يصالحها بعد ما يخلص شغل قام زود الطينه بله 
وهيام قاعده مش عاجبها الوضع حست بغيره كريم وده مخلي زهره خطر عليها حسب تفكيرها..

(بعد اربع ساعات)
ريهام واقفه بشنطتها قدام الباب ودموعها علي خدها مستنيه تاكسي يجي ياخدها
هيام: عايزه تطردي ومتلاقيش شغل بالمرتب ده تاني ،وكملت بخبث: ولا تسمعي الهقولك عليه وتكملي شغلك في القصر هنا بفلوس زياد كمان؟؟

<><><><><><><><><><><><><><><>