قصة قصيرة باللغة العامية المصرية
اسكريبت بقلمي ❤️🌸
يعني اي يا بابا
_زي ما سمعت كدا
بصوت عالي : يا بابا ازاي بس عايزني اتجوز عشان ابقي مدير الشركه
_ هو دا اللي عندي وكمان مش هتتجوز اي واحده من الصايعين اللي تعرفهم
قصدك اي!؟
قصدك انك هتتجوز اللي انا هختارها
بزعيق : ليييي كدااا
_ عشان تتربي فضلت أكبر فيك لحد ما بقيت راجل حلو معاه عربية وڤيلا وشركه وانت تروح تبعزق فلوسي ع الأرف اللي بتعمله
والله دي حياتي انا حر فيها
بلاه مبالاه وهو بيبص في الجرنال : ودي شركتي وفلوسي وانا كمان حر فيها... وبص في الجرنال
وبعدين رفع راسه كأنه افتكر حاجة وقال... اه العربية هتتاخد منك بكرة.. ولو ملتزمتش انك تروح الشركه تشوف شغلك هرفدكمنها واطردك من البيت
بزعييق : اي كل دا في اييي
الاب بلاه مبالاه : عشان الواضح اني دلعتلك اوي وجه وقت انك تعتمد علي نفسك هتفضل لحد امتي مستهتر وبتجري ورا البنات بفلوسي
خرج آسر بعصبية وهو متنرفز
فضل يلف كتير ويفكر في اللي هيحصل
__________________
اي اللي انتي عاملاه في نفسك دا انتي اتجننتي
_لا متجننتش شكلي واعمل اللي انا عايزاه
= انتي عبيطة ازاي تلبسي لينسز اسود وتحطي باروكه شعر خشن ومتقطع وتعملي تشوهات في وشك بالميكاب
_ يا ماما قولتلك ميت مرة زهقت من كل حد عايز يقرب مني عشان شكلي وزهقت اكتر لما بروح اتدرب واكسب عليهم الاقي البنات بيقولو دي بتكسب عشان بيتنحو في جمالها
= يا بنتي يعني حد يبقي عنده شعر اسود طويل وناعم وعيون زرقه وبشره بيضا ويعمل في نفسه اللي انتي عاملاه دا
_ ماما بقولك اي عشان خاطري انا راجعه من التمرين تعبانه انا رايحه انام تصبحي على خير
=يارب اهديها يارب انا تعبت
________________
عدت فترة مفيش جديد
آسر بيحاول يخلي ابوه يرجع عن قراره... وابوه منع عنه كل حاجة
وام وابو سلمي بيحاولو معاها تشيل الحاجات اللي هي عاملاها في وشها وبيحاولو يقنعوها انها تركز في حياتها وتبعد عن التدريب
صحيح سلمي في الحزام البني في الكراتيه ونفسها تبقي كابتن ودا كل اهتمامتها ومخلصه كلية اعلام
____________________
هااا يا شادي عملت اي مع ابنك
شادي وهو مهموم : والله تعبت معاه طب وانت بنتك اي اخبارها
بحاول اقنعها تسيبها من كل اللي هي فيه وهي رافضة نهائي
شادي: انا جاتلي فكرة يا احمد... العيال دول يتجوزو بعض عشان يتربو هم الاتنين
_ انت بتهزر انا مستحيل اجوز بنتي لواحد يهينها ويسود عيشتها عشان شركه ابوه
شادي بخبث متقلقش عامل حسابي كويس اوووعدك انها هتبقي كويسة
_ماشي يا شادي بس اقسم بالله لو بنتي اشتكت ابنك هيموت في ايدي
=متقلقش ان شاء الله خير علي بركه الله
______________
انتي هتتجوزي والعريس واهله جايين بكرة
سلمي بزعييق : قولت مليون مرة مش هتجوز ومش هسيب الكاراتيه وسيبوني في حالي
احمد ضربها بالقلم وقال :هتتجوزيه غصب عنك ولو كترتي في الكلام هدفنك مكانك ولا فكرتي نفسك كبيرة عليا
سلمي فضلت تعيط
احمد كمل: الناس جايين بكرة عايزاكي تقابليهم ومش عايز اشوف القرف اللي بتحطيه كل مرة
وخرج وسابها
_____ _
يعني اي يا بابا هتجوز سلمي دي انت مشوفتهاش عامله ازاي
_ انا قولت اللي عندي وبعدين مالها بنت زي اي بنت (هو عارف شكلها الحقيقي بس ابنه ميعرفش وهو عايز يربيه انه يوهمه انه اتجوز واحده وحشة)
= آسر بسخريه :هه انت مشوفتش بنات قبل كدا ولا اي انا لما بشوفها بخاف منها مستحيل اتجوز دي
_ اخر كلام المعاد بكرة ولو مروحتش متزعلش من اللي هيحصلك
خرج اسر متعصب
____________
تانييوم
انتي عايزة ابوكي يقتلك ي بت ازاي تقابلي الناس بالمنظر دا
= هو دا اللي عندي ياكشي يطفشو
_ انا مليش دعوة بس متجيش تصرخي بعد كدا م اللي هيحصل
__________
احمد اتصدم ان سلمي نزلت كدا بس هو عارف بنته وهو اتفق مع شادي علي كدا.... آسر قرف اول ما شاف سلمي وهي كانت رخمة ومتضايقه جدا
بس عدت القاعده وسابوهم لوحدهم
_بقولك اي يا بتاعه انتي انا مش جاي اتجوزك عشان جمال عيونك
=ما تلم نفسك انت انسان مش محترم بصحيح يعني انا اللي دايبة في دباديبك انا مش طايقه خلقتك ومجبورة ع الجوازة دي ف أحسنلك انك ترفضني عشان نخلص م الارف دا
=بت انتي لمي لسانك معايا وبعدين انا مجبور زيي زيك
_بسخريه : هه اومال فارد عضلاتك علينا لي طالما انت كدا
... آسر اتعصب وقرب منها عشان يضربها... سلمي في ثواني تفادت الضربه وعملتله حركه تلوي الايد و تثبته مكانه
وبصت في عينيه جامد
وقالت بشر :اقسم بالله لو فكرت تمد ايدك عليا تاني هكون كاسرهالك... واه اللي حصل دا ميتحكيش وخلينا حلوين مع بعض نتجوز شهر وبعدين نطلق
وسابته
آسر فضل مصدوم عشان كرامته وبعدين قال: انا ساكتلك بس عشان احنا ضيوف عندكم لكن وربنا انا اقدر اقتلك تحت ايدي ف ابعدي عني احسنلك ي بت انتي
=بقولك اي بطل رغي موافق!
_ولو اني مش هقدر اعيش معاكي ف بيت واحد وهقرف ابصلك حتي بس ماشي وكل هيكون في حاله
=تمام
___________
احمد : انت بتهزر يا شادي ازاي تعمل كدا
شادي : ابني وبربيه عندك مشكله
احمد : بسدا ممكن يأذي سلمي لو عرف
شادي : متقلقش ميقدرش لان كل اللي هو عايزه هيبقي تحت ايديها
_______________
كتبو الكتاب منغير فرح واشهرو
آسر بضيق : اظن كدا يا بابا نفذت طلبك ممكن مفاتيح العربيه وتكتبلي الشركه بإسمي وتخليني مدير
شادي إداله مفتاح العربية وقال :بالنسبه للشركه تعالي نتكلم بعد شهرين ... اه ومش عايز سلمي تشتكي منك وإلا آآ انت عارف
آسر اتعصب جداااا وشد سلمي وراحو شقتهم لان شادي رفض يعيشو في الڤيلا دلوقتي عشان يربي ابنه
______________
دخلت سلمي الشقه ومنغير كلام بصتله بصة احتقار ودخلت اوضتها وآسر عمل كدا
سلمي فضلت متضايقه اوي
عدي اسبوعين وكل واحد في حاله سلمي بتاكل لوحدها وتنزل التدريب بالميكاب دا وشكلها دا وبالليل تقفل علي نفسها بالمفتاح وتشيل كل اللي علي وشها وتنام ويتكرر نفس اليوم
__________
في يوم من الايام صحيت بالليل تدخل حمام الاوضة بس لقت الماية فيه مش واصله وكانت بشكلها الحقيقي فقررت انها تخرج تدخل الحمام بتاع الضيوف وترجع تاني...
لقت آسر نايم ع الكنبه وهو شكله تعبان اوي
نادته : انت ي زفت قوم من هنا
آسر مش بيرد... سلمي قلقت
نادت تاني :انت ي بني ادم
الكنبه مش للنوم
آسر عرقان وبيخرف وبيقول متمشيش ارجعي
سلمي قلقت وعملتله كمادات فضلت جنبه ساعتين وبدأ يتحسن سلمي حست انه بيتحرك بالراحه... فجأة افتكرت انها بشكلها قامت جريت للاوضه بسرعه وقفلتها وقلبها بيدق
________________
تاني يوم
وسلمي نازلة التدريب
آسر قالها شكرا
=نعم!
شكرا امبارح كنت حاسس اني بموت وبعدين حسيت بيكي بتعملي كمادات
سلمي اتوترت وخافت انه يكون شافها
قالت : طيب مفيش مشكله
بعدين آسر افتكر نفسه وقال : بس متلمسينيش تاني عشان بقرف منك (افتكر ساعت ما تهيأله ان واحده حلوة اوي كانت جنبه بدل سلمي)
سلمي اتطمنت انه مشافهاش وقال ببرود : تصدق ان الحيوان بيطمر فيه اكتر منك انا غلطانه انا ماشيه
آسر جواه ( غبي غبي انت بدأت تتقبلها عايزين نخلص بقا من ام الحوار دا)
______________
عدت الايام وكل مرة بيحصل موقف رخم وبيكون آسر السبب
في مرة آسر كان متأخر ع الشركه وسلمي صحيت قبله وحاجه جواه قالتلها تعمله سندوتشات
ولما جه يخرج بسرعه قالتله : خد دول عملتهملك عشان انت متأخر
آسر كان هياخد بس فجأة قال : ابعديهم عني مستحيل اكل حاجة من ايدك
سلمي اتعصبت وقالتله : انت اي حيوان مش بتحس كل شويه عمال تجرحني بالكلام وانا ساكتالك انت متخلف بجد وانا اللي غلطانه اني بتعامل مع حد زيك
ودخلت اوضتها ورزعت باب اوضتها
آسر فضل في صراع ( هي معاها حق انت غبي.... لا انا متجوزها غصب اصلا وبكرهها.... لا انت بدأت تتقبلها.... لا لا دي شكلها وحش اوي وانا بقرف منها..... بس قلبها طيب وحنينه رغم المواقف اللي انت بتعملها.... لا دي كمان مش بتطيقك وبتتمني اليوم اللي هتطلق منك)
______________
عدي شهر واتفق أسر وسلمي يتطلقو بس قالها : هروح لبابا كان عايزنا انهاردا انا وانتي مش عارف هيعوز اي من واحده زيك بس خلينا نروح
سلمي : والله انت عديم الأحساس يلا نتنيل نروح ونخلص بقا اووف
___________
في المكتب آسر بعصبيه : يعنييي ايي
سلمي مصدومة
شادي : زي ما سمعت الشركه بإسم سلمي مراتك ومستحيل تبقي ايك غير اما سلمي بنفسها تعملك تنازل
_______
لما رجعو آسر زعق في سلمي وقالها : انتي هتعملي التنازل برضاكي او غصب عنك
سلمي زهقت من الاهانه والتعب وقالت بكل ثقة : اممم دلوقتي بقا هتضطر تعاملني كويس عشان امضيلك التنازل ونطلق ونخلص
آسر قرب منها بعصبيه ومسكها جامد : انتي مجنونه انتي صدقتي اننا متجوزين ولا اي
سلمي خافت بس قالت بثقه : متقدرش تعمل حاجة وكلك علي بعضك بؤ ولازم تعاملني كويس غصب عنك
آسر خرج بعصبيه
بالليل آسر قالها : هنعمل اتفاق اعاملك كويس لشهر وبعدين تمضيلي التنازل
سلمي بثقة :ماشي
_______________
عدي اول اسبوعين كويس وآسر بدأ يحب سلمي بعد ما بدأو يتعاملو كويس منغير اهانه
__________________
في يوم سلمي صحيت وحضرت اكل وآسر صحي قالها : صباح الخير.
سلمي بإبتسامه حلوة : صباح النور عملتلك الاكل
آسر : تسلم إيدك انا ماشي دلوقتي عايزة اجبلك حاجة وانا راجع
سلمي : شكرا..... ( كلمات بسيطة بس ليها سحر)
آسر خلص شغله وهو راجع شاف بتاع الآيس كريم
واشتري اتنين ولما رجع قالها : سلمي انا جبت اتنين آيس كريم تسمحي ناكلهم سوا
سلمي : اه طبعا تسلم
...................
يوم تاني آسر رجع شم ريحه فشار
قال بحب : الله فشار
خرجت سلمي من المطبخ معاها طبقين فشار
سلمي : حمد لله ع السلامه انا عملتلك فشار معايا تعالي نتفرج علي فيلم
آسر بإعجاب قرب منها : وخد الفشار وقعدو جنب بعض وفتحو فيلم
وفي نص الفيلم سلمي نامت وسندت علي كتف آسر
آسر حس انه بيحب سلمي
.................
في يوم
سلمي اتأخرت في التمرين
اول ما دخلت البيت آسر جري عليها وحضنها وقال بقلق : كنتي فين وتليفونك مقفول قلقت عليكي اوي انتي كويسه
سلمي بعدت براحه وابتسمت : اهدا انا كويسه بس اتأخرنا شويه وفوني فصل شحن
آسر :حمد لله ع السلامه ابقي خلي بالك من نفسك
سلمي : الله يسلمك حاضر
..................
وفي الاسبوع التالت آسر شاف سلمي بتضحك مع واحد في التمرين ( اسلام اصغر منها بخمس سنين وهي كانت بتدربه بس هو طول بعرض وهو عارف شكلها قبل ما تعمل كدا في نفسها)
آسر اتعصب و تاني يوم
جه معاد التدريب لبست وجاية تنزل سمعت صوت
_ انتي رايحة فين
=عادي يا آسر رايحه التمرين احنا من امتي بنسأل بعض
_والله برضاكي او غصب عنك انا ليا كلمه عليكي انا جوزك ومن حقي امنعك تنزلي
سلمي اتصدمت عشان دي اول مرة حد بيمنعها انها تروح اكتر مكان بتحبه وزعقت : انت اتجننت.. لا بقولك اي فوق لنفسك كدا دا وضع مؤقت
آسر وقف عند الباب ....
ولو اني قرفان منك واتمني انك تنزلي ومترجعيش تاني بس عشان عنادك دا مش هتنزلي
.... سلمي اتصدمت وعنيها دمعت بس بسرعه فضلت تزق فيه عشان يبعد وهو بجسمه الضخم مش بيتحرك
سلمي ضربته جامد وشلت حركته ونزلت بسرعه (اتصدمت ان كل دا حصل عشان هم كانو كويسين) وفضلت تعيط في الطريق
آسر في نفسه ( غبي بجد كان لازم يعني اقول كدا انا خلاص حبيتها)
________________
لما رجعت... لقت الدنيا ضلمه وهي رغم اللي هي فيه دا بتخاف من الضلمه
فضلت تدور ع النور ومش بيفتح وهي حاسه بحركه حواليها اترعبت وفضلت ترتعش وتقول... انت ي بني ادم ي اللي هنا افتح الانوار... (آسر عرف من نبرة صوتها انها خايفه والشيطان اللي جواه خلاه يقرر ينتقم ويكمل ف اللي هيعمله) .. فجأة باب الشقه اتقفل وسلمي فضلت في رعب شديد وعمالة تدور ع اي نور وموبايلها كان فاصل
آسر فضل يلف حواليها ويعمل اصوات بتخوف
وهي صوتها بيرتعش وتقول مين هناااا... انت ي آسسسر فيينك فييين النووور
اسر فضل يخوفها ويضربها براحه بس بعشوائية في الضلمه
فجأة سلمي انهارت وفضلت تعيط ع الارض واغمي عليها
آسر حس ان فيه حاجة غلط ولما فتح النور لقاها كدا اتخض عليها اوي وشالها دخلها اوضتها وحاول يفوقها وهي مش بتفوق اتصل بأبوها
_معلش يا عمو سلمي مغمي عليها اعملها اي
احمد : هو النور قطع ولا اي
آسر ارتبك وقال : اه اه النور قطع
احمد قال : سلمي من وهي في تالته ثانوي عندها فوبيا درجه تالته من الضلمه حاول تجيب البرفان بتاعها اللي في شنطتها مش بتفوق غير بيه
شكرا حاضر
فتح شنطتها لقي شويه ادوية..... جه يبص واتصدم اييي علاج للقلب طب ازاي...! وشاف ورقه تنازل عن الشركه بتاريخ نفس اليوم اللي ابوه قالهم فيه اسر اتصدم بس قال يلا مش وقته طلع البرفان وحاول يفوق سلمي...
بعد ما هي فاقت لقته قاعد قدامها وهو زعلان عليها وقالها : انا اسف
سلمي :اطلع برا
خرج آسر وهو بيشتم نفسه وقرر ميعاملهاش وحش تاني لاي سبب ويعترفلها بحبه اول ما الوضع يتحسن
سلمي شالت كل اللي علي وشها ونامت وهي خايفه ومش مستريحه
وبالليل فضلت تصرخ وتقول لاااا لااااا ابعدووو عنييي
آسر صحي علي صريخها فضل ينادي عليها وهي مش حاسه... طبعا هي قافله الباب بالمفتاح بس آسر افتكر النسخه الزيادة معاه وفتح.... شاف سلمي نايمه بشرتها البيضة وشعرها الاسود وعماله تصرخ وتقاوم.... آسر اتصدم من شكلها وخد وقت علي ما استوعب اول ما شاف الباروكه علي جنب
راح جنبها وفضل يهديها بس لقاها سخنة عملها كمادات وفضل جنبها
________________
الصبح سلمي جت تصحي لقت آسر جنبها اتفزعت وقامت من السرير بسرعه وزعقت فيه : انت انت ازاي دخلت وازاى تعمل كدا..... وبعدين حطت ايدها علي شعرها ووشها وعرفت انه عرف الحقيقة
آسر قالها بهدوء : سلمي انا بحبك
سلمي بهستيرية : كلكو زي بعض يهمكم الشكل والجسم اومال محبتينيش لي م الاول
آسر : سلمي انتي اي اللي حصلك امبارح انا كنت متعصب شوية وقولت اما انتقم منك ع اللي عملتيه فيا... لي بقا انهارتي كدا امبارح
سلمي بجنون : ملكش دعوة واطلع برا وسبني لوحدي وبدأت تشده وهو مش بيتحرك
آسر : مش همشي من هنا غير ما اعرف الحقيقة وانتي لي خبيتي عليا وع الكل شكلك دا
سلمي بعياط وهستيريه: اقولك اي ولا اييي اقولك اني وانا ف اعدادي الكل كان بيقرب مني عشان شكلي ويوم ما حصل حريق ووشي حصل فيه حروق خفيفه بعدو عني ولما عملت عمليه بقيت اجمل وهم اتلمو اكتر.... اقولك اي عن نظرات المدرسين ليا اول ما بنبقي لوحدنا ف الفصل.... اقولك اني لما كنت في تالته ثانوي اتعرضت لمحاوله اغتصاب وربنا نجاني ولما رجعت البيت معرفتش حد ومن يومها بخاف من الضلمه ومن الحزن بعدها حاولت انتحر كذا مرة واهلي ميعرفوش.... اقولك ان جالي ثقب في القلب بسبب الموضوع دا.... اقولك اييي
آسر اتأثر اوي وقرب منها وحضنها وفضل يهديها ويقولها : اهدي يا سلمي انا جنبك ومش هأذيكي تاني ابدا سلمي انا بحبك ولولا اني بحبك كنت سيبتك مرميه ع الارض ولا هامني.... سلمي انا بغير عليكي شوفتك واقفه مع شاب وبتضحكي انا اتجننت.... سلمي انا اسف مش هكررها والله متبعديش عني انا محتاجلك والله
سلمي انا امي انفصلت عن بابا بعد ما شافها وهي بتخونه وفاكر اخر جمله بينهم : خد البتاع دا انا مش عايزة يبقي ليا حاجة منك... كان قصدها عليا... عمري ما حسيت بحضن الام... كنت مستهتر وبقضيها وكنت كل بنت بوهمها اني بحبها وبعد كدا اكسرها كنت بنتقم من امي وبقول ان كلهم خاينين زي بعض لحد ما اتجبرت عليكي وحسيتك مختلفه... هتصدقيني لو قولتلك اني حبيتك وانتي بشكلك اللي كنتي عاملاه .... سلمي هو احنا ممكن نبدأ مع بعض من اول وجديد
سلمي حست بصدقه لانها كمان حبته في الفترة اللي فاتت بس قالت بعياط : خلاص مبقاش ينفع انا الدكتور قالي ان صعب اخلف عشان الثقب دا والعلاج مش بيجيب نتيجه
آسر : بحبك يا سلمي في كل حالاتك ومش هاممني اي حاجة غير نكون مع بعض
سلمي : طيب ماشي احنا نقدر نجرب تاني
___________________
عاشو اسبوعين متجوزين حقيقي وبينهم حب كبير
لحد ما في يوم سلمي تعبت في التمرين وآسر روحها البيت وجابلها الدكتور وبعد ما كشف عليها قال بعتاب : انتو ازاي ساكتين علي حالتها دي دا خطر عليها وع الجنين ولازم تعمل العمليه ف اسرع وقت
ومشي الدكتور
آسر فرح جدااا ان سلمي حامل وزعل علي سلمي
و لقي سلمي بتعيط قرب منها وحضنها وقالها متخافيش هتعملي العمليه وتخفي ونجيب ابننا او بنتنا يتربي في وسطنا احنا الاتنين
سلمي بعياط : يارب
________
تاني يوم آسر جهز كل حاجة ف مستشفى كبيرة اوي ودخلت سلمي العمليات وقبل ما تدخل قالت لآسر : انا كتبتلك التنازل عن الشركه في نفس اليوم اللي باباك كتبها بإسمي هتلاقيه في شنطتي
آسر : انتي سلامتك عندي اهم من ألف شركه ومليون عربية تطلعي بالسلامه يا قلبي
آسر فضل خايف جداااا
وبعد اربع ساعات خرجت سلمي ونقلوها اوضة عادية
آسر فرح جداااا وحمد ربنا وراح
سأل الدكتور : هي هتخرج امتي
الدكتور : المدام هتخرج بعد يومين حمد لله علي سلامتها بعد اذنك
دخل آسر لسلمي وفضل يتأمل فيها لحد ما صحيت
آسر بحب : حمدلله ع السلامه ي احلي سلمي في حياتي
سلمي ابتسمت : الله يسلمك ي حبيبي
__________
وعاشو حياة سعيده وجابو بنت شبه سلمي وسموها فرح
