قصة حب حزينة... الحب من طرف واحد
قصتنا عن شخص عمره ما كان مهتم بالحب نهائيا، ومكانش حتى بيفكر فيه، وكان عايش حياته سنجل ومش بيفكر في اي حاجة، وحتى لما كان صحبه بيكلمو عن الموضوع ده، كان بيضحك عليه.
وكان فيه بنت جميلة جدا هو يعرفها، ولاكن مش بيفكر فيها ولا بيحبها، حياته كانت عادية ومملة جدا، ولاكن في يوم من الايام بيحلم بالبنت دي، وبيصحي من النوم، وبيستغرب جدا من الحلم، وبعدها لما بقا بيشوف البنت دي قلبه بيتخطف، بيمر اسبوع ومع الوقت تفكيره في البنت بيزيد اكتر واكتر.
وفجأة بيكتشف انه بيحبها، ولاكن مش علشان مجرد حلم بيها وبس، هو فعلا بيحبها بجد من قلبه، وتفكيره بقا في البنت دي وبس، استمر على كده، ولاكن بعدها بفتره قرر انه يعترف لها بحبه، فاجهز نفسه وكان متوتر جدا، وفعلا اتكلم معها وقالها انا بحبك، ولاكن اتقابل بالرفض منها.
روح البيت وفضل قاعد لوحده مكتئب، وتفكيره وحبه ليها بيزيد اكتر واكتر، وخاصة بعد الرفض، بدء يتكلم مع صحبه ويحكي له، وصحبه كان مستغرب جدا، لأنه كان بيضحك عليه لما بيكلمه عن الحب، وفضل مستمر على الوضع ده، وبقا قاعد لوحده طوال الوقت وبيفكر فيها، ومبقاش بيتكلم مع حد زي الاول.
وحياته بقت مدمرة حرفيا بعد اللي حصل، ووصل به الحال للبكاء، وبدء يحاول انه ينساها، ولاكن مش عارف وكل شوية بيفتكرها تاني، فارجع يتكلم مع صحبه تاني، ويحكيله على الحب من طرف واحد، واني الحب من طرف واحد قهر، وكان باين عليه الحزن جدا، وكان كل كلامه عن البنت دي.
ورجع يحلم بيها تاني اكتر من مره، بعدها عرف اكونت الانستجرام بتاعها، ودخل يشوف تفاصيل عن حياتها، وحبه ليها بيزيد اكتر واكتر، قرر يدخل يحاول يفتح معها كلام في الشات، وقلها انا بحبك للمرة الثانية، ولاكن اتقابل بحظر منها، وفي اللحظة دي حس اني كل حاجة باظت، ومش هيقدر يرتبط بيها خلاص، ودخل في حالة اكتئاب شديدة.
بدء يخرج الشارع كل يوم ويمشي لوحده يمكن يقدر ينساها، ولاكن وهو ماشي بيشوف اتنين مرتبطين ماشين مع بعض، وبيفتكر انه كان نفسه يمشي هو وهي كده.
وبينتهي به الأمر انه بيكتم حبه ليها جوا قلبه وبينساها، ولاكن لسه هي اللي في قلبه.
