رواية نجم نادين الساحر|| الجزء الخامس
«رواية نجم نادين الساحر|| الجزء الخامس»
> نادين: “ايه دااااا!!”
> كيان: “متخافيش دا الكلب بتاعى اسمه بندق وهو مش هيعملك حاجه.”
> نادين: “اوكى خليه يمشي بعيد.”
> كيان: “بندق، روح العب هناك.”
> عمر: “احنا اسفين ياجماعه علشان جينا فى وقت زي ده بس احنا حبينا نتأسف لبشمهندسه نادين على اللي حصل من بندق فى الشركه وخوف البشمهندسه.”
> نادين: “بس ده عادي يعني مش محتاجه ان حضراتكم تتأسفولي.”
> كيان: “واحنا ميرضناش خوفك يقمر.”
> نادين: “حبيبتي يكوكو تسلميلي.”
> كيان: “بس عندي طلب صغنون كدا واتمنى متحرجنيش.”
> نادين: “اتفضلى طبعاً يقمر دا انتى تؤمري.”
> كيان ببوسه: “موااه حبيبتي، المهم يعني لو كنتى فاضيه بكرا بإذن الله نروح المول سوا؟”
> نادين: “موافقه طبعاً يروحي.”
> عمر: “تمام كدا نمشي احناا بقاا بما انكم اتفقتوا.”
(مشيوا عمر وكيان وتميم والجده قاعدين كل ده مش فاهمين حاجه بصوا لبعض وضحكوا)
> تميم: “يلا ياتيتا ننام احنا بقا كدا كدا مش فاهمين حاجه.”
> الجده: “يلا يبني.”
> نادين: “مش فاهمين اي بس يجماعه هو محصلش حاجه اصلا وانا مش فاهمه هما جم ليه اصلا.”
> عمر (في الموبايل): “السلام عليكم، تمت المهمه وبشمهندسه نادين وافقت تخرج معاناا.”
> المتصل: “ماشي انبسطوا.”
> عمر: “تمام، سلام.”
> كيان: “بس هي متعرفش انك هتخرج معانا.”
> عمر: “هي لو عرفت مكانتش هتوافق اصلا.”
> كيان: “ماشي بكرا نتصرف بإذن الله.”
(خلص الليل والنجم مظهرش وكان سؤال نادين طول الليل هو اختفى خلاص ولا هيرجع تاني؟)
~صباحاً فى الشركه~
> نادين (في نفسها): “ياااه قد ايه الشغل حلو وحياة، ربناا يباركلنا فيه.”
> عمر: “بشمهندسه نادين.”
> نادين (بفزع): “هاا نعم يبشمهندس اتفضل.”
> عمر: “ا جهزي علشان ماشيين.”
> نادين: “رايحين فين؟”
> عمر: “عند كيان فى المول.”
> نادين: “ليه هو حضرتك رايح معانا اصلا؟”
> عمر (رافع حاجبه): “اه عندك مانع؟”
> نادين: “دا ليه ان شاء الله؟”
> عمر: “نعم!”
> نادين: “لا ولا حاجه حضرتك تقدر تروح فى اي مكان براحتك.”
> عمر: “اه تمام يلا خمس دقايق والاقيكي خلصتي اللي فى ايدك علشان نمشي.”
> نادين: “نمشي فين فى الوقت ده؟.هتروحوا تفتحوا المول ولا ايه.”
> عمر: “اه بردو عندك مانع؟”
> نادين (باستغراب): “لا تمام.”
(دخل عمر مكتبه وخمس دقايق بالظبط وخرج)
> عمر: “يلا.”
> نادين: “ايه ده معلش؟ حضرتك ظبطتها ازاي.”
> عمر: “ظبطت ايه.”
> نادين: “احم قصدي يعني حضرتك طلعت بعد 5 دقايق بالثانيه.”
> عمر (بعدم اهتمام): “ماشي يلا.”
> نادين: “تمام تقدر تسبقني حضرتك على المول وانا هكون هناك.”
> عمر: “لا م انا هوصلك معايا بالعربيه.”
> نادين: “نعم!”
> عمر (برفعة حاجب): “ايه؟”
> نادين (بتلم حاجتها وشنطتها): “يلا بيناا احنا لسه هنقول ايه؟..”
> عمر (فى نفسه بابتسامه): “طفله.”
(مشيوا وكانوا طول الطريق ساكتين محدش فيهم بيتكلم واول ما لمحت نادين كيان من بعيد كأنها لقيت حاجه تنقذها)
> نادين (بصوت عالى شويه): “كيااااان.”
> عمر: “اهدي احناا رايحين لها.”
> نادين: “لا م هو المكان فاضي والساعه٩ لسه فاعادي يعني انما صح ماهو المول مقفول قدامى اهو هندخل ازاي؟”
> عمر: “هتعرفى دلوقتي.”
(وصلوا عند كيان قدام المول وحضنتهاا نادين ولسه هتسأل شافت عامل شغال فى المول بيقرب منهم وبيكلم عمر)
> احمد (العامل): “صباح الخير يبشمهندس عمر هفتح الباب دلوقتي وهكون مع حضراتكم فى كل حاجه عايزينها.”
> عمر: “تمام ياحمد اتفضل.”
> نادين (مستغربه وبتكلم كيان): “هو بجد هيفتحلكم المول مخصوص علشانكم!”
> كيان (بهزار): “اه ما عمر ماسك على صاحب المول صور عيب.”
> نادين (بملامح الشك): “…”
> كيان: “بهزر معاكى اكيد، المول ده كله ياستي نصه مكتوب بأسم عمر والنص التاني بأسم عمي ادعي يتكتب كله بأسم عمر.”
> نادين: “وه دا انتوا كدا اغنياء بقا وعندكم مليارات.”
> كيان (بضحك): “يااشيخه لاا دا هما ملايين بس.”
> نادين (ضحكت هي كمان): “ياشيخه الله اكبر فى عيني وعينك ،وكدا ينفع نشتري بسعر اقل من الجميع بما انكم جايبيني معاكم؟”
> كيان: “بما ان عمر اخويا معاناا يبقا خدي كل اللى تحتاجيه ومن غير فلوس خالص ياحبيبتي.”
> نادين: “لا ياخوفي منه ده ممكن يخصم من راتبي وانا على قدي ياختي والله.”
> كيان (بضحكه): “لا متقلقيش عليا انا دي.”
> نادين: “كدا تمام.”
> عمر (من وراهم): “هاا قررتوا تعملوا اي؟”
> نادين: “فى العاب هنا صح!”
> عمر: “مش مستغرب، اه ياستي فيه.”
> نادين (بفرحه): “تحفه اوي يلا بينا؟”
> عمر: “يلا بينا اي مش هتجيبوا الحاجه الاول؟”
> نادين (بصت لكيان بتعاطف): “ينفع نروح نلعب الاول يكوكو وبعدين نشتري؟”
> كيان: “ينفع طبعاً يروحي.”
> كيان (لعمر): “ممكن نروح نلعب الاول علشان خاطر نادين وبعدين نجيب الحاجه؟”
> عمر: “ينفع بس مش اكتر من ساعه علشان معاكم ساعتين بس فى المكان وبعدين نروح نتغدا ومعاكم يوم كامل اهو نروح فى اي مكان حابينه بس هنا مينفعش علشان مبحبش زحمة المول.”
> نادين: “احنا موافقين يباشاا.”
> عمر: “باشا؟!!”
> نادين: “باشا دي حاجه حلوة يعني وبعدين فكها كدا احنا مش فى الشغل دلوقتي يعني حضرتك مديري فى الشغل بس ولا اي رأيك يكوكو.”
> كيان: “صح.”
> عمر: “طيب يلا يانسه نادين انتى وكيان انبسطوا.”
(ورا المول كان فى مكان خاص مفتوح بالالعاب والملاهي الكبيره نادين اول ماشافت المكان وقفت مندهشه من كمية الالعاب اللى فيه وخصوصا كان بقالهاا سنين مراحتش ملاهى)
> نادين (مندهشه): “انا عايزه اجرب دي ودي ودي وكمان دي.”
> عمر (بضحك على طفولتها): “هنجرب كله وانا هكون معاكم كمان.”
> نادين: “ حلو اووي ده، بس انت....”
---هل سيظهر النجم مره اخرى فى المساء او سيختفى للأبد؟ وما هو السر وراء اختفاءه؟
