نتائج نظريةالشمعة المحترقة
قاعده مع صاحبتي بتحكي لي عن واحده اعرفها انها كانت بتتصل بيها امبارح بتصرخ و تعبانه قوي بتشتكي من ضهرها مش قادره تقف علي رجلها
راحت كشفت وطلع عندها ألم في الفقرات شديد ولازم راحه وما تجهدش نفسها ربنا يشفيها ويعافيها يارب
💥المشكلة وما فيها:
الأخت المريضه شفاها الله وعفاها من معرفتي ليها كانت مدمنة نضافه ومش اي نضافه
لا تشيل مراتب وسجاجيد و انتريه وتفضل طول اليوم تشيل وتحط وتطلع وتنزل ومش بترتاح ابدا أشغال شاقه نضافه مؤبده
لدرجه انها لما جابت الغساله الاتوماتيك ما اقتنعت بنضفتها وفضلت مصره تنقع وتغسل وتشطف وتزهر
وللأسف جوزها من النوع اللي بيكبر
فقررت انها تخرج تشتغل الصبح وترجع تشيل البيت وكمان تعمل مشروع يساعد في مصروف البيت وطبعا كانت فرصه حلوه قوي لجوزها ان يريح دماغه ما هي المركب ماشيه
لحد ما وقعت امبارح وللأسف كان عند اول مطب اتخانق واتعصب لما الحصان اللي ساحب البيت تعب وريح وما قامش بالمسؤليه اللي حطها فوق ضهره سنين
تعبانه اوعي تقومي و تجي ع نفسك هاتي اكل من بره ما اقدرتيش اي اكل من التلاجه يعدي اليوم
اوعي اوعي تيجي ع نفسك وتحملي فوق طاقتك صدقيني اول ما هتقعي الناس اللي كنتي بتيجي علي نفسك عشانهم اول من هيزهقوا ويضايقوا منك
✍️خاتمة:
بالله عليكم بلاش نظرية الشمعه المحترقه اللي اكيد حطها راجل عشان يطلع عين مراته
ما حدش بعد ما الشمعه بتحترق بيقعد يعيط جانبه
دي بيجري يدور ع شمعه تانيه أكبر تنورله
