ماهي المتاهه التي حيرت العلماء في مصر ما سر تعقيد واخفاء المتلهه في مصر القديمة
وصف مصر لهيرودوت
ماهو السر وراء مبني المتاهه في الفيوم وسر طمسة من التاريخ
حين وطات قدمه ارض مصر تبين له وكأنها خرجت من قلب الأساطير. رأى نهر النيل يهب الحياة للصحراء، والمعابد الشامخة تحكي أسرار آلاف السنين، والشعب المصري يعيش وفق عادات وتقاليد تختلف عن كل ما عرفه العالم القديم. لذلك وصف مصر بأنها “هبة النيل”، واعتبرها أرض العجائب التي تتفوق على كل بلاد الدنيا في غرابة طقوسها وعظمة آثارها. ومن خلال كتاباته، لم ينقل مجرد مشاهدات رحالة، بل رسم صورة خالدة لمصر القديمة؛ صورة تمزج بين الدهشة والإعجاب، وتجعل القارئ يشعر وكأنه يسير بين الفراعنة في زمن المجد والخلود.
ولكن في حاجة غريبة جدًا كتبها هيرودوت عن مصر… وكل ما أقرأها أحس إننا لحد دلوقتي ما فهمناش حجم اللي كان موجود فعلًا.
هيرودوت لما زار مصر واتكلم عن منطقة الفيوم، وصف مكان قال إنه أعظم من الأهرامات نفسها من ناحية التعقيد… وده شيء غريب جدًا لما يطلع من راجل شاف الأهرامات بعينه.
المكان ده كان قريب من “بحيرة موريس” القديمة، واللي ناس كتير تربطها بمنطقة منخفض الفيوم الحالية.
لكن مش البحيرة هي أغرب حاجة…
الأغرب كان “المتاهة”.
هيرودوت وصف مبنى ضخم جدًا مليان ممرات وغرف وقاعات بشكل يخلي أي حد يضيع جواه، وقال إن عدد الغرف كان مهول، وإن أجزاء كبيرة منه كانت تحت الأرض.
خد بالك من النقطة دي…
تحت الأرض.
وقال كمان إن الكهنة ماكانوش بيسمحوا ليه يدخل بعض الأجزاء السفلية من المكان.
ليه؟
دي النقطة اللي كل ما أفكر فيها أحس إن الموضوع أكبر من مجرد مبنى ديني أو إداري.
ليه في أجزاء ممنوعة؟
وليه أصلًا يتم بناء مكان بالحجم والتعقيد ده تحت الأرض؟
إحنا بنتكلم عن حضارة كانت تقدر تبني أي شيء فوق الأرض بكل سهولة، لكن رغم كده كان عندهم هوس غريب بفكرة الممرات السفلية والغرف المخفية.
وده يخليك تلاحظ إن فكرة “الداخل” عند المصري القديم كانت مهمة جدًا.
كل ما تدخل أعمق… النور يقل
الصوت يختفي
والمكان يتحول لحاجة أقرب لتجربة نفسية مش مجرد مبنى
حتى المؤرخين اللي جم بعد هيرودوت فضلوا يتكلموا عن غرابة امكان ده، لكن مع مرور الزمن أجزاء ضخمة منه اختفت أو اتهدمت أو اتدفنت تحت الأرض والطمي
والمخيف في الموضوع إن في باحثين كتير شايفين إننا أصلًا ما اكتشفناش كل حاجة في المنطقة دي لحد النهارده.
يعني ممكن تكون في ممرات أو غرف لسه تحت الأرض محدش وصلها.
أنا شخصيًا شايف إن أكتر حاجة مخيفة في الحضارة المصرية القديمة مش حجم المباني… لكن كمية الحاجات اللي اتعملت بعيد عن عين الناس.
وده يخليني مقتنع إن المصري القديم ماكانش بيبني علشان يبهر الناس بس…
واضح جدًا إنه كان بيخبي حاجات معينة عمدًا.
ويمكن علشان كده كل ما الزمن يعدي… الحضارة دي بدل ما تبقى أوضح…
بقلمي… ايه عبد الوهاب
