روكي الكلب الشجاع. حامي الضعفاء .
ـ روكي أين انت ؟!
كان كل شيء هادئ... لحد ما صرخة صغيرة قطعت سكون الغابة!
على ضفة النهر، كانت السلحفاة الصغيرة سلمى ماشية براحة على العشب الأخضر، بتدور على شوية ورق طازة تاكلهم. كانت الشمس منورة، والهوا جميل، وكل حاجة كانت تبان آمنة... لكن من بين الأشجار، كان فيه ثعلب أحمر ماكر بيراقبها من بعيد، وعينيه مليانة خبث.
بص الثعلب على سلمى وقال لنفسه بكبرياء: “دي أسهل وجبة هحصل عليها النهارده!”
بدأ يقرب منها واحدة واحدة من غير ما يعمل أي صوت عشان متحسش . أما سلمى، فكانت ماشية بهدوء مستمتعة بجمال الزهور والأشجار وصوت العصافير اللي يجنن ومش حاسة بأي خطر.
فجأة... حسّت بظل كبير فوقها!
لفت بسرعة، واتصدمت لما شافت الثعلب واقف وراها وهو بيبتسم ابتسامة مخيفة.
ارتجفت سلمى من الخوف، وحاولت تجري، لكن السلاحف معروفة إنها بطيئة جدًا.
تفتكروا هتعمل هيحصل أي ياأصحابي
ضحك الثعلب وقال: “مش هتعرفي تهربي مني... خلاص، انتهى الأمر!”
وقبل ما يهجم عليها، دوّى نباح قوي في كل الغابة!
الثعلب وقف مكانه واتلفت حواليه باستغراب.
ومن بعيد، ظهر روكي... الكلب البطل، بفروه البني الفاتح، وهو بيجري بأقصى سرعته ناحية سلمى.
أول ما شاف إن الثعلب بيهدد السلحفاة، ما فكرش ثانية واحدة. جري بكل قوته، ووقف قدامها يحميها، وهو بيزمجر بصوت عالي ويثبت رجليه في الأرض بثقة وبيبصله وعنيه كلها شرار .
الثعلب حاول يبان شجاع، لكنه كان عارف روكي كويس. الكلب اللي عمره ما ساب حد ضعيف يتأذى.
بدأ الثعلب يرجع لورا خطوة... وخطوة... ولما روكي اتحرك ناحيته بسرعة، لفّ الثعلب وجري بأقصى سرعة وسط الأشجار وهو مرعوب وخايف ومكنش مصدق ان لسه فيه حد شجاع قدر يقف قصاده .
بعد ما الخطر انتهى، قرب روكي من سلمى بهدوء، ولمسها بأنفه برفق، كأنه بيقول: “إنتِ كويسة؟”
رفعت سلمى رأسها بابتسامة صغيرة وقالت: “شكرًا يا روكي... أنت أنقذت حياتي.”
هز روكي ديله بسعادة، ومشى جنبها لحد ما وصلها لمكان آمن قريب من النهر.
بعد شوية، وصل صاحب روكي، وشاف اللي حصل. ابتسم وطبطب على رأسه وقاله: “أنا فخور بيك يا روكي... أنت فعلًا بطل أنا هكافئك وهجبلك حاجه تفرحك "
ومن اليوم ده، بقت سلمى تيجي كل صباح تزور روكي عند ضفة النهر، وفضلوا أصحاب، وكل حيوانات الغابة بقت تحكي عن شجاعته. وعن البطولة اللي قام بيها ومخافش .
ومن وقتها، بقى اسم روكي معروف في كل مكان…
روكي الكلب البطل... حامي الضعفاء، وصديق كل الحيوانات.
وعشان كده ياأصحابي لازم نساعد الناس.ومنقفش نتفرج؛ ولا نقول مالناش دعوة عشان زي مابنساعد الناس هنلاقي اللي يساعدنا .
وهي دي البطولة الحقيقية ‘ـ’
ياتري عجبتكم القصة , يتريت تقولولي رأيكم لو وصلتم لحد هنا ❤️
