ضابط في حياتي - حلقة ٢٠
اصبح وضع مازن اكثر سوءا بعد اعتراف عصام سالم عليه و على جميع الشركاء الاخرين
في المديرية
مكتب آسر
علي : بعد اعترافات عصام سالم دي كدا مازن لبس ف القصية و ملوش مخرج
آسر بتوعد : تعبني اووووى علي ما قدرت اوصل لدليل يدينة و الله لطلع كل دا عليه بس يقع تحت ايدى
علي : كدا كدا هيطلع امر من النيابة بضبطة و احضارة و هيتحبس 15 يوم علي ذمة التحقيق ، بس انا مستغرب اوي من اعتراف عصام سالم ، دا طربقها علي دماغ مازن و الكل و اعترف علي الشحنة الكبيرة كمان امتداد الشحنة اللي ضبطناها .. ولاد ال ******** كانوا هيدخلوا مصر 20 طن مخدرات !!
آسر : ما هو لما لقا نفسة متورط و هيلبس القضية لوحدة قال عليا و علي اعدائي بقا و هد المعبد علي اللي فيه
بس اعترفاتة ساعدتنا كتييير جداا
علي : الحمدلله
آسر : متعرفش امر الضبط و الاحضار هيطلع امتي ؟؟
علي : بكرة بالكتير
آسر : تمام اوووي
•••••••●•••••••••●••••••••••●•••••••••●••••••••●•• •••••
في مكتب مازن
المحامي بتوتر : مازن بية
مازن : ها
المحامي بارتباك : يعني هوو .. لازم تبقي متوقع ان في امر ضبط و احضار هيجيلك ف اي لحظة و ...
مازن بغضب : و ايه تااااني ؟!! ما تنطق
المحامي : و احتمال كبير جدا تاخد حبس 15 يوم علي ذمة التحقيق
مازن بغضب جم : نعم ؟!!!! مين دااااا اللي يتحبس ؟!!!!!! امال انا جايبك شغلتك ايه ؟!!!!!!
المحامي : يا مازن بية اهدي بس ، الامور كانت ماشية كويسة بس اعتراف عصام سالم دا بوظ الدنيا خالص
مازن : اه لو اطولوا الكلب داااا كنت خلصت علية بأديا
المحامي : مش قولت مالي ايدك منه ؟!!!
مازن يغضب : الكلب لما لقا نفسة هيغرق لوحدة غرق الكل معاة
المحامي : طب و العمل دلوقتي
مازن : انا هتصرف
••••••••●••••••••●••••••••••●••••••••••●•••••••••● •••••
الووو
آسر : ايوة يا حبيبتي
سلمى بذهول : ايه ؟!
آسر و هو يعيد حروف الكلمة ببطئ : ح ب ي ب ت ي
سلمى بارتباك : اناااا هوو اصل...
آسر مقاطعا بصوت حنون : ايه هو انتي كل دا مكنتيش عارفة انك حبيبتي ؟؟
سلمى : ............
آسر : عموما انا مش محتاج اسمع منك اي حاجة ، انا عارف كل اللي ف قلبك من ناحيتي
سلمى بصوت مبحوح : و عرفت منين بقا ؟!
آسر : من عنيكي !
عارفة لولا الظروف اللي احنا فيها و اني مش عاوز نتقابل خالص لحد ما نخلص من موضوع مازن دا ، انا كان زمانى واقف قدامك دلوقتي عشان اشوف نظرة عنيكي و انا بقولك انك حبيبتى
سلمى و قد خارت كل قواها علي المقاومة : آسر انا...
آسر مقاطعا : هووووس انا مش عاوز اسمع منك اي حاجة دلوقتى خالص ، عارفة عاوز اسمع منك كل حاجة امتي يا سلمي ؟؟
سلمي : امتي ؟؟
آسر : يوم ما تبقي دبلتك ف ايدي الشمال
سلمى : ..........
آسر بمرح : اعتبر السكوت دا علامة الرضا ؟؟
سلمى بحزن : مش لما اخلص من مازن الاول يا آسر
آسر : خلاااااص هانت اوووي و بكرة هيبقي عندي و انا اللي هحقق معاة بنفسي المرة دي و مش هيعرف يفلت منها ابداا
••••••••••●••••••••••●••••••••●•••••••●
محمد : خلاص يا حبيبتي جهزتي كل الشنط ؟؟؟
شهد : اه
محمد : و مالك زعلانة كدا ليه ؟! انتي كل دا مشبعتيش عسل
شهد : لا مش كدا
محمد : طب تعالي اقعدي جنبي و قوليلي مالك بس
شهد بعد ان جلست بجوارة : انت هنا فاضيلي انا و بس و موراكش حاجة غيري ، لما نرجع مصر هترجع شغلك و هترجع لصحابك و كل دول هيخدوك مني
محمد بضحك و هو يحتضنها : اول مرة اشوف واحدة غيرانة علي جوزها من شغلة و صحابة
و نظر لها بحنان : اطمني يا حبيبتي انا مهما حصل استحاله ابداا اي حاجة تاخدني منك
عارفة ليه ؟؟؟
شهد : ليه ؟؟
محمد : عشان انتي اهم و احلي و اغلي حاجة ف
حياتي كلها.
