كُلما دار حديثاً بيننا تمنّيت لو أنهُ عناق 🌎🦋

صالح شاف تالا طالعه مع مضر بالسياره 
صالح : ايوااااااا مشان هيك ياست تالا ماعم تقبلي فيني ... طلعتي من النوع الي بيحب يتسلا مع المتزوجين .... بدك مصاري ... والله كلكن البنات هيك .. منيح الله كشفك ... وهداك العريس ؟؟؟ ولَك الله لايشبعكن نسوان ... 
مضر : شو بك اليوم ؛؛؟؟
تالا : امي عرفت انو انا للي بدي اتزوجك ورافضه الموضوع وبدا ياني استقيل 
مضر : رجعي احكيها برواق 
تالا : مضر انت مابتعرف امي ... مستحيل توافق ع هيك زواج ....امي عقلا صعب 
دخلت تالا ع بيتها وشافت امها عالباب ...
ام تالا : شو ؟؟ عم بيوصلك كمان ؟؟؟ شوفي تالا ..شغل ماعاد الك ..وطلعه برا هالبيت مافي ...
تالا : امي حاج ..شو شايفتيني بنت صغيره ؟؟
ام تالا : خرسي وليه ... وانقلعي ع غرفتك مابدي شوف وجهك ....
عاليه كانت قاعده بالمسبح مع رفقاتا ....وفجاه بتوصلا رساله من رقم مجهول :
( انتبهي ع زوجك يامدام ... زوجك عينو زايغه... جربي راقبيه ) ...
تطلعت عالرساله ومااهتمت ومسحتها
وصارت تضحك ...مضر ؟؟. ههههه والله هالعالم بدن شغله يتسلو فيها
ضلت تالا يومين بالبيت وامها ماعم تخليها تداوم.. بتسمع صوت الباب ..
ام تالا بتفتح وبيطلع مضر 
ام تالا : خير ،، مين حضرتك ؟
مضر : انا المهندس مضر .. مدير تالا بالشركه ...
ام تالا بنشافه : اهلا وسهلا مبروك الزواج ...بس تالا خلص ..ماعاد رح تشتغل .. صار عندا شويه ظروف ..
مضر : ايوااا... طيب ممكن تشربيني فنجان قهوه 
كان مضر شخصيه وثقته بنفسه عاليه وقدر يخلي ام تالا تستقبله
مضر شرب شفه من الفنجان ... 
اي خالتي ... بصراحه انا جاي اطلب ايد بنتك ..
ام تالا : مابعرف شو بدي قلك ياابني .. انت مو لساتك عريس جديد؟؟؟؟؟؟
مضر : اي خالتي بس ظروفي خلتني ارتبط هيك. 
خالتي انا بحب بنتك وصدقيني رح تعيش معي العمر عمرين ...
ام تالا : نحنا ياااستاذ مو بعينا مصاري وأملاك .... ومامنرضى نزوج بناتنا ع ضراير .....
مضر : خالتي هالشي رح يصير يعني رح يصير ... بقا خلينا ناخذ موافقتك ..
ام تالا : عم تتحداني ! ؟!!
مضر رفع حاجبه وسكت متل كانو عم يقلها هادا الموجود ومالك الا توافقي ....
ام تالا : خلص فنجانك ..تفضل لأدلك ع الباب ...
مضر ابتسم لما شاف كيف ام تالا عم تطرده بطريقه لبقه.....
كانت تالا نسخه عن امها ... نفس جمال العيون والرموش ونفس الشعر
اجت امها لعندا 
ام تالا : شوفي وليه ..أوعك تفكري تحكيه او تشوفيه فهمتي ؟؟؟ هدول الناس مو من طينتنا...
تالا : شو هيه طينتنا امي ؟؟؟ طينتنا الفقر والذل والعازه؟؟؟ طينتنا الحرمان ؟؟؟
انا بدي عيش ..بيكفي انا ماعاد اتحمل ...
ام تالا : ليش ناقصك شي ؟؟؟ لازمك شي ؟؟ كل شي عندك وعم جبلك كل شي بدك هوه
الحاجه يابنتي مو حاجه اشياء ماديه .... الانسان بحاجه كرامته اكتر من اي شي تاني ...
الانسان بيقدر يعيش بلا خدم وبلا فيلات وبلا مصاري ....بس مابيقدر يعيش بلا كرامه ....
تالا : انا بحبو وبدي ياه 
ام تالا : لا ...انتي مابتحبيه. ..انت متاخده فيه ..متاخده بالقصور والاموال ...متاخده بالمظاهر ... ورح تندمي اذا ضليتي ع هالطريق ..اصحي ع حالك..رح أتركك هون لحتى تفكري منيح ...
طلعت ام تالا وقفلت عليها الباب من برا ...
ضلت تالا اسبوع محبوسه بغرفتها وأمها ماراضيه تفتحلها لحتى ترجع عن قرارها وتالا معنده 
والممنوع مرغوب ...رفض امها خلاها تتمسك فيه اكتر .....
تالا اتصلت بمضر : مافي فايده ..ماعم تخليني اطلع ...