قتلة أخي المدلل ( الجزء الثاني)
قصة قتلة أخي (الجزء الثاني)
رجعت البيت ولقيت امي بتزعقلي وبتقولي كل دا كنت فين كل دا تأخير ، قولتلها كنت مع صحبي بنشتري شوية حاجات ، لقيتها متعصبة اوي وبتزعق وتقولي أخوك سامر مجاش لحد دلوقتي من المدرسة وكلمت المدرسة وقالولي انه خرج من الساعة 1.30 ودلوقتي الساعة داخلة علي 9ولسة مجاش انا قلقانة يكون جرالو حاجة انا لازم ابلغ البوليس،
وبعد ساعة كان بيتنا كله ناس قرايبنا كلهم وجيرانا واهل الشارع واصحاب بابا وظابط في الشرطة وبدأو حملة كبيرة اوي علي محافظة الإسكندرية كلها ، كأن رئيس وزراة اختفي ، مش عارفة بابا مقفلها عليا انا اوي وصرف كل فلوسه على سامر دا لدرجة انه عمل اعلان في الجورنال بصورة سامر واللي يلاقيه هياخد مليون جنية ، انا مش فاهم حتي في فترة اختفاء سامر مهتمين بيه اكتر مني يعني هوا قرفني وهو عايش وكمان وهو ميت كمان لا بقي انا كل اللي عملتو دا علي الفاضي ،
وعدى 5سنين علي اختفاء سامر ولسا اهلي مقتنعين انو لسا عايش وبيعملو اعلان بصوره حتي في التلفزيون نزلو على كل القنوات بسر اختفائه اللي دام 5سنين ولسا مقتنعين بأنو لسا عايش
، طب هو اختفا مات خلاص في انا مش مهتمين بيا ليه بيعملوني كأني هوا في البيت محدش بيسألني عملت ايه النهاردا دا حتي امتحان الثانوية اللي امتحنته محدش قالي عملت ايه والنتيجة ظهرت ومحدش سأل كل الكلام دا حصل من5سنين انا دلوقتي في كلية طب بشري في سنة 4 ومحدش عارف اني فسنة رابعة غيري لان محدش فاضيلي في البيت
ومحدش عارف اني فسنة رابعة غيري لان محد فاضيلي في البيت..
فيوم حلمت حلم غريب اوي وكان مرعبب جدا، حلمت اني في المكان اللي دفنت في سامر بس الحفرة اللي دفنت فيها سامر كانت فاضية وفيها اثار دم كأنو لسا نازل من جسم حد دلوقتي دا مش دم قديم لا دا الدم لسة دلوقتي، وبدأ الدم يزيد يزيد لحد مابقي بركة دم وخرج منها راس ايوة راس والمرعب في الحلم ان الراس دي شبهي لا دا مش شبهي دي انا ، اتفزعت وقومت من النوم علي صوت زغاريط وتصقيف في البيت والدنيا هايصة في الصالة،
خرجت اشوف فيه اللي حصل وكانت الصدمة المرعبة هنا اني شوفت سامر قدامي ايوة شوفتو قدامي حي وكل الناس حواليه بس نظراتو ليا كانت كلها غضب ولمعان،
انا واقف مصدوم ازاي سامر عايش انا صرخت وقولتلهم بس دي مش سامر انتو مش شايفين شكله متغير ازاي سامر كان اقصر من كدا ،
رد ابويا عليا وقال ولد اسكت اكيد في الفترة دي اتغير دول 5سنين مش 5ايام وبدأ يهيصو والاحتفال اشتغل وابويا دبح 20 عجل ووزعه علي الغلابة وانا لسا مقتنع آنو دا مش سامر انا قتلتو بأايدي مستحيل يكون صحي من الموت لالالا
انا اكيد مش مجنون انا لازم اروح المكان اللي دفنتو فيه وأشوف جثته بنفسي ،
وفعلا روحت المكان اللي دفنت فيه سامر وبدأت احفر احفر وظهرلي في الحفرة هيكل عظمي وساعة ، ايوا دي ساعة سامر ر كان لابساها لما قتلتو يبقي سامر مات ودفنتها اهو امال مين دا اللي ظهر عندنا فجأة ،
انا بدأ الخوف يزيد في قلبي لما اتأكدت آنو سامر ميت ،
روحت البيت وانا عمال افكر في ان مين اللي معانا في البيت ، روحت البيت ودخلت لقيت الواج اللي شبه سامر
قاعد مبتسم
لقيتو ابتسم ابتسامة غريبة اوي وقالي بصوت هادي جدا ، متخافش يحمد فاجميعكم هالكون....
انتضرونا ب الجزء الثالث و الأخير
