ملخص الحلقة الرابعة مسلسل المداح

ملخص الحلقه الرابعه و هيكون فى بعض التحليلات والتوقعات للي جاي ..

ملخص سريع للحلقه التالته ..

ظهور سميح الجلاد لعيشه أخت صابر،وقدر إنه يغويها،إنها تتخلص من بنتها لأن أخوها بقى خطر عليهم كلهم،وبالفعل دبـ،حت بنتها وقطـ،عتها وكلتها..

ووصول صابر لسراديب الموت في اسكندريه،عشان يلاقي هناك برديه قديمه فى تابوت،مكتوب فيها كلام مش مفهوم، لسا هيوضح معناه في الحلقات الجايه ..

وفي نهايه الحلقه، لما شوفنا سميح الجلاد"قزح" وصخر لعبوا في كبل الكهربا بتاع المحكمه،وبعدها دخلوا عند القاضي،وكان في نظرات بين سميح الجلاد "قزح" وعيشه وهيا فى القفص وابتسمتله،وبعد لحظات حصل إنفجار كبير وإنتهت الحلقه على كدا ...

ملخص الحلقه الرابعه كامله ...

إنفجار شديد في المحكمه وهروب الناس ومواجهه صابر مع سميح الجلاد وصخر،وبعدين يختفوا،وفجاه يظهر ليه قرين عماد يديله حديده يفتح بيها القفص ويخرج أخته عيشه ..

بعدين مواجهه قرين عماد مع عيشه،وعتاب قرين عماد لعيشه،
ومن كلام عيشه لعماد،عيشه متأثره بكلام سميح،وقتلت بنتها وهيا في كامل وعيها،ودا إن دل على شئ يدل على إن الدجال هيخلينا نعمل حاجات وإحنا في وعينا مش شرط يكون فى جن أو حد مأثر علينا،بمجرد كلامه معانا فى بعض البشر هتأمن بيه وتطيع أوامره ..

وبيظهر سميح الجلاد  في هيئه الرجل التقى،وجامع بعض الناس حواليه بيخطب لهم وتأثر الجمع بيه وبكلامه اللي بيقوله وبيحثهم فيه إن الخمور والأحجبه حلال وبعض الحاجات اللي اتربينا على إنها حرام حلال ... وتقابل منال مع كاسيا ويتعرفوا على بعض ..

إستدعاء صابر من ظابط عشان يستجوبه،عن موت درغام وبعدها يظهر صخر لصابر يتهمه بالقتل ،وصابر يثور فيه وبعدين يختفى،وزين يقابل اخت رحاب ويطلب منها أيد منال ..

وبعدها صابر يروح لصاحبه، عشان يترجمله اللي في البرديه،ويطلع اللي مكتوب بالعبري .. ودا إن دل على شئ يدل إن صابر لازم يلاقى تابوت العهد اللي من خلاله هيقدر يقفل البوابات اللي أتفتحت من تاني  (توقع)..

سميح الجلاد "قزح" يجتمع بزين وحسن أخو صابر ويجبرهم علي الصلح،وترك زين الأرض اللي اشتراها لحسن كمهر لمنال طليقته ..

وصول صابر لأحد المستشفيات ويتفاجئ بجنّي جديد علي شكل طفل 
ينادي بأسمه وبتحصل مواجهه بينهم،وينطق الجنّي بأسم صابر  وإسم أمه،وصابر يحاول يفوقه لكنه بيهجم عليه ويوقعه علي الأرض ..

وبعدها صابر يتلوا  بعض الآيات القرآنية ويبدأ الطفل داوود بالصراخ،ويتمكن صابر منّه ويرجع لوعيه تاني .. معلومه (داوود بيكون إبن درغام بس من الواضح إنه ممسوس)..

صابر يروح لبيت درغام ويدخل أوضته اللي كان مانع أي حد يدخلها،ويبدأ صابر يتلوا فيها بعض الآيات القرآنية،وبعدها يلاقي كتاب قديم ويفتحه،يكون جواه مرسوم نجمه خماسيه ورموز وارقام غريبه،ويلاقي مكتوب "صخر" فى الكتاب فـ يبدأ صابر يفتكر اللي دار بين صخر ودرغام قبل ما يموت وهوا بيحاول يقول طلاسم لحرق صخر .. وصابر بعد ما ساب الكتاب يرجع ياخده تاني ويمشي .. اتوقع صابر ممكن الشيطان يسيطر عليه ويغويه ويخليه يحرق صخر أو يستخدم الطلاسم في صرفه "توقع" ...

محدش سأل نفسه ليه صابر بيقول على سميح الجلاد "الدجال" وقررها أكتر من مرّه ..

ليه ميكونش هوا الفتنه الكبرى ويطلع هوا فعلًا إحنا لو قلبنا إسم سميح الجلاد يطلع المسيـح الدجال ؟ ونظرًا للفتنه اللي قاعد يعملها بين الناس وفى منهم اللي أتبعه ومصدقينه مجرد رأي وتوقع ..

وزي منا توقعت الشيطان يغوي صابر ويخليه يكتب طلاسم بإستخدام الكتاب اللي خده من بيت درغام،عشان يصرف صخر،دا انا توقعته فوق وانا بكتب وحصل وانا بتفرج حالًا، وظهور  سميح مبتسم،وصخر يظهر لصابر ويقوله كدا كفـ،ر  يا صابر  !! ..