ملوك الفراعنه وعظمه التارخ المصرى القديم

الملك مينا (نارمر) موحد القطرين

مصر القديمة مليانة أسرار وحكايات عن ملوك عظام أسسوا حضارة العالم كله بيحكى عنها لحد النهارده  تعالوا نرجع بالزمن ونتعرف على أول عشر ملوك فراعنة خلدوا اسمهم في التاريخ !

الملك مينا أو زى ما بعض الناس بتسميه نارمر هو أول ملك في تاريخ مصر القديمة، واللي قدر يوحد مصر العليا والسفلى حوالي سنة 3100 قبل الميلاد.
الراجل ده كان عنده رؤية عظيمة، قرر يجمع البلد كلها تحت راية واحدة ويبدأ عصر جديد. هو اللي أسس منف العاصمة القديمة واللي كانت مركز الحكم لفترة طويلة

الملك زوسر(صاحب أول هرم في التاريخ)

نيجي بقى للملك زوسر اللى عاش في الأسرة التالتة وده الراجل اللي غير شكل المعمار في مصر القديمة !
هو اللى أمر المهندس العبقرى إيمحتب يبنى له هرم سقارة المدرج أول هرم حجرى في التاريخ وده كان إنجاز عمرانى عظيم

الهرم لحد دلوقتي واقف شاهد على عبقرية المصريين القدماء.
#زوسر #هرم سقارة # أول هرم في العالم#مهندس إيمحتب #

 الملك سنفرو-المبدع في بناء الأهرامات

الملك سنفرو من ملوك الأسرة الرابعة وكان عنده شغف بالبناء والعمران 
بنى كذا هرم في حياته  زى الهرم المنحنى والهرم الأحمر في دهشور!
اتعلم من تجاربه في البناء  علشان ييجى بعده ابنه خوفو ويبني الهرم الأكبر
الراجل ده يعتبر مؤسس لفن بناء الأهرامات اللي خلت مصريوجد بها  أعجوبة  من عجايب الدنيا السبع 
#الملك سنفرو#دهشور #الهرم الأحمر #بناء الأهرامات#

الملك خوفو  (صانع العجيبة الأولى)

الملك خوفو هو أشهر ملوك مصر القديمة  وصاحب الهرم الأكبر بالجيزة  واحدة من عجائب الدنيا السبع.
الهرم ده لسه لحد دلوقتي بيحيّر العلماء  إزاى اتبنى من غير ما يكون فيه أدوات حديثة؟
خوفو كان ملك قوي وحاكم ذكي  قدر يخلى اسمه يعيش آلاف السنين
# الملك خوفو – الهرم الأكبر# أهرامات الجيزة # عجائب الدنيا السبع#

الملك خفرع -ابن خوفو وصاحب أبو الهول

الملك خفرع هو ابن خوفو  وواحد من الملوك اللي كملوا مجد عيلة الهرم
بنى الهرم الأوسط في الجيزة  ويقال إنه هو اللي أمر ببناء تمثال أبو الهول اللى بيرمز للحكمة والقوه

كان عصره مليان إنجازات، ومصر في وقته كانت في قمة مجدها
#: الملك خفرع # أبو الهول# الهرم الأوسط# حضارة الفراعنة#.

الملك منقرع- صاحب الهرم الأصغر لكن الأثر الأكبر

الملك منقرع هو ابن الملك خفرع  ومن ملوك الأسرة الرابعة.
الناس دايما بتقول انه الهرم الأصغربس الحقيقة إن منقرع ساب بصمة ضخمة جدا في تاريخ أهرامات الجيزة
الهرم بتاعه رغم إنه أصغر من أهرامات أبوه وجده  لكنه أدق وأجمل من حيث التصميم 
في عصره كانت مصر في قمة الرخاء والناس عاشت في أمان وعدل.
# الملك منقرع – الهرم الأصغر# أهرامات الجيزة #ملوك الفراعنة# تاريخ مصر القديمة#

الملك منتوحتب التاني- موحد مصر من جديد

بعد فترات طويلة من الانقسام جه الملك منتوحتب التاني من الأسرة الحادية عشرة،
الراجل ده رجع لمصر قوتها ووحدها من تانى بعد ما كانت متفرقة.
بنَى مقبرته العظيمة في الدير البحري بالأقصر  وده المكان اللي بقى بعدين فيه معبد حتشبسوت المشهور.
منتوحتب كان قائد عسكري قوي وملك حكيم  والناس كانت بتحبه جدا
#: الملك منتوحتب الثاني # توحيد مصر # الدير البحري# ملوك طيبة #تاريخ مصر الفرعونية#

الملك أحمس الأول( بطل طرد الهكسوس)

لما احتل الهكسوس مصر محدش قدر يطردهم غير الملك أحمس الأول  مؤسس الأسرة الثامنة عشرة.
الراجل ده فعلا  يستحق لقب   (بطل التحرير )
جمع جيشه  وقاد معارك شرسة لحد ما طرد الهكسوس برا مصر خالص.
بعد النصر العظيم بدأ عصر الدولة الحديثة اللي فيها مصر وصلت لقمة مجدها العسكري والحضاري.
# الملك أحمس الأول# طرد الهكسوس #بطل مصر القديمة # الأسرة الثامنة عشرة# بداية الدولة الحديثة.#

الملكة حتشبسوت* ست بميت راجل

أما الملكة حتشبسوت فهي واحدة من أعظم حكام مصر عبر التاريخ.
كانت زوجة الملك تحتمس الثاني  ولما مات  مسكت الحكم باسمها  ولبست زي الملوك عشان تحكم بقوة وهيبة.
قامت ببناء معبد الدير البحري اللي بيعتبر تحفة معمارية لحد النهارده.
في عهدها حصلت رحلة بلاد بونت التجارية اللي جابت لمصر الخير والرخاء.
الملكة دي كانت رمز للحكمة والذكاء، وأثبتت إن الست المصرية دايمًا قوية وقادره على صنع المستحيل 
#الملكة حتشبسوت #معبد الدير البحري # رحلة بلاد بونت # ملكة الفراعنة #تاريخ مصر القديمة#

الملك رمسيس التاني: أعظم ملوك مصر عبر العصور

نختم بمين مسك الختام طبعا رمسيس التاني  اللي بيعتبروه أعظم ملوك مصر الفرعونية.
حكم أكتر من ٦٦ سنة  وبنى معابد وتماثيل ضخمة زى  معبد أبو سمبل ومعبد الرمسيوم في الأقصر.
قاد معركة قادش ضد الحيثيين وهو صاحب  أول اتفاق سلام في التاريخ.
رمسيس التاني كان مشهور بقوته وقدرته على حل الازمات وعدله  وحبه للبناء.
عصره كان مليان مجد وده السبب اللي خلى اسمه يتكتب في كل كتب تاريخ الفراعنة انه من اعظم ملوك مصر عبر مر العصور 
#الملك رمسيس الثاني #معركة قادش # معبد أبو سمبل#ملوك الأسرة التاسعة عشرة#أعظم ملوك الفراعنة#

ملخص المقال 

من مينا اللي وحد القطرين  الى خفرع اللي ساب لنا تمثال أبو الهول وعظمته  الى منقرع اللي أبدع في بناء الهرم 

الى رمسيس التاني اللي ساب ورث عظيم في كل ركن من مصر  

الملوك دول خلدوا اسمهم مش بس في كتب التاريخ لكن كمان في وجدان كل مصري فخور بحضارته و
تاريخ الفراعنة مش مجرد ماضي، ده جزء من هويتنا اللي لازم نحافظ عليها ونفخر بيها دايما    وتحيا   مصر