غزو ايران 1941🇮🇷....تخيل تم احتلال ايران ف 3 ايام فقط

  للوهلة الاولى تظن انه ده شئ مستحيل خصوصا ما نراه الان من حذر امريكى فى خوضة حتى عمليات نوعية داخل ايران فى الحرب الدائرة اليوم ولك اللى حصل فى 1941 كان غير الان الإنجليز والسوفييت مكانوش مطمنين لميل الشاه للألمان قبل 1941   خصوصا  وانه   ألمانيا اصبحت  الشريك التجاري الأول لإيران بحلول 1940  حيث انه المانيا كانت تستحوذ على حوالي 50% من التجارة الخارجية الإيرانية.

• اعتمد الشاه على المهندسين والخبراء الألمان في بناء البنية التحتية والمصانع والسكك الحديدية، رغبة منه في كسر احتكار بريطانيا وروسيا للاقتصاد الإيراني  فخافوا إن هتلر يسيطر على آبار البترول الخليجية بعد شن الالمان عملية بربروسا لغزو روسيا والسيطرة على نفط القوقاز والأهم من كده إن الاتحاد السوفييت  كانوا فى احتياج  إمدادات عسكرية من الحلفاء بسرعة بعد ماكان تم تطويقة من المانيا ......فكانت إيران هي الممر الوحيد الآمن اللي سموه ممر الفارس عشان يبعتوا السلاح

 

 

 

.الهجوم

في فجر يوم 25 أغسطس الهجوم بدأ من ناحيتين زي ما الخريطة بتوضح السوفييت نزلوا بجيشهم المرعب من الشمال قوات مقسمة على 3 اقسام باجنالى 400 الف جندى ناحية تبريز وبندر شاه وده خلى القيادة الإيرانية في طهران تتشل وماتعرفش تبعت تعزيزات فين ولا فين واحتلوا المناطق الشمالية بسرعة البرق

.

ومن الناحية التانية . تكتيك الإنجليز كان تفكيرهم كله في "البترول والموانئ:من الجنوب نزلوا قواتهم من البحر (البصرة والكويت) لـ عبادان وبندر شاهبور عشان يلحقوا يسيطروا على المصافي قبل ما الإيرانيين يفجروها .من الغرب: دخلوا من العراق (خانقين) ناحية كرمانشاه، وده كان تكتيك ذكي عشان يقطعوا طريق طهران من الناحية الغربية ويمنعوا أي دعم يجي من الجبهة دي .

.

زي ما الخريطة بتوضح، فيه قوات بريطانية (جيش ويفل) جات من الهند وعدت الحدود من ناحية "ديزاك" وزاهدان . دي كانت حركة ذكية جداً لتأمين الحدود الشرقية مع أفغانستان، وبكده إيران بقت محبوسة" جوه صندوق مقفول من الأربع جهات..

فخصل شل حركة لطهران

 

التكتيك النهائي كان الزحف من الشمال والجنوب في وقت واحد ناحية طهران. لما الجيش الإيراني لقى نفسه محاصر من روسيا في الشمال وبريطانيا في الجنوب، والطيارات بتحدف منشورات فوق العاصمة بتطلب الاستسلام ، الروح المعنوية للقيادة انهارت، وده اللي خلى رضا شاه يتنازل عن العرش في 3 أيام بس عشان يحمي العاصمة من الدمار

 

الجيش الإيراني وقتها رغم عدده اللي كان حوالي 120 ألف جندي إلا إنه مكنش جاهز خالص لمواجهة قوتين عظميين في وقت واحد السلاح كان قديم والتكنولوجيا كانت ضعيفة جداً قدام طيارات ودبابات الحلفاء فالمقاومة انهارت تماماً في 3 أيام بس بموت 64 جندى من المهاجمين وايران خسرت قرب ال1000 حندى والشاه اضطر يتنازل عن العرش لابنه محمد رضا بهلوي