اتحولت من الخوف بقيت انا مصدر للخوف

بدايتي من اول ما اشتغلت ف المستشفي

كت شخص بسيط عايش اليوم بيومه وكافي غيري شري ومبطمعش ف حاجه زياده بس الدنيا ازمت معايا لدرجة حتي ان سياسة العيش اليوم بيومه معادتش نافعه معايا لحد مالقيت تليفوني بيرن رقم غريب بيكلمني فرديت بخوف لاني بطبعي شخص مليش دعوه بحد ولا ليا علاقات مع ناس قد كده لقيت شخص بيكلمني بصوت ضعيف وبعيد وزي مايكون حواليه هدوووء ومفيش حد جمبه

• الو….. 
• - سلام عليكم.. 
• انت اتفتحتلك طاقة القدر
• - مين معايا
• صدقني ميهمكش انا مين اللي يهمك اللي انا هعملهولك 
• - اللي هتعملهولي!؟ انا معرفكش ولو مقولتش انت مين هقفل السكه
• براحتك.. بس صدقني هتخسر كتييير دنا مراقبك من زمان وعارف عنك اللي انت نفسك متعرفوش

مبقتش عارف ارد اقوله ايه ولا دا واحد بيشتغلني ولا ايه حكايته

• - طب قولي انت عاوز ايه طالما انت متابعني كده
• اسمعني كويس وركز ف اللي هقولهولك.. المستشفي اللي ف اخر القريه هتطلب حراس خدمه ليليه قدم فيها وهتتقبل اول ماهتودي ورقك وصدقني لو قولتلك انها محجوزالك من قبل مايتفتح التقديم فيها اسمع مني وانت الكسبان
• - طب ال انا مش هعرف ابقي.. 
• تيت تيت تيت. 

قفل الخط وسابني ف حيره والف فكره جت ف بالي يعني ايه انا عايش اليوم بيومه وبالعافيه كمان يجيلي تليفون من واحد معرفوش ويقولي ف شغل وقدم فيه وهتتقبل ومحجوزالي من قبل ما تفتح اصلا طلبات لناس تشتغل فضلت افكر ف كلامه وقعدت رايح جاي جوه اوضتي ف حيره وقله ع خوف ورهبه م اللي هيحصل لو رحت اقدم او لو مروحتش اقدم 

اخدت قرار بعد تفكير طويل وجهزت نفسي وقولت انا هروح اقدم اشوف ايه اللي هيحصل روحت بالفعل ابص ع المستشفي واسال حد هناك اذا كانو محتاجين حد يشتغل لقيت راجل واقف قدام الباب وباصصلي وبيضحك راجل كبير عجوز لابس شال احمر ع راسه وماسك عصايه ف ايده ولقيته بيشاورلي ع واحد واقف ع شباك شغال ف المستشفي اتلفت اشوف مكان ما هو بيشاور لقيت الموظف دا فمبقتش عارف هو بيشاورله ليه فقولت هروح اساله هو بيشاورله ليه ببص فجاه لقيته اختفي وكأن الارض اتشقت وبلعته

الرعب ملاني ولقيت رجلي بتتنفض تحتي ومعتش عارف اقف عليها دورت وشي وكت هجري لقيت الموظف اللي ع الشباك جه لحد عندي وسندني وبيقولي : سلامتك يا استاذ مالك انت جاي لمين هنا شكلك تعبان قووي

قولتله انت تعرفني قالي انت شكلك مش غريب عليا زي ماكون شوفتك قبل كده ودا اللي خلاني اجيلك بس اول ما قربتلك لقيتك هتجري وجسمك كان بيتنفض انت كت جاي ليه

قلتله كت سامع ان ف تقديمات ع شغل هنا فجاي اجرب حظي بس شكلها كده بدايه غير مبشره بالخير

قالي وانا بردو بقول ان انا شوفتك قبل كده انت ورقك موجود عندي ف التقديمات ع وظيفة الحارس الليلي والغريبه ان محدش قدم فيها غيرك انت

سمعت كلامه ولساني اتسمر مكانه مقدرتش انطق بحرف واحد ايه اللي قدم ورقي وانا اصلا مجتش هنا قبل كده 

ودار ف بالي كلام اللي كلمني ف التليفون 

يتبع…