أحببت قاتلي | الجزء الأول (قصة مؤلفة من تسعة أجزاء)

أحببت قاتلي | الجزء الأول (قصة مؤلفة من تسعة أجزاء)

0 المراجعات

الجزء الاول 
كان امجد قاعد على مكتبو وحامل صورة امو 
دمعت عينو ورجع فيه الزمان لوقت ماكان عمرو ٩ سنين 
لما كان الخادم يلي عندهن رابطو وعم يعذبو قدام امو ،،،
سناء: نزار تروك ابني بترجاااك بعطيك شومابدك بس لاتئزيه 
،،
نزار: ماحزرتي بدي احرق قلبك على ابنك متل ماحرقتي قلبي وتركتيني ورحتي انا حبيتك من كل قلبي كيف هيك اجا من قلبك تخونيني 
تركتيني لاني فقير  وتزوجتي ابوه لهالكلب 
انا مارح ارحمك 
سناء: انا رضيانة بكلشي بتعملو فيني بس اتروك ابني امجد مالو ذنب بشي  
نزار: ازا بدك اتركو لاابنك لازم تعملي الي رح قلك عليه 
سناء: انا رضيانة بكلشي بس اترك الصبي حرام هاد صغير 
قلي شوبدك انا جاهزة 
نزار: بدي تتنازلي عن كل املاكك هاي الفيلة وكل الشركات والاملاك وبيت اهلك تتنازلي عنهن لاالي ،
سناء نصدمت من طلب نزار بس ماكان عندها خيار غير انها توافق على طلبو لحتى تخلص ابنها من اجرام نزار تنهدت تنهيدة طويلة 
سناء: انا موافقة بس اتروك ابني 
رح اتركو بس بالاول 
خدي هالاوراق وقعي عليهن ،
اخدت سناء الاوراق  يلي هنن اوراق تنازل بااملاكها لنزار ووقعت عليهن 
سناء: وهي وقعت اتروك ابني 
نزار : تكرمي وهي فكيتو 
ورح خليه يروح بس بالاول بدي ياه يشوف شغلة ،
نزار بيطالع مسدس من جيبو وبيقوس سناء 
امجد بيرتعب كتير وبيركد عند امو 
امجد: ماما لاتروحي وتتركيني ياحقير شوعملت باامي الله لايسامحك امي ردي عليي لاتتركيني لحالي 
نزار: الخونة يلي امثال امك لازم يموتو وهلق انت صار لازم اخلص منك 
نزار بياخد امجد لبرا الفيلة 
وبيرميه بالشارع ،،
بفيق امجد من زكرياتو وعيونو مليانة دموع  
امجد: والله لوضل بعمري يوم رح انتقم منك يانزار الكلب مارح ارحمك رح حاسبك على كل شي ،


امجد شب عمرو ٢٥ سنة 
دارس اقتصاد وبيشتغل بشركة مهمة بالبلد 
امجد ولد يتيم امو نقتلت على ايد حبيبها السابق 
وابوه ترك امو من لما كان عمرو ٦ سنين 
وضل امجد عايش حياتو بالميتم 
قضا طفولتو قهر وعذاب وزل بسبب نزار الزلمة يلي قتل امو 
ومرت الايام وكبر وهو عم يستنا الوقت المناسب يلي ينتقم فيه من نزار 
،،،،،،،،،،،،،،،،،،،،
قدام الشركة في شب عم يستنا امجد 
بالسيارة ،
سامر: وينو هاد تأخر 
امجد: شووو بلاقيك جاي عالموعد مالك بالعادة 
سامر: بالله يعني عم تتمسخر 
امجد: لاماعم اتمسخر بس بالعادة بواعدك الصبح بتجي المسا 
سامر: اي طلاع وبلا علاك وحكي فاضي 
امجد: طالع 
سامر : كيف اعصابك 
امجد: متوتر كتير مابعرف يمكن اول ماشوفو يجن جنوني واقتلو 
سامر: لاتجن خلي اعصابك هادية وانا معك ورح وقف جمبك بس انت كون رايق 
امجد: الله يلهمني الصبر 
،،،،،
سامر رفيق امجد من ايام الميتم ربيو سوا وكبرو سوا 
ودرسو مع بعض وهلق رايحين سوا لحتى يبلشو خطتهن بالانتقام من نزار 
وصلو امجد وسامر على بيت نزار 
يلي هو بيت اهل امجد 
يلي سلبو نزار منهن ،
سامر: قوي قلبك امجد مابدي ياك تضعف 
امجد: رجليي ماعم يحملوني يمكن مااتحمل شوفو 
هاد الزلمة قتل امي بهاد البيت 
سامر: اوعى امجد بكير لسا قلتلك هدي 
امجد: ماشي ،

بيدخلو امجد وسامر ع الفيلة بتكون مليانة حراس وخدم 
امجد: مرحبا فينا نقابل السيد نزار 
الحارس: تفضلو 
بيدخلو الشباب على قلب البيت 
امجد لما بيدخل عالبيت بيغض بالدموع وبيتزكر امو 
سامر: امجد شبك انت رجال 
امجد: هون ياسامر هون امي نقتلت 
سامر: خلص بقا روق وحياتك لننتقم منو بس انت اهدا 
امجد: بدي اقتلو بدي موتو 
سامر: رح نقتلو بس انت هدي ،
بعد دقايق بيوصل رجال ضخم ولابس اسود 
بيشوفو امجد وبيتطلع فيه بحقد وغل 
نزار: اهلا وسهلا بالشباب 
امجد: اهلا وسهلا فيك يا بيك 
نزار: ماعرفتونا على حالكن
امجد: انا اسمي منصور وهاد رفيقي سامر 
نزار: تشرفنا كيف فيني ساعدكن 
امجد: الصراحة انا عم دور على شغل وماعم لاقي 
والصراحة في جماعة شرواك بالخير دلوني عليك وقالولي انو لازمك موظفين بشركتك 
نزار: مزبوط ، بس انت بتعرف شوطبيعة شغلنا 
امجد: طبعا مين مابيعرف نزار بيك صاحب اكبر شركة استيراد وتصدير 
نزار: طيب فيني اعرف مين بعتك لعندي 
امجد: لاتستعجل 
نزار؛ ماشي الحال ، معناها رح اعطيك عنوان شركتي بكرا بتجي لعندي وبتجبلي اوراقك وسيرتك الذاتية 
امجد: تمام شكرا كتير يابيك ممنونك 
نزار: ولو اهلا وسهلا 
،،،،،،
بيطلعو سامر وامجد من عند نزار 
امجد: بتعرف كنت بدي قوم اخنقو 
لك مو معقول قاعد ومكمل حياتو ومبسوط لاكانو بزمانو قتل مراة ويتم ابنها 
سامر: شوبدك تحكي مافي ضمير 
المهم هلق نمشي بخطتنا للااخير 
،،،،،،،،،،،،،،،
باليوم التاني  راح امجد عالشركة لعند نزار 
ونزار قبل يوظفو عندو وسلمو وظيفة محاسب 
طلع امجد من مكتب نزار وراح يستلم وظيفتو 
امجد: ايييه واخيرا وصلت ليلي بدي ياه 
بس ارتاح لحتى دوقك يلي دوقتني ياه  
انا مارح ارحمك ياا نزار 
،،،،،،،،،،،،،،،
بتمر الايام وامجد عم يشتغل بشركة نزار  
وعم يستنا الوقت المناسب لحتى ياخد بتارو منو 
بس ياترا شو رح يصير معو 
وشو مخبيتلو الايام 
يتبع،.....

بقلم: ليلى مظلوم

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

52

متابعين

46

متابعهم

2

مقالات مشابة