قسوة شياطين الإنس

وانا صغيره كان ابن عمتي بيحبني كبنته جدا وكان عريس جديد ونازل من ليبيا هو ومراته واسرته يتفسحوا عندنا في اسكندريه في يوم من الايام كان عندنا في البيت وصمم انه ياخذني عنده بيت عمتي اللي هما ماجرينه واقعد معاهم كام يوم بس ابويا رفض بعد كده هو ما سكتش من كتر تعلقه بيا وانه حبني وعايزني اقعد معاهم جالنا نفس اليوم بالليل الفجر وندى على بابا من الشارع وبابا طلع له من الشباك ساعتها قال لبابا نزل لي البنت يا خالي افسحها مع مراتي وهرجعها لك وابويا فعلا وافق

 ونزلني يوميها اخذني انا ومراته وقعدنا على البحر وجاب لي ايس كريم وفسحني وخلاني اصورهم بالكاميرا بتاعته مع اني كنت صغيره جدا لكن حسيت ان مراته مش طايقاني وكل ما يكلمني او يهتم بيا كانت بتقلب وشها عليا وعليه وانا اخذت بالي لان كان عندي ساعتها ست سنين بس قلت يمكن طنط متضايقه من حاجه انا برده مش فاهمه قوي وبعد ما خلصنا الخروجه والمفروض يروحني لكن هو اتصل ببابا واتحايل عليه ياخذني معاه اسبوع وقال له ما تخافش عليها هشيلها في عيني وبابا وافق اليوم ده انا روحت معاهم البيت وزي ما قلت لكم هو نازل مع اهله يعني عمتي موجوده

 وعيالها كلهم مع بعض في نفس الشقه اللي هو نازل مع مراته فيها رحت عندهم وسلمت على بنات عمتي وعمتي وعشوني ونمت وقضيت معاهم يومين تمام وما فيش حاجه ثالث يوم عمتي نزلت راحت مشوار تشتري حاجات وكانت هتتاخر اول ما نزلت من باب الشقه لقيت بناتها بيتصلوا بواحده صاحبتهم ساكنه معاهم في نفس العماره واللي فهمته من المكالمه انهم عايزين هتطين عيشتنا وانا كل ده ما اعرفش هم هيعملوا ايه ولا ايه اصلا الحاجه اللي تخلي عمتي تعمل مشكله ودي صاحبتهم عادي بس عمتي كانت صعبه جدا وجباره والناس كلها بتعمل لها 1000 حساب ولاني كنت طفله بريئه مش فاهمه بيحصل ايه كان عندي فضول اعرف صاحبتهم دي جايه تعمل ايه فعلا جت واول ما جت لقيت بنات عمتي طلعوا ويجروا فتحوا لها وراحوا على المطبخ يعملوا قهوه طب ايه المشكله لحد دلوقتي مش فاهمه

 دي قهوه عادي يعني هم مش بيشربوا حاجه حرام بعد ما خلصوا القهوه لقيتهم بيعملوا حاجه انا كطفله كنت اول مره اشوفها قلبوا الفناجيل كلها وسكتوا كان في سقوط قاتل لو رميت دبوس على الارض هيرن وكلهم ما حدش بينطق وانا قعدت جنب صاحبتهم كانت مغمضه عينيها وبتقول حاجات غريبه في سرها وبتحرك شفايفها ما كنتش عارفه هي بتقول ايه بس شفايفها بتتحرك ساعتها حسيت احساس غريب مع اني ما كنتش خايفه حتى لاني مش فاهمه بيحصل ايه من اصله بس اللي حسيته ان جسمي كله اشعر وشعري وقف كله كان مغمض ما عدا انا واول ما افتحه عينهم الاحساس ده راح وكانها كانت بتحضر جن او خادم الله اعلم فتحت لكل واحده الفنجان بتاعها وجت عندي فنجان بنت عمتي الكبيره وقالت لها حاجه انا ما نسيتهاش لحد دلوقتي اول ما مسكت الفنجان بصيت لي انا شاورت عليا

 بصباعها وقالت لهم هي السبب بنت عمتي  سالتها قالت لها السبب في ايه قالت لا اخوك النهارده هيعمل مشكله كبيره جدا مع مراته وهيكسر ازاز  الباب بتاع الاوضه دي وشاورت على الاوضه قالت لها طب الطفله الصغيره مالها ساعتها عمتي اتصلت في التليفون وقالت انا جايه وقربت اوصل طلعوا ويجروا كلهم وصاحبتهم مشيت وغسلوا الفناجين ونشفوها كان ما فيش حاجه وعمتي جت ووراها على طول جاء ابن عمتي ومراته اول ما دخل هو ومراته دخلوا على اوضتهم وكان شكله وشه غضبان جدا ومتضايق ومتعصب ومراته كذلك وعماله تنفخ وبتبص لي كده باحتكار ودخلوا اوضتهم بعد خمس دقائق بالضبط لقيته بيزعق معاها جامد كان بيقول لها ازاي دي صغيره المفروض عقلك يكون اكبر من كده وكان بيزعق جامد جدا ومتعصب من صوته العالي حطيت ايدي على ودني عشان كنت بخاف من الاصوات العاليه وفجاه رزع الباب جامد جدا وكسر القزاز بتاع الباب كله هنا هنا بدات استوعب وافتكر كلام البنت اللي جت تقرا الفنجان لبنات عمتي اول ما الباب اتكسر بعدها سكوووووووووووت ما فيش غير صوت مراته بس بتعيط رحت انا كمان عيطت وقلت لهم عايزه اروح قالوا لي ما تخافيش مافيش حاجه وفضلوا يهدوني شويه وبنت عمتي طلعت له وقعدت معاه لوحدهم في الصاله وكانوا بيتوشوشوا بس انا كنت سامعاهم لاني كنت قريبه منهم بس ما كانوش اخذين بالهم سمعته بيقول لها متضايقه من البنت الصغيره وبتقول لي انت مهتم بيها وانت جبتها ليه وانت ازاي تفسحني ولا بتفسحها هي ردد بنت عمتي عليه تقول له معقوله متغاظه من طفله صغيره خلاص لو على كده نخليها تمشي قال لها لا انا هخليها عنداً فيها عشان تتعلم تكبر دماغها شويه ساعتها انا اتجرقت ولسه رايحه اقول له انا عايزه اروح اول ما لمحني قال لي امشي من هنا ايه اللي جابك هنا وبرق لي جامد اتخضيت وطلعت اجري واليوم عدى عادي جدا ثاني يوم صحيت لقيتهم كلهم قاموا قبلي وانا لوحدي في الاوضه ببص اول ما فتحت عيني لقيت مراته واقفه قدام الباب بصلي بصه مخيفه جدا وبتبرق لي كده قلت لها في ايه يا طنط بصوت بيرعش كده وفي خوف فضلت بصه ومبرقه لي دقيقتين ومشيت اول ما مشيت طلعت لبنات عمتي بره جري قالوا لي في ايه مالك بتجري ليه كده وفضلوا يضحكوا بصيت لمراه ابن عمتي كده لقيتها بتبص لي وقالت لي هشششششش وحتى صباعها على شفايفها وبتبرق لي قالت لي تعالي معايا نحط الفطار ومسكتني من ايدي ودخلتني معاها المطبخ اول ما دخلنا المطبخ التفتت وبصت لي قالت لي لو ما مشيتيش من هنا هقتلك ولو فتحتي بقك وقلتي اني قلت لك حاجه هقتلك برده انا عايزاك تعيطي وتقولي انا عايزه اروح وما حدش يعرف اني قلت لك حاجه انت فاهمه قلت لها حاضر بس ساعتها

 كنت هعمل على روحي من كتر الرعب واديتني الصحون اللي فيها الفطار وبدات اطلعها وانا قاعده باكل معاهم فضلت تضحك لي وتهزر معايا ولا كان في حاجه وتاكلني من ايديها كمان وانا ما كانش ليا نفس وكانت نفسي مسدوده بس كنت باكل من كتر الخوف بدات اعيط واقول انا عايزه اروح عايزه اشوف ماما وماما وحشتني لقيت ابن عمتي اخذني على رجله وقال لي انت متضايقه من حاجه حد مضايقك وراحوا باصص لمراته كده بس انا خفت وما قلتش حاجه قلت له لا بس ماما وحشتني عايزه ماما قال لي يومين وهتروحي لماما انا لسه هفسحك وهجيب لك عروسه تلعبي بيها وبعدين نزلني جبت له سجاير من سوبر ماركت تحت وحاجات حلوه ليا وقال ليا وقال لي خدي الباقي ليكي ما تعيطيش تاني جبت الحاجات وطلعت ودخلت الحمام وكنت بسيب باب الحمام مفتوح لاني بخاف دخلت عليا الحمام مرات ابن عمتي وقفلت الباب وبدات تقول كلام مش مفهوم وواقفه بصالي وايديها الاثنين

 جنبها مش بتتحرك وبتقول حاجات زي طلاسم ومن بعديها غبت في اللاوعي وصحيت لقيت نفسي في البيت عند بابا ولحد دلوقتي ما اعرفش الفتره دي راحت فين بس اللي حصل لي بعدها ان شخصيتي اتغيرت جدا وبقيت لما حد بيضايقني بفضل ارد بنفس الكلام اللي كانت بتقوله لا اراديا على اللي مضايقني ومن بعدها بيحصل له مشاكل في حياته وحياتي اصبحت واقفه ومش بتتقدم في اي حاجه وكل ما يجي لي عريس ارفضه وللعلم بقيت بقرا الفنجان كويس قوي من ساعه اللي حصل لي من البنت اللي كانت بتقرا الفنجان امي ودتني للشيخ خافت يكون معمول لي عمل او سحر بس كل ما اروح للشيخ يقول لها الله يسهل لكم الحال وما يرضاش يعمل حاجه كانه بيكرشنا قريت الفنجان لكذا حد وكل حاجه بقولها كانت بتحصل فعلا لحد ما عرفت انه حرام وبطلت ومرات ابن عمتي عرفنا بعضها انها ما كانتش بتخلف وجودي كان عامل لها مشكله وبعدها اعترفت له على اللي عملته طلقها وبعد ما طلقها عملت له عمل خليته يقتل نفسه 
تمت