لرحله في عالم الخيال.(الحلقة 6)

ستقلع الان الطائره في سماء الخيال..الرجاء ربط الاحزمه والاستعداد لرحله في عالم الخيال..♡︎✨

﮼خيال ﮼كاتبه✨🤍(الحلقة 6)
طلع كريم من المكتب وهو بيتنطوح يمين وشمال ولسه جي يطلع علي السلم بص علي اوضه زهره فضل باصص ناحيه الاوضه كتير وفجأه فتح الباب ودخل ورزع الباب وراه جامد

قامت زهره مفزوعه من نومها ولاحظت انو مش طبيعي وسكران خصوصا ان ريحته كانت باينه لقته بيقرب ناحيتها براحه فقامت بسرعه وقالت بصدمه : ك.. كريم!!!
كريم بسُكر: بطل والنعمه بطل مشوفتش جمال بالشكل ده 
وكمل وهو بيقرب بخطوات بطيئه: جننتيني من ساعه ما شوفتك
زهره اخدت البطانيه بسرعه من السرير وغطت نفسها بيها لان بجامتها كانت قصيره 
زهره بخوف: ك..كريم بيه ل..لو سمحت ا..انا
ولسه هتكمل لقتو كتم نفسها فجأه
كريم : هششش هنتسلي شويه يا عبير
وضحك بسُكر وزهره اترعبت اكتر وبقت تترعش بين ايدو وفجأه..
مسكها من وسطها جامد وحاول يبوسها بالعافيه وهي بتعافر بكل ما فيها
زهره بصراخ : كريم بيه ، كريم بيه سبيني ارجوك ،ارجوك بقي سيبني 
كريم مش بيرد عليها نهائي وتقريبا كده مش سامعها اساسا 
زهره مستمره في الصريخ بدون توقف وبدأت تبكي : يا كريم، يا كريم عشان خاطري فوق، فوق ونبي 
كريم: ايه يا عبير هي اول مره ولا ايه ما تهدي كده 
زهره بصراخ: انا مش عبير ابعد عنيي

وسط صريخ زهره وتوسلتها اتفتح الباب بقوه وكان زياد واياد ومنه واتصدموا من الشايفينو…فتحت منه النور وجري زياد واياد علي كريم بسرعه يبعدوه عن زهره .. كريم بيحاول يعافر معرفش وفجأه هدي بين ايد زياد واياد وتوقف عن الحركه تمامًا واغمي عليه..
منه صرخت: كريم!
اياد : شيل معايا يا زياد ..يا زياد!!
زياد مش منتبه ليهم وقاعد جمب زهره علي الارض بيحاول يهديها وهي شهقاتها في تزايد وبس 
اياد بزعيق: يا ابني شيل معاايا!!
زهره جاتلها نوبه ربو من الحصلها ونفسها بدأ يروح وشهقاتها بتتعالي بتحاول تتنفس وبترفس برجليها في الارض 
زياد بخضه: زهره! ايه البيحصلك
اياد بسرعه قرب عندهم وقعد علي ركبو قدام زهره 
اياد: عندها ربو يا زياد معاكي بخاخه يا زهره؟؟
زهره شاورت علي درج التسريحه جري زياد بسرعه جبهالها وخدتها زهره وزياد بيلمس علي شعرها عشان يهديها … كل ده تحت مراقبه منه المصدومه ودموعها نازله علي وشها بصمت من الخضه
اياد: شيل معايا كريم نطلعوا فوق وخلي منه مع زهره  
زياد باصص علي زهره مش عايز يسيبها ولكن مش حابب يخضها اكتر من كده هو نفسه اتخض من كريم عمره ما كان بتاع بنات ولا بيشرب للدرجه ده اصلا … قام من قدام زهره وشال كريم هو واياد بصعوبه بسبب لياقه جسده العاليه وطلعوا علي اوضته..

منه كانت مخضوضه اوي من الشافته بس حاولت تتمالك نفسها عشان زهره حالتها اصعب بكتير ،كانت زهره قاعده في زاويه الحيطه وبتعيط جامد اوي وحاطه اديها علي قلبها ،اتقدمت منه ناحيتها وقعدت جمبها وحضنتها وكأن زهره كانت مستنيه الحضن ده قفشت في منه بسرعه وبكاءها زاد اكتر واكتر 
منه : حبيبتي يا زهره اهدي
زهره بشهقات: لو..لو مكنتوش جيتو..لحقت..لحقتوه كان.. كان
منه شددت علي حضنها وقالت: هششش اهدي محصلش حاجه انتِ كويسه
استمر الوضع ده نص ساعه وزهره بتعيط بس

(في اوضه كريم)
حطوه زياد واياد علي سريرو وخرج زياد من الاوضه بسرعه واياد غطا كريم وخرج وراه .. 
زياد كان حاطط ايدو في شعرو وبيلف حوالين نفسو
اياد: يا ابني اهدي شويه 
زياد بعصبيه: اهدي ايه!!! انت مشوفتش لو مكناش لحقناه كان زمانو..
إياد بمقاطعه: ومحصلش يبقي متكبرش الموضوع
زياد : مكبرش الموضوع!! وهي لو كانت اختك المكان زهره كان زمانك قولت كده 
اياد: زياد افهم لو حد عرف الموضوع ده كريم هيتفضح وانت عارف الصحافه بيموتوا في الفضايح وهنتبهدل كلنا وشركتنا هتفلس
زياد كان باصصلو بصدمه : هو ده الهمك!!! الفلوس والشركات
اياد: متكبرهاش بقي ده حته خدامه لا راحه ولا جت هنراضيها بقرشين و..
لسه هيكمل مسكو زياد من قميصه : اقسم بالله لو جيت جمبها او اتكلمت معاها نص كلمه تجرحها لكون مطلع تلاته ميتين الخلفوك ،زهره تخصني

وزقوا ونزل علي تحت وساب اياد مستغرب ومش عارف يتصرف ازاي ..

(عند زهره)

خبط الباب فاتفزعت زهره في حضن منه 
منه : اهدي هتلاقيه زياد او اياد متقلقيش
قامت منه فتحت الباب لقت زياد دخل زياد وراح لزهره
زياد بنبره كلها خوف وقلق: انتِ كويسه يا زهره
زهره : لا ..لا مش كويسه
وقامت من مكانها وراحت علي الدولاب : وهمشي من هنا حالا مش هقعد ربع ثانيه كمان
زياد مسكها من دراعها: يا زهره بطلي جنان احنا الفجر هتروحي فين دلوقتي 
نفضت زهره ايد زياد وقالت: الجنان البجد اني اقعد في مكان زي ده بعد الحصل
منه بتبرير: والله يا زهره كريم مش كده ابدا صدقيني
زهره بصدمه: انتِ يا منه تقولي كده!! طبعا مهو اخوكي هتقولي ايه غير كده انا لو قعدت هنا مش هاخد حق ولا باطل
زياد: محصلش هجبلك حقك وهتشوفي 
منه: يا جماعه اهدوا بس ده كان سكران يعني مكنش في وعيو
زياد بعصبيه مبالغه: يعني يتهجم عليها وتقوليلي سكران!!
منه: يا زياد انت اكتر واحد عارف كريم بذمتك هو كده؟!
زياد سكت فقالت زهره: انا ماليش فيه مش هقعد في بيت اخاف علي نفسي فيه علي ابو الفلوس التخليني اعمل كده 
زياد اتنهد: طيب ممكن تخليكي دلوقتي ونشوف الموضوع ده الصبح
زهره: عشان يجيي يتهجم عليا تاني صح؟
منه: خلاص تعالي نامي معايا في اوضتي 
زياد: صح كده هتحسي بالآمان فكري فيها هتمشي الفجر لوحدك هتلاقي الاوسخ من كده برا والشباب المش تمام ماليه الشوارع زي دلوقتي واهلك كمان هيتخضوا عليكي لو لقوكي جايه دلوقتي 
سكتت زهره ..وبعدين قالت : تمام بس اول ما يطلع النهار انا همشي
مسكتها منه من اديها وشدتها وراها: نشوف الموضوع ده الصبح يلا بينا ننام بس انتِ مرهقه ..خرجوا زهره ومنه وفضل زياد في الاوضه .. فتح دولابها وفضل يقلب مبين هدومها لقي شال صغير احمر اخدوا وقفل الدولاب وطلع من الاوضه..

{خارج الروايه عند غزل}
رنا بصدمه: نهااااار اسوحححح بقي كده يا كريم الكلب ده انت كنت الكراااش
ريم: كان سكران يا رنا الاه
رنا مسكت كوبايه المايه وبتهوش بيها ريم : انتِ هتعملي زي اياد ولا ايه
جمال وهو بيحط فنجان القهوه:اتهدوا بقي يا عيال خليها تكمل 
رنا: سكت هوف
ريم: هي مين عبير الكان كريم بينادي باسمها؟
رنا: اه صحيح مين ده.. مش كفايه هيام الكلب ده بلوه لوحدها
غزل: لسه هنعرف اهو
ريم: يا ساتر عليكي مش بتبلي ريقنا باي حرق صغير كده
غزل: يارب ..يارب الجنه عشان صابره عليهم يارب
جمال: معلش يا حبيبتي امسحيها فيا
غزل: هيح تمام محدش يقاطعني تاني لو سمحتوا بقي عشان بندمج …احم المهم نكمل…

{في الروايه}

(الصبح في اوضه كريم)

صحي كريم وحط ايدو علي راسو من كتر الصداع وغمض عنيه جامد 
كريم : اه يا راسي انا تقلت امبارح في الشرب اوي 
قام اتعدل من السرير وهرش في راسو فجأه فتح عينو بصدمه واتنفض من السرير 
كريم: ينهار اسود ايه الانا هببتوا ده!!!!
افتكر كريم كل حاجه حصلت امبارح واتجنن هو ازاي يعمل كده 
مسك كريم راسو وفضل يلف في الاوضه 
كريم بزعيق وهو بيرضب الحيطه بايدو: غبيي… غبي
راح بسرعه للدولاب طلع قميص وبنطلون تانيين واخد شاور بسرعه عشان ريحه الكحول

(في اوضه منه)
صحيت منه علي صوت ڤيبراشين الموبايل بتاعها اتمطعت بكسل وطلعت موبايلها من تحت المخده وردت بصوت ناعس
منه بنعاس: الو
معاذ : ايوه يا منه صحيتك؟
منه بتوهان من اثر النوم: امم مين معايا
معاذ: ايه يا منه مش عارفه صوتي انا معاذ
قامت منه بسرعه بحماس : معاذ ازيك عامل ايه معلش مش مركزه عشان لسه صاحيه
معاذ بضحك: ولا يهمك يا جميل 
منه بابتسامه: ايه بتتصل بدري كده ليه حلمت بيا؟
معاذ بتسرع: عرفتي منين؟
منه: ها؟!
معاذ : احمم بضحك معاكي يا منه في ايه 
منه ضحكت: ماشي يا خفيف … ايه فاضي النهارده
معاذ: عندي درس كيميا دلوقتي وبعدين انجلش وبليل عربي
منه: يلهوي كل ده 
وكملت بزعل: يا خساره كنت هقولك تيجي تقعد معايا انا فاضيه النهارده
معاذ بسرعه: انا جي
منه ببلاهه: ها؟
معاذ: جي حالا مسافه السكه بس
منه: طب ..طب والدروس؟
معاذ: دروس؟ انا عندي دروس ..ده النهارده يوم اجازتي حتي يلا سلام انا جي 
قفل معاذ من غير ما منه ترد ..بصت منه للموبايل باستغراب وضحكت وبعدين فضلت مبتسمه

زهره اتقلبت علي الناحيه التانيه فمنه بصت عليها وافتكرت الحصل وفجأه قلبها بقي يدق بسرعه وخافت لمعاذ يعرف وميتكلمش معاها تاني بسبب الموضوع ده وتكون خسرت صديقها الوحيد فعزمت في نفسها ان هي لازم تحل الموضوع ده في اسرع وقت ومعاذ ميعرفش ابدا..
منه: زهره…زهره قومي
زهره بنعاس: همم
منه: قومي ماما زمانها صحيت
قامت زهره وفركت عنيها بعدين افتكرت الحصل بسرعه وقامت اتنفضت وبصت لمنه
زهره بجديه: بصي يا منه انا منمتش كويس من التفكير بس انا قررت مش هعمل شوشره ولا اي حاجه همشي من سكات ونهال هانم قوللها اي حاجه بس المهم اني امشي من هنا
منه: يا زهره اسمعيني بس..
وهما بيتكلموا دخل عليهم كريم..
زهره اتخضت وعنيها دمعت علطول ورجعت خطوه لورا لا ارادي منها 
فضلوا هما التلاته ساكتين مش عارفين يقولوا ايه لحد ما قطع كريم الصمت وهو بيتقدم خطوات بسيطه ويقول: ز..زهره انا
زهره وهي حابسه دموعها: لو سمحت ابعد عني اوعي تقرب 
كريم بندم: يا زهره اسمعيني انا والله العظيم ما كنت في وعيي مستحيل اعمل كده واسألي اي حد عن اخلاقي هيقولك كده
زهره: في وعيك او لا انا اسفه مقدرش افضل هنا ولازم امشي
كريم بصدمه: انتِ هتمشي!!
زياد باستهزاء: وانت فاكرها هتفضل هنا بعد الانت عملته 
وقت ما هما بيتكلموا دخل زياد عندهم..
كريم بص لزياد وقال: زياد لو سمحت متدخلش ومتولعش الدنيا اكتر من كده

زياد كان بيبص لكريم بنظره شر اول مره يبصهالو وقاله بقرف: والله معتقدش ممكن تولع اكتر من كده ،وكمل بصوت عالي: تخيل مكناش لحقناك كان ايه الهيحصل ها!!

كريم بعصبيه: عندك حاجه تهدي الموضوع تقولها اتفضل معندكش غور من هنا

زياد زق كريم جامد لورا وكريم ولا اتأثر طبعا متهزش حتي وقال: زهره من دلوقتي تحت حمايتي وياريت تطلع بره وتسيبني انا اتصرف

كريم بص لزهره وقال بزعيق: زهره ..اتفضلي قدامي هنتكلم في مكتبي

لسه زهره هتعترض قال زياد: مش هتفضل لوحدها معاك في حته

مسكه كريم من ياقه قميصه : زياد..فوق كده واظبط كلامك متحسسهاش اني شيطان ومتعود علي كده انت اكتر واحد عارفني وعارف اخلاقي

وقتها دخل اياد علي صوتهم العالي وشافهم بالمنظر ده راح لكريم بسرعه فك ايدو من علي زياد

اياد: انتوا اتهبلتوا ماسكين في خناق بعض كده عشان ايه !! خلاص موقف وعدي وقولنا كريم مكنش في وعيو مش حوار بقي

زهره بصت لزياد وقالت : ده الانا قولته بالظبط يا زياد لو قعدت هنا محدش هيجبلي حقي

بصلها اياد باحتقار: قولي انك عايزه فلوس 
وخلاص ..عمتا هتخدي الانتِ عيزاه وتمشي من هنا تقفلي بوقك ومش عايزين شوشوره ولا شغل بقي كل شويه تطلبي فلوس وتهددينا اتهرست في الافلام 
بصتله زهره بصدمه ومنه بصدمه اكبر!!!
ولسه كريم هيمسك في خناق اياد ويطلع غله فيه دخلت شكريه بسرعه تقولهم ان نهال صحيت وبتسأل ايه البيحصل وسكتوا كلهم معرفوش يقولو ايه فجأه راح كريم ناحيه زهره مسك اديها وخدها معاه عند نهال وزياد ماشي وراهم بيزعق في كريم انه يسيب اديها

(في اوضه نهال)
دخل كريم وفي ايده زهره عند نهال وزهره بتحاول تفك اديها منه مش عارفه كان شادد عليها جامد وجه وراهم زياد قاله كريم بعصبيه: زياد ..اطلع برا متحشرش مناخيرك في الميخصكش

زياد: اهو زهره بقي اكتر حاجه هنا تخصني

كريم مش عارف ليه اتضايق اوي وحس بنار جواه من كلمه زياد ان زهره تخصه .. بيغير؟؟..لا لا هيغير من ايه هو مش بيحبها اصلا ..امال ايه سبب النار ده ملهاش اي تفسير غير الغيره وبس..
طنش كريم افكاره وقال: الموضوع يخصني انا وزهره بعد اذنك اطلع برا
نهال: ممكن افهم فيه ايه وايه الصوت العالي والخناق ده عملتو ايه في البنت 
زياد لسه هيزعق ويقولها الحصل قاطعه صوت كريم وهو بيتكلم من تحت سنانو: زيااد لو سمحت اطلع 
صحيح زياد صاحب كريم من زمان اوي بس ده ميمنعش ان كريم بردو المدير بتاعهم وزياد متعود مش بيرفض اي امر منه فتلاقائيًا سمع الكلام وقبل ما يطلع بص لزهره وقال: انا برا متقلقيش
وطلع بعد كده..

كريم بتنهيده: ماما حصل مشكله كبيره واتمني محدش يدخل فيها غيرك
نهال: قلقتوني كده ايه الحصل ..مالك يا زهره؟؟
زهره عنيها مليانه دموع ومش قادره تتكلم صوتها بيطلع بالعافيه هي مش عارفه نهال هتعمل ايه هتطردها وتديها فلوس عشان تسكت زي ما اياد بيقول ولا هتقف جمبها ولا هتفضحها عشان كريم ميطلعش غلطان ولا هتعمل ايه بالظبط ..بس افتكرت نهال بتحبها قد ايه وازاي هي طيبه وقالت في نفسها مستحيل نهال تعمل اي حاجه من دول فقررت تتكلم 
زهره بدموع: ان..انا كنت نايمه و..وفجأه كريم بيه دخل عليا و..
زهره مش قادره تنطق الكلام ومتوتره اوي وشهقاتها بتزيد خاف كريم يجيلها نوبه ربو دلوقتي فكمل هو كلامها بحزن واختصار: ماما.. انا اتهجمت علي زهره وانا سكران..

نهال فتحت عنيها من الصدمه وسكتت للحظات وحركت الكرسي بتاعها ناحيه صوت كريم وضربته بالقلم جامد من غير مقدمات

شهقت زهره وبصت لكريم وهو مستسلم تمامًا لممته
نهال بعصبيه وصوت عالي اوي: بتتهجم علي بنات الناس يا كريم في اخر الليل ..هي ده اخلاقك وكمان رجعت للسم الهاري البتطفحوا ده تاني

كريم: م..ماما زياد واياد لحقوني واغمي عليا اصلا و..
نهال: من كتر الشرب طبيعي يحصلك كده واياك تطلع حجج وتقول اصل مكنتش في وعيي انت غلطان ..الشرب اصلا غلط وحرام مسمعكش تقول مكنش في ارادتي وكلام فارغ مش هتصحح الغلط بالغلط الحصل ده نتيجه الشرب والشرب اصلا غلطه لوحدها كبيره

كريم بندم: ماما انا معترف اني غلطان والله ومش هطلع اي حجج لنفسي انا بس..بس مش عايزه زهره تمشي
نهال وجهت وشها لزهره وقالت: زهره حبيبتي انا اسفه والله العظيم اسفه وهعملك كل التحبيه واي تعويض تطلبيه الحصل مش حاجه بسيطه ولا نعديها ولو عايزه تمشي مش هقولك لا بس علي الاقل تقبلي مني مرتب كل شهر

زهره:ا..انا مش عايزه حاجه غير الموضوع ميتعرفش لان محدش هيصدقني وممكن يكبروا الموضوع ويتهموني خصوصا ان كريم بيه مشهور والصحافه بتجري ورا اخباره..انا عايشه في حاره يا نهال هانم يعني سمعتي من اقل حاجه بتتهز ومش عايزه اهلي يحطوا راسهم في الارض بسببي

كريم بصلها وقال برجاء: خلاص محدش هيعرف اي حاجه بس ارجوكي افضلي هنا وصدقيني مش هشرب تاني طول مانا في البيت او هرجع البيت
نهال بحزم: مش هتشرب تاني اصلا يا كريم

كريم كمل كلامه لزهره: لو لينا معزه عندك حتي لو صغيره خليكي متمشيش بسببي و..

نهال بهدوء: كريم بعد اذنك سيبني مع زهره لوحدنا
كريم بصلها وبعدين اتنهد وطلع برا..

(في اوضه منه)
اياد رايح جي ومتعصب اوي ومنه بصالو بعدم استعاب للهو قاله 
منه: انت..انت ايه القولته ده انت ازاي تفكيرك كده انا مكنتش متوقعاك كده ابدا

اياد بعصبيه: منه اسكتي خالص دلوقتي انتِ طيبه وعلي نياتك ومتعرفيش الاشكال ده بتعمل ايه انا حافظهم كويس ده خلت زياد وكريم يمسكوا في خناق بعض
منه: مش هي السبب ايه الانت بتقوله ده بس!!زهره طيبه جدا وعمرها ما تعمل كده واراهنك اصلا ان هي المش هتطلب فلوس وهتمشي من سكات

اياد بصلها باستهزاء: مفضلش غير بنت امبارح التقول رأيها الساذج زيها ..منه انتِ عيله صغيره لسه فيايرت تروحي تشوفيلك درس تذكريه ولا كراسه تلوني فيها وملكيش دعوه بمواضيع الكبار

منه بتحب اياد اوي ومن زمان عشان كده اقل كلمه منه تقلل منها بتجرحها جدا …علطول عنيها اتملت بالدموع وخرجت برا الاوضه بسرعه

(عند نهال)
نهال فتحت لزهره اديها وزهره فضلت بصلها بعدم استعاب لحد ما قالت نهال بابتسامه: تعالي في حضني
ابتسمت زهره غصبن عنها من طيبه نهال وراحت قعدت في حضنها 
نهال:يخرابي علي الحضن الحلو ده يبخته الهيتجوزك والله يا بت يا زهره
ابتسمت زهره وسكتت
نهال بتنهيده: بصي يا زهره مش هقولك سمحيه ولا تنسي الحصل ولا اي حاجه كل الطلباه منك تفضلي هنا ومتسبنيش عشان خطري انا انتِ متعرفيش انتِ غاليه عندي قد ايه عارفه انك هتستغربي لاني لسه عرفاكي بس بحبك اوي وغاليه زي ولادي ويمكن اغلي كمان.. فارجوكي تفضلي معايا وتنسي الحصل وهطلب منهم كلهم يتعاملوا علي هذا الاساس 
زهره نهال صعبت عليها اوي وقالت: ط..طيب بس لو اتكر..
نهال بمقاطعه: عمرها ما هتتكرر تاني..بصي انا مش بدافع عن كريم بس هو حقيقي مش كده اوعي تخافي منه او تفهميه غلط اعتبريه كان حلم وحش وعدي بس هطلب منك طلب
زهره:اتفضلي 
نهال: الاول سمحتينا من قلبك وهتفضلي موجوده
زهره بابتسامه جميله زيها: طبعا حد يقدر يقول لحضرتك لا

نهال: حلو انتِ سمحتينا بس عيزاكي قدام كريم تبيني العكس

زهره استغربت فكملت نهال كلامها: دلوقتي هقول انك خلاص هتفضلي قاعده معانا والموضوع محدش هيفتحوا تاني بس اكيد كريم هيجي يتكلم معاكي تاني عيزاكي تبيني انك لسه مسمحتهوش وتغلبيه شويه

لسه زهره هتسأل عن السبب قالت نهال بسرعه: من غير ما تسألي ليه بس اسمعي الكلام ..اتفقنا؟
زهره وهي جايه تقوم: اتفقنا
شدتها نهال تاني: ايه يا بت مش عايزه تقعدي في حضني ولا ايه 
زهره: لا طبعا هو انا اطول
نهال: طبعا تطولي ونص يا سلام
ابتسمتلها زهره اوي هي مش عارفه ليه نهال بتحبها اوي كده بس هي حابه الحب ده ومفتقداه ومفتقده حنيه الام لانها يتيمه فهي حابه الشعور ده اوي

(عند منه في الجنينه)
منه بصوت باين عليه العياط: م..معاذ هتيجي امتي
معاذ: معلش يا منوش طلعلي مشوار كده بعمل مصلحه لواحد صحبي بس وجي علطول نصايه كده
منه: تمام
معاذ: منه انتِ كويسه؟
منه وهي بتكتم عياطها: ا..ايوه
معاذ : انتِ بتعيطي؟
منه: ل..لا بس مضايقه شويه
معاذ: جيلك بسرعه يولع صاحبي
ضحكت منه ضحكه بسيطه وقالت: لا خلص الوراك وتعالي لسه بدري وانا فاضيه
معاذ: خلصانه يا قمر سلام
منه: سلام
قفلت منه الفون وحطته جمبها علي المرجيحه وكملت عياط وقتها جه اياد من وراها وحط ورده قدامها ..لفت منه وشها وبصتله بزعل 
اياد: لا لا مقدرش علي النظره ده 
قلبت منه عنيها وبصت قدامها بعدم اهتمام تاني 
جه اياد حط الورده علي رجلها وطلع قعد جمبها

اياد: احم الورده ده عربون مصالحه هي صحيح من الجنينه بتاعتكوا بس اعتبريها هديه

منه بصتله بدموع فقال اياد: والله هموت نفسي انا ضعيف قدام دموع البنات ده
منه وهي بتبص في الارض: بعد الشر عليك
اياد : ينهار اسود علي الرقه ايه يا بت ده انتِ اخت كريم ازاي افهم

ابتسمت منه وبصتله وقالت بعتاب: تاني يا اياد تجرح فيا قولتلك مش بحبك انت بالذات تتكلم معايا كده وتقلل مني عشان صغيره

اياد: والله العظيم اسف كنت متعصب وطلع فيكي اوعدك مش هتحصل تاني ده انتِ حبيبتي يا ناني
ابتسمت منه وقالت: خلاص صافي يا لبن
قال زياد بغمزه: حليب يا قشطه ،ده علي اساس انك القشطه يعني
ضحكت منه وقالت : بتعاكسني عيني عينك كده
اياد: ينفع القمر بتاعنا الصغنن ميتعاكسش يعني ،وكمل بتحذير: بس انا بس ال اعاكس عشان مطيرش دماغك
منه بثقه: محدش يقدر يعاكسني اصلا عارفين ورايا مين 
حضنها اياد وباسها من راسها: متزعليش بقي يا ناني انا اسف
منه حضنته اكتر وقالت: مش زعلانه خلاص 
وقتها دخل معاذ عندهم ،اتوترت منه وبعدت عن اياد بسرعه
معاذ عنيه طلعت نار وقال: انت ازاي تحضنها كده اصلا وانت مين؟؟؟

(في المطبخ )
ريهام جت جري عليهم : عرفتوا الحصل؟!
هاجر وسندس استغربوا لان ريهام مش بتوجهلهم كلام اساسا ديما ساكته
هاجر: خير يارب
ريهام: مسكوا زهره البنت الجديده ده مع كريم بيه بليل في اوضتها 
شهقت خلود وسندس وقالت خلود: ايه الانتِ بتقوليه ده زهره محترمه مستحيل تعمل كده
سندس : وبعدين عرفتي منين لسه فيكي العاده بتاعت التصنت ده
ريهام: لا ده انا سمعت بالصدفه ،وبعدين انا بتكلم في ايه وانتوا بتتكلموا في ايه ،انا قولت من الاول مكنتش مرتاحلها بتتمسكن لحد ما تتمكن وكريم بيه اخلاقه مش كده تماما انا متأكده ان هي الاستدرجتوا ده بت مش سهله ورخيصه
وقتها سمعوا صوت زعيق كريم : ايه البيحصل هنا!!….

><><><><><><><><><><><><><><>