سمعتو يعيط ياوين

جيت فالشمبرة  قاعدة نستنا فيه قالي وجدي روحك حتى نجي مانيش حابة ڨاع نروح سمعت صوت الباب كي دخل بقيت قاعدة حتى دار دوش ودخل لاح عليا السلام رجعتلو فات الخزانة يلبس ويشوف معايا واشبيك شفت معاه مانيش حابة نروح _علاه ،نسيت واش صرا _مانسيتش ديجا واشبيك مقلقة هكذا ياك يومين 3 ونرجعو مراحش نعيشو ثم ،كيفاش نروح عندهم نسيت كيفاه استقبلوني هذيك الخطرة نسيت يماك كي حاوزتني من دارها _مايهمكش في يما انا راح نروح على وجه ختي اولا ضالة تحاول فيا باه 

نحضر ثانيا على وجه بابا كي شقا لهنا عندي وحاولني نحضر ثالثا قدام الفامليا والعديان مانيش حاب يهدرو علينا ،روح وحدك انا لاه تديني معاك وماتخافش عليا ضك نغلق الباب واحد مراح يوصلني _مستحيل نخليك ورايا زيد انتي مرتي وين نكون انا لازم تكوني معايا لازم تحضري قدام الناس وديجا ماكرهتيش من هذا الجو ماكيش حابة تزهاي وتنحي على خاطرك بقيت ساكتة لبس الفيستا وجا عندي عطاني يدو هيا عمري حكمت يدو ونضت دارني تحت جناحو علاه زعفانة ،مانيش زعفانة خايفة _من واه ،من داركم 

فاميلتكم ناسكم كيفاه ندخل ونقابلهم_ادخلي وراسك مرفوع وماتخافي حتى من واحد ولي قالك كلمة رواحي قوليلي وتشوفي واش نديرلك فيه وهما راهم يعرفو العقلية ماشكيتش واحد يوصلك ،مايوصلكش انت انا يوصلوني _علاه انتي تاع من ماشي تاعي ومدامك تاعي واحد مايجرأ يوصلك وهما علبالهم بهذا الشي ،كيفاه زعما _مدام ديتك ذراع على داركم ودارنا عارفين بلي نعشق فيك وغالية عندي لي يرشك بالما نرشو بالدم شفت معاه باسني  على شفتي هيا نروحو كاش مانشريولك باه الصباح نروحو ،ملا تفوتني للحفافة ندير ليماش _وشنو هذا ليماش ،نضبغ شعري بالاصفر ماشي كامل غير سلبات ضك كي نصبغ ونخلص تشوف كيفاه _معليش نديك ، بصح من ضك نقولك راح نطوب باه ماتبداش تعيط عليا 

نعرفك ديما مزروب _لا خلاص  مانتقلقش،بصح وقتاش عرسها _ غير غدوا يدو القش بعدها الحنة تاعها ،شكون هذا لي داها _واحد اعز صحابي ،ماشي محمد_وانتي وين تعرفيه ،مانعرفوش بصح ديما نسمعك تهدر معاه حتى كي جاتك هذيك الحالة بدل ماتعيط لخوك عيطتلو هو _خاطرو هو كثر من خويا ،ربي يدوم عشرتكم _امين خرجنا حكمنا طاكسي ديراكت لي سونتر كومرسيال بعد 2سوايع باه شريت 3 روب دار بلبلايغ تاعهم قفطان  وطالو باه نلبسو ليلة الحنة وصواري وصندالة نلبسهم كي نروح معاهم وشوية مكياج واكسسوارات وروايح وهو ورايا يعيط والله مانزيد نخرجك تشري حاجة غير من اليوم نجيبلك فالدار وتخيري 2سوايع وانتي دوري بيا ماعجباتك حتى حاجة وانا ساكتة مانيش معاه نشوف مع اللبسة روحي وعقلي اللبسة تاع لعراس كي نشوفهم عينيا يتحلو حنا جينا خارجين شفت صواري برنساس  بيضة لابستها مانكا بروتال  ومعاها ليڨوات تاع دونتال  بالاكسسوارات وصندالة بوشات بقيت نشوف معاها 

داتلي عقلي شفت معاه _الله غالب والله ما نسعا دورو الشي لي عندي شريتهولك ،لا راني نشوف برك _شفتي لاه نخدم ليل مع نهار غير باه مانشوفش هذه النظرة في عينيك تتمناي حاجة ومانقدرش نوفرهالك ، حنا نسا لي مانشبعوش اي حاجة  نشوفوها نسخفو عليها اذا تبعت واش تمنيت مال قارون ومراحش يكفيك _بصح هذه عجباتك درتلو براسي ايه_معليش الخطرة الجاية كي نخدم نشريهالك ،نشالله ملي تزوجنا  يشريلي غير ليا الشي لي يخدمو يقسمو على نص نص باه يخلص بيه الدين ونص يصرفو عليا وعلى الدار فوتني للحفافة وصلني للحفافة  دارتلي ليماش شارجي بلاتيني باج وعدتلي القصة دارتهولي 

كاري شفت النتيجة روعة بصح حابة نشوفو بالسيشوار قاتلي ماتسشوريهش عمريه بالزيت والزبدة وباتي بيه غير روحنا قالي نحي الخمار نشوفك به ،نتيجة ماتبانش ضك حتى يتصشور _معليش وريلي برك نحيت الخمار طلقتو بقا يشوف معايا درتلو براسي واش عطاني بوسة وعض شفتو ضحكت ،وقتاش نروحو _الصباح نروحو لميت حوايجي فالفاليزا الصباح  عيطلو صاحبو باه يعاونو عندو الغاشي ولا قالي العشية حتى ونروحو