الجزء الثاني من رواية (قصة حب قتلت في أرض الصعيد )-قصة حب
-ام علي
انا عايزة بنتك امينه ل علي يا عثمان
-خال علي (عثمان )
ازاي يا حليمة بتتكلمي جد ده علي متربي مع امينه بنتي وزي الاخوات يا حليمة علي يعرف بالكلام ده يا حليمة
-ام علي
ايوة يعرف يا عثمان هو صحيح قللي اقولك انه ميعرفش بس هو اللي قللي عايز امينة بنت خالي وهو مربيها يا عثمان واخوها ازاي ومرضعوش مع بعض ومتخفش يا عثمان يا اخويا هشيلها في عنيا امينه زي بنتي
-عثمان
مش كده يا حليمة انا قصدي ان العيال ممكن ميوافقوش
-ام علي
خلاص يا عثمان شوف امينة وهستنا ردك بس متعوقش يا عثمان عشان علي مستعجل وحابة افرحة وافرح بيه يا عثمان
-عثمان
ان شاء الله يا حليمة اللي فية الخير يقدمة ربنا
وبعد ذهاب ام علي الي منزلها وتنتظر رد اخيها عثمان دار حوار بين عثمان وابنته امينة
-عثمان
بت يا امينه
-امينة
نعم يابا
-عثمان
عايزك فموضوع تعالي اقعدي جنبي هنا
-امينه
حاضر يابا جايه اهو
خير يابا اي الموضوع
-عثمان
انتي عارفة عمتك حليمة كانت هنا لي
-امينه
بتزورك يابا عشان انت عيان
-عثمان
لا في سبب تاني يا امينه يخصك
-امينه
خير يابا
-عثمان
خير يا امينه عمتك كانت بتقول انها عايزة تجوزك ل علي ابنها اي رأيك يا امينه
-امينه
بتبص للارض بخجل ووشها يحمر وبتقول لابوها اللي تشوفة يابا
-عثمان
يعني موافقة يا بنتي انا مرضتش ارد علي عمتك قولت لازم اشورك وانتي عارفة عثمان ومتربيين سوا صحيح عثمان يتيم وغلبان بس هيصونك يا امينه وراجل ملوى هدومة لا يمكن يئذيكي وفالاول والاخر هو ابن عمتك يا امينه
-امينه
بتبص لابوها وهي خجلانه وبتقوله اللي تشوفة يا با
-بعد عدة ايام حوالي ٥ ايام ام علي بتزور اخوها عثمان
-عثمان
ازيك يا حليمة
-ام علي
الحمد لله انت ازيك يا عثمان
-عثمان
بخير يا حليمة الحمد لله
-ام علي
شاورت امينه فالموضوع اللي قولتلك علية يا عثمان
-عثمان
خير يا حليمة متقلقيش شاورتها
-ام علي
ان شاء الله خير يا عثمان يا اخويا ردها كان اي يا عثمان
-عثمان
انتي عارفة يا حليمة امينه طيبة وبنت حلال وانا صراحة مش هلاقي حد اطمن عليها معاه كد علي عشان كده هي موافقة بس عايز علي يجي ونتكلم شوية انا وهو ومتشغليش علي زي ابني
-ام علي
الف بركة يا علي يا اخويا ربنا يتمملهم علي خير ان شاء الله هقول ل علي يجيلك واتكلم معاه
-ثم ذهبت حليمة الي بيتها وهي مسرورة بهذا الخبر وتحمل البشاير لابنها علي وعندما وصلت للمنزل
-علي
خير ياما خالي قلك اي
-ام علي
كل خير يابني الف مبروك يابني بس خالك عايزك بيقول عايز يتكلم معاك شوية
-علي
الله يبارك فيكي يا اما حاضر بعد صلاة العصر هروحله يا اما وهتكلم معاه
-ثم بعد صلاة العصر ذهب علي الي بيت خاله وهو مسرور بالخبر الجميل اللذي سمعة من امه
-علي
ازيك يا خالي
-عثمان
بخير يا علي يابني انت عامل اي
-علي
انا بخير يا خالي
-عثمان
انا كلمتني امك فالموضوع يا علي وانا موافق بس تصون امينه يا علي
-علي
امينه في عنيا يا خال
-عثمان
انا عارفك راجل وهتصونها يا ولدي
-علي
تسلم يا خالي
-عثمان
انا عارف يا علي انك مش جاهز وانا هصبر عليك ولو عايزني اساعد هساعدك
-علي
تسلم يا خالي انا هشتغل ان شاء الله وهجهز قريب يا خال بس عايز اخطبها عشان محدش يفكر يتقدنلها تاني يا خالي
-عثمان
حقك يا ولدي
-علي
انا معايا تمن الشبكة هجبلها الشبكة ونخطبها الخميس اللي جاي يا خال قولت اي
-عثمان
مستعجل لي يا ولدي معاك المهل جهز نفسك براحتك انا قولتلك امينه ليك وانا كد كلامي حتي لو مخطبتهاش
-علي
لا يا خالي انا معايا قرشين كدة محوشهم هجيب الشبكة بيهم
-عثمان
خلاص يا ولدي وانا هوافق بس بشرط متحملش نفسك فوق طاقتك يا ولدي
-علي
حاضر يا خالي
وبعد مرور ٣ ايام وفي يوم الخميس المتفق علي
-علي
يلا يا اما اجهزي وخللي احمد يجهز كمان تلاقي خالي مستنينا
-ام علي
بالراحة يا علي يابني مستعجل لي ما هو خالك مش حد غريب ومفيش معازيم يعني مفيش حاجة لو اتاخرنا ١٠ دقايق
-علي
ياما انا عايز افرح وانتي وابنك مش بتنجزو
-ام علي
منتا عارف يا علي احمد اخوك لازم يتشيك دي مش جديدة عليه كل مره لما يلبس يفضل كده يأخرنا
-احمد (اخو علي )
انتو دايما بترمو اللوم عليا انا جاهز اهو
-علي
طيب يلا يا جماعة عشان منتاخرش
-وبعد ما وصلو بيت عثمان وعلي وامينه اتخطبو وبعد مرور اسبوع من الخطوبة ذهب علي الي بيت خالة لزيارته
-عثمان
شرفت يا علي يابني
-علي
تسلم يا خالي
-عثمان
تشرب اي يا علي يابني
-علي
لا ولا حاجة يا خال انا لقيت نفسي قريب من بيتكم قولت اعدي اسلم عليكم
-عثمان
لا يابني لازم تشرب يا امينه
-امينه نعم يابا
سلمي علي خطيبك واعمليله شاي
-امينه
بكسوف وعينها فالارض ازيك يا علي
-علي
الحمد لله انتي ازيك يا امينه
-امينه
بخير الحمد لله
-عثمان
اعملي شاي لخطيبك يا امينه وتعالي اقعدي مع خطيبك شوية انتو مشفتوش بعض من ايام لما كنتو اطفال وعلي كان بيلاعبك فاكر يا علي
-علي
طبعا يا خال
وبعد حوار طويل دار بين علي وخاله انتهت امينه من اعداد الشاي واتت الي علي وعلي وجهها علامات الكسوف
-عثمان
بص يا علي انا هسيبك تتكلم انت وخطيبتك شوية وهروح اشوف منصور فين
-علي
حاضر يا خال
ذهب خاله وامينه تنظر الي اراض بخجل وعلي ينظر اليها وهو سعيد ولا يصدق انه يجلس مع امينه التي احبها
-علي
مالك هو انتي مكسوفة يا امينه وهو يبتسم
-امينه
لا هتكسف من اي
-علي
وهو مبتسم بس حلوه اوي وانتي مكسوفة ووشك محمر
-امينه
تبتسم ومردتش عليه
-علي
انتي عارفة يا امينه انا ليا فتره مشفتكيش اول مره شفتك فالمستشفي وانا بفكر فيكي وكلمت امي في نفس اليوم انا كنت مفكرك امينه البنت الصغيرة اللي كنت بلاعبها ولما شوفتك كبرتي كده اتفاجئت
-امينه
يعني انت يا علي حبيتني عشان شكلي عجبك ؟
-علي
يا امينه انا عارف روحك وعقلك ومفيش مشكلة لو حبيت شكلك
-امينه بصت لعلي وهي مكسوفة وابتسمت وبصت للارض
-وبعدها رجع ابو امينه وقعد معاهم
-عثمان
قومي يا امينه حضري العشاء لخطيبك
-علي
لا يا عمي امي. هتستناني مش هقدر دلوقتي خليها مره تاني
-عثمان
لي يابني ممكن نكلمها واقولها تتعشي هي واحمد وانت من العيلة يعني قبل ما تكون خطيب بنتي
-علي
معلش يا عمي
يلا استئذن انا
-عثمان
لسة بدري يابني
-علي
معلش يا عمي هبقا اجي تاني
وبعد ما علي مشي امينه فضلت تفكر فالكلام اللي قالهولها علي وكانت مبسوطة لانها هي كانت بتحب علي من هي وصغيرة وحست بالاهتمام منه وعلي فضل يفكر كان بيفكر انه يكلمها بس خايف ان خاله يرد علي التليفون وبعد تفكير كتير قرر علي يكلمها وفضل علي يرن علي امينه وامينه مش بترد
ولما امينه ردت
-علي
ازيك يا امينه
-امينه
بخير مين معايا
-علي
انا علي يا امينه
-امينه كانت مبسوطة وهي بتكلمة بس بتداري وبتحاول تكون تقيلة وهي بتكلمة
-امينه
عايز اي يا علي
-علي
في واحده خطيبها بيقولها ازيك تقولة عايز اي طيب يا ستي هقولك انا كنت بفكر انك زعلانه من كلامي قولت اشوفك وبعدين انا رنيت كتير مبترديش لي
-امينه
لا مش زعلانه يا علي بس انت عارف لو خالك عرف اننا بنتكلم هيعمل اي وكمان انت رقمك مش متسجل عندي عشان كده مكنتش برد علشان مش برد علي ارقام غريبه وجبت رقمي منين
-علي
بالراحة يا بت خالي اي كل الكلام ده انا لقيت رقمك عند عمتك اللي هي امي فاخدته وقولت اكلمك هو انتي مش خطيبتي ولا اي وبعدين انا لو مش بحبك هرن عليكي لي
-امينه
وهي فرحانه بجد يا علي بتحبني
-علي
طبعا يا ست البنات بحبك وكمان بدعي كل صلاة انك تكوني من نصيبي
-امينه
حست انه حس انها اتبسطت طيب انا هقفل لربما ابويا يسمعني وتبقي مصيبه يلا سلام وقفلت
علي فضل يفكر في امينه للصبح وكل شوية نفسة يكلمها بس حس اللي عمله غلط وفكر يكتب كتابهم عشان يبقي حلال انه يكلمها وفكر يروح يطلب من خاله انهم يكتبو الكتاب بس الفرح يتاجل حد ما علي يجهز علي صحي من نومه وكلم خالة وقاله انه هيروح يزورهم
-علي
ازيك يا خال
-عثمان
بخير يا ولدي انت ازيك
- -علي
- بخير يا خالي
- -عثمان
- قولتلي عايزك فموضوع خير يا علي
- -علي
- صراحة يا خال انا عايز اكتب كتابي علي امينه عشان يبقي حلال اني اجيلكم واشوفها واكلمها
- -عثمان
- يا ولدي منا قولتلك معاك المهل نحن مش مستعجلين
- -علي
- عشان خاطري يا عمي عشان محسش بالذنب لما ازوركم واقعد معاها وتكون مراتي علي سنة اللي ورسولة
- -عثمان
- انا نوافق يا ولدي بس بشرط مفيش دخله غير بعد الفرح بتي لازم افرح بيها ولو مش هتقدر تعمل فرح اعملهولكم انا علي حسابي يا ولدي
- -علي
- ربنا يخليك ليا يا خالي وانا موافق ربنا بس يقدرني وهعملها فرح كل البلد تتكلم عنه
- -وبعد ما كتبو الكتاب علي قعد مع امينه في بيت خاله وبيتكلمو
- -علي
- الف مبروك يا عروسة انا مبسوط اوي ومش مصدق انك خلاص بقيتي مراتي
- -امينه
- وهي مكسوفة وبتبص للارض ووشها محمر انا كمان مبسوطة يا علي
- -علي
- طيب بالمناسبة السعيدة دي انا عايز اكلمك علي التليفون بقيتي مراتي بقا
- -امينه
- يا نهار اسود ده لو ابويا عرف المكالمة اللي كلمتهاني كان يقطع خبرنا نحن الاتنين
- -علي
- يا بت بقولك انتي مراتي يعني حلالي وابوكي مش هيتكلم ولو مكنش شرط ابوكي اننا ناجل الدخله للفرح مكنتش هستني لدلوقتي
- -امينه
- بطل رخامه بقا يا علي بتكسف
- -علي
- حاضر يا ستي سكت اهو بس هكلمك لما اروح البيت نفسي انام علي صوتك يا امينه
- -امينه
- بتبتسم ابتسامه خفيفة وبكسوف بتقولة هحاول يا ابن عمتي
- -علي
- اي ابن عمتي دي انا جوزك علي فكرة وكتبنا الكتاب واسمك خلاص بقي مكتوب علي اسمي
- -امينه
- حاضر يا جوزي يلا بقا روح اقعد مع بابا شوية ولو قدرت هكلمك باليل
- -علي
- انتي عايزة تخلصي مني وخلاص انا مش بشبع من كلامي معاكي علي فكرة ولو ينفع كنت ابات عنديكم
- -امينه
- لا مينفعش روح بقا
- -علي
- حاضر هروح
- -وبعد ما علي قعد واتكلم مع خاله عثمان وعلي روح بيته علي رن علي امينه وفضلو يتكلمو كتير فضلو حوالي سنتين وهما كتابهم مكتوب وبيتكلمو وبيستنو اليوم اللي هيبقو مع بعض فيه وفي يوم من الايام اخو علي اتخانق مع واحد من قرايب امينه
- -ام علي
- الحق يا علي يابني اخوك احمد بيتخانق
- -علي
- بيجري علي وبيشوف اخوه وبيلاقي احمد عند خاله اخده عنده وبيكلم احمد اخوه
- -عثمان
- عيب يا احمد اللي عملته ده انا عارف انه غلطان بس انا اجبلك حقك مينفعش تتخانقو كده ومهم كان ده ابوة قريب امك وهتزعل لما تعرف انك اتخانقت معاه
- -علي حقك عليا انا يا خال احمد مش فاهم وانا هفهمة
- علي اخد اخوة وروحو البيت
- -علي
- ادخل يا بطل رايح تتخانق معاهم وعند بيوتهم طيب خاف علي زعل خالك
- -احمد
- هو اللي غلطان علي فكرة
- -ام علي
- اي حصل يابني بتتخانق لي
- -احمد
- بصي ياما هو غلطان وعلي وخالي بيتخانقو معايا انا
- -ام علي.
ملكمش حق يا علي انت وخالك عارفين احمد مؤدب ومبيغلطش في حد بدون سبب
-علي
طيب اعمل اي ياما يعني اروح اتخانق معاهم دول اهلك يا اما وكمان خالي اللي هتجوز بنته ولازم احترمهم
-ام علي بزعل
بس ملكمش حق تزعلو اخوك بالشكل ده
-علي
بصي ياما متشتتونيش انا تعبت ابقا ضد اخويا ولا خالي بس انا مش مستعد اخسر امينه بسبب احمد ابنك قوليله يبعد عنهم خالص وميتشاكلش مع حد من عيلة خالي
-ام علي
وهي بتبصلة بعتاب انت مكنتش كده يابني مش ده احمد اخوك اللي انت مربيه وعمره ما بيغلط في حد انت زمان لما كنت بقولك عمل حاجة كنت تقولي يتيم وبتحاول تفرحة دلوقتي بقيت ضد اخوك
-علي
انا مش ضدة ياما بس يخلي باله هو اخويا والتاني خالي انا مش عايز اخسر حد ياما
-وبعد ٤ سنين حب بين علي وامينه وعلي كان قاعد بياكل هو وامه واحمد اخوه كان بيجيب طلبات حد كان بينده علي علي
-ام علي
خليك يابني كمل اكلك هشوف مين
-خرجت ام علي بتشوف مين بينده واللي بينده بيقولها الحقي يا ام علي ابنك احمد
-ام علي
ماله احمد ابني
-قلها ابنك احمد اتخانق مع عيلة اخوكي واتضرب بالناار
-ام علي
بصويت الحق اخوك يا علي اخوك مات يا علي ودخلت في غيبوبة
-علي
خرج يجري علي امه وبيقول للراجل انت قولتلها اي قاله اخوك احمد علي قاله ماله احمد الراجل اتخانق مع خوالك واتضرب بالنار
-علي
ساب امه وخرج يجري علي اخوه وللاسف وصل لقي الشرطة جات واخدت جثة احمد اخوة وبعد ما مات خلاص فضل علي مع امه فالمستشفي ولما فاقت بتصرخ وتقول احمد ابني حصله اي يا علي
-علي
مفيش يا اما وهو منهار من جواه ومش عارف يقولها ازاي انه مات
-ام علي
احمد مات صح هتقدر تعيش من غير احمد يا علي وتصرخ وتقوله لو انت هتقدر انا مش هقدر يا علي
وبعد ما علي استلم جثة احمد اخوه ووعملو مراسم الدفن وكانت جنازة كبيرة كل البلد حاضرة جنازة احمد اخو علي ما عادا خال علي عشان الخناقة كانت مع عيلته محضرش هو ولا حتي ولاده
-ام علي وهي منهارة
هتجيب تار اخوك يا علي هتحرق قلبهم زي ما حرقو قلبنا علي احمد وعلي صامت مش بيتكلم ومصدوم ازاي هيقف ضد خاله اللي بيحبه وبيحب بنته وكام شهر وهيتجوزو بعد ما انتهو من الجنازة والعزاء اهل علي فضلو يقنعوة يقتل اي حد من عيلة خواله لانهم قتلو اخوه وام علي بتتكلم معاه
-ام علي
بص يابني لازم تاخد تار اخوك وهتقتل حد منهم
-علي
- ياما دول اهلك انتي نسيتي
- -ام علي
- اهلي حرقو دمي علي ابني واخويا ميحضرش جنازة ابني انت لازم تحرققلبة علي ولادة زي ما وجع قلبي انا كنت حاسة انهم مش هيسكتو غير لما يقتلو اخوك مكانوش بيحبوة وكمان خالك دايما كان بيجي عليه ولا هو عشان يتيم لو ابوك قاعد يا علي كان جاب تار اخوك في نفس اليوم اللي اتقتل فيه
- -علي
- بس ده خالي ياما وبنته لسه مراتي وانا بحبها وهي كمان
- -ام علي
- هتطلقها يا ولدي
- -علي
- مستحيل يا اما هي زنبها اي
- -ام علي
- قلبي وربي غضبانين عليك يا علي حد ما تجيب تار اخوك وتطلق بنتهم
- - علي كلم امينه وهو منهار وحكالها كل حاجة وامينه طول المكالمه تعيط وتقولة متسيبنيش يا علي
- -عثمان (ابو امينه )
- بتكلمي مين يا بنتي
- ودخل الاوضة لقيها بتعيط وحضنها وقلها متخافيش يا امينه هطلقك منه واجوزك اللي احسن منه
- -امينه
- اي اللي بتقولة ده يا ابوي ده علي
- -عثمان
- انا عارف انه زفت هطلقك
- -امينه
- وانا مش عايزة غير علي يا ابوي
- -عثمان
- علي مينفعش ليكي ودلوقتي في تار بينا وبينهم هتجيبي الدهب وكل حاجة جابهالك وهتطلقي
- -امينه وهي بتعيط
- بلاش يا ابوي حرام عليك
- -عثمان
- هتكسري كلمة ابوكي يا امينه
- -امينة وهي مكسورة وبتعيط
- لا يا ابوي وجابتله كل حاجة جابهالها علي
- -عثمان
- رن علي علي
- بص ياةعلي هتيجي تاخد حاجتك وتطلق بنتي ومتقربش هنا تاني
- -علي
- لي يا خالي انا بعت اهلي عشانكم واتنازلت عن تار اخويا ومش راضي اقتل حد منكم وواقف ضد عيلتي عشان امينه يا خال
- -عثمان بعصبيه
- متقولش خال تاني كل اللي بينا دم يا علي هستناك تيجي تاخد حاجتك وتبعد عن امينه
- -علي
- بصوت مكسور وحزين حاضر يا خال
- وعلي مقدرش يروح ولا ياخد حاجته ورفض يطلق امينه وبعد مرور ٣ اشهر علي كان معزوم في فرح وكان الفرح مليان سلاح وضرب نار من عادات الصعيد وخال علي كان عارف ان علي معزوم فالفرح
- -عثمان
- منصور يا ولدي
- -منصور (ابن عثمان)
- نعم يا ابوي
- -عثمان
- عايزك تروح تستني علي عند الزرعة بتاعة الدرة وهو وراجع من الفرح متجيش غير وانت قاتله
- -منصور
- كيف يا ابوي وامينه علي زمته وبعدين ده علي يا ابوي ده غير احمد وغير احد حد دخل بيتنا واكل عيش وملح ورفض ياخد تار اخوه عشانا يابوي ومرضيش يقتل حد فينا
- -عثمان
- افيهم يا واد يا عبيط علي هيجي يوم وياخد تار اخوة ولازم نخلص عليه قبل ما هو يحرق قلبي علي حد فيكم
- -منصور سامحني يا ابوي مش هقدر اقتل ابن عمتي ابعت اي حد غيري
- -عثمان
- بعصبيه هتروح يا منصور ولو مروحتش هغضب عليك ليوم الدين
- وجاب سلاح بندقية الي وعطاه لمنصور
- منصور اخد السلاح وهو بيفكر هيعمل كده ازاي وراح الزرعه وعلي وهو راجع من الفرح وعاطي الامان ومش معاه سلاح منصور قتله علي اخد ٢٤ رصاصة منهم ٤ رصاصات في قلبه قلبة اللي حب بيه امينه وام علي لما جالها الخبر متحملتش فراق ولادها الاتنين وماتت وامينه كانت ضحية الحب اللي اتدفن في ارض الصعيد كانت ضحية لانانية ابوها اللي محسش بيها ولا حتي حس ب علي ابن اخته ولا حتي حس بقلب اخته اللي اتحرق علي ولادها وموقفش مع اخته كان نفسي النهاية تكون سعيدة ولكن احيانا بيكون واجب علينا اننا نعرف ان زي ما في نهايات للحب سعيدة بتنتهي بالزواج بردو في نهايات بتنتهي بدمار اسرة كامله
- النهاية ……
