التطبيق الاصلي من الدارك ويب (لعبة جثث) يدلك علي اماكن جثث في شنطة سفر تجربه اكثر من الرعب الجزء الثالث

في الحلقه اللي فاتت عرفنا ان لايم كان عاملني طعم

 

 وقبل ما اروح في النوم سمعته هو بيتكلم حد في التليفون وبيقول له يحول لي الفلوس اللي اتفقوا عليها لانه قدر يوقع ريد روم في مصر وانه بكده هيخليه يقدر يفتح ريد روم من غير ما يحصل له اي مشاكل. طبعا اول ما فقت من النوم قمت ادور زي المجنون على الموبايل بتاعي لما لقتوش ابتديت ازعق دخلت عليا ممرضه في ايه اهدى قلت لها الموبايل فين انا محتاج اكلم الشرطه دلوقتي حالا في مصيبه هتحصل واحنا محتاجين نلحق نوقفها طبعا الممرضه اتخضت جدا طيب حاضر اهد اهدى وراحت مكلمه في التليفون بتاعها قالت لي خلاص الضابط المسؤول كان سايب لي رقمه وهو هيجي عشان يحقق معاك كده علشان الاحداث اللي حصلت معاك في الريد روم فعلا مافيش

 نص ساعه ولقيت الضابط جالي عرفني بنفسه كان اسمه ماجد قال لي ان هو الضابط المسؤول عن الحادثه اللي حصلت لي ديت وابتدى يسمع مني ابتديت احكي له بقى الاحداث اللي حصلت وقلت له ان لايم دوت هو المتسبب في كل حاجه وان هو كان عاملني طعم وان هو بني ادم مش كويس قال لي لايم مين قلت له لايم ده اللي جه معايا في المستشفى وكان معايا هنا في الاوضه ده حتى هو اللي بلغ عن الموضوع بتاع الريد روم دوت يعني هو اللي بلغ فانتوا جيتوا لي وانقذتوني طب انت تعرف ايه عن لايم اديته بقى العنوان اللي انا اعرفه بتاع لايم ورقم تليفونه ورقم موبايله اديته كل حاجه اعرفها عن لايم فقال لي طيب احنا هنعمل التحقيقات بتاعتنا وهنرجع لك ثاني روحت البيت ثاني يوم

.

 وانا قاعد بتغدى موبايلي رن فرديت لقيت الضابط ماجد ازيك عامل ايه قلت له تمام الحمد لله قال لي بص احنا مبدئيا اللي بلغ عن موضوع الريد روم دوت عشان كده احنا اتحركنا ده كان واحده مش واحد اصلا وما نعرفش هي مين ثاني حاجه تسجيلات الكاميرات كلها عشان نشوف مين اللي كان معاك وانت داخل المستشفى ممسوحه كان في ايرور في السيستم في الوقت دوت وما فيش حاجه اتسجلت قالوا بالنسبه للعنوان اللي انت اديته لنا اللي كان قاعد فيه لايم احنا رحنا فعلا ولقينا ما فيش اي حد في البيت ولما سالنا لقينا ان صاحب البيت ده مسافر كندا وما نزلش بقىه كذا سنه وطبعا خط الموبايل كان مضروب يعني قعدت كده سرحت ده كان الضابط بيتكلم عن شخص مالوش وجود اصلا الضابط لما لقاني قلقان ومصدوم كده وانا بكلمه فراح قال لي طب خلاص بص ده رقمي اللي انا بكلمك منه سجله لو في اي حاجه غريبه حصلت لك او شكيت في اي حاجه او قدرت توصل وصل لاي حاجه كلمني في اي وقت فشكرته وقفلت معاه بعد اسبوع لقيت سيف صاحبي

 بيكلمني بيطمن عليا كان بقى لي طبعا اسبوع ما بخلش من البيت خالص كنت مخنوق شويه قال لي بقول لك ريان نازل من السعوديه ايه رايك لو نزلنا وقابلناه سوا طبعا انا كنت مخنوق جدا بقىي اسبوع ما بنزلش وزهقان فما صدقت بصراحه ده غير ان ريان اصلا كان واحشني بقى لي فتره كبيره ما شفتوش بالليل بقى قعدنا مع بعض على الكافيه وقعدنا بقى نفتكر الذكريات الحلوه اللي كنا بنقضيها مع بعض ونضحك ونهزر واحنا قاعدين مع بعض ريان جت له رساله على الموبايل فبص على الموبايل وقعد سرحان كده شويه وقال اخيرا قلنا له في ايه الاخيرا دوت قال لي ان هو كان مسجل في لعبه اللعبه ديت عباره عن محكاه للواقع بتدي له مهمات وان هو بيعملها واللعبه

 ديت كانت بتساله شويه اسئله والمفروض ان هو بيجاوب على الاسئله ديت ويتقبل او ما يتقبلش قلت له طب وايه الاستفاده يعني ان انت تعمل مهمات ديت قال لي ان هم بيدوا جوائز قيمه فقلت له جوايز قيمه ازاي يعني طب انت تعرف حد كسب قبل كده قال لي اه انا ل واحد صاحبي كسب موبايل ايفون ده واحد من ضمن جوايز كتير قلت له طب ما تقول لي اسم الابلكيشن ايه عشان انزله قال لي لا ما الابلكيشن ده مش موجود على الستور قلت له طب امال انت بتحطه على الموبايل ازاي قال لا ما احنا بنبعته لبعض قلت له طيب خلاص طب ابعته لي كده صراحه جو المغامره شدني وكمان الجوايز حلوه فاخدت الموضوع زي تحدي كده يعني راح بعت لي الابلكيشن عملت له سيت اب طلع لي شكل زي بومه سودا كده وابتديت افتحه ابتدى يسالني شويه اسئله اسئله بقى بتحب ايه ما بتحبش ايه افضل لون ليك بتصحى الساعه كام بتنام الساعه كام لو واحد صاحبك ضايقك ممكن تعمل فيه ايه؟ ايه اكثر حاجه مجنونه عملتها؟ ايه اكث حاجه بتحبها في

 

 التكنولوجيا والالعاب؟ كلها كانت اسئله شخصيه معاك عربيه ولا معكش كانت عباره عن اختيارات فجاوبتها على طول وبعد لما خلصت وقلت سبت كتب لي جاري ارسال البيانات وهنرد عليكم قريبا بس فرحت قافل الموبايل وحطه في جيبي وابتدينا بقى نكمل قعدتنا عادي مع بعض قمنا روحنا على الساعه 2ين بالليل روحت البيت دخلت نمت الساعه 5:00 الفجر لقيت في رنه مزعجه جدا بترن على موبايل قمت مخ مغضو ايه ده مسكت الموبايل لقيت الابلكيشن اللي انا عامل له سيت اب اول مهمه طلعت لي من اصل السبع مهمات والجايزه هتبقى بلاي ستيشن 4 طبعا حاجه ما تترفضش فتحت الميشن ديت او المهمه ديت لقيت زي اللوكيشن على الجي بي اس ومبعوث لي الاحداثيات بتاعته وفي زي بيت ان انا هروح هعمل على الارض علامه اكس بعلبه سبراي لونها احمر هتبقى موجوده قريب منه وابتدى كاونت داون يعد زي عد تنازلي كده كان حوالي 20 دقيقه طبعا ايه الحق رحت لابس بسرعه هدومي ورحت نازل طاير على العربيه رحت مدور ورحت رايح على اللوكيشن دوت فعلا لقيت المكان ولقيت علبه السبراي قريبه رحت واخدها ورحت عامل الاكس في الارض قدام البيت ورحت مصور الاكس ورحت رافعها على الابلكيشن لان انت كل مشن المفروض ان انت تصور وتبعت لهم الحاجه اللي انت عملتها بعد ما فيش ثلاث دقاق لقيته راح لي صح كده بالاخضر على اول مهمه ولسه فاضل ست مهمات تحتيها قلت طب ما الموضوع سهل هو عبيط يعني ده لو على كده ويدوني بلاي ستيشن 4 طبعا تحفه يعني كنت واخد بعضي ورحت مروح على البيت وكملت بقى نوم. ثاني يوم الساعه 3: الفجر نفس الرنه المزعجه صحيت مغضوط طبعا انا مش متعود على الرنه ديت وللاسف ما كانش ينفع تتغير حاولت اغيرها ما كانش ينفع ببص لقيت المهمه الثانيه كانت عباره عن ان انت هتروح عند بيت وتصوره بس ومحطوط لي الاحداثيات بتاعه البيت وابتدى برده عدى تنازلي يعد كان 30 دقيقه كان المكان بعيد سنه يعني نزلت طبعا جري رحت واخد العربيه ورحت رايح على البيت ورحت رايح لحد هناك مصور البيت كان بيت مهجور صورته ورحت رافع الصوره بعديها كم دقيقه لقيته راح عامل لي صح على سكند مشن او المهمه الثانيه يا دوبك دخلت العربيه وبدور ولسه بتحرك لقيت الابلكيشن راح بعت لي مهمه ثانيه قلت طب كويس بدل ما كل يوم يقعد يصحيني في سبعه ايام اهو هننجز فتحت المهمه كانت عباره عن ان انا هقابل واحد ومبعوط لي صورته كان شكله ابن ناس في في العشرينات 24 23 سنه وان دوت برده مشترك في اللعبه وهاخد منه صندوق وهسيب الصندوق دوت في مكان ثاني ومبعوط لي برده اللوكيشن اللي هسيب فيه الصندوق في المكان الثاني المفروض ان الكلام ده كله هيحصل خلال 25 دقيقه ومكتوب تحت تحذير عند فتحك للصندوق هيتم شطب اسمك نهائيا من اللعبه ومكتوب تحت التحذير ان انا لازم علشان استلم الصندوق دوت ويرضى الولد ده يديه لي ان انا لازم اقول له كلمه السر اللي هي دارك اول وابتدى العد التنازلي طبعا خدت العربيه وطرت على اللوكيشن بس كان الغريب في الموضوع ان اللوكيشن دوت على طريق سريع فالموضوع كان مؤلق بس طبعا انا قلت هي بص جو مغامره يعني اللي بيلعب ده اكيد مشترك زي وزي فطمنت نفسي يعني طبعا الوقت كان ضايق جدا فكنت بجري جامد لحد لما وصلت اللوكيشن ولقيت فعلا في واحد واقف قفلت العربيه ونزلت ورحت رايح له لقيته هو نفس الولد فعلا بس شكله مبهدل ومتوتر جدا وقلقان فقلت له دارك اول راح قال لي دارك اول وراح مديني الصندوق الصندوق كان عباره يعني قد كده قد علبه شيبسي مش كبير بس كان ثقيل وكان مليان اتقفل بالسلوتيب من كل ناحيه ما فيش حته في ما عليهاش سولوتيب متقفل كله بالسولوتب اللي لفت انتباهي كانت ريحته غريبه شويه خدت الصندوق ورميته في العربيه طبعا الفضول هيقتلني افتح الصندوق اعرف ايه اللي جواه بس في نفس الوقت انا ما عنديش استعداد ان انا اخسر المهمه يعني يعني وطرت على المكان اللوكيشن اللي مكتوب لي ان انا هحط فيه الصندوق رحت اللوكيشن دوت كان زي جنينه كبيره وفي حته محذوفه شويه خدت الصندوق حطيته ورحت مصور بالموبايل ورحت رافع لهم الصوره لقيته راح كاتب لي على المهمه الثالثه صح بالاخضر كده انا خلصت ثلاث مهمات بس طبعا المهمات كل ماده بتبقى اصعب. ببص كده لقيت في 3ثلاه جايين من بعيد لابسين ماسكات لونها ابيض وطالعين بيجروا عليا اثنين منهم ماسكين عصايه بسور وواحد ماسك سكينه طبعا انا شفتهم بيجروا عليا ما فيش حد يجروا

 عليه غيري انا الوحيد اللي كنت موجود في الوقت ده طلعت جريت على العربيه حظي ان انا كنت سايب العربيه دايره طبعا نطيت جوه العربيه ورحت قافل الباب وقافل اللوكات وطالع اجري طبعا قعدوا يخبطوا بالعصيان على العربيه بس كنت انا الحمد لله جريت يعني ما لحقنيش خالص روحت البيت وانا بقى متوتر جدا قاعده افتكر اللي حصل وايه اللي كان ممكن يحصل لو ما كنتش لحقت اجري وكانت العربيه مش دايره والمفتاح في العربيه ده كانوا ممكن يخطفوني ولا يقتلوني طبعا من كتر الرعب انا ما عرفتش انام بالليل دماغي قاعده تودي وتجيب ما قدرتش انام فضلت مطبق لحد ثاني يوم ثاني يوم الساعه 9:00 بالليل لقيت الموبايل رن ببص دي كانت المهمه الرابعه فتحتها لقيت لوكيشن وصوره بيت مهجور وان انا المفروض اخش جوه البيت دوت هلاقي كرتونه هكتب عليها بلاك اول باس فروم هير يعني البومه السودا عدت من هنا وابتدى العد التنازلي 30 دقيقه انا كنت مرعوب من الحوار اللي حصل لي اخر مره بتاع الناس اللي طلعوا عليا فقعدت افكر انا ممكن اممن نفسي ازاي قبل ما انزل اروح حاجه زي كده فافتكرت انا اخويا كان معاه مسدس صوت شايله في الدر انا هاخده حتى اخوف بيه اي حد يعني حد هيشوف مسدس هيقلب مش هيفكر بقى ده صوت ولا مش صوت رحت واخده معايا ولابسرعه ونازل رحت فعلا لحد اللوكيشن دوت لقيت البيت مهجور رحت راكن العربيه بعيد شويه كان بيت كبير قوي ومهجور شبابيك مكسر وببان مكسره دخلت نطيت من جوه شباك فتحت كشاف الموبايل وقعدت الف في الاوض لحد لما لقيت الورقه الكرتون ديت رحت كاتب فيها تقال لي عليه ورحت مصور ورحت باعت ورحت عند العربيه بس كان عندي فضول اعرف مين اللي هيروح بعدي وهيعمل ايه ففضلت قاعد جوه العربيه ومراقب البيت دوت اشوف ايه اللي هيحصل فعلا في واحد جه بعربيه ونزل شنطه سفر وراح داخل بيها جوه البيت وشفت نور بتاع فلاش زي ما يكون بيصور فقلت ده اكيد لاعب وبرده برده مطلوب منه يحط الشنطه ديت ويصورها ورجع على العربيه راح مدور وراح جاري بالعربيه انا كنت هموت واعرف ايه اللي جوه الشنطه ديت اللي الراجل صورها بتاعه الميشن بتاعته زي ما بالظبط اخر مره كان معايا الصندوق كنت هموت واعرف ايه اللي جواه بس ما قدرتش افتحه طبعا لان كان هتعمل لي بلوك بس دي طبعا مش المهمه بتاعتي فماحدش هيعمل لي بلوك فقلت طب انا هنزل بسرعه واشوف في ايه في الشنطه ديت قفلت العربيه ورحت نازل ودخلت البيتاني طلعت كشاف الموبايل وقعدت ادور فين فين فين المهم لقيت الشنطه في اوضه في الدور الثاني ابتديت افتح الشنطه لقيت كيس بلاستيك اسود متقفل برده بسولوتب جامد وكان نفس ريحه الصندوق اللي كان معايا في المهمه بتاعتي قعدت حاول افك في السلوتب بس كانت الصدمه ان انا لقيت جثه بني ادم جوه الشنطه ديت اول ما شفتها رحت مرجع على جنب وحسيت ان انا دايخ وما كنتش عارف اعمل ايه اول حاجه عملتها رحت مطلع الموبايل ورحت متصل برايان اول ما رد عليا قلت له انت جبت الابلكيشن الزفت ده منين؟ قال لي طب في ايه طمني قلت له انت جبت الابليكي كيشن ده منين؟ قال لي ده واحد صاحبي بعته لي زي ما انا بعتتهولك بالظبط قلت له صاحبك جابه منين؟ قال لي ماعرفش بس كان بيقول تقريبا من الدارك ويب او حاجه زي كده قلت له انت فين دلوقتي؟ قال لي انا لسه الابلكيشن دوت باعت لي مهمه اروح عند بيت واصوره ولسه مصور البيت دوت قلت له طب ابعت لي اللوكيشن بتاعك وخليك بس اقف بعيد ما تقربش من البيت قال لي طب طمني في ايه؟ قلت له ابلكيشن الزفت دوت انا لقيت جثه بني ادم جوه شنطه من الابلكيشن دوت قال لي يا نهار ابيض قلت له ما تقلقش انا جايلك دلوقتي خليك بس في مكانك واقف بعيد قفلت معاه فعلا راح بعت لي اللوكيشن رحت جريت على العربيه وابتديت ادور واتجهت على اللوكيشن ده وانا في الطريق رحت متصل بالضابط ماجد قلت له معلش انا بصحك انا عارف ان الوقت متاخر بس الموضوع فيه كارثه كبيره بتحصل ابتديت احكي له على الابلكيشن وابتديت احكي له على اللي حصل قال لي طب بس اهد ابعت لي اللوكيشن وانا هاجي لك اهم حاجه انت وصاحبك ريان ابعدوا عن المكان ده خالص ما حدش يروح هناك دلوقتي خالص واحنا هنتصرف قلت له طيب حاضر ماشي طبعا قفلت معاه رحت باعت له اللوكيشن ورحت لريان اول ما قابلت ريان قلت له انت ايه اللي حصل انت مراقب البيت؟ قال لي اه في واحد برده دخل وحط كرتونه جوه البيت قلت له كرتونه معموله بسولوتب وكده قال لي اه قال لي طب انت احكي لي ابتديت احكي له اللي حصل ما فيش خمس دقاق ولقيت عربيه جيب جت وركنت قدام البيت ونزل منها واحد بدقق كده وابص لقيته لايم اول ما شفت لايم ما حسيتش بنفسي رحت طالع جاري على البيت واخد المسدس الصوت ده معايا ريان طالع جري ورايا قعد يحاول يشدني رحت زقه ورحت جاري على طول داخل على البيت اول ما شفت لاين شفته كان بيشيل الصندوق رحت حاطط المسدس في دماغه قلت له هو انت اللي ورا الكلام دوت فبص لي قال لي سليمان اهد بس الموضوع اكبر مني ومنك انا مجرد ترس في مكنه قلت له الجثث دي جثث مين والابلكيشن ده بتاع ايه انت اللي عامله فراح سايب الكرتونه من ايده وراح بصص ليفلي قال لي الابلكيشن دوت انا مجرد ادمن عليه مش اكتر لكن مش انا اللي عامله قال لي وبالنسبه للجثث دي من الريد روم والابلكيشن دوت بيساعدنا ان احنا نبعد عننا الشبهات قلت له انت بجد وس سخ قوي وتبعد عنكم الشبهات ازاي؟ قال لي يعني انت دلوقتي شريك معانا فبصيت له الشريك معاكم؟ قال لي اه وده كنت هتعرفه في المهمه الاخيره لان انت كان هيطلب منك مهمات ثاني دي مش هتبقى اخر مهمه ده كده يعتبر كانت البدايه قال عموما لو حابب تعرف الصندوق ده فيه ايه ده فيه الراس بتاعته الجثه والشنطه بيبقى فيها الجسم ولو حابب تعرف انت شريك معانا ازاي انت شريك لان انت رحت وديت صندوق والصندوق ده عليه كله بصماتك والناس اللي طلعت جريت وراك ساعه لما حطيت الصندوق دي كانت تبعنا لان انا كنت عايز ابعدك عن الاب الابلكيشن ده خالص لان انا كنت عارف ان انت هتعمل لنا مشاكل بس للاسف انت كملت وكمان رحت اللوكيشن اللي فيه الجثه وكتبت بخط ايدك جوه البيت وطلعت كمان فتحت الشنطه يعني كمان بصماتك بقت على الشنطه والدي ان ايه بتاعك بقى في كل حته في البيت يعني انت شريك معانا قال لي وانا هنا بسببك لان انت فتحت الشنطه وعرفت ايه اللي فيها وكمان رحت بلغت فانا دلوقتي المفروض ان انا اخفي كل الحاجات ديت اي اثر لينا لازم يختفي النهارده قلت له انت ازاي بتعمل كده؟ انت كل حاجه شمال انت داخل فيها. قلت له بعدين انت عرفت منين ان انا بلغت؟ ببص لقيت في ظابط في ضهري ماجد مطلع المسدس وموجهه على لايم فبصيت للظابط ماجد ورحت باصص للايم قلت له انا نسيت اقول لك ان انا بلغت الشرطه وان انت مهما كنت ذكي وبتهرب وبتمحي اثارك بس اكيد طبعا هيبقى ليك واقعه لان اللي زيك ما لهمش غير مكان واحد في السجن فلقيت الضابط ماجد ما تتحركش مكانك ماتحركش وبعدين بص لي قال لي ايه ايه المسدس اللي في ايدك ده يا

.

 سليمان قلت له لا ده مسدس صوت ما تقلقش قال لي طب هاته مديه له لقيت الضابط راح موجه المسدس على دماغي وبص اللايف قال له لم اللي انت عملته ده كله انت عملت لنا كميه مشاكل فيضويه اتفضل اخفي الصندوق ده بسرعه طبعا انا جت لي صدمه وزهول لايم راح واخد الصندوق وراح طالع بره البيت فبصيت لماجد الظابط دوت وقلت له انت هتسيبه يمشي انت فين شرف المهنه بتاعك فقعد

.

 يضحك وقال لي انا عايز اقول لك ان انا مش ظابط بس اعترف ان انا قدرت امثل الدور كويس وقعد يضحك وبعدين قال لي انت اللي اضطرت اننا نعمل كده قلت له هتعمل ايه قال لي هقتلك يعني يعني هعمل ايه ولسه بيودي المسدس عليا لقيت سرينه بوليس في كل حته في المكان الشرطه جت واتدخلت ابتدى يحصل تبادل اطلاق نار وضربوه واتقتل ومات بعدين عرفت ان ريان هو اللي بلغ الشرطه خدونا على الاسم بتاع الشرطه عشان يحققوا معايا انا وريان حكيت لهم كل اللي حصل معايا واديتهم الاماكن وكل حاجه فالظابط

.

 راح مكلم واحد في التليفون وراح مدي له الاماكن اللي احنا قلنا له عليها وكل الاماكن اللي احنا رحناها من الابلكيشن دوت انا وريان وبعدين قال لي انا عايز اشوف الابلكيشن دوت طلعت الموبايل من جيبي ولسه ببص على الابلكيشن ما لقيتش مكانه ابليكيشن مختفي زي ما يكون حد مسحه بدور على السورس عشان اعمل له انستوليشن ثاني ما لقيتش السورس السورس اتمسح

.

 ريان برده نفس الكلام مطلع الموبايل وبيدور ما فيش البرنامج اتمسح والسورس اتمسح من عنده طبعا

 الضابط بص لنا باستغراب جدا كده ازاي يعني اننا ما نعرفش طبع عضو فضلنا قاعدين حوالي ساعه بعد

 الساعه دخل واحد على الضابط وبيقول له يا فندم احنا ما لقيناش اي هويه للراجل اللي اتقتل وكمان رحنا كل البيوت اللي انت اديتنا عناوينها اللي هي المهجوره ديت ودخلنا ولا لقينا شنط ولا لقينا صناديق ولا لقينا حتى الورقه اللي مكتوب عليها البومه السودا ديت فالظابط

.

 بص لنا قال لنا انتوا كده بتدوني معلومات مضلله انا اسف انا مضطر احبسكم طب احنا ما عندناش حاجه قال لنا هو الحل الوحيد ان انتم تخرجوا حاجه واحده بس ف طبعا قلنا له ايه طيب نعمل ايه واحنا هنعمله…..