في هذا المقال
يوميات فتاة في اولي الجامعه
مع أول يوم في الكلية حصلت لي مواقف لا أحسد عليها إطلاقاً، والأيام دي بتبصم في الذاكرة ومبتتنسيش بسهولة. اليوم الأول بالنسبة لأي حد بيكون مليان حماس وشغف، لكن بالنسبة لي أنا كان عبارة عن كمية إحراج وتوتر مش طبيعية بسبب غلطة بسيطة عملتها في الصبح بدري.
القصة بدأت لما اتفقت أنا وأصحابي نطلع مع بعض على الكلية عشان نشجع بعض ونبدأ السنة سوا. هما قصروا معايا في الطريق وحجزوا لي معاهم في العربية اللي هيطلعوا بيها. لكن مع زحمة الصبح والتوتر الصباحي المعتاد بتاع أول يوم، اتلخبطت تماماً وركبت عربية تانية خالص غير اللي هما حجزوا لي فيها، ومن غير حتى ما أركز مين السواق ولا مين اللي قاعدين جواه!
طبعاً الحركة دي عملت موقف محرج جداً للطرفين؛ أصحابي هناك اتورطوا مع السواق اللي حجزوا معاه وكانوا عمالين يدوروا عليّ ويشرحوا له أنا فين وعطلوا العربية على الفاضي، وأنا الناحية التانية لما اكتشفت إن أنا في العربية الغلط، حسيت بنار طالعة في وشي من كثر الإحراج قدام الناس اللي راكبين معايا والسواق.
أول ما نزلت من العربية، مسكت التليفون فوراً وعملت مكالمة لأصحابي وأنا مش عارف أضحك ولا أزعل من اللي حصل. قلت لهم بصراحة: "أنا نفسي مش عارف أنا ركبت العربية دي إزاي أساساً!". ولما نزلت لقيت نفسي في مكان غريب عليّ تماماً، وماكنتش عارفه أتحرك يمين ولا شمال، ولا عارف اتجاه الكلية فين من الأساس. فقررت إن أفضل واقف في مكاني ومتحركش خالص لحد ما هما يوصلوا لي وياخدوني، لأن لو كنت تحركت كنت هتوه أكتر.
الموقف المضحك والمحرج في نفس الوقت إن لولا وجود صديقة لي بالصدفة في المكان ودلّتني ودفعت لي فيس المواصلات، كان زماني اتدبست في موقف تاني خالص بسب الفلوس!
في الآخر، رغم إن الموقف دا كان محرج وموتر جداً في وقتها وكان يضايق أي حد في أول يوم دراسي، إلا إنه بقى بعد كدا أحسن ذكريات بنقعد نضحك عليها كل ما نفتكر بداية أيامنا في الكلية
وبصراحة بقى، بعد كل اللي حصل معانا في السنة الأولى دي والدروس اللي اتعلمناها، إحنا نتمنى من كل قلبنا إن الأيام اللي جاية تسبقنا دايماً للخير وتكون شايلة لنا كل حاجة حلوة. ونتمنى بجد إن السنة الثانية دي تعدي على خير وسلام وهدوء، من غير ما يحصل فيها أي مواقف محرجة جديدة ولا لخبطة أو توتر زي اللي حصل ده. يارب تكون سنة خفيفة ولطيفة علينا، ونحقق فيها كل اللي بنتمناه، وتكون سنة نجاح وتوفيق وسعادة لينا كلنا يارب، ونعدي كل المواد والصعوبات وإحنا مبسوطين مع بعض ديما سوا يارب
اكيد اي حد ميتمناش الموقف ده
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق