تبترت على حياتها من كثره النعم
كانت جليله وبنتها ف المستشفى ومنهارين من العياط على هلا اللي بين الحياه والموت
اه ياحببتي يابنتي ياارب استرها عليها ياارب
مروه ـ متقلقيش ياماماان شاء الله هتبقى كويسه ياماما متقلقيش
ـ مقلقش ازاي بس يابنتي واختك هلا بين الحياه والموت منه لله الكلب اللي ضربعا بالنار وعمل فيها كدا
اختك اصلا طول عمرها عايشه بكليه واحده يبقى ازاي هتعيش
مروه ـ انا كلمت زين طليقها هو الوحيد اللي يقدر ينقذها لانه نفس فصيله دمها وممكن يتبرعلها بكليتها
ـ ازاي بس يابنتي هو انتر فاكرا زين دا ايه مش بني ادم،،،، مبيحسش
مستحيل طبعا يجي ويدلها كليته
بعد كل اللي عملته فيه
اللي حصل بينهم مكنش شويه
كله بسبب الشيطان اللي دخل بينهم منه لله منه لله
مروه ـ خلاص بقى ياماما خلينا نفكر ف هلا اهم دلوقتي
جه زين وقال
ـ هلا لازم تعيش ياطنط لازم تعيش علشان ولادنا
جليله بدموع ـ معقوله يا ابني بعد كل اللي حصل بينكم دا لسه مستعد تديها فرصه تعيش
ـ محدش بيتعلم من الدنيا ببلاش وهي زهقت من كل النعم اللي حواليها وقررت تدوق طعم المر ف كاسات الدهب واديها داقته
جه الدكتور ـ لو سمحت يافندم مافيش وقت لو حضرتك جاهز اتفضل معانا علشان نبدأ العمليه المريضه محتاجه زرع كلا فورا
زين ـ انا عايز اتكلم معاها شويه يادكتور قبل العمليه ممكن
الدكتور ـ طبعا ممكن وياريت تحفزها لو سمحت لاننا ف المواقف اللي زي دي بنعتمد على التفاؤل والامل
هز براسه زين ودخل عندها وشد كرسي وبدأ يتكلم
ـ اسمعيني ياهلا ارجوكي
انا عارف ان مشاعر الحزن اللي جواكي هي اللي مسيطره عليكي بس ارجوكي قاومي
وانا هقف جمبك لحد اخر نفس من عمري وهنرجع زي الاول واحسن
ومسك اديها وكمل
بس ارجوكي عيشي ياهلا عبشي علشان ولادنا
هلا من جواها
ـ معقوله يازين بعد ماخونتك وجيت على مشاعرك لسه حنين عليا
انا انا ارخص انسانه ف الدنيا
انا عمري ماهسامح نفسي على اذيتي ليك
وتاهت ف بحر ذكرياتها
flash back
زين ـ انا مش عارف انتي مالك بس اليومين دول ديما زعيق وشخيط ف الولاد ولا طايقه دبان وشك
هلا ـ امم طبعا ما انت طول اليوم ف الشغل وانا اللي متلقحه هنا ف البيت اربعه وعشرين ساعه بين اربع حيطان
ـ طب خلاص ياحببتي بكرا اخد اجازه ونطلع انا وانتي والولاد على اي مكان نتفسح فيه وف المكاناللي تختاريه كمان
ـ اوف هو كل مااكون زقهانه تقولي خروجات وفسح انا كمان زهقت من الخروج والسفر والدلع الزياده عن اللزوم اللي احنا فيه دا
ـ ههههههه انتي غريبه اوي ياهلا كل الستات بتحلم تعيش عيشتك دا انا مدلعك اخر دلع
ـ بس انا بقى ياسيدي مش عاوزه الدلع دا خلاص زهقت منه انا عاوزه اشتغل يازين
ـ طيب ياستي عبير زميلتي ف الشغل هتفتح مشروع جديد ورشه خياطه هي اصلا طول عمرها غاويه موضه وفاشون
وبتدور على شريك ايه رأيك لو تنزاي شريك معاها وانا مستعد امولك المشروع
واهو تبقى حاجه ملكك تشتغبي براحتك وتروحي وقت ما انتي عاوزه حتى لو كسلتي ف يوم تقدري انك تباشري الشغل من البيت عادي ومحدش يتحكم فيكي لانه ملكك
ـ بجد فكرتك روعه متشكره اوي ياحبيبي ربنا مايحرمني منك ابدا
وبعد شويه دخلت كلمت عبير وقالتلها
ـ مبروك يابيرو خطتنا نجحت
ـ مش قولتلك اننا هننجح انا اقوله عالمشروع وانتي تفاتحيه ف الشغل وكنت عارفه ان زين هيقترح عليكي فكره الشغا معايا
هلا ـ الحمد لله يارب الف حمد وشكر بقولك ايه يابت انتي بتفهمي كويسف حكايه الازياء وكدا
عبير ـ طبعا يابنتي انا كنت شغاله مع واحده اسمها ام عبير وكانت اديها تتلف ف حرير
هلا ـ ههههههه ام عبير امك دي يابت ولا ايه
ولا تكونش كوافيره ولا بتشتغليني
ـ لا ياحببتي دي فاشونستا كبيره اوي
ـ طيب طيب عالبركه
عدت الايام وقدرو يخلصو المشروع
وبدأوه كمان
وف يوم من الايام
عبير ـ ها ايه رأيك بقى ياهلا ف الفستان اللي عالمنيكان دا اظن مافيش ارق ولا اشيك من كدا
ـ واووو دا فعلا يجنن والله خساره ف المانيكان بقولك ايه انا عاوزه البسه احسن
ـ ايه حيلك حيلك رايحه فين دا الفستان لسه متخيطش دا كله دبابيس
ـ اي دا بجد دا شبه الجاهز بالظبظ
ـ امم ماهي دي خدعه المنيكان
المهم انا هروح اجيب غدا من برا لاني جعانه موت بقولك ايه متلمسيش حاجه من الفستان لحد ما ارجع
ـ ماشي يابا غور يابا غور
وهلا ف نفسها ـ هه هي عبير مفكرا اني هقعد اتفرج على الفستان واقعد ساكته لا طبعا انا لازم احط التاتش بتاعي اكيد
وبدأت تشيل دبابيس وتحط دبابيس
وفجأه بصت وقالت
ـ يانهار اسود دا انا خليت الفستان
بتاع عبير شوارع يالهوي طب وانا اعمل ايه دلوقتي اجيب حد من برا يشيل الليله مكاني ولا اعمل ايه
فجأه سمعت صوت حد بيقولها
ـ ههههههه عايزه تشيلي العك دا لحد تاني لا والله دماغك شغاله
لف ولقته شاب وسيم قالتله
وانت مالك يافصيح اللسان انت
يالا يابابا لف وارجع العنوان غلط دي ورشه حريمي
دخل ببجاحه وبدأ يعدل ف الفستان وقالها ـ ها ايه رأيك مش كدا احلى بكتير من نكش الفراخ اللي عملتيه
ـ نكش فراخ انا شغلي نكش فراخ
تصدق انك واحد غتت ورز انت ايه اللي دخلك هنا يااخينا انت
هنا دخلت هلا وقالت
رامي اخويه حبيبي حمد الله عالسلامه ايه فينك يابني كل دا بعاد
ـ معلش ياحببتي انا اسف الدنيا تلاهي بس انتي عارفه بقى انا جيت علشانك اصلك وحشتيني اوي
عبير قالت اه يابكاش طول عمرك تحب تاكل بعقلي عسل وطحينه
وفجأه بصت على الفستان
ـ ها يانهار اسود ايه اللي عمل ف فستاني كدا انا مش قولتلك ياهلا مالكيش دعوه بيه صح يبقى مين اللي عمل كدا
ـ لا طبعا ياعبير ياقلبي اكيد مش انا الواد كو اللي عمل فيه كدا
رامي قالها ـ وهو اصلا كان كدا يامؤمنه
عبير ـ استنو استنو انا عاوزه اقول ان الفستان بقى احلى بكتير من الاول
هلا ـ اووو بجد اشكرك ياعبير ،،،،
انا بس حبيت احط التاتش بتاعي انتي عارفه زوقي كفنانه
عبير ـ امم وزوق رامي بردو حلو هو كان هناك ف امريكا بردو بيحب الفاشون جدا
طيب يالا بينا بقى علشان انا محضرالكم مفجأه هتعجبكم جدا
هلا ـ مفجأه ايه دي
عبير ـ وهتبقى مفجأه منين ياست
هلا اتقلي على نفسك شويه
خدتهم عبير وبعد شويه كانو ف اتيليه كبير
هلا ـ اي دا احنا ايه اللي جابنا هنا
عبير نروح نشتري فساتين الافراح للأتيليه اللي هيكون ف وجهه المشروع
يعني انا حابه اعمل اتنين ف واحد ورشه واتيليه علشان لو حاجه منهم وقعت نلاقي التانيه
عبير ـ امم حلو اوي الفستان دا انا عاوزاه يا حضرت
ـ ايوا بس دة لأجسام معينه يعني مصمم خصيصا الناس الكرفي
عبير ـ تمام هناخده بس لازن اشوفه على بنت كرفي الاول
البايع ـ انا فعلا كان عندي بدال المانيكان 2 و 3 بس هم اجازه لنهارده مع الاسف وعلشان اتصل بيهم مش اقل من ساعه ساه ونص علشان يجو المكان هنا بعيد نوعا ما عن القاهره
عبير قالت امم عندك حق و بصت على هلا وقالت
هلا ممكن تقيسي الفستان انتي جسمك كيرفي هنشوفه عليكي بس
ارجوكي بقى ياهلا هتقسيه وتقلعيه عالطول
هلا قالت ـ ايوا بس انا مش متعوده على كدا مش بحب البس فساتين الافراح المنفوشه دي
عبير قالت لا ياحببتي اتعودي انتي اصلا ممكن تبقى واجهه للمعرض
انا بتفاقل بيكي اوي
رامي لاحظ خجلها وقال
طيب انا هخش اشوف البدل اللي عنده سنييه ولا لأ
رامي سابهم ودخل جوا
وهلا قالت ـ طيب انا هقيسه وامري الى الله خلونا نخلص ونروح بقى
بعد عشر دقايق
،رامى خارج من جوا وبيقول
انت متأكد ياعم انت ان البدله دي سني
وقف الكلام ف بؤقه لما شاف هلا بالفستان وكمل ـ دا سنييه سنييييه
عبير ـ وااااو الفستان تحفه موت انتي لو اخدتي كام صوره بيه ونزلتيها انستا هتتشهري من اول 5 دقايق
رامي قال ـ طب وانا ياعبير مش هتشهر طب دا انا هليا جوز عيون
ـ ما انت اصلا مشهور هاتلي بنت متعرفكش
ـ اه في هلا متعرفنيش
هلا اتكسفت وقالت
طيب انا هدخل اخلع الفستان
عبير قالت ـ ويت ويت استنى رايحه فين
لازم اخدلك كام صوره بالفستان دا دلوقتي
ومسكت الفون وبدأت تصور ورامي جه جنيها وعبير صورتهم سوا
ـ ابعد عنها يابارد
ـ انا مش عارف ياعبير ليه كل صحابك متجوزين للدرجادي عنستي يا اختي
هلا ـ لا لا انا اللي متجوزه صغيره لكن عبير لسه ف عز شبابها
ـ طب ما انا كمان لسه ف عز شبابي
هنا بصو ف عيون بعض وعبير انتهزتها فرصه ولقطه الصوره
هلا ـ طيب انا هدخل اخلع الفستان ده بقى
عبير ماشي خلصي بقى علشان امشي
ــــــــــــــــــــــــــــــــــــــــــــــــــــــــــــــــــــ
(في البيت هلا وزين والولاد قاعدين بياكلو)
هلا ـ يالا ياولاد خلصو اكلكم علشان النهارده في سهره على فيلم كارتون وكمان في فيشار بالجبنه وهنلعب بلاي ستيشن
الولاد قالو ـ هيه هيه
سمير ـ انا بحبك اوي ياماما انتي جميله اوي
هلا ـ طيب يالا بقى بكل بكش وكمل اكلك
تلفون هلا جاله اشعار برساله وفتحتها غلقت صورتها هي ورامي بالفستان مبعوته من عبير وبتقول تحتها
ـ احلى تغفيله دي ولا ايه
ايه رأيك ف النهارده كنتي احلى حتى من عارضات الازياء
هلا غصب عنها ابتسمت
زين ـ يااااه دا الشغل طلع سره باتع اوي لو كنت اعرف كدا كنت شغلتك من زمان
هلا قفلت الفون وقالت
ـ انا فعلا مبسوطه اوي ف الشغل ياحبيبي ىبمت يارب يخليك ليا وميحرمنيش منك ابدا
زين ـ ويخاليكي ليا ياروحي وتفضلي مبسوطه كدا ديما
يالا انا هقوم انام بقى وانتي كملي سهرتك مع الولاد
هلا ـ طب ماتسهر معانا
ـ لأ عندي شغل بكرا الصبح
اه صح متنسيش سمير وايهاب عندهم حفله ف المدرسه الاسبوع اللي جاي وهيمثلو ياريت تحاولي تفضي نفسك اليوم دا علشان نروحلهم ونبقى معاهم
هلا ـ اه طبعا ياحبيبي اكيد
ـ يالا ياحببتي تصبحي على خير
ـ وانت من اهلو
خلصتو اكي مش كدا طب يالا بقى قومو اغسلو اديكم كويس واسبقوني على اوضتكم يالا
الولاد سمعو الكلام وراحو اوضتهم وهلا عملتلهم الفشار وبدأو سهرتهم
وهم قاعدين هلا جاتلها رساله
فتحتها وكانت من رامي
ـ متعرفيش دوا يخليني انام اصلي من ساعت ماسبتك وانا عمال افكر فيكي
هلا قالت ـ بسيطه قوي انت قوم هات حله تقيله واغبطها على دماغك هتنام علطول
ـ لا انتي فهمتي غلط انا عايز انام مش عايز اموت
ههههههههههه
ـ طيب روح نام بعيد عني
ـ لا مش هنام انا هفضل افكر ف الشغل لحد بكرا الصبح واشوفك
هلا ابتسمت ومردتش
ومن اليوم دا بدأو يتقربو من بعض بطريقه غريبه وبقو يحسو بمشاعر غصب عنهم
وف يوم من الايام هلا كلمت زين وقالتله
ـ ايوا ياحبيبي بقولك ايه انا النهارده هسهر شويه ف الشغل انت عارف بقى قربنا على افتتاح الاتيليه ولازم اخلص شويه حاجات مهمه لزوم التجهيز ممكن بس تعشي الولاد كويس وتنيمهم
زين ـ انا ملاحظ ان الشغل اليومين دول بقى واخد كل وقتك ياهلا
لدرجه انك اثرتي ف بيتك ومع اولادك
عالعموم ربنا معاكي ياحببتي وتوصلي بالسلامه ان شاء الله
هلا ـ معلش يازين استحملني بس اليومين دول واوعدك الفتره الجايه ههتم بيك انت والولاد اكتر من اي حد
زين قال ماشي ياحببتي سلام
هلا قفلت معاه ولفت وشها لقت رامي بيرمي عليها ورد
هلا ـ هههههههه ليه كدا يارامي اخس عليك انا فعلا اتخضيت
رامي ـ لا عاش ولا كان اللي يخضك ياقلب رامي
ونزل على ركبته وقالها
هلا انا خلاص مبقتش قادر استغنى عنك احنا صحيح بقالنا شهر مع بعض بس حاسس اني اعرفك من سنين كتيره
هلا انا بحبك ❤بحبك اوى
هلا قالت وانا كمان بحبك يارامي وبردو مبقتش قادره استغنى عنك
لدرجه اني بقيت بهرب من البيت واقعد ف الشغل اطول وقت ودا لاني مش عايزه اسيبك ولا اضيع لحظه من عمري غير معاك انت
رامي طب والحل انا حاولت ابعد عنك لكن مش قادر
هلا انتي لازم تسيبي جوزك ونتجوز طالما بنموت ف بعض كدا ايه لزومه البعاد
هلا ـ طب وولادي
ـ ولادك خديهم من زين اعتقد ان عمره ماهيبعدك عنهم وهيبقو جوا عنيا انتي بس حاولي تتطلقي منه ف اسرع وقت
هلا ـ حاضر يارامي هحاول اخلص الموضوع بسرعه على قد ما اقدر
والنهارده هكلمو ف الطلاق
ـــــــــــــــــــــــــــــــــــــــــــــــــــــــــــــــ
هلا روحت البيت لاقت النور مطفي وفجأه نور مره واحده
زين حضنها وقالها ـ كل سنه وانتي طيبه ياروح قلبي وعقبال سنين كتير لينا مع بعض
بصت حواليها ولاقته متزين بطريقه جميله جدا
قالتله ايوا بس النهارده مش عيد ميلادي
ـ النهارده عيد جوازنا ياهلا بقالها 6 سنين مع بعض
ست سنين مرو ف هدوء وسعاده
ست سنين وكل يوم حبي ليك يزيد يوم عن يوم لدرجه اني بقيت عاشق انفاسك
هلا ـ احمم اومال فين الولاد
ـ بذمتك دي لحظه تستحق انك تسألي فيها عن الولاد
الولاد ياستي عند امي وانا اللي حبيت اعملك المفجأه دي
ايه رأيك عجبتك
هلا بعدت عنه وقالت
زين انا عاوزه افاتحك ف موضوع ولازم نلاقي حل انا فكرت كتير وبكيت اكتر
وطبعا البكى مش هيحل دا هيعقد اكتر
زين من دون مقدمات انا عايزه اطلق لو سمحت طلقني
زين ـ دا اكيد مقلب ماقبل الهديه مش كدا
ـ زين انا مش بهزر وياريت متستهترش بمشاعري
ـ اي مشاعر؟!؛ انتي عاوزه تفهميني انك بتتكلمي جد دلوقتي
طب ليه ليه عاوزه تبعدي عني
ليه عاوزه تخربي البيت اللي بقالنا 6 سنين عايشين فيه
عاوزه تحرميني من ولادي وتشتتيهم
انا حاسس اني بحلم ياريت بجد دا يكون حلم او كابوس واصحى منه الاقيكي نايمه ف حضني ومافيش حاجه وحشه
هلا بدموع ـ مع الاسف يازين دي حقيقه مش حلم انا انا بحب واحد تاني مش عارفه حبيته امته وازاي بس حبيته وبجد مش طايقه انفاس غير انفاسه مش عايزه من الدنيا الا هو
انا بقيت بعشقه يازين مش بس بحبه
زين ضربها بالقلم جامد على وشها لدرجه انها وقعت عالارض
ـ لاول مره من ست سنين امد ايدي عليكي
اه لو تعرفي انا شايفك ايه دلوقتي
انتي من عشر دقايق كنتي ف مكانه ودلوقتي بقيتي ف مكانه تانه خالص
انا بجد كرهتك يارتني ماحبيتك يارتني
هلا انتي طالق
روحي اتجوزيه وعيشي حياتك ولو مش عاوزه الولاد انا هاخدهم
ـ لا يازين ارجوك انا مقدرش اعيش من غير ولادي
ـ والاولاد كمان ميستغنوش عنك خلاص الولاد هيكونو معاكي
ومتقلقيش محدش من العيله هيهاجمك هقولهم انا قررت اتجوز تاني وهلا موافقتش ودا حقها
قالها كدا وسابها ومشي
هلا اتصلت ب رامي وقالتله
ـ رامي انا خلاص اطلقت من زين
وبقيت حره بس بس حاسه اني بعمل حاجه غلط
رامي ـ لا ياحببتي انتي اللي عملتي دا عين العقل
تلت شهور بالكمال والتمام نكتب كتابنا
يالا انا هقفل دلوقتي وهروح اجهز الشقه والعفش
قفل معاها وبص لاخته
عبير ـ ياااه دا انا كنت مستنيه المكالمه دي بفارغ الصبر واخيرا زين طلق هلا
اخيرا زين رجعلي من تاني انا هعمل المستحيل علشان ارجعه ليا واتجوزه
رامي ـ يااااه ياعبير عملتي كل الخطه دي علشان حبك لزين
عشتي لحد التلاتين من غير جواز حفاظا عالحب دا
ـ اسكت يارامي اصلك معرفش زين
زين دا راجل ولا كل الرجال
زي انسان محترم وجدع
راجل ميتسابش من الاخر
خو اللي ارتبط بواحده معرفتش قيمته بالرغم من كل اللي عمله علشانها
زين انا عمري
ماهحب غيره لان اصلا مافيش زيه
وانت يارامي تم جميلك معايا للأخر واتجوز هلا وعيش معاها زي ما انت عاوز بس المهم متسبهاش مش عاوزه زين ياخد اي فرصه ف الرجوع ليها
عاوزاه يبقى ليا انا لوحدي
ـــــــــــــــــــــــــــــــــــــــــــــــــــــــــــــــ
عدت الايام ورامي بدأت معاملته تتغير ليها لدرجه انها شكت ان ممكن يكون في حد تاني ف حياته غيرها
وققرت تفتش تلفونه وطبعا شافت الرسايل اللي بينها وبين اخته ف الاتفاق القديم اللي كان بينهم واللي هو يطلقوهم من بعض وعرفت ان دي كانت مؤامره ضدها هي وزين
قعدت وقالت
ـ يعني ايه يعني كل دي كانت خطه بينه وبين عبير اخته
يعني انا اضحك عليا لحد اما خسرت زين خلاص
دخل رامي الاوضه ف لقاها ماسكه تلفونه
قالها اي دا انتي بتعملي ايه ف تلفوني وازي تمسكيه اصلا انتي مجنونه
ـ انا مجنونه فعلا علشان صدقتك ومشيو وراك
وانت واختك طلعتو اوطى من بعض وعملتو خطه رخيصه علشان اختك الحيوانه تاخد جوزي مني
بس انا مش هسكت انا لازم انتقم منك ومنها
عبير دخلت وقالت
مش هتلحقي ياهلا صدقيني مش هتلحقي
زين خلاص مبقاش من حقك
زين دلوقتي بقى بتاعي انا
حتى لو وسلت معايا اني اقتلك هعملها ولا انك تاخدي زين تاني مني
هلا ـ انتي بتهدديني ياعبير
طب ايه رأيك بقى ان انا هرجع لزين احنا اصلا العده بتاعتي مخلصتش وهرجعله وهو هيسامحني لانه بيحبني
عبير ـ مش دا اذ عشتي اصلا
رفعت عليها مسدسها
رامي ـ اي دا ياعبير انتي اتجننتي
هتودي نفسك ف داهيه
ـ انا كدا كدا ف داهيه يارامي البيه ليه بيحبها وبيفكر فيها
من ساعت ما اطلقو وانا عماله اعمله اللي ميتعملش وحضرته بيفكر فيها ومش قادر ينساها
فعلا الراجل لما بيحب بيكون اصعب بكتير من الست
بس انا بقى مش هسمح بدا
مش هخليهم يتهنو ببعض
وهقتلها لان مافيش حل تاني غير القتل يمكن لما تموت يبص ف وشي
وخرجت طلقه من مسدسها وجت ف كليه هلا
ووقعت من طولها
رامي قالها ـ انتي عملتي ايه كدا هتروحي ف داهيه
لازم تهربيي فورا ولازم انقذ حياتها لامها لو ماتت هتاخدي اعدام عليها لو الشرطه وصلتلك
رامي اتصل بالإسعاف وهرب كمان مع اخته
فاقت من الغيبوبه اللي كانت فيها ولقت زين نايم ف السرير اللي جمبها وبيقولها
حمد الله عالسلامه ياهلا يااه اخيرا فوقتي من العمليه
هلا قالت ـ اي دا هو انا ازاي عشت انا بكليه واحده بس
امها قالت
البركه ف زين يابنتي هو اللي ادالك كليته
هلا بصت لزين بدموع
ـ زين زين سامحني ارجوك
زين قالها
هشششش انا عرفت كل حاجه
وعبير دلوقتي اتقبض عليها هي واخوها
انا شوفت كل حاجه حصلت من كاميرات المراقبه اللي كانت عندكم ف المشروع
هلا قالت ـ يعني انت كدا سامحتني يازين
زين قالها ـ من اول يوم عرفتك فيه وانت شايفك بنتي
وبنتي لما تغلط وتعرف غلطها وتندم لازم اسامحها على كل اللي عملته
وعلى رأي اسماعيل ياسين
العفو عند المقدره
زين وهلا رجعو لبعض من تاني وعاشو حياه هاديه ومستقره وهلا رجعت تحب زين من تاني اكتر من الاول
وتوته توته خلصت الحدوته
