اسطورة حورية البحر
كيكفم .. يارب تكونوا بخير
طبعا كلكم عارفين عروسة البحر وأغلبيتنا شافها في أفلام ومسلسلات والناس اللي بتشوف كوري
أكيد شافت Legend of the Blue Sea أو أسطورة البحر الأزرق
ماعلينا بقا من ( لي مين هو و جون جي هيون أنا جاي أقولكم علي معلومة خفيفة وهي مين أول عروسةبحر ؟؟
كل اللي عليك أنك تجهز كوباية الشاي الهادية و اللطيفة وتقعد تقرأ
في قديم الزمان وفي سالف العصر والاوان قبل ان يكون للزمان زمان
كان فيه بنت جميلة تدعي أتارجيتس وقعت في حب وغرام حداد فقير غلبان وقرروا أنه يتزوجوا …..وبالفعل كان زواجا مباركا وسعيدا ومتفقين علي الحلوة والمرة مع بعض وأنجبت منه فتاة مشهورة جدا ذاع صيتها وممكن يكون كلنا عارفينها وهي سميراميس ومعني اسمها طائر الحمام وكانت لها شخصية قوية وذكاء حاد
اللي أصبحت فيما بعد الملكة الأشورية المعروفة اللي كانت دماغها عبقرية من تخطيط ومعارك وخلافه ( نبقي نتكلم عليها بعدين )
المهم بقا وهي مع زوجها وكانت الحياة لطيفة فجأة حصل خطأ وتسببت في موته ( مش عارف السبب الحقيقة )
ومرت الشهور وهي مش قادرة تعيش بالذنب دا أبدا وفي نفس الوقت مش متخيلة الحياة بدونه ولا مع شخص تاني فقامت رمت نفسها في قاع البحر وماتت ودفنت معاها جمالها الي الأبد
الألهة معجبهاش الوضع دا وقررت أنها تفضل عايشة لأن حرام الجمال اللي مالوش مثيل دا يندفن في قاع المحيط فرجعتها للحياة تاني جميلة لكن ملعونة .. ياتري إيه اللعنة ؟
هقولك ... جزاء ما رمت نفسها في البحر هتعيش شكل اللي عايش في البحر سمكة يعني لكن هيفضل وجهها ونص جسمها اللي فوق دا شكل ماهو
وممنوع تخرج الي البر
وممنوع تحب أي بشري لأنه هيموت
ومن هنا كانت أول أنسانة بذيل سمكة هي ATARGATIS وأصبحت الألهة المعروفة للحب و الخصوبة شكل الست أفروديت في اليونان
دي كانت أصول الأسطورة التي أتطورت في الأدب العربي والكل بدأ ياخد منها حكايات وروايات
بس كدا يا أولاد قولت أقولكم معلومة علي السريع كدا
دمتم بخير
