قررت اني مش هتجوز علي مزاج مرات اخويا.. انا هقعد علي قلبهم. الجزء الاول
قررت أني مش هتجوز على مزاج مرات أخويا.. أنا هقعد على قلبهم 😔
أنا اسمي (سارة)👩💼، عندي 35 سنة بس لسه أنسة متش.. لأني كنت بحب واحد زمان وأخويا رفض أني أتجوزه رغم أني كنت شايفاه مناسب ليا ورغم أنه اتقلي كذا مرة وفي كل مرة أخويا يرفضه لمجرد إن مراته مش موافقة وهو ميقدرش يعارضها كلمة.. أنا كمان قررت أني مش هتجوز على مزاجهم وأني هعيش كده على قلبهم زي مارفضو حبيبي 😞
أخويا (أحمد)🧔، متجوز مراته (رحمة)👩 من أكتر من عشرين سنة.. هي اسمها رحمة بس معندهاش رحمة.. ربنا رزقهم بتلات بنات 👧👧👧، كلهم طالعين نسخة من مامتهم
وطبعًا أخويا مش شايف فيها أي عيب، بالعكس ده شايفها ست الحسن والجمال الأصيلة الخدومة وكتير خيرها إنها مستحانية عايشة معاه السنين دي كلها من يوم مات أخوية 😇
طبعًا أنا عايشة معاهم وشايفة تصرفاتهم طول الوقت، ولما بتكلم، مش بيعجبهم كلامى وبطلع أنا الغلطانة في الأخر 😒
من فترة قررت أعيش في حالى، أروح شغلي وأرجع المغرب، أدخل أوضتي مخرجش منها غير تاني يوم وأنا هاروح الشغل 😌
من فترة كنت واخدة إجازة طويلة شوية من شغلي وقعدت في البيت 🏠
بدأت الأحظ من فترة إن رحمة طول اليوم ماسكة الموبايل 📱 وبتتكلم بصوت عالي وتضحك ضحكات غريبة 😂.. ولاحظت كمان إنها
كل كام يوم بعد ما أخويا يفطر وينزل شغله الأقيها بتتشيك وتحط ميك أب 💄 كأنها رايحة فرح وتنزل مترجعش غير قبل معاد أخويا بوقت قصير.. وطبعًا لو اتكلمت محدش هيصدقني ..
وأحمد أخويا دايمًا فاكرني عايزة أوقع بينه وبين مراته علشانها رفضت حبيبي زمان ومش بيصدق أي كلمة بقولهاله عنها.. قررت أراقبها بنفسى .. وفعلاً مشيت وراها يوم من غير ماتحس.. لقيتها دخلت عمارة وقفت استنيتها لقيتها نزلت بعد تلات ساعات ومعاها راجل معرفوش
.. والله عالى بتقابلى كمان؟ مش كفاية طول النهار بتكلمى على الموبيل .. بس العىب مش على رحمة، العىب على أخوية 😔
رجعت البيت وأنا مش عارفة أعمل إيه؟ أسكت؟ يبقى عيب في حقي وحق أخويا إن مراته تبقى بالأخلاق دي.. ولو حكيت لأخويا مش هيصدقني .. ولو واجهتها هتشت وتتخانق معايا .. ومش بعيد تشتكي لأخويا وأخويا يقف في صفها ويغلطني .. 😔
عدي كام شهر 📆 وأخويا أخد مراته وراح لدكتور يكشف عليها علشان عايزها تحمل للمرة الرابعة علشان نفسه في ولد 👶.. وكانت المفاجأة اللي غيرت حياتنا كلنا.
الدكتور طلب تحاليل من أخويا ومن مراته .. وكانت المفاجأة إن أخويا مستحيل يخلف أو يكون خلف قبل كده.. طبعًا أخويا بقى زى المجنون.. يعنى إيه مستحيل أكون خصى .. أومال البنات دول بنات مين؟ 😱
أكيد الدكتور ده مش فاهم حاجة.. ومسك في الدكتور كان هيلولى لولى الناس حاسدين .. ومراته قالت له أكيد أختك اتفقت مع الدكتور يقول لنا كده علشان توقع بينى وبينك.. 😒
