قصه حب جميله في غايت الروعه اتفرج وتعلم
كنت فالصالون حتي لقيت التليفون يصوني لقيت.. الو وي..ااحبيبي واش راكي دبري..والو رانا مڨصرين... روحي مالا وجدي روحك اني قريب نوصل... وين رايحيين.. منبعد تعرفي ايا خفي..كوبا.. شكون ايمن؟؟ ايه قالي وجدي روحك انا مفاهمة والو.. نوضي وجدي روحك.. اصبري نجي معاك.. طلعنا خيرتلي واش نلبس ودارتلي شوية مكياج..كي كملت عاودلي باش نخرج.رحت خبرت عجوزتي بلي خارجة..بقاتلي علي خير..تموت بالسعادة كي تلقي ايمن يتهلي فيا...خرجت لقيتو مڨاري برا الباب لكبير..طلعت بقي يشوف معايا.. شبيك تشوف فيا هكدا.. اية فالجمال ونتي تقولي علاه راك تشوف.. حطيت راسي.. قلع طريق كوبلي وهو داير لغناء ويعاود موراه صح زهواني للخر.. حتي لقيتو حبس.. كي شفت هداك البلوك خليقتي تقلبت.. علاه جبتني هنا.. ملاك اتكلماي صاي.. قتلك انساي وهاد الدار تاعي وباينة نجو ليها.. شغل معجبنيش الحال.. فاقلي بلي تفكرت لي فات جبدني عندو وعنقني.. ياعمري علاه راكي ديري هكدا كي قتلك انساي راني عارف واش راني نهدر ومش كل حاجة دزيد تفكرك فلي فات.. علابالي مي علاه جبتني هنا.. جبد روحو.. اهبلي تعرفي... هبطنا وطلعنا فتح الباب وغمضلي عيينيا.. مشاني شوية.. عاود نحي يدو.. بقيت مخلوعة الارض مفروشة بالاوراق هذوك تاع الورد كاين الطبيعي والاصتناعي احمر . ابلافو مزين بالونات ببن الابيض والازرق.. كلش يشعل.. شفت فيه.. قدمي علاه خايفة.. نمشي ومترددة نخسر الديكور.. شفت من باب الكوزينة لاتارت بلو منعرف واش مكتوب فيها والطابلة معمرة من كل خير..زدت قدمت لشمبرة.. شرعت عيينيا فيها.. كلش روج وبالونات قلوبا.. باطة كبيرة محطوطة فوق البونك.. قدمت حليتها.. ديزابيي فالابيض يهبلو.. شفت فيه متكي عالحيط.. بقي يثقب فيا بنضراتو الحادة يسني فردة فعلي.. حطيتهم.. شفت بزاف ساشيات محطوطين عالارض.. بديت نجبد فالحوايج.. جاب لوليدنا قشاوش يهبلو تمنيت نولد فهاديك الدقيقة تالمو تحمست ڨراف..
كل مانجبد حاجة نلقي حاجة خير منها.. ولاو دموعي يطيحو تاثرت صح.. حسيت الدنيا ضحكتلي ولاتلي الفرحة بعد ما فقدتها.. قدم عندي.. حظني ماللور وحط يديه علي كرشي.. علاه اكي تبكي اه.. انا كي جبتك هنا حبيتك تضحكي تفرحي تنساي لي فات مش تبقاي ديما مع غارقة في دموعك.. دورت عندو وعنقتو.. اول مرة نبادر باابوسة.. معرفتش كيفاه بصح كنت نعبر بيها علي فرحتي وسعادتي وحبي ليه ..نهار هداك فات ولا فالاحلام... تعشينا وقسمنا هاديك لاطارت تصورنا.. درنا حالة بالضحك..والتمسخير شبعنا لعب كي دراري صغار..لحق الليل كنت خايفة منو.. لكن نحالي هداك الخوف.. فاتت ليلتي معاك كانها اول مرة لينا.. رحت معاه لعالم غير انا وهو.. حبيتو من حضني ميخرجش.. عشقت فيه تاع الصح..
فاتو شهور عشت لي في حياتي مجا في بالي نعيشو.. ايمن غرقني فحبو وعشقو ليا يزيد يوم بعد يوم...كرشي كبرت حملي تعبني بزااف.. رجليا تنفخو.. والحريق دار فيا حالة..كنت فشهري الثامن قريب ندخل فالتاسع... كان وقتها الربيع..كان مزال بارد الحال.. ايمن خدام.. بقيت ندور فالشمبرة حسيت روحي بردت.. رحت دخلت تحت الكوات ثاني مزالني بردانة.. كيما درت مقدرتش نسخن... فات هداك نهار نترعد مالبرد درت في بالي مالجو ... حتي لليل دخل ايمن لقاني متكورة وعرام زاورات فوقي.. شاف فيا وحط يدو علي جبهتي .. وشبيك ملاك بردتي.. درتلو براسي.. نوضي نديك لسبيطار راكي بالحمة.. لالابردت برك.. قتلك نوضي من وقتاه ونتي هكدا.. مالصباح ضرب في راسو.. وعلاه معيطليش مخبرتنيش اه.. سقمني ولبسلي ومشاني لطنوبيل.. واناسناني يضربو في بعضاهم.... قلع طيارة لسبيطار.. كي دخلنا شافوني.. ديراكت عيطو لومبلونس تمتم.. جبدو ايمن علي جيهة منعرف واش بقاو يهدرو معاه.. ولا وجو زرق.. زاد شوية جا عندي.. واش كاين علاه وجهك مخطوف هكدا.. واش قالولك...والو برك قالولي كان لازم عليها دجي صباح لازم تولدي...بصح مزال مادخلت 9 شهور..هادا ماقالولي مكان والو نتي متتقلقيش ديري كيما راهم يقولولك وخلاص.. شغل مامنتوش.. متوتر وخايف.. طلعوني فلومبيلونس.. ولا قلبي يخبط مالخلعة اول مرة نطلع فيهاواحد الخوف ولاو دموعي شلال.. مخلاوهش يطلع معايا تبع مورانا... بالطنوبيل... دارولي اكسيجان وواحد لخيوط في صدري.
لحقنا لسبيطار بريفي..لقيناهم ديجا يساو فيا نحاولي قشي ودخلوني لوحدة الشمبرة معمرة اجهزة.. ركبولي سيروم.. وعمروني خيوط في صدري وكرشي وهادوك الاجهزة يصونيو فوق راسي.. وانا راسي يوجع وتقريبا دايخة حسيت ديجا..زاد عليا الحال.. نشوف الفرمليات داخلين خارجين عليا.. محسيت بوالو منعرف شحال غبت عن الوعي.. لقيت دارولي الاكسيجان.. شفت واحد الطبيبة فوق راسي... نحيت هداك(نسيت اسمو) باش نهدر معاها.. خليه متنحيهش مدام..راحت باش تردهولي شديتلها يدها... علاه راني هنا واش كاين واش هاد الخيوط.ياك مزال وقتي باش نولد. صارحيني تعيشي وليت نبكي.. مكاين
