خاتم الدجال ولعنه من الجحيم رعب

::::::::::::::::ومن هناتبداءالقصه: :::::::::::::::::::::اسكت بقا وساعدنى  الراجل ده كان اسطوره كان دجال والناس كلها بتخاف منه شوف دلوقتى بقا ايه جثه ميته هات الكشاف ده كده على وش الدجال ده لما نشيل اى حاجه معاه سنه دهب ولا خاتم ولا اى حاجه  ايه ده هو ماله شكله عامل كده ليه  ده عينه مبرقه اوى وشكله بيبص علينا  ياحسن  انتا جبان اوى ياخليل اول مره تخاف كده اجمد شويه بص انا هقفل عنيه بايدى اهو  كده غمض عنيه  يانهار اسود ياحسن ده فتح عينه تانى  يلا ياخليل نهرب من هنا ده بينهم ملعون فعلا والحاجات دى حلال علينا  انا نسيت اعرفكم بنفسى  انا اسمى حسن عندى 30 سنه وصحبى خليل ف نفس سنى  احنا شغالين مع بعض  نباشين مقابر اللى ميعرفش يعنى ايه نباشين مقابر يعنى حرميه الاموات  بنكسر القبر ونسرق اى حاجه  ونهرب بس بدانا نتعرف والناس بتجرى ورنا واتحبسنا كتير وبقينا معروفين ف المنطقه دى خليل اقترح عليا  نهرب لمكان تانى  وبعد.يومين الحاجه اللى كانت معانا من سرقت الدجال كانت اتباعت معاده  خاتم كبير عليه حجر اسود من فوق ونقوش غريبه وفيه حاجه زى درج صغير فاضى  هو فضه بس شكله يخوف دايما بيكون سخن اول ماتلبسه انا شيلته وحطيته ف المحفظه من ساعت ما شيلته ف المحفظه وهو جابلى الفقر والنحس والكوابيس والعصبيه واالناس بقبت بتكرهنا وبتجرى ورنا قبلها كنا شغالين  يلا المهم سيبنا القريه ورحنا قريه تانيه  ف القريه دى شوفنا راجل عجوز ومعاه طفل صغير وبيقوله يلا نصلى العصر وبعد الصلاه هجيبلك حاجه حلوه  الواد بصله وقاله ماشى ياعم الشيخ قربت منه وقولتله لو سمحت ياعم الشيخ  انا غريب مش من هنا وعاوز اسالك على المقابر اللى هنا فين  قالى تعالى الى نصلى وبعد الصلاه هقولك على المكان  وفعلا دخلنا المسجد وكنا اول مره  انا وخليل ندخل نصلى   وبعدها قالنا انا ابقا تربى القريه هنا  حضرتك عاوز ايه من المقابر عاوز تزور حد ف المقابر  لقتنى بقوله  انتا اسمك ايه ياعم الشيخ  قالى اسمه حسان  وشكله كان خمسينى وسمين شويه  ولما سالنى هتزور مين فوالمقابر  قولتلو  لا انا كنت جاى ادور على شغل  وانا وصحبى خليل اشتغلن كتير مع الموت  بنغسل الموتى ونكفنهم  ودى كانت شغلتنا  لقيته قالنا انتم منين وهتقعدو فين  قلنالو من بعيد وملناش مكان هنا ننام فيه  قالنا تعالو معايا  ومشين شويه كتار وفوتنا من جوه المقابر وصلنا لبيت صغير على اخر المقابر وقالنا ده بيتى عايش فيه لوحدى  ولقيته طلع حلاوه من جيبه وادها لطفل وقاله ابقا تعالى كل يوم المسجد صلى وهديك حلاوه زيها  الولد اخد الحلا وه وكان فرحان  ومشى ودخلنا بيته  كان غرفتين فوق بعد وحمام صغير تحت  دورين بس غرفتين فوق بعد بيت صغير اوى قالنا انا هنام فوق وانتم نامو ف الغرفه اللى تحت فيها حمام  انتم ضيوفى لحد متلقو مكان تعيشو فيه  وبالنسبه للشغل  شغلكم عندى انتم جيتو ف الوقت المناسب  علشان تمسكو انتم الشغل هنا علشان انا مسافر قريب اوى  لقتنى بقوله مسافر فين  قالى يابنى هسافر عند ربنا هموت  عندى مرض خبيث ومش هعيش كتير  المهم انتم تكون مخلصين ف عملكم الناس هنا كلهم طيبين  وفعلا واضح انه راجل طيب  وبليل نمنا ف الغرفه  وبليل لقيت خليل صحبى  بيمشى وهو نايم وبيخبط دماغه ف الحيطه قمت فوقته وقولتله انتا بتمشى وانتا نايم  مردش عليا وخرج بره الغرفه وهو ساكت  وفضل ماشى ف المقابر  وقعد.على ركبه قدام ترعه صغيره عباره عن رشاح لصرف الصحى للقريه  وفجائه شوفت حاجه زى تعبان ضخم طلع من الترعه دى وقرب منه  واتلف عليه وبعد لحظات لقيت خليل ورايا بيقولى انتا بتعمل ايه هنا  لقتتى بقوله انتا ازى هنا  انتا هناك اهو لقيته قالى انا قدامك اهو ومفيش حاجه انتا بتبص على ايه اصلا  المهم اخدنا بالنا ان فيه  حاجه فعلا بتمشى ف المايه واختفت فجائه  خليل بصلى وقالى امسح الدم الى. نازل  من منخيرك ده  وفعلا منخيرى بتنزف دم كتير  بعدها بلحظه اغم عليا  فوقت لقيت نفسى واقع ف المقابر ومفيش حد جمبى قمت علشان ارجع غرفتى تانى  لقيت خليل نايم ف سابع نومه  صحيته وقولتله انتا ازاى  تسيبنى وتمشى لما انا اغم عليا  قالى اغم عليك امتى انا كنت نايم اصلا  ولسه انتا مصحينى دلوقتى  انا اتصدمت وبان على وشى الصدمه  وخليل قالى هو ايه الىى حصل انتا قلقتنى  سكت وانا سارح ومصدوم  ورجع نام تانى  وانا نمت والصبح عم حسان قالنا  نمتو كويس لسه خليل هيحكى بس انا لحقت وقولتلو اه تمام  بص لينا بخبث وقالنا النهارده ان شاء الله  هجيبلكم شغل  بس اللى يكلمكم قولوله انكم قريبى من البلد وجايين تزورنى  وبليل خليل خرج يشرب سجاير بره وانا نايم جوه سمعت صوت خبط تحت السرير زى مايكون فيه حاجه بتسحف وتخبط ف السرير  وببص تحت السرير ملقتش حاجه  رفعت دماغى لقيت خليل واقف قصادى وبيقولى بكل خوف ورعب الخاتم ياحسن ملعون  والمكان ده ملعون تحت السرير ده فيه  عدة دجال متقربش منها  وسابنى وخرج بره  خرجت وراه لقيته قاعد لسه بيشرب ف السجاير قولتله انتا قولتى ايه من شويه  قالى انا مقولتش حاجه منا قاعد اهو قدامك حسيت انه فيه حاجه مش مظبوطه بتحصل دخلت الغرفه وبصيت تحت السرير لقيت صندوق صغير ملفوف بجلابيه  ومستخبى فتحته لقيت فيه خاتم شبه اللى معايا بالظبط  وفجائه لقيت عم الشيخ حسان واقف قصادى بيقولى  كنت عارف انك هتوصل بس انتا اخدت وقت كتير اوى انتا عارف انك هنا من سنه  كامله وانتا وصحبك الحراميه  كشفتو نفسكم لما لبستو الخاتم  الملعون ده ::::::::::النهايه: :::::::::